Zgjedhjet per pushtetin vendor ne Kosove mbahen ne 15 nentor 2009

[daja shneq]

o q.j.a nanen ldkes ish lidhjes komuniste veteqeverisese qe sperzihej ne punet e jashtme te kerkuj le te shkaterohet njeher e pergjithmon,kan ndjenja emocionuese per autonomin e 1974 dhe jugoshkinin ldkistat,skan faj se vitet e arta i kan pas ne ishjugoshkini

[Llapi]

Kryeministri Thaçi rithekson përkushtimin e qeverisë për mbajtjen e zgjedhjeve të lira, fer dhe demokratike, me pjesëmarrjen e të gjitha komuniteteve



Prishtinë, 10 nëntor 2009

Kryeministri i Republikës së Kosovës, Hashim Thaçi ka pritur sot në një takim përfaqësuesit e Rrjetit Evropian të Organizatave për Monitorimin e Zgjedhjeve (ENEMO), të kryesuar nga z.Darko Aleksov.

Në takim është diskutuar për mbarëvajtjen e procesit zgjedhor të 15 nëntorit, me theks të veçantë për rëndësinë e madhe që kanë këto zgjedhje për të ardhmen demokratike të shtetit të Kosovës.

Kryeministri i Republikës së Kosovës, Hashim Thaçi ritheksoi përkushtimin e Qeverisë së Republikës së Kosovës dhe të gjitha institucioneve të vendit për mbajtjen e zgjedhjeve të lira, fer dhe demokratike, me pjesëmarrjen e të gjitha komuniteteve.

Kryeministri Hashim Thaçi me këtë rast falënderoi përfaqësuesit e Rrjetit Evropian të Organizatave për Monitorimin e Zgjedhjeve (ENEMO), për gatishmërinë dhe anagazhimin për monitorimin e procesit zgjedhor të 15 nëntorit, duke qenë i bindur në raportimin korrekt dhe profesional të zgjedhjeve nga ana e këtij misioni monitorues.

Pas shpalljes së pavarësisë së Kosovës, zgjedhjet lokale të 15 nëntorit, janë momenti më i rëndësishëm historik për Kosovën. Suksesi i plotë i tyre do të reflektojë për të mirën e vendit në procesin e vazhdimit të njohjeve për pavarësinë e Kosovës, si dhe në procesin e integrimit në strukturat euroatlantike, - u shpreh kryeministri Thaçi.

[Guri i Kuq]

Deri sot,fushata zgjedhore ka kaluar si është më së miri

Kuptohet,bëhet fjalë për pjesen organizative të manifestimeve të llojllojshme të partive politike,e jo për pjesen përmbajtësore të premtimeve dhe alternativave të paraqitura nga pretendentët e pushtetit lokal,sepse kjo pjesë(programet) është storje në veti dhe qytetarët janë ata që do e vlerësojnë me 15 nëntor secilin program dhe kandidatë....
Nga pamjet që transmetojnë mediat,vërehet një pjesëmarrje e madhe e qytetarëve në tubime,gjë që jep një farë shprese se edhe pjesëmarrja në diten e votimit do të jetë solide.
Do të ishte mrrekulli,nese me 15 nëntor arrihet tejkalimi i limitit të 50 për qindëshit të pjesëmarrjes së qytetarëve në votime.
Me këtë pjesëmarrje(mbi 50 për qind),çdo pushtet lokal, përveçë legalitetit do të arrinte edhe legjitimitetin qytetarë,që për rrethanat dhe problemet akute e kronike që kanë bashkitë kosovare,do të ishte shumë domethënëse.
Pjesëmarrja sa më masive dhe legjitimiteti qytetarë,do tu mundësonte kryetarëve të zgjedhur të ndërmarrin masa mjaft radikale, për tejkalimin e problemeve shume të mëdha rreth urbanizimit,ndërtimeve ilegale,problemeve me trafik,problemit të sigurimit të ujit të pijëshëm,manaxhimit të mbeturinave urbane,shkollimit ,shëndetit publik dhe trajtimit të ujrave të zeza që po i mbysin të gjitha qytetet e lumejt e pakët të Kosovës.
Në këtë fushatë bie në sy fakti,(me pak përjashtime),se ekskluzivisht u trajtuan e po trajtohen problemet lokale të qendrave urbane dhe fshatrave të Kosovës.Me një fjalë,është arritur të tejkalohet "politika e madhe",që ishte karakteristikë e të gjitha zgjedhjeve të pasluftës në Kosovë.

