Familjet e te rene: Tu njihet statusi i deshmorit te reneve para luftes

[elza]

Komunikatë për Media
Komunikatë për Media


Prishtinë, 25.09.2009




Komisioni i familjeve të dëshmorëve të rënë në periudha të ndryshme para vitit 1991, i prirë nga z. Naim Zhitia, Kryetar i Komisionit, u takua sot me Kryetarin e Parlamentit të Kosovës, z. Jakup Krasniqi.

Në takim, delegacioni i Komisionit të familjeve të dëshmorëve e njoftoi z. Krasniqi lidhur me iniciativën për njohjen e statusit të dëshmorëve të gjithë veprimtarëve të rënë në demonstrata, burgje dhe forma të ndryshme të rezistencës së popullit shqiptar për liri dhe çlirim nga pushtuesi serb.


Naim Zhitia, Kryetar i këtij Komisioni, e njoftoi Kryeparlamentarin Krasniqi, se ,, Komisioni e mirëpret gatishmërinë e institucioneve të Kosovës për njohjen e statusit të dëshmorit, të gjithë atyre që ranë në mbrojtje të çështjes së Kosovës dhe kërkojmë nga ju që në një afat sa më të shpejtë Parlamenti dhe Qeveria e Kosovës të miratojnë ligjin lidhur me këtë kategori e cila ka dhënë kontribut të madh për bërjen e shtetit që ne sot po e gëzojmë”. Në vazhdim, z. Zhitia kërkoi nga z. Krasniqi, që ,, të kuptohen drejtë kërkesat e komisionit, në mënyrë që të mos lejohen forma radikale të realizimit të kërkesave dhe protestimit nëpërmes protestave në rrugë”.


Nga ana e tij, Kryeparlamentari i Kosovës, z. Jakup Krasniqi, premtoi se ,, është i mishëruar me kërkesat dhe të drejtën e familjarëve të rënë në protesta dhe burgje nga pushtuesi serb dhe se në një afat sa më të shpejtë, do të mundohet që ligji për këtë kategori të dëshmorëve të miratohet në Parlamentin e Kosovës”. z. Jakup Krasniqi poashtu njoftoi delegacionin në fjalë se kalimi i këtij ligjit në Parlamentin e Kosovës, pos vështirësive financiare, kërkon edhe kohë për procedimin e saj në aspektin juridik, prandaj ai u zotua se ky ligj, në bashkëpunim edhe me Qeverinë e Kosovës dhe Ministrinë e Punës dhe Mirëqenies Sociale, do të miratohet nga Parlamenti i Kosovës më së largu deri në fund të viti 2010.



Mr.sc. Metush Zenuni,
Sekretar i Përgjithshëm i Klubit Politik ,, Afrim Zhitia" Prishtinë

[elza]

Eshte shume e pa kuptueshme, si jan lene anash deshmoret e rene per liri deri ne vitin 1997!!