Zgjedhjet per pushtetin vendor ne Kosove mbahen ne 15 nentor 2009

[Llapi]

Kryeministri Thaçi: Të bashkohemi rreth flamurit të Kosovës

Kryeministri i Kosovës y.Hashim Thaçi, njëherit kryetar i PDK-së, ftoi të premten qytetarët e Kosovës dhe partitë politike në Kosovë, që më 15 nëntor t’i ulin flamujt partiak dhe të bashkohen rreth flamurit të Kosovës – në mënyrë që Kosova të organizojë zgjedhje të lira e demokratike dhe t’i çojmë një mesazh të mirë faktorit ndërkombëtar.

Lideri i PDK-së, para simpatizantëve e mbledhur, falënderoi qytetarët për një fushatë fer dhe demokratike në të cilën – sipas tij - treguan se Kosova ka një vizion të qartë drejt Bashkimit Evropian.

Megjithatë, kryeministri Thaçi ftoi qytetarët që të votojnë Partinë Demokratike të Kosovës, duke kërkuar nga ata që votën e parë në Kosovën e pavarur t’ia japin PDK-së.

Ai u shpreh i bindur në fitoren e PDK-së në shumicën e komunave, dhe u betua se ai, si kryeministër i Kosovës, do të bashkëpunojë me të gjithë kryetarët e komunave pavarësisht nga vijnë ata. PDK, siç tha Thaçi, do të jetë zëri i të gjithë qytetarëve të Kosovës dhe Kosova, sipas tij, pas 15 nëntorit do të jetë një storie e mirë.

Astrit Salihu, kandidat i PDK-së për kryetar të Prishtinës ka ftuar qytetarët që ta votojnë atë nëse duan një Prishtinë që funksionon,. Ai premtoi edhe njëherë 5.700 vendparkingje, 225 punëtorë sanitarë që do ta mirëmbajnë Prishtinën, kompjuter për çdo mësimdhënës, taksa të vogla për biznese etj.

Ai ftoi qytetarët e Prishtinës që me votën për PDK-në t’i tejkalojnë premtimet e parealizueshme të qeverisë aktuale dhe dështimit të Isa Mustafës.

Salihu ftoi qytetarët e mbledhur në Sallën e sporteve në Prishtinë – që të votojnë për një Prishtinë ndryshe dhe bëri thirrje: Prishtinë eja të ndryshojmë.

[Llapi]

Partitë politike dhe votuesit nëpër proceset zgjedhore

Partitë politike dhe votuesit nëpër proceset zgjedhorePartitë politike dhe votuesit nëpër proceset zgjedhorePartitë politike dhe votuesit nëpër proceset zgjedhore
Prishtinë, 13 Nëntor 2009 (Kosovapress) Koha 17:13

Brenda shtatë vitesh dhe pesë proceseve zgjedhore një herë kishte ndryshime në skenën politike të Kosovës, pasi që deri më 2007 me votat e fituara LDK mbajti pozitën e parë, por zgjedhjet e atij viti, këtij subjekti politik ia zvogëluan shumë votat, kurse subjekti i tashëm më i madh politik në vend, PDK me ruajtjen e votuesve të vet arriti të bëhet në një përqindje të thellë partia më e madhe në vend, kurse AAK doli si subjekti i pestë, pasi që me votat e fituara vendin e tretë e mori AKR-ja, kurse të katërtin LDD-ja. Në Republikën e Kosovës, që prej pas luftës janë mbajtur pesë palë zgjedhje dhe Agjencia e Pavarur e Lajmeve Kosovapress ka nxjerr me numra dhe përqindje votuesit që kanë pasur partitë gjatë tërë këtyre proceseve. Lidhja Demokratike e Kosovës (LDK) prej 398.872 votuesve në vitin 2000, ka rënë në 129.410 votues në zgjedhjet e vitit 2007. Ndërsa Partia Demokratike e Kosovës (PDK) nuk ka pasur ndonjë ndryshim të madh në numrin e votuesve, pasi që në vitin 2000 kishte 187.821 votues, kurse në zgjedhjet e vitit 2007 arriti të grumbulloj 196.207 vota. Po ashtu edhe Aleanca për Ardhmërinë e Kosovës (AAK) nga 53.074 votues në vitin 2000 ka arritur që të ketë një ngritje të vogël në vitin 2007 duke marrë gjithsejtë 54.611 vota.

