VMRO-PP dhe LPM, kontestojnë 25 përqindëshin e shqiptarëve
Regjistrimi i popullsisë në vitin 2002 është cilësuar si kontestues në pjesën e tij ku tregohet se popullata shqiptare në Maqedoni është diku 25%. Kontestimi vjen nga VMRO-PP dhe Lëvizja Popullore për Maqedoninë (LPM), të cilët madje kanë dorëzuar edhe kallëzim penal në Prokurorinë Publike kundër ‘falsifikimit’ të regjistrimit të vitit 2002. Sipas këtyre dy partive, numri i shqiptarëve është rritur me qëllim, dhe në të janë përfshirë më shumë persona.
“Për këtë arsye në situate kur e kemi të qartë se rezultati i regjistrimit të popullsisë është falsifikuar, në situate kur kjo bashkësi etnike në mënyrë agresive po vazhdon me kërkesa të reja, të cilat zbulohen si pozicion i tyre si në një shtet federal, Maqedonia e ka patjetër që të konfirmojë dhe njëherë rezultatin dhe aq më tepër kur dihet se aso kohe kanë qenë më pak se 16% tash janë akoma më pak, dhe në të ardhmen numri i atyre do të vazhdojë të zvogëlohet. Jemi dëshmitarë se si ky argument i tyre po shkrihet, ata po bëhen gjithnjë më agresiv”, deklaroi Vlladimir Gollubovski, përfaqësues i VMRO-PP.
“Sipas nesh, edhe në këtë moment mund të themi se shqiptarët janë vetëm 17% në Maqedoni dhe jemi të habitur se si në fakt është falsifikuar ai Regjistrim i popullsisë, dhe ai ishte një strategji e shkëlqyeshme kriminele që nga e gjithë faza e Regjistrimit, mbledhjes së të dhënave në terren e deri tek numërimi i tyre. Jemi të bindur se dyshimet tona do të vërtetohen gjatë procedimit të padisë sonë penale dhe besojmë se kur do të vërtetohet se shqiptarët në vend janë nën 20%, atëherë deshëm apo jo, patjetër duhet të thyhet Marrëveshja Kornizë e cila është traumatike për vetëdijen maqedonase dhe nëpërmjet së cilës shqiptarët fituan gjithçka dëshiruan në këtë shtet, kurse ne maqedonasit humbën gjithçka”, theksoi Janko Baçev, kryetar i Lëvizjes Popullore për Maqedoninë.
Nga Lëvizja Popullore për Maqedoninë dhe VMRO-PP shpresojnë se me rishqyrtimin e “argumenteve” do të ndëshkohen fajtorët në mesin e të cilëve, siç u shprehën ata, ka persona në funksione të larta të cilët kanë ndikuar mbi rezultatet e regjistrimit. Ndërkohë nga Enti Shtetëror për Statistikë për ALSAT në linjë telefonike hodhën poshtë akuzat e këtyre dy partive. Enti Shtetëror për Statistikë mbron deri në fund shifrat, sipas të cilave në 2002, përqindja e shqiptarëve ka qenë 25,17 % dhe ajo e maqedonasve, 64.18%.
Valmir Kuçi
*******************************************
A e din dikush nese keto parti jane brenda koalicionit qeveritar? Nese po athere BDI-ja duhet patjeter te kerkoje largimin e ketyre Partive nga kolicioni ose, te kerkojne qe partneri kryesor VMRO-DMPNE te distancohet dhe te reagoje rreth ketyre komente djallezore dhe te dalin nga kolicioni vete, gje qe duhej qe te kishte ndodhur shume me heret....
Përgjigju Duke Cituar
Krijoni Kontakt