Të shpresojmë se edhe këto pak ditë do të kalojnë pa incidente,përplasje e konflikte të panevojëshme.
Kjo do ishte porosia më e mirë për miqët tanë dhe për vet neve,se dijmë dhe duam të bëjmë shtet.
Fundja,ky është vetëm fillimi i një rruge shumë të gjatë drejtë ndërtimit të një demokracie funksionale,hapi i parë i së cilës është vota e sigurt dhe e lirë e çdo qytetari.

[Llapi]

Koha për PDK’në

PDK’ja mbyll fushatën zgjedhore në Prizren, Suharekë e Rahovec. Thaçi shprehet i bindur për fitore të kandidatëve të tij në zgjedhjet e 15 nëntorit. Ai thotë se PDK’ja tashmë ka tejkaluar kornizat e ngushta partiake.

Nga Përparim Isufi më 10.11.2009 në ora 19:51
Kryetari i PDK’së, Hashim Thaçi ua ka lënë një mesazh votuesve në Komunën e Suharekës: Ka ardhur koha që kjo komunë të qeveriset nga PDK’ja.

Në mbyllje të fushatës zgjedhore për këtë komunë, PDK’ja ka mbushur sallën e sporteve me simpatizues për t’ua prezantuar atyre kandidaturën e Ramë Vatajt për Kryetar komune.

Si asnjëherë më parë në tubimet e PDK’së, foltorja është frekuentuar nga shumë figura të partisë.

Ka folur Thaçi e Vataj, sipas shabllonit. Por mbështetja ka ardhur edhe nga dy ministra të Qeverisë - Enver Hoxhaj e Fatmir Limaj. Kjo për shkak të afërsisë së tyre me rajonin dhe elektoratin.
Suhareka, komunë të cilën politikanët e quajnë Therandë, e pret një garë me plot të panjohura më 15 nëntor.

Sali Asllanaj i LDK’së kandidon për të vazhduar mandatin. Ai sfidohet nga Blerim Kuçi i AAK’së, në sfidën që do t’i japë orientimet e tij politike për të ardhmen.

Ndërsa Ramë Vataj i PDK’së hyn në këtë garë me shijen e ëmbël të balotazhit të arritur në vitin 2007 nga Enver Hoxhaj, në një lokalitet që llogaritej si bastioni më i fortë i LDK’së.

Në shikim të parë, salla përplot me simpatizantë nuk duket matës i mirë. Sepse ajo është mbushur nga secila parti që ka zgjedhur atë lokacion për ta mbajtur tubimin.

Megjithatë, Thaçi, të martën e ka shpallur Ramë Vatajn fitues të këtyre zgjedhjeve.

“Edhe Theranda po i bashkëngjitet fitores së fuqishme të PDK’së si në tërë Kosovën... Oferta më e mirë për ju është Ramë Vataj”, ka thënë Thaçi.
Edhe Vataj është shprehur i bindur se do të dalë fitues në këtë garë.

“Kam parë gatishmërinë për ndryshim në Therandë. Jam i bindur se unë do të fitoj kësaj radhe në Therandë, në mënyrë që kjo komunë të ndryshojë”, u shpreh Vataj.

Për Ministrin e Arsimit, Shkencës e Teknologjisë, Enver Hoxhaj, 15 nëntori është koha kur qytetarët e Therandës “duhet të ndahen prej së kaluarës duke ecur nga e ardhmja”.

“Ka ardhur koha që qyteti i Therandës të jetë qyteti më modern, më i zhvilluar dhe më i pastër. Ka ardhur koha e PDK’së dhe me fitoren tonë do ta ndryshojmë Therandën”, u shpreh Hoxhaj.
Tubim përmbyllës të fushatës, PDK’ja ka mbajtur edhe në Prizren.

Në palestrën e sporteve, Kryetari Thaçi u shpreh se me zgjedhjet e 15 nëntorit do të fitojë shteti i Kosovës.

“Jemi shumë krenarë për mbështetjen unanime dhe të fuqishme të qytetarëve të Kosovës për t’i fituar edhe zgjedhjet e para në Kosovën e pavarur në mënyrë meritore”, ka thënë Thaçi kur u ka prezantuar prizrenasve kandidatin e tij për Kryetar komune, Ramadan Muja.

Ai e ka quajtur Mujën si “njeri të punës” i cili, sipas Thaçit, për 18 muaj ka bërë më shumë se të gjitha administratat komunale në tetë vitet para tij.

