Pyetje per besimtarin e Krishtere!

[Mau_kiko]

Pershendetje te gjithe besimtaret katolik!

Kam nje pyetje per ju. Nuk e kam kuptuar dot asnjehere kete punen e trinitetit te shenjte, me nje fjale ati, biri dhe shpirti i shenjte. Kush eshte ati, kush eshte biri dhe kush eshte shpirti i shenjte?
Mos ma merrni per ters qe po pyes por gjithmone me ka bere pershtypje kjo puna e atit, birit edhe shpirtit te shenjte. Pse duhet me iu lut ketyre te treve dhe perse nuk mund ti lutesh vetem Atit, apo vetem Birit apo vetem Shpirtit te shenjte??
Ne nje bisede me nje katolik ne muhabet e siper i bera te njejten pyetje por nuk me dha nje pergjigje konkrete, me nje fjale sia kishte haberin. Por ne muahbet e siper te linte pershtypjen se Jezu Krishti ishte te treja bashke....?

Do tua dija per nder nese ndonjeri ma sqaronte kete ceshtje.

[B.T.K]

tani do te hap nje teme posqaerisht per kete pyetje ........... mu ne kete nenforum

[Erlebnisse]

B.T.K perderisa eshte kjo teme s'ke pse hap tjeter...

Gjithsesi Ati eshte Zoti, Biri Jezusi, Shpirti i shenjte Zoti, Jezusi, Engjejt, Apostujt, shenjterit.

Triniteti dhe formula e pagezimit quhet ndryshe. Kur ti thua kete i nderon te gjithe keto, duke filluar nga i lartmadherishmi e keshtu e me rradhe.

[B.T.K]

B.T.K perderisa eshte kjo teme s'ke pse hap tjeter...

Gjithsesi Ati eshte Zoti, Biri Jezusi, Shpirti i shenjte Zoti, Jezusi, Engjejt.

Triniteti dhe formula e pagezimit quhet ndryshe. Kur ti thua kete i nderon te gjithe keto, duke filluar nga i lartmadherishmi e keshtu e me rradhe.

me kete nuk kuptova as une kurgjo ....... ky spjegim eshte tejet i pakuptimt .... them keshtu sepse nuk eshte njejt si ti qe e ke kuptuar dhe si ai qe nuk e din ...... besoj me kupton

[Erlebnisse]

Nuk kupton kush nuk ka deshire, se s'ka gje me tethjeshte se aq: bukur, paster e pa gabime Ati-->Allahu; Biri---> Si i therrisni Jezusit ne myslimance Isai dhe shpirti i shenjte ---> te gjithe pastaj ato qe jane bere te shenjte si nene havaja e bab ademi. Po tani e kuptove, ne myslimance LoL

[B.T.K]

ahahahah ene ju allahun zot keni wow great point for muslims looool

[BESIIM]

Nuk kupton kush nuk ka deshire, se s'ka gje me tethjeshte se aq: bukur, paster e pa gabime Ati-->Allahu; Biri---> Si i therrisni Jezusit ne myslimance Isai dhe shpirti i shenjte ---> te gjithe pastaj ato qe jane bere te shenjte si nene havaja e bab ademi. Po tani e kuptove, ne myslimance LoL

Mbasi qenka tema me be pyetje, po e bej edhe unë një, mos ma merrni për keq vetëm dëshiroj ta di kush i shpall ata te shenjt .

[belive-god]

Pershendetje te gjithve,

Era nese je protestante por edhe katolike haberin sja paske Trinitetit kshtu qe fillo edhe nje here nga katekizmi.

Hyrje

Feja - Besimi në Trininë Shenjte është esenca - thelbi i tërë jetës së krishterë. Ajo është fshehtësia - misteri i Hyjit në vetvete. Fshehtësi e cila është e paarritshme - e pakapshme për arsyen njerëzore. Mirëpo ky Hyj në të vërtetë është bërë "i arritshëm-i kapshëm" për arsyen njerëzore ashtu që në bashkim me Shpirtin Shenjt e dergoi Birin e vet, Jezu Krishtin, në botë i cili edhe na zbuloi Hyjin-At.

