Rregullat për mëngjesin e duhur...

[sirena_adria]

Përse është i domosdoshëm konsumi i proteinave në mëngjes?

Nëse zgjidhni të mos konsumoni ushqime me proteina ju mund të ndiheni të uritur dhe më të lodhur gjatë ditës.

Konsumi i proteinave në mëngjes ka treguar se mund të ndihmojë edhe me stabilizimin e sheqerit në gjak dhe për rrjedhojë të rrisë nivelet e energjisë. Edhe njerëzit që tashmë janë diagnostikuar me sheqer të lartë në gjak, mund të përfitojnë nga konsumi i tyre në këtë kohë të ditës.

Për më tepër, këto makronutrientë ndikojnë në hormonet që ndihmojnë në kontrollin e oreksit dhe promovojnë ndjenjën e kënaqësisë dhe të ngopjes nga vaktet.
Hulumtimet në të cilat AgroWeb.org bazohet, kanë treguar gjithashtu se mëngjeset e pasura me proteina mund të ulin shpeshtësinë e ngrënies gjatë natës në krahasim me mëngjeset me më pak ose pa proteina.

Cila është sasia ideale e proteinave që duhet të konsumoni në mëngjes?

Kjo varet nga një sërë faktorësh, duke përfshirë moshën, madhësinë e trupit, fazën e jetës, nivelet e aktivitetit fizik dhe sëmundjet ekzistuese mjekësore. Mënyra më e mirë për të përcaktuar se sa proteina keni nevojë në mëngjes është të vlerësoni nevojat tuaja ditore dhe t’i ndani ato në mënyrë të barabartë midis vakteve dhe ushqimeve tuaja të ditës.

Një metodë e shpejtë për ta bërë këtë është të përpjestoni peshën tuaj në dy dhe të synoni të konsumoni aq gram proteina në ditë. Për shembull, një person me peshë 150 kilogramë mund të ketë nevojë për rreth 75 gram proteina në ditë, ose rreth 25 gram proteina në secilin nga tre vaktet e tij kryesore. Sigurisht, që llogatijta duhet bazuar edhe në gjendjen tuaj shëndetësore, qëllimet dhe aktivitetin fizik që kryeni.

Por duhet të dini se nëse po përpiqeni të ndërtoni muskuj, do t’ju duhen më shumë proteina sesa numri që do të merrni nga ky ekuacion. Për këtë qëllim, ju mund të konsultoheni me një dietolog.

A mund ta teproni me proteinat?

Po, kjo është e mundur. Për një individ me probleme me veshkat, rreziqet e konsumimit të një sasie të tepërt proteiansh mund të rriten.

Proteina është vetëm një pjesë e mënyrës së shëndetshme së të ushqyerit. Prandaj këshillohet të kombinoni të gjithë makronutrientët si proteinat, karbohidratet cilësore dhe yndyrnat e shëndetshme në një vakt.


/ AgroWeb.org

https://agroweb.org/ne-forme/dieta-k...ve-ne-mengjes/

[sirena_adria]

Zbuloni frutat më të mira për mëngjes: Filloni ditën tuaj me energji dhe shëndet

Mëngjesi konsiderohet vakti më i rëndësishëm i ditës, dhe përfshirja e frutave në këtë vakt mund të sjellë një sërë përfitimesh për shëndetin.

Sipas një studimi të publikuar nga Harvard School of Public Health, konsumimi i frutave në mëngjes jo vetëm që ofron një burim të pasur vitaminash dhe fibrash, por ndihmon gjithashtu në rritjen e energjisë dhe përmirësimin e metabolizmit gjatë gjithë ditës.

Ja disa nga frutat më të mira që rekomandohen për konsum në mëngjes:

Bananja: E pasur me kalium dhe karbohidrate komplekse, bananja ndihmon në rregullimin e niveleve të sheqerit në gjak dhe ofron energji të qëndrueshme gjatë mëngjesit. Sipas studimit, bananja është një burim i shkëlqyer i vitaminës B6, e cila ndihmon në përmirësimin e funksioneve të trurit dhe ndihmon në prodhimin e serotoninës, hormonit të lumturisë.

Molla: Me shumë fibra dhe pektinë, mollët ndihmojnë në përmirësimin e tretjes dhe mbajtjen e një ndjenje ngopjeje më gjatë. Një studim nga National Institutes of Health tregon se konsumimi i mollës në mëngjes mund të ndihmojë në kontrollin e peshës dhe reduktimin e rrezikut të sëmundjeve të zemrës.

Frutat e pyllit (manat, boronica, mjedra): Këto fruta janë të pasura me antioksidantë dhe vitamina, veçanërisht vitaminën C. Ato ndihmojnë në forcimin e sistemit imunitar dhe përmirësojnë funksionin e trurit. Boronicat, në veçanti, janë të lidhura me përmirësimin e kujtesës dhe shëndetit të zemrës.