“Ramadan Muja ishte në shërbim të të gjithë qytetarëve të Prizrenit. Falë kësaj pune të tij, PDK’ja tashmë ka tejkaluar kornizat e ngushta partiake duke u bërë vizion i qytetarëve”, ka thënë Hashim Thaçi.

Ndërsa Muja ka premtuar se do t’i realizojë të gjitha ato që i ka premtuar në katër javët e fushatës zgjedhore para elektoratit.

[Llapi]

Turi në Dukagjin

Nga Express më 11.11.2009 në ora 21:08

Kryetari i PDK’së, Hashim Thaçi ka kërkuar nga votuesit e Pejës që t’i bashkohen PDK’së.
Para simpatizantëve të partisë në këtë qytet, kreu i PDK’së ka thënë se zgjedhjet lokale të 15 nëntorit janë të rëndësishme për tërë Kosovën.

“Ndryshimet në Pejë i kërkon qytetari, i kërkon nevoja. Ndryshimet do të ndodhin në Pejë atëherë kur të votoni PDK’në dhe kandidatin e saj Ilhami Gashi”, ka thënë Thaçi.
Të mërkurën, Thaçi ka bërë një “Tour de Dukagjini” duke mbajtur takimet përmbyllëse në katër komuna të këtij regjioni për vetëm një pasdite.

Ka filluar në Klinë për të vazhduar më pas në Pejë e Deçan. Tubimi i paralajmëruar në Gjakovë nuk është mbajtur fare për shkak të sulmit që ndodhi në Deçan ndaj eskortës së liderit të PDK’së

“Në Pejë ka nevojë për qeverisje të mirë dhe sundimin e ligjit, rend dhe siguri, efektivitet në punë dhe profesionalizëm”, është shprehur ai duke premtuar mbështetjen e tij, si kryeministër i Kosovës, për çdo projekt që do t’ia sjellë në tavolinë Ilhami Gashi.

[veli44]

Incidenti i djeshem i shkaktuar nga kryemonistri dhe banda e tij si dhe dyshimet e bazuara se vota do te vidhet nga PDK do te shkaktojne kaos ne Kosove.
Kete konstatim e perforcon angazhimi i kryeministrit ne fushate ne menyre te paligjshme duke shfrytezuar resurset e perbashketa per qellim te vetin dhe partise se tij.
Per ma shume nga disa te dhena te reja te dhena sot ne konferenca shtypi nga parti te ndryshme eshte me se e sigurte qe pergaditja per vjedhjen e votes jane te thella dhe thuajse nuk meshifet ky qellim.
Une mbese prap me shprese se fale faktorit te huaj e sidomos te amerikaneve nuk do te ndodhe perdhosja e votes kesaj rradhe se perndryshe keq i kemi punet



-------------------------------------------------------



ORA hedh dyshime mbi mbarëvajtjen e procesit zgjedhor

Partia Reformiste ORA ka shprehur shqetësimin për mbarëvajtjen e procesit zgjedhor, pasi që - sipas kësaj partie - kompania e cila do të merret me transportin e materialit sensitiv dhe josensitiv për zgjedhjet lokale të 15 nëntorit, NTSH”G&H”, me numër biznesi 70425162, “është kompani joprofesionale për këtë punë”, e regjistruar për veprimtari: “Riparim i aparateve elektrike shtëpiake dhe sallon ondulimi dhe zbukurimi”.

Këto informata, siç thuhet në një komunikatë të ORA-s, çdo qytetar i Kosovës mund t’i marrë nga ueb-faqja www.ARBK.org dhe në www.kqz-ks.org, ose të kërkohet në mail KQZ.sekretariati@kqz-ks.org.

Po ashtu në komunikatë thuhet se, edhe kompania fituese për tenderin e transportit për stafin e Qendrës së Numërimit të Rezultateve, kompania “Vëllezërit Thaqi”, me nr. të biznesit 80064748, si veprimtari të regjistruar ka “Veprimtari të agjencive të tjera të transportit, tregti me pakicë të karburanteve dhe lubrifikanteve, hotele dhe motele, punë të specializuara të ndërtimit, ndërtim i autostradave, rrugëve, aeroporteve dhe objekteve sportive ndërtim i lartë dhe ndërtim i ulët”.

ORA bën të ditur se kjo kompani ka fituar tenderin pasi që është anuluar tenderi i parë më 28.10.09, ku kanë konkurruar 3 kompani me motivin se janë pranuar më pak se 3 oferta – ndërsa kontrata është nënshkruar më 04.11.2009 , pikërisht 8 ditë më parë.