Në bazë të kësaj Zbulese dhe mësimit të Katekizmit të Kishës Katolike do të mundohem, në pika të shkurta, të paraqes këtu diçka për Trininë Shenjte në tri Personat - Vetjet hyjnore.

1- Zbulesa e Hyjit si Trini

Trinia e Shenjte është fshehtësi feje, mister. Dhe çdo njeri i cili don të thotë diçka për Trininë Shenjte duhet ta këtë parasysh këtë fshehtësi dhe prej saj duhet filluar fjalën e vet. Trinia e Shenjte është bashkësia e Atit, Birit dhe Shpirtit Shenjt, bashkësi dashurie, jo bashkësi e qenieve të ndryshme, sikurse tek njerzit, por bashkësi në të njëjtën esencë hyjnore. Kjo është njëjtësi apsolute e Vetjeve në varësi të Dytës prej të Parë, kurse të Tretës prej të Parës dhe të Dytës; në "të qenet - eksistimin" e amshueshëm të Hyjit si At, Bir dhe Shpirt Shenjt përkundrazi "lindjes" së Vetjs së dytë dhe "hukatjes" së Vetjes së Tretë. Prandaj forma konkrete dhe mënyra e bashkësisë trinitare pranë ndryshmërisë së Vetjeve në të njejtën kohë (një Hyj - tri Vetje hyjnore) për ne janë fshehtesi e thellë - e madhe. Mirëpo prapseprap në të gjitha këto mundemi diçka të arrijmë e të dimë. Si? Në cilën mënyrë? Që të mos mbese e gjithë kjo fshehtësi, për këtë u "kujdes" Jezu Krishti Vetja e dytë e Shenjtërueshmës Trini, i cili me Mishërimin e vet na e zbuloi Hyjin si Trini, kurse ne, për këtë fshehtësi të paarritshme, duke i'u falenderuar Atij, prap se prap mund të dimë diçka. Për këtë më së miri na tregon Katekizmi i Kishës Katolike në numrat 240 dhe 243 në të cilët vijon: "Krishti na e ka zbuluar se Hyji është 'At' në mënyrë të pashembullt; nuk është ky vetëm si Krijues, Ai është përgjithmonë At në marrëdhenje (raport) ndaj një të lindurit Birit të vet: 'askush s'mund ta njohë Atin, përveç Birit e përveç atij kujt Biri t'ia zbuloje' (Mt 11, 27)" (Katekizmi i Kishes Katolike, me tutje KKK, 240). dhe "Para Pashkëve të veta, Jezusi paralajmeron dërgimin e 'Paraklitit të dytë' (Ngushlluesin-Mbrojtësin), Shpirtin Shenjt i cili është në vepër gjatë krijimit dhe i cili dikur 'foli me anën e profetëve' (Besojma e Nikesë dhe e Konstantinopolit), tani do të jetë pranë nxënësve dhe në ta qe t'i udhezojë ta njohin tërë të Vertetën' (Gjn 16, 13). Kështu Shpirti Shenjt është zbuluar edhe si një Vetje hyjnore në marrëdhënje (raport) ndaj Jezusit dhe ndaj Atit" (KKK 243). Prandaj prej Katekizmit shihet qartë se Hyjin si Trini na ka zbuluar Jezusi dhe vetëm nëpërmjet Jezusit mundemi ta "njohim" Hyjin si Trini. "Trinia e Shenjte është fshehtësi feje në kuptimin e plotë, njëra prej 'fshehtësive të fshehura në Hyjin të cilat nuk mund të dihen nese nuk janë të zbuluara prej Hyjit'. Hyji me të vërtetë, i ka lënë gjurmet e veta si qenie në tri Vetje, në veprën krijuese të tij dhe në Zbulesën gjatë Besëlidhjes së Vjetër. Mirëpo brendësia e Qenies së vet si Trini Shenjte e përbën fshehtësinë e cila nuk është e arritshme për arsyën tonë, as për 'fenë e Izraelit' para Misherimit të Birit të Hyjit dhe dërgimit të Shpirtit Shenjt" (KKK 237). Përmes Jezusit mundemi "ta njohim" Hyjin si At i cili e posedon - e ka hyjninë dhe se prej askujt tjetër nuk e ka pranuar - marrë, dhe Ai këtë hyjni në plotësi i'a jep Birit të cilin e lind prej shekujve, dhe Shpirtit Shenjt në të cilin Ati dhe Biri bashkohen.

