Sofra e Tironës

[saura]

Ju pershendes te gjithve ,lexojeni kete.....

http://bllokshenimesh.unblokshenimes...g/hall-qomoli/

Klikoni tek hall-qomoli

[stern]

PER QOKE KE BALJA- Qomile ? Pse z'bohe gjallë ti mi gru ? Kom i sahat qi i bi telefunit.
- Ku t'lujsha mi Sude? Kom gjith mjesin qi jom t'u mledh ujnat…
- Pse mi?! I kon hap portat përsita-ee?
- Jo, mi gru, jo. K'to nolt kon harru çezmet hap e ka fillu ujti me morë shkallët. Kom gjith mjesin t'u vu kazonët e tepsijat… Osht bo shpia si furri Xhep Balles. Po tina, hajër ishallah ?
- E more vesh qi futën n'burg çunin e Bales ?
- Birëëë, mi Sude, ate e mur vesh dynjoja marë. Ene vdekmit n'vorr u gdhin qull. Notës vorrit kon për t'ja kallxu.
- U bo çuni tri dit n'burg ene u fëlliqëm pa shku për qokë ke Balja.
- Po ku t'dalim me ket qomet mi Sude ?
- Hajde o Qomile se po del çuni pri burgu ene ne metëm pa shku.

Vesha çizmet e llastikut ene shkush me morë Suden. Sudja m'priste ke kryt e rrugës me i kamardare t'zeze hudh n'krah.

- Ku po shko me kët bollë t'zezë n’krah, mi Sude ?
- Ku i dihet ktyne mi Qomile, i teket ene çelin përsita portat. Na mer ujti e kush e di se ku po na del shpirti. Estrafkullah!

Shpija Bales n'fund dynjosë, aqé ku hajnë bukë hajdutnit. Balja n'ballë t'shkallëve t'u prit e t'u përcjellë, për bukuri.

- A ke more n'aj haber për çunin, mi Bale ?
- M'a morën çunin e ma futën n'burg o Qomile, qi i morte ujti Liqenit jarebi!
- Ishallah e shef Zoti ene e qisin, mi Bale.
- Kush t'a qisi? k'to palaçot qi e msunë me pi? Kush ??? Kon për t'a kalb si Zan Çaushin. Djemt mo t'mirë po i fusin burgjeve mi Qomile.
- Po ai pse s'jep dorëheqje, siç e boni ai Trondafili ? Nishti as i gjem si hy n'komë.
- Kush Trondafil mi Sude ?!
- Aina mi, aina i bashkisë…
- …Gonxhja !
- E mi pra, Gonxhja. Për bukuri duli para mikrafonve, hoqidore, ene nishti osht rehatë. As burg, as i gjo.
- Po ky i imi s’ka asnji post mi Sude.
- Çer emni i vunë ato kur u hapën dyrët e qometit ?
- Pijanec.
- Bukuri. Ene ai t’dali para mikrafonve ene t’thotë qi heq dore pri pijes. Nji kshu. Siç e boni ene Trondafili.

- Ah, mi Sude, kush ka për t’i dale zot k’ti timit ?
- Sala, për Zotin, e tho n’televizort, fajin nuk e ka pas çuni, por e kon pas ato qi e kon shty.
- Aman moj Sude, mos ma ze n’gojë atë gomar ! E dëgjove se ç’tha në televizor ? “Fajin nuk e ka çuni Dules”. Ai është gomar. Tërë gazetat e shkruan “çuni Bales”, ai shko e thotë “çuni Dules” !
- Po s’ka faj ai mi Bale, ene ti vete nuk e di se kush osht i jati.
- Ha, ha, ha, ha ! Uaaa mos vdeksh mi Sude! Ehhh, unë qesh po ai i shkreti qi ka për të mbetur në burg.
- Mos u mërzit o Bale se burgu për burra osht. Kush e di, futet Fatosi ene e qit pri anej. Ti m’ke pas thonë qi çuni ka qenë roja Fatosit.
- Ç'roje mi Sude!!! Çuni ka qenë bodigard.