Po ashtu, ORA ka bërë të ditur se, shtypja e fletëve dhe broshurave për zgjedhjet 2009 është dhënë kompanive CETIS DD nga Sllovenia dhe PARTNER TRADE Prizren.
“Data e dhënies së kontratës është 03.8.2009, ndërsa kompania nga Prizreni “Partner Trade” është e regjistruar në regjistrin e biznesit, me numër 70600641, dhe më datën 19.08.2009 pikërisht 16 ditë më vonë se që e ka marrë kontratën”, thuhet në komunikatën e ORA-s.

“Kjo kompani e cila e ka marrë tenderin për shtypjen e materialit sensitiv, është e regjistruar për ‘tregtia e pjesëve dhe mjeteve të automjeteve motorike, tregtia me shumicë e tekstilit, tregtia me shumicë e veshjeve dhe këpucëve, tregtia me pakice të artikujve të imtë, ngjyrave dhe qelqit, etj’’, thuhet në fund të komunikatës së ORA-s.
/Telegrafi/
Postuar: 15:12 / 12 Nentor 2009


-------------------------------------------------------------------------------------------------

LDK e shqetësuar me disa kontrata të dyshimta të KQZ
Prishtinë, 12 nëntor Shtabi Zgjedhor i Lidhjes Demokratike të Kosovës (LDK) është i shqetësuar me tri kontrata pune që kanë të bëjnë me zgjedhjet e 15 nëntorit. Por, siç tha në një konferencë të jashtëzakonshme të shtypit, kryetari i SHZ të LDK së, Lutfi Haziri, këto shqetësime të LDK-së janë shpërfillur. "Ne jemi të shqetësuar në masë të madhe nga disa të dhëna që u zbuluan këtë javë lidhur me ndërmarrjet e kontraktuara nga Qeveria e Kosovës dhe nga KQZ ja për të kryer këtë proces zgjedhor. Ne kemi kontaktuar me KQZ në dhe me disa ambasada të huaja, por shqetësimet tona kryesisht janë injoruar. Prandaj, ne besojmë se është e rëndësishme që këto informacione të bëhen publike", tha Haziri në fillim të takimit me gazetarë. Siç shpjegoi ai, bëhet fjalë për kontratën për transportimin e fletëvotimeve, për kontratën për transportimin e stafit të KQZ së dhe për kontratën për mbrojtjen e fletëvotimeve në qendrën e numërimit dhe paraqiti të dhëna që flasin për parregullsi të qarta në procesin e përzgjedhjes së kompanive. Haziri shprehu habinë që transporti i fletëvotimeve iu besua një kompanie që nuk është marrë kurrë me këtë punë. "NTSH 'G&H' është kompania që e ka fituar kontratën për të transportuar fletëvotimet. Sipas regjistrimit të biznesit, kjo kompani merret me instalime elektrike dhe pajisje, me riparimin e pajisjeve elektrike shtëpiake, me ondulime dhe trajnime të tjera për bukuri. Pse KQZ ja i jep kontratë për transportimin e fletëvotimeve një kompanie për ondulim dhe për punë elektrike??, tha ai. Ai paraqiti edhe shqetësimet e SHZ të LDK së lidhur me kompaninë që ka fituar kontratën për transportimin e stafit dhe për mbrojtjen e fletëvotimeve, në veprimtarinë e së cilës nuk përfshihen fare punë të këtij lloji. "Ndërmarrja tregtare shërbyese 'Vëllezërit Thaçi' e fitoi kontratën për të transportuar stafin e KQZ së dhe për mbrojtjen e transportit të fletëvotimeve në Fushë Kosovë. Sipas regjistrimit të biznesit, kjo kompani merret me shitje me pakicë të karburanteve, me shërbime hotelierike dhe me ndërtimtari. Pse KQZ ja ia jep kontratën për të mbrojtur dhe transportuar fletëvotimet një kompanie që nuk merret me këtë punë", tha më tutje z. Haziri. Ai paraqiti shqetësimet edhe lidhur me kontratën me kompaninë CETIS, për shkak se partneri i saj, kompanie kosovare "Partner Trade", e cila i ka vetëm dy punëtorë, është regjistruar si ndërmarrje 16 ditë pas njoftimit për dhënien e kontratës. "CETIS është kompani e respektuar dhe e njohur ndërkombëtarisht që prodhon materiale të ndjeshme, por ne kemi shqetësime serioze në lidhje me partnerin e saj lokal, 'NT Partner Trade'. Së pari, sipas njoftimit të dhënies së kontratës, botuar më 7 shtator 2009, kontrata i ishte dhënë kompanisë CETIS dhe partneres së saj 'Partner Trade' nga Prizreni, më 3 gusht 2009. Por, sipas dokumentit të regjistrimit të biznesit në Agjencinë e Bizneseve të Kosovës, regjistrimi i biznesit ishte bërë më 19 gusht 2009. Pyesim, si e kanë fituar ata kontratën 16 ditë para se të regjistrohen si ndërmarrje". Sipas aktiviteteve të regjistruara, kjo kompani merret me shitjen me shumicë të mallrave, me shitja e pjesëve të automjeteve motorike dhe të aksesorëve, me shitjen me shumicë të tekstilit, me shitjen me shumicë të veshjeve dhe mbathjeve, me shitjen me pakicë të tekstileve, me shitjen me pakicë të veshjeve, me shitjen me pakicë të këpucëve, artikujve të lëkurës, bojërave, qelqit, etj.", tha Haziri. Në këtë kontekst, kryetari i SHZ të LDK së shtroi një sërë pyetjesh: Pse KQZ ja i jep kontratë kompanisë CETIS, kur partneri i saj lokal nuk ishte fare biznes i regjistruar në kohën kur është dhënë kontrata? Pse i besohet një partneri lokal të biznesit, i cili në asnjë mënyrë nuk ka të bëjë me prodhimin dhe shpërndarjen e fletëvotimeve? Si mund t'i besohet një detyrë e tillë një kompanie që ka vetëm dy punëtorë?, pyeti Haziri duke shtuar se përgjigjet në këto pyetje duhet t'i japin kryeministri i Kosovës, Hashim Tha[i, dhe KQZ. "I bëjmë thirrje kryeministrit dhe KQZ së që të adresojnë shqetësimet tona deri nesër, në fund të ditës", theksoi Haziri, duke theksuar se zgjedhjet e së dielës duhet të zhvillohen "konform ligjit". Gjithashtu shefi i Shtabit Zgjedhor të LDK së shprehu qëndrimin e palëkundur kundër njollosjes së procesit zgjedhor, në të gjitha fazat e saj, nga kushdo qoftë. "E diela është ditë historike për demokracinë dhe askush, pa marrë parasysh përkatësinë politike, nuk mund të ngacmojë votën e lirë, pa marrë parasysh sa të dëshpëruar janë. E diela i takon popullit - askujt tjetër", theksoi kryetari i Shtabit Zgjedhor të LDK së, Lutfi Haziri.