2- Hyji - Ati

Prej Besojmes së Nikesë dhe Konstantinopolit mund të shohim se në pjesën e parë e dëshmojmë fenë në një Hyj Atin e gjithepushtetshem(KKK 237). Në jetën konkrete të besimtarëve shpeshherë nuk dallohet shprehja Hyj dhe At.

Hyji është një dhe si një është At, Bir dhe Shpirt Shenjt. Nga Besëlidhja e Re në gjuhën greke mundemi në mënyrë të qartë ta shohim këtë dallim. Kur paraqitet shprehja me theks të caktuar ho Theos kjo gjithëmonë ka të bëjë me Atin. Kjo shprehje kurrë nuk paraqitet kur është fjala për Hyjin në Trini apo për Shpirtin Shenjt, kurse për Jezusin paraqitet pa theks (Krah. KUSAR, Stjepan. Misteri i Trinise Shenjte. Zagreb 1994, fq. 93; Rom 9, 5; Tit 2, 13; GJn 1, 1; 18, 20; 28; 1 GJn 5, 20). Sipas kësaj mundemi të shohim qartë se shprehja ho Theos gjithmonë ka të bëjë me Atin, mund të them edhe si emër personal për Atin.

Sa i përket atërisë së Hyjit Besëlidhja e Re na paraqet një të re të madhe në krahasim me Besëlidhjen e Vjetër. Kurse ajo e re është se Hyji është Ati natyror dhe atëria e tij nuk bazohet vetëm në zgjedhjen e një populli apo në besëlidhje me të, por 'është At i cili ka Birin dhe ai Bir është i lindur prej shekujve prej Hyjit At'. Sipas kësaj për Besëlidhjen e Re Hyji është At në kuptimin e vet çka është një risi e madhe në krahasim me Besëlidhjen e Vjetër.

Sipas hyrjes së ungjillit te shën Gjonit mund të shohim, kurse ai edhe deshmon, se njohja e Atit është në të vërtetë njohja e vërtetë e Hyjit (Krah. Gjn 1, 18.). Sepse, sipas kësaj hyerje të Zbulohet Hyji do të thotë të zbulohet Ati. Si? Ati është Vetja e parë i cili është Hyj dhe ai ka kryevendin (parësinë). E gjithë ajo çka është Hyj në të e ka fillimin. Ati thirret Hyj sepse në të realizohet ajo çka më parë është zbuluar për Hyjin dhe se ai është burimi i hyjnisë së Birit dhe Shpirtit, në të është plotësia hyjnore.

"A do të kishim mundur Atin Hyj ta thërrasim nënë? (...) Hyji, sigurisht, i rrit ndjenjat emërore ndaj popullit të vet dhe ndaj gjithë njerëzve. (...) Por Hyjin mund ta thërrasim vetem At, sepse ashtu e ka thirrur Jezusi. Përvoja me nënën e vet, Marinë, i'a ka dhënë mundësinë njerëzore që Hyjin ta thërras Nënë. Mirëpo, Jezusi këtë nuk e ka bërë. (...) Jezusi e ka lutur Atin e vet në vetëdijen e formuar njerëzore të vet" (CHANTRAINE, Georges. Hyji At: ne: Svesci (Communio) 97 (99), 39.).