[Llapi]

Pesë mijë pjesëtarë të Policisë së Kosovës do të ofrojnë siguri ditën e zgjedhjeve

Më 15 nëntor, ditën kur në vendin tonë do të mbahen zgjedhjet lokale, të parat pas shpalljes së pavarësisë së Kosovës, 5 mijë pjesëtarë të Policisë së Kosovës do të angazhohen në ofrimin sigurinë së plotë anekënd vendit, për të mundësuar rrjedhë normale dhe votim të papenguar të qytetarëve gjatë gjithë procesit zgjedhor....
Postuar: 15:10:36 / 13.11.2009
Policia e Kosovës është institucioni kryesor i cili do të ofrojë siguri në ditën e diel, më 15 nëntor. Me këtë rast Policia e Kosovës ka angazhuar 5 mijë policë, duke përfshirë edhe forcat speciale, për ta bërë sigurimin e të gjitha qendrave të votimit, depove dhe tërë materialit tjetër të ndjeshëm.
Majori Gani Fetahu, drejtor i Drejtorisë për Planifikim dhe Zhvillim në Shtabin e Përgjithshëm të Policisë së Kosovës, ka bërë të ditur se i tërë plani operativ i policisë është bërë në koordinim me KQZ-në.

Ndryshe, Polica e Kosovës e ka vlerësuar si të qetë fushatën parazgjedhore në përgjithësi dhe aktivitetet e partive politike

[Llapi]

Sondazh për zgjedhjet lokale të 15 nëntorit

PDK - 40.09 %,
LDK - 24.77 %,
AKR-LDD - 15.78 %,
AAK - 11.82 %


Në prag të zgjedhjeve
lokale të 15 nëntorit
në Kosovë, Departamenti
për Hulumtime
i gazetës “Infopress”
ka kryer hulumtimin e
radhës. Hulumtimi ka përfshirë
preferencat e qytetarëve të Republikës
së Kosovës rreth kandidatëve
për kryetarë të komunave
dhe kandidatëve për këshilltarë
komunalë. Ndërkaq, do të bëhen
publike rezultatet në nivel të
përgjithshëm. Hulumtimi i kryer
në fillimin e muajit nëntor,
është zhvilluar në 28 komuna
të Republikës së Kosovës. Metodologji
e hulumtimit ka qenë
anketimi i qytetarëve.


Sipas hulumtimit, PDK
ruan të gjitha komunat ku
qeverisë aktualisht, prinë
edhe në tri komuna të
tjera.

LDK mbetet dominonte
vetëm në Prishtinë
dhe Istog.

Koalicioni AKR-LDD
avancon në Gjakovë,
ndërsa mbetet larg fitores
në komunat e tjera.

Vihet
re një rritje e lehtë e AAKsë
në disa komuna, por ka
rënie në Pejë dhe Gjakovë

Prin PDK
Edhe në këto zgjedhje lokale,
vërehet dominimi i Partisë
Demokratike të Kosovës, e cila
në nivel vendi arrin të marrë
39.71 për qind të përfaqësimit
në komuna, ndërkaq në garën
për kryetarë prin me 40.09 për
qind.


Nga ana tjetër, Lidhja
Demokratike e Kosovës, pason
partinë më të madhe në vend
me 23.87 në përfaqësimin e saj
me këshilltarë nëpër komuna
dhe renditet e dyta po ashtu sa
i përket garës për kryetarë me
24.77 për qind.


Në garën për
kryetarë të komunave, koalicioni
AKR-LDD renditet i treti
me 15.78 për, ndërkaq, të ndara
në përfaqësimin komunal, AKR
merr 11.25, ndërkaq LDD 6.81.


Aleanca për Ardhmërinë e Kosovës,
shënon 10.84 për qind sa
i përket përfaqësimit me asamblistë
në komuna, dhe 11.82 për
qind në garën për kryetarë.

