Rama: Ne 10 tetor protesta ne shesh kunder qeverise Berisha

[drenicaku]

Edi rama po me duket si me kan i droguar,kur po fillon sharjet ai po e kalon kufirin shume i pa kultur,ai po mendon qe me keto ofendime po fiton diqka,a ka kush more me i tregu qe veq qka po humb me kete fjalor te ndyr,me se keq femija kur po e ndegjojn.
Jan mesu femija e lagjes e po shajn njejt si edi rama,a nuk eshte mjerim ky"njeri"

[digital]

Sapo ka perfunduar emisioni i pare i ketij sezoni "Zone e Ndaluar" ne Vizion+ nga Andi Bushati. Nje emision theres ku tentohej te behej nje analize realiste e kalimit te ylberit pertej shitjes se gjithe kesaj maskarade si "per te miren e kombit". Por nese ato qe thuheshin aty ishin fakte te njohura, jam skandalizuar kur pashe se pas kesaj Ilir Meta ishte i ftuari i Andi Bushatit. Pa iu dridhur fare qerpiku dhe pa iu holluar cipa ai iu pergjigj pyetjeve direkte te Bushatit me nje llogjike banale. Kapak i vuri ne fund kur gazetari e pyeti se perse nuk eshte dakort per tu hapur kutite perderisa mendon se i jane vjedhur votat. Ai tha se "une e di se mi kane vjedhur votat po per mua nuk ka rendesi se sa e kam patur rezultatin pasi ne duhet te shikojme perpara".
Ajo qe me irriton me shume eshte se keta politikane nuk kane per tu ndeshkuar kurre per vendimet e tyre. Populli yne i ndritur e ka kujtesen shume te shkurter dhe perseri do te shkoje dhe do ti votoje duke ua dhene te drejten per tu tallur rishtas me te.

[Brari]

Rama kërkon anulim loje

BLERINA GJOKA



Partia Socialiste ka thirrur militantët dhe simpatizantët e saj dhe të partive të vogla të majta, që të dalin në një protestë sot para Kryeministrisë. Protesta bëhet pas kërkesës së Edi Ramës, për të hapur kutitë e votimit të zgjedhjeve të 28 qershorit dhe bojkotit të Kuvendit nga ana e grupit kuvendor të PS-së, dhe ky një vendim i marrë pothuajse vetëm nga Rama. Hapja e kutive duket një togfjalësh i rëndë, me peshë specifike politike dhe ulëritës për turmën, por askush nga partia që ka humbur zgjedhjet e fundit parlamentare dhe aq më pak kreu i saj nuk merr përsipër të na sqarojë me çfarë argumentesh mund të bëhet një precedent i tillë në një proces zgjedhor shqiptar. Rama thotë se nuk kërkon rezultat në tryezë, por ndërkaq ka harruar të pranojë humbjen, që afërmend i ka mbetur atij në derë, se s’mund të ketë dy fitues në një lojë të tillë. Ai flet për demokraci, liri dhe të drejtë, por ajo që po kërkon ai është suprimim i institucioneve, si guri i themelit i demokracisë, ajo që po kërkon ai është suprimim i shtetit ligjor. Ai ka të gjithë lirinë dhe të drejtën për të protestuar jo vetëm për hapjen e kutive, për vdekjen e një biznesmeni, por dhe për rrugët e ndotura të Tiranës apo mungesën e gjelbërimit, por kjo s’do të thotë se dalja në rrugë legjitimon motivin e një proteste.

Edi Rama po i drejtohet protestës si një mjet të vetëm politik, si një mjet të vetëm shpëtimi politik për të pas disfatës elektorale, ku e çoi partinë dhe koalicionin që drejtonte. Edi Rama para dy muajsh thërriste shqiptarët që të ndiqnin atë për të sjellë një epokë të re dhe për të fshirë e për të hedhur në kosh të kaluarën 18-vjeçare të “politikës së vjetër”, por zor se me 65 deputetë apo me ndonjë tjetër më tepër siç pretendon se i është mohuar, mund të bësh epokë të re. Duke na kujtuar standardet e një vendi anëtar të NATO-s do të bënte mirë të dilte para pasqyrës e të pyeste veten, a vepron kështu kryetari i një opozite i një vendi anëtar i NATO-s. Në vendet anëtare të NATO-s mund të ketë rrëzime qeverish, marrëveshje politike mes dy kampeve kundërshtare, zgjedhje të parakohshme, referendume, por s’ka deputetë që në vend që të hyjnë në sallën e Kuvendit, vend ku nuk shkojnë se kanë dëshirë, por se janë mandatuar nga zgjedhësit e vendit të tyre për t’i përfaqësuar ata në vendimmarrje, rrinë në kafetë e qytetit dhe merren me thashetheme.

