Deshton marreveshja e Taci Oil per blerjen e skuadres se Bolonjes

[Brari]

duallen dhe "abramoviqet" tane ne arenen nderkombetare..
cbenet mor aman..

..

gazeta sot

Java e ardhme, deçizive për blerjen e Bolonjës nga Rezart Taçi
Biznesmeni shqiptar konfirmon takimin me presidentin e klubit të Serisë A, Françesko Menarini
Biznesmeni shqiptar, Rezart Taçi, është pranë arritjes së marrëveshjes për blerjen e klubit të Bolonjës. Presidenti i kompanisë “Taçi Oil” konfirmon se po vazhdon bisedimet për blerjen e 80 përqind të aksioneve të klubit të Serisë A. Në një intervistë për “Corriere Della Sera”, Taçi pohon se është takuar me presidentin e Bolonjës, Françesko Menarini, dhe se e diela ose e hëna do të jenë ditë të rëndësishme për arritjen e marrëveshjes me klubin kuqeblu. Në intervistën e tij për gazetën italiane, Taçi pohon se i pëlqen Italia dhe se shpreson që Seria A të jetë e hapur për biznesmenët e huaj.
Zoti Rezart Taçi! E konfirmoni se jeni në tratativa për të blerë klubin e Bolonjës?
Po është e vërtetë. Po përpiqem të blej 80 përqind të aksioneve të klubit.
Kur mendoni se do të përfundoni marrëveshjen?
Le të themi që të dielën dhe të hënën do të jenë dy ditë tepër të rëndësishme, por nuk mund të shtoj gjë tjetër.
Presidenti Françesko Menarini ka deklaruar se jeni takuar, e konfirmoni?
Po, jemi takuar në Romë disa ditë më parë.
A keni programuar një takim tjetër?
Vendi juaj më pëlqen shumë, vij shpesh. Do të jem në Bolonjë të enjten e ardhshme, por të ngrënë një drekë nga kuzhina emiliane.
Keni qenë dje në një restorant të Milanos me Adriano Galianin dhe Ariedo Breidën?
Po, kemi ngrënë bashkë me miqtë e mi të Milanit. Babai im është tifoz i kuqezinjve dhe kompania ime, “Taçi Oil”, është partnere e klubit të Milanit. Kemi raporte të shkëlqyera.
Ishte dhe presidenti i Livornos, Aldo Spineli?
Po, por ishte hera e parë që e shihja, e takova rastësisht.
Në të kaluarën emri juaj ka qenë i lidhur me Livornon. Është e vërtetë që donit të blinit klubin toskan?
Jo, asnjëherë nuk kam dashur të blejë atë skuadër.
Po në çështjen e blerjes së Bolonjës, ka ndonjë rol Spineli?
Jo, e përsëris që e kam takuar dje për herë të parë. Nuk do të kemi bashkëpunim me Spinelin.
Si po shkojnë tratativat me familjen Menarini?
Konsulentët e mi janë duke punuar dhe po shqyrtojnë çështjet e shoqërisë.
Do të sillni njerëz të rinj në klub?
Tratativat ekzistojnë, por nuk janë mbyllur përfundimisht. Së pari mendojmë të përfundojmë marrëveshjen, më pas do të shohim.
Shoqëria kuqezi ka marrë masa për të nxitur këtë tratativë?
Drejtuesit e Milanit janë miqtë e mi të vërtetë, mjafton kaq.
Përse pikërisht keni zgjedhur Bolonjën?
Jam i dashuruar me Italinë, vendi juaj është i bukur, pastaj në kam studiuar këtu për pesë vite.
Keni bërë universitetin në Bolonja?
Jo, kam studiuar letërsi për tre vjet në Alesandria dhe më pas kam vazhduar për dy vjet institutin politeknik në Torino.
A e dini që pjesa më e madhe e tifozëve presin ardhjen tuaj në drejtim të Bolonjës?
Vërtet? Më bëhet qejfi. Shpresoj të mund t’i njoh sa më shpejt, pasi dhe mua më pëlqen Bolonja.
Dukeni i pavendosur, çfarë ju frenon?
Jo se jam i pavendosur, por problemi është se nuk jam mësuar të flas kur nuk ka mbaruar asgjë. Por jam dhe kurioz.
Për çfarë?
Të shohim që dhe futbolli, ashtu si vendi juaj, është i lirë. Të shohim nëse Seria A është e gatshme të hapë dyert për të huajt.

