Cikël me Poezi

[deti_bajri]

NATA



Sa larg kam mbetur në varreza,
Degëz e tharë nga era,
Të ftohtët më cingrisi veshët
Të vdekurit më shohin si vreri….

……………………………

Ka, po ç’ka në varresa,
Degëz e tharë nga era,
Të ftohtët më cingrisi veshët
Të vdekurit më qeshin si vreri!

[dikeafajtore]

Hi, po e vazhdoj une pak kete...

Ka, po ç'ka ne varreza
Jete dhe vdekje te ngrira
pengje , komplote, hekura
Dashuri te nxira...

Ata te vdekurit qe qeshin si vreri, veshtire mos me dalin ne enderr...Dikea me faje

[deti_bajri]

Une nuk jetoj ne Kryeqytetin e Flluskes se Sapunit, perkundrazi, ky qyteti ku jetoj une vertet ka shume fantazma...qe ecin dhe qeshin si VRERI. A po vjen me mua ti vrasim? Dhe neser prap do bjere shi me diell.
Faliminderit DIKEA

[deti_bajri]

Disku

Ah si sillet rrotull bota,
Si nje disk i madh muzike.
Si nuk behet copa-copa
Nga acar i kesaj dite.

Oh si fryne kjo ere e ftohte,
Neper sy e neper zemra,
Na ka thare, na ka bere kocke
Sy pa gjak, e gjak pa endra.

Po do te vije nje dite PENDIMI
Ne mekate do te jete bota,
Si nje disk i keq muzike
Do te behet copa-copa!

Si feniksi do te rritet
Nga germadhat serish bota
Le te vije pra ai mengjes
Kur do behemi copa-copa...

[Fiori]

Na ka thare, na ka bere kocke
Sy pa gjak, e gjak pa endrra.

Deti Bajri po u jep nje kuptim tjeter poezive me rime. Jo vetem rime por dhe me kuptim. Me pelqeu shume poezia jote.

[dikeafajtore]

E re kjo? Na ler te marrim fryme...)))
Me pelqeu shume, sidomos:

Le te vije pra ai mengjes
Kur do behemi copa-copa...

Dikea

[deti_bajri]

Triptik

DASHURIA I



Pak lule gjeth e krend,
Dhe tokë të ngrohtë së thelli,
Të mbledhur në kuvend.

Në mbrëmje do bjerë shi
Kraharorit të zbuluar,
Dhe zjarrit do të shuaj

Më bëre si manari
Në gjirin si altari
Të trupit – bukuri

U treta me dy lot
Në gjakun tënd të ngrohtë,
E mira Dashuri.


DASHURIA 2



E mira dashuri
Jam ngrohur veç me ty
Në ditën e përhimtë.

Dhe pjerrtas ka qenë moti
E mira dashuri
Kështu ka dashur Zoti.

Po unë i marrë në eshtra,
Jam hedhur në humnerë
Drejt vdekjes si guak!

Por prapë më zgjase dorën
Në ditën e përhirtë
E mira dashuri.



DASHURIA 3


Drejt vdekjes si guak
Me sy të lemerisur
Udhëtuam të dy tok.

Po digjet Manifesti
Me pleq të kollarisur
Dhe plaka veshur shik.

Makina hungërima
Bredhin si rrufe
Pa fare dashuri.

Përmbys në barë të njomë
Plagosur me një plumb
Unë rashë në gjoksin tënd.

Dhe pleq të kollarisur
Mblidhen në Tribunë
E bëjnë Nekrologji.

Si zjarri ndizem prap
Në trupin lakuriq
E mira Dashuri.

[denku]

Me ne fund nje tjeter poet/e qe e lexon me kenaqessi .Urime Deti Bajri.
Pershendetje!!!!!

[Loti i shpirtit]

Ju uroj mireseardhjen ne kete forum Bajri,dhe ju pergezoj per poezite!Ju vini nga nje treve(duke u nisur nga mbiemri juaj),e cila ka dhene perhere poete te njohur,nga nje treve e cila me te vertete te jep frymezim me bukurite e saje,me njerezite e saje.
Ju uroj suksese ne rrugen tuaj!...................Loti

[macia_blu]

kam qene 5 vjec kur shkova ne varre
pa e ditur se atje fle vdekja jone e meparshme.
pa mundur te besoj se fle vdekja jone e mepastajshme.
kam shkuar cdo stine atje...
i kam pergjuar te gjitha emrat...
te gjitha pllakat i kam prekur ...
me duart e shiut...
Heren e fundit shkova ne megjes ne varre
qe te merrja borxh nje grime paqe
te heshtur.
Tani me paska marre malli
per veten time te vdekur...

Duke dashur te uroj -detin- per poezine."Nata"