[fano]

“RREJ, RREJ...SE DIÇ DO MBETET”

...Është motoja e politikanëve tanë “kosovar” në fushatën zgjedhore...
Eu, gjatë gjithë fushatës zgjedhore dëgjohet vetëm një fjalë, që me thënë të drejtën ma gërrith pak veshin...”kosovar...ne kosovarët...për kosovarët...”
E dimë se ka fjalor e fjalë në serbisht, turqisht, ka fjalor të gjuhës rome, boshnjake, etj... Kurse për krerët politikanë shqipëfolës nuk ka fjalor shqiptar, ka vetëm në atë “kosovar”!

E këta janë ata, që vetë i prijnë së keqes! Këtë emërtim, kosovar, serbët, me shekuj e kanë propaganduar për ne shqiptarët, që jemi denbabaden në trojet tona stërgjyshore, të shkëputura nga shteti amë me forcë, falë Serbisë e sllavëve te jugut dhe Evropës, gjithmonë të pa besë ndaj shqiptarëve!
E përse mos të thuhet, se e kanë propaganduar edhe kundër myslimanëve?! Se si po shihet, po del kjart, se këtu është më e keqja... ne jemi mysliman e jemi të “këqij”!!? Po qe mysliman ore...le të jesh evropian e shkuar evropianëve... po hë çfarë të thuash?!? Dashje pa dashje kështu mendon... aty po kapen, sa për të na lënë në errësirë...a ku di unë se ç’dreqin e mallkuar kanë me ne shqiptarët nga të dy anët e kufirit!!!
Po themi se përqindja më e madhe e kombit shqiptar na qenkan me fe islame...na e kanë imponuar me dhunë!? Ja po e marrim se na e imponuan pushtuesit shekullorë dhe ne shqiptarët në Ballkan, d.m.th. në Evropë, pjesa dërrmuese e pranuam...dhe çfarë të keqe ka?!?
Po çfarë ka më të veçantë, ta zëmë feja e krishterë, ajo katolike dhe ortodokse apo budizmi... a ku ta di unë sa fe të tjera!. Bash asgjë nuk ka më të mirë, apo ndonjë të veçantë... të gjitha janë në drejtim të besimit në një Zot!!!. Them se asgjë nuk kanë dhe as që kanë pasur ndonjëherë! Ne po shkojmë drejt qytetërimit, drejt civilizimit, drejt botës së përparuar dhe jo të kthehemi prapa në kohë...në mesjetë!!!
Ja, sot më 12.11 2009 u mor vendimi në Bruksel, (që për mua, nga njëherë, në disa vendime e tubime të tij, më ngjan me Beogradin e Serbisë, përsa i përket çështjeve të shqiptarëve) vendimi që Serbinë, Maqedoninë dhe Malin e Zi t’u njihet liberalizimi i vizave!... pa liberalizim vizash mbetën Shqipëria e Bosnja, myslimanët boshnjakë, e për Kosovën?!...Hiçgjë! Kështu,
ju, të “duruar kosovarë” pritni... se për ju nuk na bëhet vonë deri sa juve nuk po ju ngutet!!!???
Kështu pra, serbët dhe sllavët e jugut na kanë thënë e stërthënë, me vite e vite, se ne nuk jemi shqiptarë por, jemi shiftari-kosovari!!! Ka mund me ndodh gjithçka ndryshe por, vet me e pranu me dëshirë këtë të keqe, kjo nuk është parë as në ëndërr!!!
Fjala “kosovar” ka” buçitur” nga ekrani i RTK këta dy muaj, fare pa shkëputje, në fjalimet pompoze të politikanëve tanë “kosovarë” në fushatën elektorale...me premtime boshe...me rrena...me mashtrime, që nga drejtuesit e këtij shteti rakitik të Kosovës!?