[B.C.B]

doris pak vjen te premten ne kosove dhe do te qendroj deri te hanen ketu...nuk jon te hujt budalle me lan hashimin e kta hajnat tjer me i pas durt e lira,sjem te aft me organizu kurgjo na po veq qudi qysh po ka hala budallica qe po i besojn ksaj politike t`zhonglavt e t`katunaravt.

[veli44]

Nga Klan Kosova

Partitë akuzojnë KQZ-në


THURSDAY, 12 NOVEMBER 2009 15:45
altAleanca për Ardhmërinë e Kosovës, akuzoi sot Komisionin qendror të Zgjedhjeve, dhe Partinë Demokratike të Kosovës se kanë shtypur më shumë fletëvotime me qëllim që të manipulojnë me rezultatin e zgjedhjeve të së dielës.
Sekretari i përgjithshëm i AAK-së, Burim Ramadani, i bëri thirrje PDK-së të heq dorë nga vjedhja e votave.

Ramadanai shprehu dyshimin e kësaj partie edhe në transportin e kutive të votimit, për bartjen e të cilave sipas AAK-së KQZ- ka kntraktuar një kompani jo profesionale .

[Llapi]

Shembulli i demokracisë

Duke uruar fitoren e partisë së tij në Ferizaj, Thaçi ka shprehur bindjen se për Xhemailin do të votojnë edhe nga partitë e tjera. Shukri Buja premton 5 mijë vende të reja të punës në Lypjan

Nga Bardh Frangu më 12.11.2009 në ora 21:08
Kur ka arritur kryeministri i Kosovës, njëherazi kryetar i PDK-së, si zakonisht me vonesë, salla në Pallatin e Sporteve “Bill Clinton” veç ishte e ndezur nga këngëtarët e estradës.