Po çfarë po kërkon Edi Rama me këtë protestë, përveçse mbijetesës së tij politike të mëtejshme? Për çdo mendje normale ai po kërkon anulim loje. Anulim loje pasi është mbyllur loja, është duartrokitur fituesi, është shprehur arbitri, janë ezauruar të gjitha rrugët e mundshme të ankimimit që parashikon ligji. Të mos harrojmë në asnjë sekondë, as Rama mos ta harrojë, se ligji zgjedhor u bë në bashkëpunim e bashkëmarrëveshje PD-PS, për të mos thënë se PS kishte të drejtën e vetos për këtë ligj duke zgjedhur ajo komoditetet që mund t’i jepte për të dalë fituese. Ditën e bukur të 28 qershorit ai ishte i qetë, por sapo ndjeu se toka po i rrëshqiste nën këmbë, nisi të thurte fijen e perit, pas së cilës do kapej për të shpëtuar veten.

Por a ka motiv të dalë në protestë, pasi shkoi në KQZ, shkoi në Kolegj Zgjedhor, sipas kushteve ligjore të përcaktuara nga kodi i bërë nga PS? Gjithashtu i ka të gjitha mundësitë e kushtet të shkojë dhe në Prokurori, por ka zgjedhur të mohojë shtetin ligjor dhe të dalë në rrugë. Shpresa se mund të kishte krah arbitrin ndërkombëtar iu shua më shpejt sesa iu ndez. Zgjedhjet u pranuan si të rregullta, madje më të mirat e bëra në vend. Parregullsitë e vërejtura s’janë të natyrës që mund të kenë ndikuar në ndryshim rezultati. Atëherë Rama duhet të sillet si kryetar opozite i një vendi anëtar të NATO-s, të ulet në Kuvend dhe të diskutojë, debatojë e vendosë me mirëkuptim e marrëveshje se si të rregullohen këto parregullsi, në mënyrë që të mos përsëriten më.





Atëherë Rama, në vend që të sillet si një fëmijë që pasi ka humbur në një lojë kukafsheti kërkon anullimin e saj,




10/10/2009

standart

[Antimafia]

Ndryshimi ndermjet "politikës vjetër" dhe "politikës re"

Kryetari i politikes vjeter, kur partia humbet zgjedhjet parlamentare, kerkon nga partia qe te mos e mbaj me kryetar dhe per vete nuk shkon ne parlament.

Kryetari i politikes re, kur partia humbet zgjedhjet parlamentare, kerkon nga partia qe te mos shkoj ne parlament dhe per vete qendron me dhune kryetar.

[Guri i Kuq]

Pse u bojkotua bojkoti »