Hajde o Sude se osht vakti qi vje uji. Shkojm e t’mushim ata kazona, s’e u pa puna jonë…

Po si mos plasin e mos hallakaten ujnat ? Me ç’na nigjojnë veshët, e me ç’po na shofin sytë, ktu, ene robi qi osht rob, plas e pëllcet …

Selom
Hall Qomili

Ghaghaghagahagagag Rofsh saura

[saura]

Ka te forta Stern ,lexoje te gjithen une u shkriva tu qesh ahahahaha

[stern]

HALLET E HALL QOMILIT
E di qi ini t'u bajtë hallet e Shqipnisë, po Hallës i ka ra i halli modh. Kom hallin e çunit. Se halli çunit osht halli Hallës. Halla i ba hallin, hallit t'çunit. Ah, Hallës, s'ju danë hallet ! Se hall kur jon t’vegjël e hall kur jon t’mdhonj.
Halli osht; se m'osht tret çuni. Osht hollu e osht bo për t'i hongër hallvën. M'rri çuni me sy n'tavon. As ha, as pi.

- Çere halli t'ka ra me t'keqen Halla ?
- S'kom as i hall o Halle.
- Qafsh Hallën! kallxoi Hallës, hallin qi ke, se Hallës i prishet gjaku kur ju shef n'hall.
- Halle… kom ra n'dashni…
- Hajër ishallah ! Kush osht ajo shefteli, qi ju boftë Halla kurbon ?
- S'e di.
- Si me s'e di ?!! Po kush t'a di po s'e dite ti ?
- Po si t’a di ? Un as e kom pa, as e kom taku.

Birëëëëë ! i paska hik grenxa çunit ! I paskan met vetëm mizat. Aqi gjo osht truni shkretë… dy miza i grenxë. T’hikën grenxa… e fillojnë e t'sillen mizat qark e qark.

Filloi me m'u sillë dynjoja përqark.

- A t'boj i kafe, me t'keqen Halla ?
- …
- A t'i hudh sheqer, a t’a lej zeher ?
- Zeher leje, zeher…
- Po pse i shti vetes kaq zeher, s'e ma zeherose zemrën o sheqeri Hallës ! Po ç'qeka ajo gocë, pa emën e pa surrat ?!! I kisha vu menë una, kur fillo ti me fol për lule e për trondafila… s'ke gjo n'terezi. Sa t'keqe e ke kët sevda, mi Halle ! E kini për racë. Kallxoi Hallës, ku e ke pa, se po m'shti n'dhé për s'gjalli ?
- N'internet.
- Estrafkullah!!! Po çere bo ajo aqé ?
- Shkru.
- Po çere t'thotë, mi Hallë ?
- Nuk m'thotë gjo, se ajo shkru për t'gjithë.
- Po me çere llagapi shkru, qi e shkrofsha ke t'shumtit, jarebi !
- LA0003
- Aaaaaaaa, qyqja!qyqja!qyqja!…. qeka… Laje Allamoni, ke kati tretë !!! Po ç'të paska çu ty ke Laja, shtatdhetë e ca vjeçe, qi të çofsha atje ku s'thuhet !
- Mahu mi gru ! Ti t'a dhjet fare. Kom faj un qi flas me ty… Laje Allamoni? Jo po, Lije Aslloni… Ate mund t'a qujnë Lolita. Lolita, dritë e jetës sime, zjarr i veshkave të mia. Mëkati im, shpirti im. Lo-li-ta : maja e gjuhës bën tre kërcime të vogla përgjatë qiellzës për t'u goditur tre herë tek dhëmbët. Lo.Li.Ta. Lolita, lumière de ma vie, feu de mes reins….

Birëëëëëëëëëëë !!!, filloi me fol turçe! Po m'hikën çuni! Ah, mi Bedrije, mi motra ime! Ka ardh qometi. Vetëm ujti zi ka met pa dalë. Kush e shpifi kët 'tërnet qi tërboi dynjonë? Kina qenë ene ne t'reja, po, jo kshu ! Vite behari, dilshim n'bahçe e kënojshim kongët e Suf Myzyrit :

Erdh pranvera me jeshile,
Ç'i rashë bahçes për midis,
Këputa nji trondafile,
T'a dhosh ty moj për kujtim.

Kishte lezet shpirti! Vite ajo erë tronafilesh qi të mushte krahanurin. Po k'to t'sotmit rrinë myllë gjithë ditën e shofin onrra n'televizort, mi motër ! Masanej binë n'sevda me numrat. Zoti i rujtë !

Ju do Halla fort, kush e njef prej jush até LA0003, t'më çoje haber, se po m'hiken çuni durësh. Se paska halle e halle.