Mot të nxehtë për ditën e votimeve paralajmëroi edhe këshilltari në Ministrinë e Arsimit... Nehat Mustafa, kryetar i shtabit zgjedhor të PDK-së. “Urime fitorja, Ferizaj! Urime fitorja e PDK-së dhe kandidatit për kryetar komune, Bajrush Xhemailit”, ishin fjalët e para të kryeministrit të Kosovës, Hashim Thaçi.

“Ju falënderoj për fushatën e qetë dhe demokratike në Ferizaj dhe anë e kënd Kosovës. Ju jeni shembulli i demokracisë”, u ka thënë ai të pranishmëve.

Thaçi, pasi ka lavdëruar punën e madhe që ka bërë kryetari aktual i komunës së Ferizajt, Bajrush Xhemaili, ka shprehur besimin se për të do të votojnë edhe njerëz nga partitë tjera. “Votoni njeriun e mirë, menaxherin e mirë, votoni kryetarin e të gjithëve, votoni Bajrush Xhemailin”, ka porositur Thaçi anëtarët dhe simpatizantët e PDK-së në Ferizaj.
Kryetari aktual i komunës, i cili pretendon edhe një mandat, Bajrush Xhemaili, ka folur me një entuziazëm të shtuar.

“Lagje më lagje, shtëpi më shtëpi pashë mbështetjen tuaj për atë që kemi bërë. Pash edhe mbështetjen tuaj për vazhdimin e ndryshimeve që kemi nisur për një Ferizaj si një qytet modern dhe si një komunë elitare me perspektivë evropiane”, ka thënë Bajrush Xhemaili.

Ai ka rikujtuar edhe kohën kur ka marrë mandatin për kryetar para dy viteve. “Qytetin e njihja vetëm për nga plagët që e ngulfatnin, ndaj kërkova votën tuaj në momentin e fundit për ta shpëtuar këtë qytet”, është shprehur Xhemajli.

Atmosferën e mbushur përplot në Pallatin e Sporteve “Bill Clinton” e kanë ndezur në veçanti këngëtarja e estradës kosovare Leonora Jakupi dhe grupi “Elita 5” nga Tetova e Maqedonisë.

Një orë më parë, në Lypjan, Thaçi ua prezantoi votuesve kandidatin e tij për kryetar komune, Shukri Buja. Kreu i PDK-së ka premtuar investime të mëdha në Lypjan në mandatin e ardhshëm katërvjeçar ndërsa Buja planifikon të hapë 5 mijë vende të reja pune gjatë këtij mandati.

“Unë dua të besoj se në mandatin e ardhshëm katërvjeçar Lypjani do të ndryshojë edhe më tepër dhe Shukri Buja do të bëjë punë të mrekullueshme. Aty ku ka vullnet dhe vizion, aty ka sukses, aty ku ka guxim për vendimmarrje ka edhe sukses”, ka thënë Thaçi.

Ndërsa Buja ka premtuar se gjatë katër viteve të ardhshme, nëse rikonfirmohet kryetar i Lypjanit, do të krijojë 5 mijë vende të reja të punës. “Ne po pretendojmë që me votën tuaj ta bëjmë realizimin e synimeve të përbashkëta për jetë më të mirë, për zhvillim ekonomik më të lartë, për arsim cilësor e shëndet të mirë të popullatës, për infrastrukturë të rregulluar qind për qind, për zbutjen e papunësisë dhe krijimin e 5 mijë vendeve të punës”, ka thënë Shukri Buja.

Një ditë pasi është sulmuar me gurë në Deçan, Thaçi nuk ka përmendur fare incidentin, por ka bërë thirrje për qetësi në këto zgjedhje. Gjatë të enjtes, PDK-ja mbylli fushatat zgjedhore me tubime edhe në Viti, Kaçanik dhe Hani i Elezit.

[Llapi]

Sot i jepet fund fushatës parazgjedhore

Sot përfundon fushata zgjedhore dhe në mesnatë fillon heshtja elektorale.KQZ thotë gjithçka është gati për të dielën.Subjektet politike dhe kandidatët e pavarur për zgjedhjet e 15 nëntorit, të premten, kryesisht në Prishtinë, mbajnë tubimet përmbyllëse të fushatës 30 ditore parazgjedhore....
Postuar: 09:57:37 / 13.11.2009
Zyrtarët e Komisionit Qendror të Zgjedhjeve bënë të ditur se procesi i sjelljes dhe shpërndarjes së materialit zgjedhor nëpër 36 komuna është bërë në mënyrë të sigurt dhe se nuk ka ndodhur asnjë keqpërdorim.