Vendosur: 13/10/2009 - 08:08



• Dritan Ylli

Protesta e thirrur nga Rama dhe disa politikanë të tjerë, për të kërkuar hapjen e kutive të votimit të zgjedhjeve të fundit, e shprehur figurativisht arriti të mblidhte më shumë autobusë, sesa njerëz. Në një fotografim nga lart “edhe pse zotin Rama dukej ta kishte pezmatuar pa masë”, një e përditshme shqiptare kishte arritur të fiksonte vetëm një grusht njerëzish, që maksimumi mund të numëronin deri në 3 mijë vetë, dhe një seri autobusësh të vendosur në radhë, që mund të ishin 50 ose më tepër, të ardhur me protestues nga rrethet. Stafi i zotit Rama të bindur që protesta dështoi, me ngut nxituan që të hidhnin në media idenë se nuk ka rëndësi sesa njerëz ishin mbledhur në protestë, por e rëndësishme është të mblidhen 20 mijë firma për projektligjin që do të mundësojë hapjen e kutive. Nuk është ndonjë problem që të hidhen në letër 20 mijë firma, sepse nuk është çudi që lidershipi i PS të paraqesë letra ku mund të gjenden edhe 2 milionë emra dhe firma fantazmë. Por kjo shkon në kundërshtim me vullnetin e shprehur nga socialistët që e bojkotuan protestën e lajmëruar me shumë bujë. Pjesëmarrja në protestën e së shtunës që shkoi, ishte nga njëra anë numerikisht më e rrudhura që ka bërë PS-ja në katër vitet e fundit në opozitë. Ndërsa nga ana tjetër ishte një demonstrim fare i akullt dhe pa entuziazmin apo energjinë që i karakterizojnë përgjithësisht protestat që janë bërë në bulevardin kryesor të Tiranës. Ka disa arsye që u bojkotua protesta e thirrur nga Rama, Gjinushi, Milo, Veliaj, Ngjela, Ndoka e Legisi, politikanë që mund të kenë shumë të përbashkëta apo të veçanta, por që momentalisht bashkohen në një pikë. Të tërë gjenden jashtë Kuvendit të Shqipërisë dhe të tërë bëjnë thirrje donkishoteske për bojkot.
Arsyeja kryesore pse u bojkotua protesta është se mungonte kauza madhore që të frymëzonte dhe të motivonte njerëzit për të dalë në shesh. Tashmë zgjedhjet kanë katër muaj që kanë përfunduar dhe të gjithë institucionet e ngarkuara me ligj e kanë thënë fjalën e tyre. KQZ e ka certifikuar rezultatin, përmes një votimi 7 me zero të anëtarëve të majtë dhe të djathtë. Edhe Kolegji Zgjedhor e ka dhënë verdiktin e tij, pas shqyrtimit të ankimimeve të kërkuara nga të gjithë partitë. Pas certifikimit të rezultatit nga institucionet kushtetuese shqiptare, kanë folur edhe organizmat ndërkombëtare përmes raporteve të tyre. Në të gjithë këto raporte thuhet qartë se këto zgjedhje kishin progres të dukshëm dhe të prekshëm dhe se nuk ka asnjë provë që vërteton manipulimin e votave. Madje nga BE dhe SHBA kanë ardhur sinjale të qarta që këto zgjedhje i quajnë kapitull të mbyllur dhe se presin bashkëpunimin me qeverinë aktuale për të përmirësuar disa mangësi që janë vënë re, por që nuk e cenojnë rezultatin. Vetë komisionerët e PS, nuk kanë dëshmuar deri tani asnjë provë të vetme, ku të jetë bërë tjetërsimi i votës. Edhe nëse do të kishte ndonjë të tillë, propozimi i zotit Berisha që t’i drejtohen Prokurorisë për hetime, ishte shumë i drejtë. Por nuk ka asnjë fakt, asnjë provë që të jetë dëshmuar nga PS, ku të duket qartë që një votë të jetë vjedhur apo tjetërsuar. Ndaj këtu kemi të bëjmë me një trill personal të zotit Rama dhe të interesave të një rrethi të ngushtë dhe me një kauzë të munguar, që të mund të udhëheqë PS dhe socialistët në protesta. Një arsye tjetër pse u bojkotua protesta sigurisht që ka lidhje me sjelljen me standarde të dyfishta të lidershipit të PS dhe veçanërisht të kryetarit të saj, në funksion të interesave thellësisht personale dhe aspak në dobi të socialistëve apo të majtëve në tërësi. Të gjithë e dinë që z.Rama së bashku dhe me z.Berisha ideuan dhe ndërtuan Kodin Zgjedhor dhe infrastrukturën zgjedhore. Por, ishte z.Rama ai që këmbënguli në krijimin e një Kodi Zgjedhor aspak demokratik, madje përjashtues për një pjesë të spektrit të politikës shqiptare, përfshirë edhe LSI. Kreu i PD, Berisha, u distancua krejtësisht nga diskriminimi që iu bë LSI që u fut si koalicion më vete, pa