Sa i përket kësaj pyetje Katekizmi thotë se Hyji si At është vet mirësia dhe me butesi i kujdesshëm për të gjithë fëmijët e vet, e cila butësi e Hyjit mund të shprehet me ikonën e emërisë. Mirepo, përkundër kësaj duhet të kemi parasysh se Hyji i tejkalon dallimet njerëzore të gjinive, ai nuk është as mashkull as femër, ai është Hyj. Hyji në rend të parë është At dhe prandaj të gjitha veçoritë hyjnore pranojnë fytyrën atërore. Ati është Vetja e parë hyjnore sepse është burimi i dy Vetjeve tjera (Krs. Gjn 1, 18). Mirëpo, ky kryevend (parësi) nuk do të thotë se ai është më i lartë (më i fortë) në rendin e eksistencës: Ati nuk është më i madh (i lartë) se Biri as Shpirti, ai posedon (ka) kryevendin zanafillor. Hyji është At me relacionin (raportin) e atërise, Biri eksiston si Bir me relacionin (raportin) e bijërisë kurse Shpirti me relacionin (raportin) e "hukatjes"

3- Hyji - Biri

U tha më lartë se Vetja e dytë hyjnore është Biri, me relacionin (raportin) e bijerisë, të cilin Hyji - At e lind prej shekujve në bashkim me Shpirtin Shenjt. "'Por, kur erdhi koha e caktuar, Hyji dergoi Birin e vet, të lindur prej gruaje, të nënshtruar Ligjit, qe t'i shpërblente të nënshtruarit e Ligjit, që ne ta fitonim bijesinë në shpirt" (Gal 4, 4-5). Hyji Ati i gjithpushtetshëm e i amshuar e dergoi Birin e vet, Vetjen e dytë hyjnore që ta përshkojë popullin e vet dhe të permbush premtimin të cilin i'a dha Abrahamit dhe pasardhësve të tij" (Krs. KKK 422).

Ne Besojmën e Nikesë - Konstantinopolit e dëshmojmë fenë në Jezu Krishtin një të lindurin Birin e Hyjit. Jezusi është një i linduri Bir, i amshueshmi Bir i Hyjit i cili u bë njeri, i cili është në Atin dhe e posedon (ka) Atin në vete, i cili 'erdhi prej Hyjit' (Gjn 13,3), dhe u bë njeri (Krs. GJn 1,14-16). Nëse Hyji mes Jezu Krishtit dhe Shpirtit Shenjt definitivisht dhe në plotësi e zbuloi vetvetën dhe me këtë u definua si 'Ati Zotërisë sonë Jezu Krishtit', atëherë Jezusi i përket eksistencës së amshueshme hyjnore. Prandaj ai është Biri i Hyjit prej shekujve.

Metutje, pohimi i mesit të Besojmës së Nikesë thotë: "Besoj... në një Zot të vetëm Jezu Krishtin një të lindurin Birin e Hyjit. Të lindur prej Atit para gjithë shekujsh. Hyj prej Hyjit, dritë prej drite, Hyji i vërtetë prej Hyjit të vërtetë. Të lindur e jo të krijuar. Të njëgjejtë me Atin, nëpërmes të cilit u krijuan të gjitha sendet. Dhe për shpëtimin e njerëzve u denjua të lind nga virgjëra, dhe u bë njeri..." Pra, Biri nuk është i krijuar, por i lindur, dhe i një natyre (homoousios) me Atin. Biri i përket natyrës hyjnore prandaj dhe qendron në të njëjtin rang të eksistencës sikurse Ati (Krs. KASPER, Walter. Isus Krist. CuS, Split 1995, 216.). Ai prej përshpirtërisë ndaj Atit vjen në botë, bëhet i ngjashem me njerëz, përveç në mëkat, (krs. Fil 2, 6-11) që t'a shpetojë gjithë botën, që ta kryej vullnetin e Atit. Ai me këtë nuk humbi asgjë. Mbeti Hyj, por në të njëjtën kohë u bë njeri, të gjitha keto i bëri vetëm që ta madhëroje Atin. Duket sikur nuk mundet asgjë të bëjë e të mos e shikojë Atin, ai nuk mundet të thotë se as kush është e të mos thirret në Atin (krs. Mt 11, 27). Në Jezu Krishtin pra, e kemi plotësinë e zbulimit të Hyjit At, sepse ai i realizoi të gjitha premtimet e Hyjit. Ardhja në botë, Mishërimi, jeta, mësimi, vuajtja, ngjallja dhe ngritja në qiell nuk janë asgjë tjetër përveç madhërimi i Atit e në të njetën kohë madhërimi i Birit në bashkim me Shpirtin Shenjt. Nëpër Krishtin, Fjalës (krs. Dei Verbum 2; Kol 1, 15; 1 Tim 1, 17) e cila u bë njeri, në Shpirtin Shenjt të gjithë njerëzit kanë të drejtë të dalin para Atit dhe bëhen pjesëmarrësit e natyrës hyjnore.