Avokado: Edhe pse teknikisht një frut, avokado është e mbushur me yndyrna të shëndetshme që ndihmojnë në uljen e kolesterolit të keq dhe në përmirësimin e shëndetit të zemrës. Avokadot janë gjithashtu një burim i shkëlqyer i fibrave dhe kaliumit.

Kivi: Një tjetër frut i rekomanduar për mëngjes është kivi, i cili është i pasur me vitaminë C dhe antioksidantë. Kivi ndihmon në përmirësimin e tretjes dhe forcimin e sistemit imunitar. Sipas American Journal of Clinical Nutrition, konsumimi i rregullt i kivit mund të përmirësojë shëndetin e lëkurës dhe të mbështesë sistemin tretës.

Sipas ekspertëve, kombinimi i këtyre frutave në mëngjes do të sigurojë një fillim të shëndetshëm dhe të mbushur me energji për ditën. Përfitimet e frutave përfshijnë përmirësimin e metabolizmit, mbajtjen e niveleve të stabilizuara të energjisë dhe ndihmën për tretjen.


Gazeta EXPRESS

https://www.gazetaexpress.com/zbulon...i-dhe-shendet/

[sirena_adria]

Mëngjeset me 400 kalori: Shijoni ushqimet tuaja të preferuara pa shtuar në peshë

https://agroweb.org/ne-forme/dieta-k...tuar-ne-peshe/

[sirena_adria]

Pesë arsyet pse duhet të zgjidhni një mëngjes të kripur dhe jo të ëmbël

Bota është e ndarë në dy kategori, ata që nuk mund të ngrihen nga shtrati pa një mëngjes të ëmbël ose ata që i duan mëngjeset e kripura.

Megjithatë, studimet e fundit tregojnë se mëngjeset e kripura, të pasura me proteina dhe yndyrna të shëndetshme, ofrojnë shumë përfitime shëndetësore, veçanërisht krahasuar me mëngjeset e ëmbla.


Mëngjesi i kripur rregullon nivelet e sheqerit në gjak

Një mëngjes i ëmbël shkakton një rritje të ndjeshme të sheqerit në gjak, e ndjekur nga një rënie e ndjeshme, duke rezultuar në lodhje, nervozizëm dhe dëshirë për ushqime të pashëndetshme.

Një mëngjes i kripur, nga ana tjetër, stabilizon nivelet e sheqerit në gjak falë proteinave dhe yndyrnave të shëndetshme që përmban, duke shmangur rënien e energjisë dhe duke zvogëluar rrezikun e problemeve metabolike siç është diabeti i tipit 2.

Ju mban të ngopur për më gjatë

Ndryshe nga mëngjeset e ëmbla që ju lënë të uritur menjëherë pas kësaj, mëngjeset e kripura sigurojnë një ndjesi ngopjeje për orë të tëra. Proteinat dhe yndyrnat zgjasin më shumë për t’u tretur, duke ju mbajtur energjikë dhe të ngopur.

Më i pasur me lëndë ushqyese

Mëngjeset e kripura zakonisht janë më të pasura me lëndë ushqyese thelbësore në krahasim me ëmbëlsirat. Ushqime si vezët, djathi dhe perimet ofrojnë vitamina, minerale, antioksidantë dhe fibra, lëndë ushqyese që shpesh mungojnë në ëmbëlsirat me shumë sheqer.

Përveç kësaj, ato kanë një përmbajtje më të lartë proteinash, të cilat janë thelbësore për rritjen dhe riparimin e muskujve, dhe fibra për shëndetin e zorrëve.

Mëngjeset e kripura përmirësojnë shëndetin e trurit

Mëngjeset e ëmbla, veçanërisht ato të përpunuara, mund të shkaktojnë inflamacion dhe të zvogëlojnë funksionin njohës. Luhatjet e sheqerit në gjak dëmtojnë qelizat nervore, duke rritur stresin oksidativ dhe rrezikun e rezistencës ndaj insulinës.

Zgjedhja e një mëngjesi të kripur mbron trurin, duke stabilizuar nivelet e sheqerit në gjak, duke zvogëluar inflamacionin dhe duke përmirësuar përqendrimin dhe kujtesën.

Ideale për ata që janë të ndjeshëm ndaj sheqerit

Disa njerëz janë më të ndjeshëm ndaj sheqerit dhe përjetojnë uri të papritur, lodhje ose nervozizëm pas mëngjeseve të ëmbla për shkak të luhatjeve të sheqerit. Një mëngjes i kripur shmang këto luhatje të papritura, duke ofruar energji më të qëndrueshme gjatë gjithë mëngjesit.

Nuk ke pse t’i heqësh dorë plotësisht nga ëmbëlsirat, por duke e filluar ditën me një mëngjes të kripur, po bën një zgjedhje më të ekuilibruar dhe të qëndrueshme për të furnizuar me energji trupin dhe mendjen tënde.


Koha Jone

https://kohajone.com/lajme/pese-arsy...e-jo-te-embel/