pasur komisionerë në zgjedhje, duke deklaruar se për këtë ishte i kushtëzuar nga lidershipi i PS. Sot Rama kërkon standarde demokratike, kur për qëllimet e veta i injoronte plotësisht këto standarde përpara zgjedhjeve. Madje është pikërisht ky politikan, që sot nuk lë gjë pa thënë kundër KQZ, kompozimin e së cilës e bëri ai vetë. Madje ai bekoi atë lloj kompozimi, që linte jashtë anëtarin përfaqësues të Presidentit, si një garanci mbipartiake në Komision Qendror të Zgjedhjeve, ndërsa sot ai kërkon ndihmën e Presidentit për një vendim regresiv të hapjes së kutive. Rama ofron standarde të dyfishta edhe në qëndrimet e tij lidhur me procesin zgjedhor. Në ditët e para pas përfundimit të zgjedhjeve kreu i PS, e vlerësoi pozitiv në tërësi procesin, kur nuk e dinte akoma rezultatin përfundimtar. Ndërsa menjëherë sapo u njoh me rezultatin e zgjedhjeve, për të mos pranuar humbjen, ku për pasojë duhej të jepte dorëheqjen, ai ngriti alibinë artificiale të vjedhjes së votave. Fakti që Rama iu bëri thirrje socialistëve, duke pasur në krah Gjinushin, Milon, Veliajn, Legisin, Ngjelën dhe Ndokën, ku përveç këtij të fundit të gjithë të tjerët e kanë akuzuar Ramën dhe PS se me skenarë të caktuar ju kanë vjedhur votat, përbën një tjetër arsye të shëndoshë të mosbindjes së socialistëve për të dalë në protestë. Gjinushi dhe Milo nuk lanë ekran televiziv dhe hapësirë mediatike pa shfrytëzuar menjëherë pas daljes së rezultatit, duke akuzuar Ramën dhe PS se ju kanë vjedhur votat. Veliaj gjithashtu ka deklaruar se në qarkun e Beratit i janë vjedhur votat nga kandidatët e PS. Legisi ka dhënë disa intervista përpara ditës së zgjedhjeve ku thoshte se Rama po bën një Kod Zgjedhor dhe një infrastrukturë zgjedhore, duke përgatitur një skenar të qartë për vjedhjen e votave të majta. Por rasti më kuptimplotë është ai i Ngjelës, i cili në zgjedhjet bashkiake, ku ishte kandidat rival me të, e akuzonte Ramën për vjedhje të votave, duke kërkuar hapjen e kutive. Socialistët duket qartë se nuk mund të dilnin të protestonin duke pasur në krye Gjinushin, i cili kur përfiton nga votat e PS hesht, por bërtet me të madhe kundër PS, siç ndodhi edhe në këto zgjedhje, duke i akuzuar socialistët se e kanë vjedhur. Në protestën e fundit Gjinushi, Milo dhe Veliaj kërkuan hapjen e kutive, sepse janë vjedhur votat, po nuk e thanë më që i kishte vjedhur PS. As Legisi, që nuk është asnjëherë aty ku gjendet, nuk e përmend më skenarin ogurzi të Ramës kundër votave të majta, duke bërë ujdi me Berishën, siç ka shkruar në intervistat e tij dhënë në gazetën “Integrimi”, të ruajtura në arkiva. Socialistët nuk mund të përkrahin kurrsesi këta politikanë që janë kthyer në qesharakë, në varësi të interesave të tyre të momentit. Arsyeja e fundit, por jo më pak e rëndësishmja, është se socialistët bojkotuan politikën e bojkotit. Pavarësisht politikës uzurpuese të lidershipit, socialistët e thjeshtë duket se e kanë ndarë mendjen të bëhen pjesë e axhendës së integrimit, duke mos mbështetur axhendën e krizës dhe të bojkotit. Ndërkohë që institucionet e BE-së duket se kanë shenjuar vitin 2010 për liberalizimin e vizave me Shqipërinë, një moment unanimisht i shumëpritur nga shqiptarët, lidershipi i PS po shkon në një rrjedhë tjetër të turbullt. Duke qenë se 2010 nuk është ndonjë vit i largët, por viti i ardhshëm në prag, koha nuk pret për të përmbushur edhe detyrimet më të fundit, në kuadër të kushteve të vendosura për lëvizjen e lirë. Por, kur shihet një angazhim me ritme të plota në përmbushjen e detyrimeve më të fundit nga mazhoranca, lidershipi i PS ka zgjedhur që t’i shërbejë interesave të veta dhe jo të shqiptarëve. Edhe brenda grupit parlamentar të PS duket se po shtohen gjithnjë dhe më shumë zërat e përgjegjshëm, kundër politikës së bojkotit. Pavarësisht se janë deputetë liste, ata po e kuptojnë gjithnjë e më tepër se politika që po ndjek Rama i shërben vetëm atij dhe jo shqiptarëve, pavarësisht nëse janë të majtë apo të djathtë. Prandaj u bojkotua bojkoti dhe ithtarët donkishotë të tij!