4- Hyji-Shpirti Shenjt

Shpirti Shenjt është Vetja e tretë hyjnore i cili rrjedh prej Atit dhe Birit. Katekizmi thotë: "'Çka është në Hyjin, askush nuk di, përveç Shpirtit të Hyjit' (1 Kor 2, 11). Kurse Shpirti i tij, i cili e zbulon, na mundeson t'a njohim Krishtin, Mendimin e tij dhe Fjalën e Gjallë, por vetvetën nuk e shpreh. Ai që 'foli me anën e profetëve' bën që ta dëgjojmë Fjalën e Atit. Por Atë (Shpirtin) nuk e dëgjojmë. Ne e njohim vetëm në lëvizje e cila na 'zbulon' Krishtin, nuk flet prej vetvetës (Gjn 16, 13). Mbulesa e tillë, në kuptimin e plotë hyjnor, shpjegon pse 'bota nuk mund ta pranojë, sepse nuk e sheh e as nuk e njeh', kurse ata që besojnë në Krishtin e njohin sepse Ai mbetet në ta" (KKK 678). Ajo çka u tha më parë për Atin dhe Birin vlen edhe për Shpirtin Shenjt. Ai është Zot, Vetja e tretë hyjnore, një natyrë (njëgjejtë) me Atin dhe Birin. Ai është Shpirti i Hyjit, jetëbërës, i pandashem në jetën intime të Trinisë, as edhe në dhurimin e dashurisë së vet për botën. "Shpirti i Hyjit është fuqia krijimtare jetësore e cila i jep eksistimin çdo gjëje që është, atë, që çdo gjë e mban dhe e udheheq" (KUSAR,Stjepan.Vep., e cituar, 128). Ai është për arsyën e njeriut i pakapshëm i paarritshëm, sepse e tejkalon mundesinë dhe urtinë njerëzore.Jezu Krishti vepron në tërësinë e fuqisë së Hyjit, Ai është i shuguruar me Shpirtin Shenjt. Në Besojmën kishtare për Shpirtin Shenjt thuhet: 'i cili foli me anën e profetëve'. Shpirti për Besojmën kishtare qartë, nuk është vetëm fuqia krijuese e Hyjit, por edhe fuqia historike e Hyjit, mes të cilës ai duke folur dhe duke vepruar përfshinë në histori, që me këtë të arrijë qellimin eskatologjik të historisë: që Hyji të jetë gjithçka në të gjithë (1 Kor 15, 28)"( KASPER, Walter. Hyji i Jezu Krishtit. UPT, Gjakovo 1994, 308). Në Shpirtin si në atë të Tretin në dashurinë e Atit dhe Birit besimtarët marrin dhuratën e Atit mes Birit. Me Shpirtin Shenjt jemi të përfshirë në pjesëmarrjen e Abba - të Jezusit. Shpirti prap nuk është asgjë prej vetës dhe për veten: ai është në të vërtetë të kuptuarit dhe dhuratë e pastër. Në këtë ai është plotësia e pastër, gezimi i amshuar i marrjes së dhuratës së pastër, lumturi dhe përkryeshmëri e pafund. Ai është "ekstaza" e dashurisë në Hyjin. Nëpër Shpirtin dhe me Shpirtin vet Trinia e Shenjt, Hyji në tri Vetje është "në rrugë" mes vetës kah tjetri. Shpirti është jo vetem "dhuratë në Hyjin" por edhe Dhurata eskatologjike e Hyjit dhënë botës, në fund edhe që vlen për shenjterin dhe përkryeshmerin të përhershme të botës.