Selom
Hall Qomili.

[stern]

MUHABET ME ANILEN
Anila, mi goca Halles,

Po ti m'shtjeve ethet e gushtit mes k'ti t'ftofti e k'ti piciri ! Po ç'paskan qenë gjith ato halle e ato qomete, mi Hallë ? Estafkurllah! Për Zotin, una kitova se tina je martu e je rehatu. Do t'ket bo goca i bark me kalamoj, pranej nuk osht pa, thosh me vete. Po pse s'tjapin punë ty, qi mos i gjett kjo e xhumo jarabi ! Ty ato të morshin t'ligat, se t'ka Halla si kajmoklije. Vallahi, u bona pa men kur e kënova at' letrën tate. Bona me hongër i çapë bukë… m'u pre areksi gjithë. M'rrite çapa bukës n'fyt. Nuk i thosh gjo çunit, se me e morë vesh aina - u bo pa men! Nji e dy, ty t'ma n'gojët. Rri mër çun, i thosh i dite, goca kushedi çin ka gjet. Se do t'rri ajo e do t'presi ty. Se t'mytën paret ty. Kaqol!

Halla, për Zotin, ka desh me t'shkrujtë, po s'më ka lonë ai kaqoli. Ti o Halle, m'tho, ke fillu me i bo gjonat lomsh.
- Po pse me çuno, çere kom bo lomsh ?
- E harrove se ç'më the sot-e ?
- Po pse mër budalla, ç'faj kom una ? Una n'televizort e pashë.

Qe nez televizori, o t'keqen Halla, kur pashë Enver Hoxhën t'u vu lule ke vorrezat e dëshmorve. I gjatë, i ri. Mjekrrën pa rrujtë. Au!, thosh me vete, paska pas halle, kush e di çin paska vra ?!
Kur mrriti çuni n'shpi, i kallxoj ate qi kisha pa. Ti ke rrjedh fare, m'tho. Ai ka qene Rama t'u mjellë lule ke Lana.
Nji k'shu muhabeti. Po ç'faj kom una, mi Hallë ? Hallës çere nuk i kon pa sytë. Pleqeni jom ene una, insaf xhonëm !
Qi mos t'a zgjas, nji k'shu m'boni vaki ene i herë qetër…
…Shof n'televizort Nonë Terezën. Vesh e math për bukuri. Ly e shkru, ngrejtë flokët tapuz, t'u i dhonë peshqeshe kalamojve ke Streha Vorfnore. Qyqja! paska dalë durësh Nonë Tereza ! - thosh me vete.
Do ti, kishte qenë nusja atij xhuxhit. Nji k'shu.

Po ti o t'keqen Halla, paske fillu me pa onrra t'kqija me jevgj ene me arrixhij… Papunsia osht gjo e modhe. Mos të lontë Zoti pa punë ! Ene Bedrija pa qomet për me gjet punë. Po s'ka sy për qabe. Ja kom ly ata flokë bojna-bojna për me hijeshu e për me e zbukuru… po mozallah ! Ja kom ly flokët me këno, me long tronafili, me lon luledelesh, me long gështenjash… S'kon bo fajde!… Nishti kërkojn goca t'reja. Ehhh… z'gje rob pa halle!

Ene m’u qi m'ka harru mortja, për me bajtë hallet e juja!
U çush i her mes notës, isha mush me gjersë. Onrra t'kqija. M'u bo sikur qesh me i sallë t'modhe plot me kallaballik. U ngrejt Moisiu ene tho : “Dekoratën Nderi i Kombit ja japin Qomiles për ndihmën e modhe qi ka dhonë per lymjen e flokve”. Robt u ngrejtën n'komë t'u bo shuplaka. M'u m'shkojshin gjersët çurk….

- Zotni Mojsiu, po deshe jipja at dekoratë Bedrijes, s’e osht e re ene i bohet qejfi.

- Jo zonja Qamile ! Dekorata është e juaja. Ka edhe për të tjerët. Mjaft vuajtët me tollona gjithë jetën. Tani e tutje, dekoratat nuk do t’ju mungojnë asnjëherë.

U çunë robt n’komë t’u bërtit : Liri ! Demokraci ! Liri ! Demokraci !

Shyqyr qi m'dulë gjumi se qesh me i siklet t'modh. Nji k'shu.