[MaDaBeR]

Edhe sot nje nga anetaret e delegacionit te OSBE/ODHIR deklaroi se nuk e kupton arsyen e bojkotit te Parlamentit nga Partia Socialiste e Shqiperise, pasi sipas tij, zgjedhjet qe u zhvilluan ne 28 Qershor ishin demokratike dhe te lira dhe sipas ketij organizmi jane cilesuar si zgjedhjet me te mira te zhvilluara ndonjehere ne Republiken e Shqiperise.

Pra kjo deklarate, nxjerr dhe njehere ne pah manine e Edvin Rames per pushtet e karrige.

[Explorer]

BE e SHBA: Zgjedhjet e lira dhe të ndershme. Opozita në Kuvend

Asambleja Parlamentare e OSBE, i ka dhënë një mesazh të qartë klasës politike në Shqipëri pas një skaneri të detajuar të zgjedhjeve të 28 qershorit. Në vija të trasha, mbledhja e Komitetit drejtues që u mbajt në Athinë, argumentoi se zgjedhjen në Shqipëri ishin të ndershme, e për këtë arsye iu kërkua opozitës shqiptare të pranojë rezultatin dhe të futet sa më shpejt në kuvend. Zv/Presidenti i Asamblesë parlamentare të OSBE, Volfgang Grosruk ka komentuar qendrimin e opozitës duke nënvizuar se njohja e rezultatit është pjesë e pjekurisë demokratike. Kryetari i delegacionit italian në Asamblenë Parlamentare të OSBE Rikardo Miliori, thotë se zgjedhjet rritën besueshmërinë e Shqipërisë në raport me proceset integruese ku është përfshirë vendi.
Për sa i takon qendrimit të opozitës Migliori duket i prerë kur thotë se zgjedhësit votuan qeverine e kryeministrit Berisha. Opozitës sipas tij i mbetet detyrim thelbësor të përfaqësojë në kuvend zgjedhësit e saj. Një tjetër anëtar i Asamblesë Parlamentare të OSBE, përfaqësues i Zvicrës Christian Miesch nënvizon faktin se pavarësisht përballjes për herë të parë me një sistem të ri zgjedhor Shqipëria e kaloi testin për zgjedhje demokratike.
Anëtari i kongresit Amerikan Alcee Hastings bashkëkryetar i Komitetit amerikan të Helsinkit thotë se Shqipëria po dëshmon gjithnjë e më shumë maturi politike, duke nënkuptuar fuksionimin në një koalicion të PD me LSI. Grosruk, Miliori, Miesch dhe Hasting kanë marrë pjesë në hartimin e raportit përfundimtar të OSBE ODIHR për zgjedhjen e 28 qershorit. Një raport që ngre Shqipërinë në një shkallë cilësisht të re për standartet e arritura.

http://www.tvklan.tv/lajmi.php?id=7502

[DYDRINAS]

Kauzë e kryetarit apo e qytetarit?