Përmbyllje

Prej gjithë asaj që u tha shihet se Ati, Biri dhe Shpirti Shenjt vërtetë në eksistencën hyjnore e përbëjnë një Hyj të vetëm. Të përkryer në gjithçka. Ati e lind Birin prej shekujsh, Biri rrjedh prej Atit kurse Shpirti Shenjt prej Atit dhe Birit duke e formuar ashtu një bashkësi të përkryer. Ai është një Hyj i vetëm të cilin e përbejnë tri Vetje hyjnore, të cilat dallohen mes veti, por jo edhe në esencë. Të Tretë janë të një eksistence - natyre mes veti, dhe të krishterët me plotë të drejtë e dëshmojnë Fenë në një Hyj, i cili si një është Ati, Biri dhe Shpirti Shenjt.

Rrefim i nje ngjarje qe i ka ndodhur Shen Augustinin (Filozof dhe Teolog) - *Isha duke ecur në breg te detit, e pash një djalosh te vogel rreth moshes 8 vjeq. E kishte hapur nje grope ne rërën e detit por merrte ujë nga deti dhe e fuste ne atë grope. E shikova me vemendje dhe i thash:" O djalosh, ajo grop te cilen ti mundohesh ta mbushesh me ujë të detit, sdo te ja arrin kurre ta mbushesh!!", ai mu pergjigj:" Kur ta vendosi te gjithe ujin e detit ne kete grop, atëhere ti do ta kuptosh misterin e Trinitetit Hyjnore"*

Besoj se ështe sado pak e kuptueshme per ata qe deshirojn me e kuptu

[Mau_kiko]

2- Hyji - Ati

Hyji është një dhe si një është At, Bir dhe Shpirt Shenjt.

Hyji është Ati ….., por 'është At i cili ka Birin dhe ai Bir është i lindur prej shekujve prej Hyjit At'.

3- Hyji - Biri


U tha më lartë se Vetja e dytë hyjnore është Biri, me relacionin (raportin) e bijerisë, të cilin Hyji - At e lind prej shekujve në bashkim me Shpirtin Shenjt. "'Por, kur erdhi koha e caktuar, Hyji dergoi Birin e vet, të lindur prej gruaje, të nënshtruar Ligjit, qe t'i shpërblente të nënshtruarit e Ligjit, që ne ta fitonim bijesinë në shpirt" (Gal 4, 4-5). Hyji Ati i gjithpushtetshëm e i amshuar e dergoi Birin e vet, Vetjen e dytë hyjnore që ta përshkojë popullin e vet dhe të permbush premtimin të cilin i'a dha Abrahamit dhe pasardhësve të tij" (Krs. KKK 422).


" Pra, Biri nuk është i krijuar, por i lindur, dhe i një natyre (homoousios) me Atin. Biri i përket natyrës hyjnore prandaj dhe qendron në të njëjtin rang të eksistencës sikurse Ati (Krs. KASPER, Walter. Isus Krist. CuS, Split 1995, 216.). Ai prej përshpirtërisë ndaj Atit vjen në botë, bëhet i ngjashem me njerëz, përveç në mëkat, (krs. Fil 2, 6-11) që t'a shpetojë gjithë botën, që ta kryej vullnetin e Atit. Ai me këtë nuk humbi asgjë.

4- Hyji-Shpirti Shenjt

Shpirti Shenjt është Vetja e tretë hyjnore i cili rrjedh prej Atit dhe Birit. Katekizmi thotë: "'Çka është në Hyjin, askush nuk di, përveç Shpirtit të Hyjit' (1 Kor 2, 11).