Po afrohet dhe dita e votimit... ja më në fund kanë vendosur një pjesë e vogël të dalin në votime. Të parët janë politikanët pasanikë...të dytët... të afërmit e politikanëve, të privilegjuarit... Këto kategori njerëzish, e kanë me shumë zell, për të dalë në votime, sepse do t’i japin votën shefit të tyre...bamirësit të tyre!? Kurse të tretët janë një pjesë e të papunëve, e varfanjakëve, të cilët kanë mundur t’i gënjejnë e t’i mashtrojnë... se po qe se fiton ai, miku i tyre, që i “qan” zemra për ta... ai ka për t’i siguruar punë e jetesë më të mirë... por që nuk e kuptojnë të mjerët..se “miku”i tyre, sapo të marrë votën, d.m.th karrigen, as që i bjen mend e le më të kujtohet për ta!!!! O njeriu popull, a e kupton që premtimet e tyre janë vetëm rrena, rrena...se ata e njohin parullën e shëmtuar:”...rrej, rrej se diç do mbetet...” se ata dinë vetëm premtime në hava!!!
A e sheh që Kosovën po e kthejnë e po e shndërrojnë në pronë private? A e sheh që po hanë njëri tjetrin, kush e kush të zhvasë e të gllabërojë për vete? E ku pritet nga këta “trima” që ta ngrejnë zërin dhe të kërkojnë bashkimin e të gjitha trojeve etnike, shqiptare në një Shqipëri natyrale?
Jo, or jooo!... Këta push(ta)tetarë po ndjellin përçarje dhe akoma e më shumë po e ndajnë këtë vend...sipas krahinave…e tmerrshme...!!?
Por halli qëndron tek secili kryetar partie!? Kjo është më “shqetësuesja”... se, secili do që të fitoi... të dalë i pari, që ai të vjedhë... se atij të shkretit i duhen para…!?! ...Dhe ja ngatërresa, PDK thotë se unë duhet te jem në push(ta)tet (qe(n)veri)... se unë e fitova me luftë..., dhe së paku PDK-së i duhet patjetër edhe një mandat..sepse, o lum miku, nuk bënë vetëm me gjysmë mandati... LDK-ja habitet, se si ka mundësi... që te humbim ne... kur ne e mbajmë mirë dhe ecim në rrugën që na e la i “madhi” Rugova!?. Eh, për dreq... ne njëherë gabuam, që u bëmë bashkë me këta të luftës... se ne jemi rugovista dhe rruga e rugovizmit është një “rrymë “e re që po njihet në botë! Ndaj ne nuk e lëshojmë, qoftë, edhe me armë (arma e lutos)... dhe krismat në Deçan!
Po AAK, ku shefi i saj thotë se unë...unë duhet të bëhem... se unë e meritoj... se isha vetëm disa muaj kryemi... dhe më hoqën e më dërguan në Hagë... Unë pra nuk e shijova postin tim deri në fund të mandatit!
Kurse, ai i LDD thotë... si ka mundësi që unë...që jam më i mençuri nga gjithë të tjerët!?... unë duhet ta drejtoj këtë pushtet, këtë qeveri... dhe pos asaj e kam edhe AKR e cila i mbulon me para... se ai shefi i AKR i ka vëllezërit rusë dhe serb, ndaj ka me miliona euro! Ah, këta serbët kanë mjaft para sa për ta blerë kryesinë e Kosovës! Ndërsa shefi i AKR... jo ai nuk është dakord që partneri i tij, ai i LDD të bëhet më i madh se ky... jo, joooo, ky është ai, që duhet të jetë shef... se kështu e ka “porosinë” nga Rusia, motër e madhe e Serbisë!!!
Ja pra nuk gjejnë gjuhë të përbashkët këta politikanët tanë...sepse e kanë harruar gjuhën e popullit, gjuhën e bukur shqipe...dhe kanë mësuar gjuhën e “politikanit kosovar”, gjuhën e parasë, të gënjeshtrave,të rrenave, të mashtrimit, të pasurimit në kurriz të këtij populli të shumëvuajtur...Deri kur më kështu o populli im!!!???