» Vendosur: 14/10/2009 - 08:00

• Musa ULQINI

Më 10 tetor, 103 ditë pas përfundimit të zgje-dhjeve, Rama drejtoi në bulevardin “Dëshmorët e Kombit” të parën protestë kundër vjedhjes së votave Duke gjykuar nga rëndësia që lidershipi i PS i dha kësaj proteste, interesi për të ishte i veçantë, jo vetëm nga media, por edhe nga të gjithë faktorët politikëbërës të vendit.
Pjesëmarrje apo organizim i jashtëzakonshëm? Për dhjetë ditë me radhë Edi Rama u angazhua si asnjëherë tjetër që protesta e 10 tetorit të ishte prova e parë se ai kishte arritur ta kthente në një kauzë lirie e demokracie pretendimin e tij për vjedhjen e zgjedhjeve të 28 qershorit.
Më 1 tetor ai u drejtoi thirrjen e parë shqiptarëve për ta mbështetur atë në manifestimin e 10 tetorit. Më 5 tetor, në një drekë pune, ai u kërkoi me ngulm deputetëve që të ishin në krye të ekipeve për sjelljen në Tiranë të protestuesve nga të 12 qarqet e vendit. Për pesë ditë me radhë (5-9 tetor) ai mori pjesë në mbledhjet e Asambleve Socialiste të 11 njësive të Tiranës, duke u kërkuar drejtuesve të strukturave të PS një angazhim të jashtëzakonshëm për protestën. Më 8 tetor ai ftoi në Tiranë të gjithë kryetarët e komunave e bashkive ku qeverisin socialistët dhe u kërkoi, veç të tjerave, kontribut maksimal për protestën. Po më 8 tetor ai shpalli “Forumi për Demokraci” në të cilin merrnin pjesë përfaqësues të tetë subjekteve: parti të majta e të djathta, shoqata e sindikata, përfaqësuesit e të cilit deklaruan pjesëmarrjen e mbështetësve të tyre në protestën e 10 tetorit. Më 9 tetor deputetët e qarkut të Tiranës i drejtuan një ftesë zgjedhësve të qarkut që ata të mos mungonin në protestën e të shtunës. Paraditen e 10 tetorit gratë deputete përsëritën përpara mediave ftesën e tyre për pjesëmarrjen në protestën e pasdites veçanërisht të grave të kryeqytetit.
Ndërkohë vetë Rama ishte çdo ditë i pranishëm në media, duke u bërë thirrje qytetarëve për domosdoshmërinë e pjesëmarrjes në shumicë të tyre në protestën e 10 tetorit. Në 7 tetor ai ishte i ftuar te News 24; në 8 tetor tek Top Story, në 9 tetor tek Vizion Plus. Shtypi i përditshëm për 10 ditë rresht e kishte protestën e 10 tetorit në headline e tij.
Por në orën 17:00 të datës 10 tetor, në bulevardin “Dëshmorët e Kombit” pjesëmarrja në protestë ishte modeste. Gjithkush pati rastin të konstatonte këtë pjesëmarrje modeste gjatë transmetimit live që iu bë atij nga mediat elektronike. Megjithatë Rama një ditë pas mitingut theksoi në konferencën e tij për shtyp shprehimisht: “Pjesëmarrja e djeshme në miting ishte e jashtëzakonshme... në manifestimin e parë erdhën për të demonstruar mbështetjen e tyre shumë më tepër qytetarë dhe qytetare se sa c’prisja dhe unë vetë!” Në fakt e vërteta është se jo pjesëmarrja e qytetarëve, por organizimi, investimi dhe angazhimi për këtë protestë ishte i jashtëzakonshëm.
Protestë kundër vjedhjes apo shitjes së votës?
Përse ky hendek i madh mes energjive të harxhuara për organizimin e protestës dhe pjesëmarrjes së qytetarëve në të? Nëse pretendimi i Ramës për zbardhjen e vjedhjes së votës do të perceptohej nga socialistët dhe votuesit e PS si një kauzë lirie e demokracie, atëherë bulevardi “Dëshmorët e Kombit” do të mbushej vetëm nga protestues të kryeqytetit dhe të rrethinave të tij, pa qenë nevoja që rrugët e Tiranës të bllokoheshin nga autobusët dhe autoveturat që sollën protestues nga e gjithë Shqipëria. Kujtoj se vetëm qytetarët që kanë votuar Partinë Socialiste në qytetin e Tiranës në 28 qershor janë më shumë se 113 mijë vetë.
Rama përsërit çdo ditë se kutitë duhen hapur, sepse atje fshihet e vërteta e zgjedhjeve të 28 qershorit. Kjo do të thotë që shqiptarët kanë votuar për PS, por vota e tyre është lexuar në favor të PD. E thënë më qartë, vota e vjedhur nga PD penalizon drejtpërsëdrejti komisionerët e PS në qendrat e votimit e numërimit të votave. Të thuash ne humbëm se zgjedhjet i vodhi Berisha është njëlloj si të thuash ne humbëm se votat tona u shitën dhe nuk u mbrojtën nga komisionerët socialistë! Ndërkohë deri më sot asnjë komisioner socialist nuk ka denoncuar ndonjë rast kur ata janë ndodhur nën presionin e partisë shtet.
Si mund të ndjehen 17 mijë komisionerët socialistë të angazhuar në gjithë infrastrukturën zgjedhore për të garantuar leximin e drejtë të çdo vote të hedhur në kutitë e votimit për PS kur atyre u thuhet enblock çdo ditë: ne humbëm për fajin tuaj!!!
Pjesëmarrja modeste e qytetarëve dhe socialistëve në protestën e 10 tetorit është në të vërtetë protestë ndaj përpjekjeve të Ramës që përgjegjësinë e tij për humbjen e zgjedhjeve të 28 qershorit kërkon t’ua faturojë komisionerëve socialistë, që historikisht përfaqësojnë pjesën më të përkushtuar të anëtarësisë socialiste.
10 mijë firma, fantazi apo realitet?
Lajmi i vetëm që “prodhoi” mitingu ishte firmosja gjatë kohës së protestës e projektligjit për hetimin e zgjedhjeve të 28 qershorit nga 10 mijë qytetarë.
Shtypi i një dite më pas i bëri jehonë kësaj nisme duke lënë në hije vetë mitingun. Sipas “Zërit të Popullit”: “Qytetarët kanë firmosur draftin gjatë protestës dhe në përfundim të saj”. Të nesërmen Edi Rama theksoi në konferencën e tij për shtyp se: “Vetëm dje në spontanitet të plotë numri i firmave në dijeninë time, të paktën deri në momentin kur unë zbrita nga tribuna për të vazhduar bashkë me të tjerët e kishte kaluar 10 mijshin”.
Vini re: Nga momenti i prezantimit për herë të parë të nismës së PS në miting deri në momentin kur Rama zbriti nga tribuna nuk kishin kaluar më shumë se 30 minuta, nga të cilat 20 minuta i përkisnin fjalës së tij.
Si është e mundur që pikërisht gjatë kësaj kohe, kur protestuesit ishin të përqendruar tek fjalimi i Ramës, 10 mijë protestues gjetën kohë të shkonin tek tavolinat, të paraqisnin dokumentet e tyre të identifikimit, të firmosnin dhe të ktheheshin përsëri në bulevard për të ndjekur vazhdimin e mitingut?! Pse zëdhënësit e Ramës nxituan të eklipsonin këtë protestë me një lajm të pavërtetë? Përse këtë të pavërtetë duhet ta përsërisë një ditë më pas edhe vetë Rama?
Për të thënë ndoshta që në miting ishin të pranishëm aq shumë qytetarë, sa që vetëm projektligjin në fjalë e firmosën 10 mijë prej tyre?! Por populli thotë: Dielli nuk mbulohet me shoshë.