Përmbyllje

Prej gjithë asaj që u tha shihet se Ati, Biri dhe Shpirti Shenjt vërtetë në eksistencën hyjnore e përbëjnë një Hyj të vetëm. Të përkryer në gjithçka. Ati e lind Birin prej shekujsh, Biri rrjedh prej Atit kurse Shpirti Shenjt prej Atit dhe Birit duke e formuar ashtu një bashkësi të përkryer.



Besoj se ështe sado pak e kuptueshme per ata qe deshirojn me e kuptu

Dakord, me ler te te them se cfare kuptova:

Si fillim, Hyji është një dhe si një është At, Bir dhe Shpirt Shenjt. pra Hyji eshte nje qenie e vetme e njohur edhe si Ati, Biri dhe Shpirti Shenjt?

Tani, veta e dyte hyjnore eshte biri, Ati e lindi birin ne bashkim me veten e vet, por duke u bazuar ke shkrimi I cili thote qe Ati, Biri dhe Shpirti i Shenjte jane nje atehere ndryshe i bie:
Hyji e lindi Hyjin ne bashkpinim me Hyjin (me thoni ku gaboj) ose, Ati e lindi Atin me bashkpunimin e Atit e keshtu me rradhe.
Une po bazohem qe ata jane e njejta gje prandaj po bej kete pyetje

“Por, kur erdhi koha e caktuar, Hyji dergoi Birin e vet, të lindur prej gruaje, të nënshtruar Ligjit, qe t'i shpërblente të nënshtruarit e Ligjit, që ne ta fitonim bijesinë në shpirt" (Gal 4, 4-5)
Hyji Ati i gjithpushtetshëm e i amshuar e dergoi Birin e vet, Vetjen e dytë hyjnore që ta përshkojë popullin e vet dhe të permbush premtimin të cilin i'a dha Abrahamit dhe pasardhësve të tij" (Krs. KKK 422).

Pra Hyji dergoi veten e tij te lindur prej nje gruaje. Ose edhe: Hyji At dergoi Birin, pra Atin, me nje fjale Shpirtin e Shenjete. apo veteveten????

Shpirti Shenjt është Vetja e tretë hyjnore i cili rrjedh prej Atit dhe Birit. Katekizmi thotë: "'Çka është në Hyjin, askush nuk di, përveç Shpirtit të Hyjit' (1 Kor 2, 11).

Cka eshte ne hyjin nuk e di askush pervec tij(a nuk jam i sakte apo gaboj?)


Ati e lind Birin prej shekujsh, Biri rrjedh prej Atit kurse Shpirti Shenjt prej Atit dhe Birit duke e formuar ashtu një bashkësi të përkryer.
Kjo ishte edhe me e ngaterruar se cma mori mendja.





Po pjesa ku kuptohej gjithcka ishte ajo fotoja e bashkangjitu, ajo nuk linte vend per dyshime.



Tani dua te qartesoj dicka, une jam rritur midis te krishtereve dhe gjithmone me ka bere pershtypje kjo puna e trinitetit dhe shume gjera te tjera, edhe pse kjo eshte ajo qe me ka lene me shume pyetje. Dhe askush nuk ka arritur te ma shpjegoj sakte, edhe ke shkrimi i antarit te cilin citova dalin kontradiktka. Nuk po e bej pyetjen me qellim te keq, apo per te lekundur besimin e ndonje personi, ok? Por vajta kaq i madh e akoma nuk e kam kuptuar.

A ka ndonje njeri kompetent i cili mund ta shpjegoj trinitetin ne menyre te sakte?

Respekte

[Dielli_ime]

Mau Kiko,

nuk besoj se ka me te ta shpjegu ndonje njeri ma mire se Zoti ne lutje kete pune. Ka gjera te shpirtit qe fjalet tona nuk i pershkruajne dot.

Lutju Atit neper Birin permes Shpirtit te Shenjte dhe atehere do ta kesh te qarte gjithcka.

Qofte levdue Jezu Krishti!