Nga-Faridin Tafallari

http://www.albaniapress.com/lajme/10...DO-MBETET.html

[Elonaa]

E kush nuk genjeu ne fushat elektorale qe mos te genjejne ata.Te gjithe genjejne!S'ka politikan te ndershem.Te gjithe luftojne per kariget e tyre.

[drenicaku]

o q.j.a nanen ldkes ish lidhjes komuniste veteqeverisese qe sperzihej ne punet e jashtme te kerkuj le te shkaterohet njeher e pergjithmon,kan ndjenja emocionuese per autonomin e 1974 dhe jugoshkinin ldkistat,skan faj se vitet e arta i kan pas ne ishjugoshkini

Po ne qoftse ja shilojm edhe pdk-es sate qfar mendon ti.
Po ik more shko e merru me ndonje pune bujqesore se nuk je ti per komunikim,perse fyen partit shqipetare more i uruar,a te ka edukua kush ty per keto vite,po ku na qon ne qoftse ne ja shilojm nanen njeri tjetrit,po edhe ldk ka kontributin per kete qe ti e gezon sot o kungull.Kur ldk-ja ka punu per kete komb keta te partis sate kan qen duke luajtur me gogla diku ne fshatra te thella malore.
Mos harro qe krejt keta kan dal nga brumi i ldk-es,por ti vetem duhet ta futesh ne perdorim trurin,sepse me sa po shifet trurin e ki krejt te ri,pra te pa perdorur e ai i shkreti per ta perdor eshte o kungull.

[Llapi]

Nevojitet 50% plus një votë
Në bazë të sistemit zgjedhor të votimit për kryetarë të komunave në rrethin e parë fiton kandidati që ka fituar 50 për qind plus një votë, ndërsa nëse kjo nuk arrihet organizohet raundi i dytë mes dy kandidatëve të cilët kanë fituar më së shumti vota të vlefshme.

Nga Express më 14.11.2009 në ora 14:28
Sipas ligjit dita e shtune është heshtje zgjedhore, ndërkaq të dielën mbahen zgjedhjet e para lokale në Kosovën shtet të pavarur dhe sovran, si dhe zgjedhjet e para që administrohen plotësisht nga vendorët.

Komisioni Qendror i Zgjedhjeve (KQZ) ka bërë të ditur se janë bërë të gjitha përgatitjet për zgjedhjet e 15 nëntorit dhe pret që procesi të zhvillohet normalisht.

Po ashtu është konfirmuar se edhe procesi i shpërndarjes së materialit zgjedhor nëpër 36 komuna është bërë në mënyrë të sigurt dhe se nuk ka ndodhur asnjë problem, ndërsa që në këtë proces është angazhuar maksimalisht edhe Policia e Kosovës.

Kësaj radhe zgjedhjet për kryetarë të komunave mbahen me lista të hapura dhe votuesi ka mundësinë të zgjedhë vetëm një kandidat.

Në bazë të sistemit zgjedhor të votimit për kryetarë të komunave në rrethin e parë fiton kandidati që ka fituar 50 për qind plus një votë, ndërsa nëse kjo nuk arrihet organizohet raundi i dytë mes dy kandidatëve të cilët kanë fituar më së shumti vota të vlefshme.

Në zgjedhjet e së dielës, do të jenë të hapura 746 qendra votimi dhe 2.256 vendvotime dhe qytetarët do të mund të votojnë nga ora 7.00 të mëngjesit deri në ora 19.00 në mbrëmje.

Këtë proces zgjedhor do të marrin pjesë 74 subjekte politike të certifikuara nga KQZ-ja më 30 shtator, prej tyre 37 janë parti politike, 19 janë iniciativa qytetare, 16 kandidatë të pavarur dhe dy koalicione.

Subjektet politike sipas entitetit janë 34 shqiptare, 22 serbe, 7 boshnjake, 4 turke, 2 ashkali, 2 malazeze, 1 egjiptiane, 1 gorane dhe 1 rome.

Numri i kandidatëve që marrin pjesë në zgjedhje është gjithsejtë 6,787, ndërsa prej tyre 205 kandidatë garojnë për kryetarë komune dhe 6,582 kandidatë për kuvende komunale.

Në këtë proces zgjedhor të drejtë vote kanë gjithsejtë 1,563,741 qytetarë të Kosovës. /Kosovapress/

[Nice_Boy]

1,563,741 kan drejt vote por prej tyre hiqja - 1.000.000 që s'kan me dal.

Llapi populli spo na beson ma rrenave tona edhe pse unë e ti cdo ditë luftojm cdo der tu trokit me na dhan voten.

[xani1]

Shembulli i demokracisë

Duke uruar fitoren e partisë së tij në Ferizaj, Thaçi ka shprehur bindjen se për Xhemailin do të votojnë edhe nga partitë e tjera. Shukri Buja premton 5 mijë vende të reja të punës në Lypjan

Nga Bardh Frangu më 12.11.2009 në ora 21:08
Kur ka arritur kryeministri i Kosovës, njëherazi kryetar i PDK-së, si zakonisht me vonesë, salla në Pallatin e Sporteve “Bill Clinton” veç ishte e ndezur nga këngëtarët e estradës.