panorama

[Duaje Siveten]

e lezeçme ... si ngahera ... populli i ngrate ... skenar i vjeter ... lojtar e portjer te rinj ...

rama thoka se salia nuk kupton gje nga demokracia, shteti ligjor, vullneti i popullit ... mir e thot ... e ka gjet ...

por problemi eshte se perse ben rama sikur e kupton demokracine, shtetin ligjor, vullnetin e popullit ...

po e sofistikojne mjerimin e rendit pas-komunist ...

[ulne]

OSBE ODIHR ne raportin per zgjedhjet deklaroi qe u plotsuan pjeserisht standartet. Kjo i dha material socialisteve per te bojkotuar parlamentin. Pasi ndezen zjarrin me kete raport OSBE tani perpiqet ta shuaja me deklarata nga Athina duke thirrur opoziten te marre pjese ne parlament. Tani eshte vone sepse Rama nuk ka ndermend te beje kthese. Ata derisa kembengulin per hapjen e kutive do ken ber ndonje mafiozllek. S'di gje per vend tjeter, por ne nje vend te myzeqese nga jam une njerezit e Rames shkonin naten vone ne çdo shtepi shperndanin lek. Kushedi sa lek jan investuar nga Rama per te blere votat. Kuptohet pse Rama nuk dha doreheqjen si kryetar bashkie i Tiranes qe me pas te zgjidhej deputet. Pa bashkin e Tiranes do zvogeloheshin te ardhurat dhe pa ato Rama nuk do kishte mundesi te bente karriere politike. Bixhoz i rrezikshem ky i Edi Rames, pasi betonizoj Tiranen dhe mbushi çdo hapesire me pallate saqe nuk merr dot fryme. Sikur te behej kryeminister njejten gje do bente me gjithe Shqiperine.