[Xingaro]

Si ka mundesi qe shtypi lokal ktu ne bologna s'flet per keto tratativa po vetem gazeta 'sot'?
Shko grric ****** thuj Taçit...jepi rrogat punetoreve andej.

[puroshkodran]

ka fole edhe shtypi lokal edhe corriere della sera dhe corriere dello sport

http://corrieredibologna.corriere.it...77886568.shtml

[vagabondo_nyc]

53 mijë fuçi naftë të Rezart Taçi kontrabandë në Vlorë, vjedhja 7,6 milionë euro

Nga Tema

Një anije me destinacion ARMO-n ka regjistruar një prej skandaleve më të mëdha të saj në lidhje me ligjet shqiptare duke tentuar të fusë në tregun vendas 53 mijë fuçi naftë të raportuar si naftë të papërpunuar krudo. Të dhënat tregojnë se anija “Athina”, e cila pret të shkarkohet në portin e Vlorës, në të vërtetë ka naftë të pastër dhe jo naftë krudo, siç deklarohet. Ky skandal që thyen njëherazi disa ligje të vendit, llogaritet të shkaktojë një dëm ekonomik prej më shumë se 7.6 milionë eurosh, vetëm për shkak të shmangies nga pagimi i taksave. Duke raportuar 53 mijë fuçi naftë të pastër për naftë krudo, kompania “Taçi Oil”, jo vetëm që fut në tregun vendas naftë, të cilën do ta shesë si naftë D2, por ajo i vjedh buxhetit të shtetit 7.6 milionë euro me anë të mospagimit të taksave. Legjislacioni ynë nuk lejon megjithatë që asnjë kompani në vend të importojë naftë dhe ta shesin atë në Shqipëri si naftë D2. Kompania “Taçi Oil” është e detyruar që të shesë e vetme në Shqipëri naftë D2, në bazë të ligjeve që u miratuan pas privatizimit të dyshimtë të kompanisë ARMO nga “Taçi Oil”. Naftën D2, që duhet të shesë në tregun vendas, kompania “Taçi Oil” duhet ta sigurojë nga nafta vendase krudo që merret nga “Albpetrol” dhe nga kompani të tjera vendase. Përpos të gjitha këtyre thyerjeve të ligjit me mijëra tonelata naftë që kërkon të kalojë kontrabandë nga porti i Vlorës me anë të anijes “Athina”, “Taçi Oil” kërkon të fusë në vend një ndotës po kaq të madh. Nafta, tregojnë të dhënat, ka një përqendrim të madh squfuri prej 1500 mg/kg, në një kohë që ligji ynë nuk lejon të futet në treg naftë me përqendrim squfuri më shumë se 350mg/kg. Është e qartë se kompania “Taçi Oil” me anë të kësaj ngarkese shumë të madhe prej 53 mijë fuçish kërkon të fitojë miliona euro duke thyer disa prej ligjeve të vendit në këtë fushë. Kompania “Taçi Oil” që prej janarit të këtij viti ka marrë naftë krudo nga kompania “Albpetrol”, së cilës i ka një borxh prej 30 milionë eurosh. Kompania “Albpetrol” është futur në kolaps, për shkak të detyrimeve të mëdha të pakthyera të “Taçi Oil”. Të dhëna zyrtare bëjnë me dije se kompania “Taçi Oil” ka gjithashtu një borxh të lartë të papaguar edhe në tatime për mospagim të akcizave. Gjithashtu, kompania “Taçi Oil” mësohet se i ka edhe kompanisë “Bankers Petroleum” 20 milionë euro borxh, për shkak të naftës krudo që ka marrë, por pa dhënë paratë. Duket se kompania “Taçi Oil” është duke kërkuar shpëtim te kontrabanda masive me naftën e pastër, të cilën e shet si D2 dhe të cilën në doganat shqiptare e raporton si naftë krudo.
Gjithçka është e qartë: anija “Athina” ngarkohet me mbi 53 mijë fuçi naftë të pastër ose me rreth 8 mijë e 500 tonë dhe në doganë raportohet për naftë krudo duke i vjedhur shtetit 7.6 milionë euro. Më pas nafta kundër ligjit vendas shitet për D2 dhe fitimi është i pazakontë duke qenë se “Taçi Oil” ka e vetme monopolin e naftës D2. Historitë e kompanisë “Taçi Oil” me skandale të tilla në Shqipëri nuk fillojnë me anijen “Athina” e duket se nuk do të mbarojnë me të, pavarësisht se ky mund të jetë ndër më të mëdhenjtë dhe më domethënësit.
Deri më tani autoritet doganore në Vlorë nuk e kanë lejuar anijen të shkarkohet, por ndërkohë nuk kanë bërë asnjë veprim për sekuestrimin e saj. Të gjithë presin një sinjal nga qeveria për të lejuar futjen e saj kontrabandë në tregun shqiptar.