Mot të nxehtë për ditën e votimeve paralajmëroi edhe këshilltari në Ministrinë e Arsimit... Nehat Mustafa, kryetar i shtabit zgjedhor të PDK-së. “Urime fitorja, Ferizaj! Urime fitorja e PDK-së dhe kandidatit për kryetar komune, Bajrush Xhemailit”, ishin fjalët e para të kryeministrit të Kosovës, Hashim Thaçi.

“Ju falënderoj për fushatën e qetë dhe demokratike në Ferizaj dhe anë e kënd Kosovës. Ju jeni shembulli i demokracisë”, u ka thënë ai të pranishmëve.

Thaçi, pasi ka lavdëruar punën e madhe që ka bërë kryetari aktual i komunës së Ferizajt, Bajrush Xhemaili, ka shprehur besimin se për të do të votojnë edhe njerëz nga partitë tjera. “Votoni njeriun e mirë, menaxherin e mirë, votoni kryetarin e të gjithëve, votoni Bajrush Xhemailin”, ka porositur Thaçi anëtarët dhe simpatizantët e PDK-së në Ferizaj.
Kryetari aktual i komunës, i cili pretendon edhe një mandat, Bajrush Xhemaili, ka folur me një entuziazëm të shtuar.

“Lagje më lagje, shtëpi më shtëpi pashë mbështetjen tuaj për atë që kemi bërë. Pash edhe mbështetjen tuaj për vazhdimin e ndryshimeve që kemi nisur për një Ferizaj si një qytet modern dhe si një komunë elitare me perspektivë evropiane”, ka thënë Bajrush Xhemaili.

Ai ka rikujtuar edhe kohën kur ka marrë mandatin për kryetar para dy viteve. “Qytetin e njihja vetëm për nga plagët që e ngulfatnin, ndaj kërkova votën tuaj në momentin e fundit për ta shpëtuar këtë qytet”, është shprehur Xhemajli.

Atmosferën e mbushur përplot në Pallatin e Sporteve “Bill Clinton” e kanë ndezur në veçanti këngëtarja e estradës kosovare Leonora Jakupi dhe grupi “Elita 5” nga Tetova e Maqedonisë.

Një orë më parë, në Lypjan, Thaçi ua prezantoi votuesve kandidatin e tij për kryetar komune, Shukri Buja. Kreu i PDK-së ka premtuar investime të mëdha në Lypjan në mandatin e ardhshëm katërvjeçar ndërsa Buja planifikon të hapë 5 mijë vende të reja pune gjatë këtij mandati.

“Unë dua të besoj se në mandatin e ardhshëm katërvjeçar Lypjani do të ndryshojë edhe më tepër dhe Shukri Buja do të bëjë punë të mrekullueshme. Aty ku ka vullnet dhe vizion, aty ka sukses, aty ku ka guxim për vendimmarrje ka edhe sukses”, ka thënë Thaçi.

Ndërsa Buja ka premtuar se gjatë katër viteve të ardhshme, nëse rikonfirmohet kryetar i Lypjanit, do të krijojë 5 mijë vende të reja të punës. “Ne po pretendojmë që me votën tuaj ta bëjmë realizimin e synimeve të përbashkëta për jetë më të mirë, për zhvillim ekonomik më të lartë, për arsim cilësor e shëndet të mirë të popullatës, për infrastrukturë të rregulluar qind për qind, për zbutjen e papunësisë dhe krijimin e 5 mijë vendeve të punës”, ka thënë Shukri Buja.

Një ditë pasi është sulmuar me gurë në Deçan, Thaçi nuk ka përmendur fare incidentin, por ka bërë thirrje për qetësi në këto zgjedhje. Gjatë të enjtes, PDK-ja mbylli fushatat zgjedhore me tubime edhe në Viti, Kaçanik dhe Hani i Elezit.

5 mijë vende të punës në Lipjan?
Unë ika në Lipjan të jetoj e të punoj.