Na shkruj o t'keqen Halla, se aty e kom menjen.

Selom
Hall Qomili

[stern]

MUHABET ME EREN (A bohet muhabet me erën ?)(…)

Unë s'them fjalë të pista kurrë, them gjithmone ” të lutem” dhe “faleminderit”, laj duart përpara buke, laj dhëmbet pas buke, laj çimentot para dhe pas buke, ua liroj vendin në autobus më të moshuarve, madje dhe në ato raste kur të moshuarit janë të tillë që me vjen t'i hedh nga dritarja, respektoj prindin, respektoj shefin, respektoj ligjin, respektoj shenjat e pikësimit…
Era
________________________

Era, mi goca hallës,

I nuse si ty do kishte dasht Halla për at çunin tonë ! Bir, po ti qeke për s'mari mi Halle! U dogja ene u përvëlushë për i nuse si ti. Po ai kaqoli im e ka menjen ke Anila. E ka kap maraku me ate. (Po ajo osht ene gru e martume, mi Halle ?!) Ene Anilën e du si shpirti se osht xhanone, po, për Zotin, goce me tarbjatet e tuja nuk gjinet n'kët dynjo. Ngrehet goca ene i lesho venin pleqve n'aftabuz, ka respekt për ato prindër qi i kon bo kaptinën,…. birëë, me t'u kënoq shpirti ! Morshallah! Mos i kallxo t’gjitha se t'morin n'sysh t'keqen Halla.
Lum ai qi t'ka n'shpi. I thosh atij kaqolit tonë, e shef se çere gocash ka ? pranej hap sytë para se me e zgjedh! Mos i vej men atyne qi t'morin menjen, se bukuria shko e vje, po tarbjatet rrinë. E di se çere m'tho ?

- Pse mi, për ty kom për t'a more nusen apo për vete ?
- Po ene për ne ka lezet i nuse me tarbjate t'mira.
- Ehuuu, ti je shkollë e vjetër ! Une du nuse sex, ato qi propozo ti si duhen dreqit. Jon për t'i çu n'azil t'pleqve.
- U t'u thaftë goja! se po me fjale t'pista flet, mër harom! Me ato men qi ke ti, ashtu laviresh ke për t'na pru n'shpi. Jallah o Zot mos ja m'rrinsha asaj dite! Po ku dole ti kshtu, mër fara keqe!?- Nga trëndafili del gjëmbi dhe nga gjëmbi del trëndafili…
- Po pse qëllove gjem, mër bagabond. Una, tronafile si Era kom qene. Respektojsha babë e nonë, respektojsha vjerr e vjerrë… E pe Erën ? e late çymenten para ene mas buke… Ashtu nusje t’duhet ty. Se me t'lonë vetëm, ty t'hajnë krymat.
- Une du nuse si Nano. T'bukur ene shpirt robi. E ke pa kur i ço peshqeshe atyne ke jetimorja? Ajo meno për hallexhijve, ene jo si ato tjerët që e kon menjen ke parja. Shife ti, kur ta bojë Papa shenjtore.

- Po ke gratë e martume e ke menjen, mër horr-horri! Qyqja! po mbi si t'fikët… shko e thirr daktor Sakratin qi t'më masi kët tonsion se po m'ço ke Vorri Bomit, që të çofshin guvernator n'Bagdat, jarabi!
U bona Halla për dyshek.


Amon o Era, shif ke ato shoqet e tuja, t'keqen Halla, se mos ka na i beqare, qi t'a lidh kët horr-horri. Se ene shoqet do t'i kesh si vetja, ashtu me tarbjate t'mira. M'thuj me çin rri t'them se kush je. Po z'ditën me respektu shenjat e piksimit, s'ka gjo, po manabare t'ken ato qerat. Nji kshu, do Halla fort. Se s'ka për t'më tret dheu pa e pa kët çun t'martu.
Selom
Hall Qomili
HAHHAHAHAHHAAHHAHAHAAAAAAAAAAAAAAAAAAAAAAAAAA

[Tironcja_BLN]

pershendetje TIRONAAAAAAAAAAAAAAAAAA si jeni

[stern]

pershendetje TIRONAAAAAAAAAAAAAAAAAA si jeni

Mire se erdhe Tironcja

[Tironcja_BLN]

mire se ju gjeta shpresoj te jeni te gjith mire....ah moj tiron tiron

[saura]