[Apollyon]

Atehere meqe dalin te tille artikuj neper gazeta, pse nuk e fusin prapa hekurave kte bobin?

Apo ky eshte ai "o bobi ti o bobi ti" !

[shitesi]

Pyetje retorike kjo

[Homza]

me vjen mire nqs nje biznesmen Shqiptar behet padron i nje klubi italjan, te pakten nje Shqiptar ne itali nuk do punonte ne ndertim ose ne guzhine...


Sa lek do ti duhen kti Tacit te blej kte klub, flitet gje per shifra?

[OO7]

Lërini pallavriqet e Temës që shkruan për llogari të Besnik Sulajt që shet naftë e benzinë me ujë. Ky Taçi është biznesmen serioz. Para nja dy vitesh i dogjën edhe rezervat e naftës banditët e Sulajt po nuk arritën ta mposhtnin gjithësesi.

Ky është presidenti klubit që drejton xhaja im edhe ka bërë punë serioze me investimet në infrastrukturën e stadiumit edhe në lojtarë këto dy vjet duke e marrë nga kategoria e dytë edhe duke e nxjerrë në Superligë. Të shohim kur të nisë sezoni i ri se si do eci.

[EkOnOmIsTi]

HAllall ja boft zoti djal me mend ky duhet mesyar nga ky se vetem kshu mund te behet leku sic kan ardh kohet

[vagabondo_nyc]

Lërini pallavriqet e Temës që shkruan për llogari të Besnik Sulajt që shet naftë e benzinë me ujë. Ky Taçi është biznesmen serioz. Para nja dy vitesh i dogjën edhe rezervat e naftës banditët e Sulajt po nuk arritën ta mposhtnin gjithësesi.

Ky është presidenti klubit që drejton xhaja im edhe ka bërë punë serioze me investimet në infrastrukturën e stadiumit edhe në lojtarë këto dy vjet duke e marrë nga kategoria e dytë edhe duke e nxjerrë në Superligë. Të shohim kur të nisë sezoni i ri se si do eci.

Ky eshte akuzuar jo vetem ne mendiat shqiptare por ene nga SALI BERISHA si kontrabandist.

Tani se qeka xhaja jot ne ate klub sdo thote qe ky robi eshte i paster se gjithe ate pare se ka bo me mund per me hajdutlliqe e kontrabandlliqe.


Disa pyetje publike për ministrin e Ekonomisë, Genc Ruli

Nga Tema

Ministri i Ekonomisë, Genc Ruli, ka lejuar mosdeklarimin e sasive të naftës që merr ARMO nga nëntoka prej “Albpetrol”-it, duke thyer vendimin e qeverisë së janarit 2009, e cila kërkon deklarimin e sasive dhe kostove të produkteve të naftës që shkojnë për përpunim në ARMO.
Gazeta “TemA” kërkon publikisht prej Genc Rulit të deklarojë:
1. Sa është evazioni fiskal dhe borxhi që ARMO e Rezart Taçit i ka krijuar tatimeve nga fshehja e sasive dhe çmimeve?
2. Si është e mundur që kompania “Stream Oil”, pronë e deputetes së PD, Albana Vokshi, (në emër të burrit të saj), ka marrë me koncesion zonën e shfrytëzimit të naftës në Marinzë, me firmën e Mimoza Vokshit, motrës së Albana Vokshit?
3. A lejohet futja e naftës D2 nga jashtë dhe pse nuk arrestohet Rezart Taçi që fut naftë të tillë në Shqipëri?
4. A jeni në dijeni që ministria juaj, e cila përgjigjet për cilësinë e naftës që futet në Shqipëri, toleron ngarkesat e Rezart Taçit, duke shkatërruar tregun dhe ligjet e shtetit shqiptar?
5. A jeni i lirë ta çoni para drejtësisë Rezart Taçin apo jeni peng i tij?