Poezi nga Diabolis

[Diabolis]

Rërë, rërë, rërë,
I yti jam, një plazh i tërë
Ku mund të shtrihesh.
Rërë, rërë, rërë,
I yti jam, kur nis lodron
Mbi trupin tim me forma mitesh.
Rërë, rërë, rërë,
I yti jam, dhe kur më shkund
Sepse mërzitesh.
Rërë, rërë, rërë,
I yti jam, një det me lot
Kur shkon e ngrihesh.
Rërë, rërë, rërë,
I yti jam, në çdo rikthim
Vite mbas vitesh.

[Diabolis]

Ç’farë është syri pa dritën
Je ti pa mua.
Një natë e errët, një rrugë qorre,
Mallkim për të dy.
Ç’farë është goja pa fjalën
Jam unë pa ty.
Një hon i zi, një vrimë boshe
Kafshim për të dy.
Të lutem, nga larg mos më mallko,
Veten me dhëmbë mos e kafsho.
Pranë meje eja, të dua
T’i kafshoj gjithë mallkimet e tua.

[Diabolis]

Del tellalli në qytet,
Dëgjoni o milet!
Partitë ju shesin zgjedhje të ndershme të qeta.
Mileti s’ble, është fukara.
Ankohen partitë: tellall thirr edhe ca.
E ngre zërin tellalli sa më s’ka
I bie daulles bam e bum rreth e rrotull,
Dëgjoni o popull!
Partitë ju shesin zgjedhje të lira,
Por populli mbyllet nëpër shtëpia.
Pësëri partitë: Fajin tellalli e ka.
Daullja e tellallit bëhet tabaka,
Zgjedhjet këtë herë ishin Made in Europa,
Aman o popull më nxirrni nga gropa,
Të keqen o milet bli ndonjë gazetë
Se pa bukë e latë tellallin e shkretë.

[shigjeta]

Megjithese dy postimet e fundit jane dy tematika te ndryshme, komenti im per to eshte nje....shume te bukura.

[Diabolis]

Sfidova Natyrën
Kur mbolla ca farëza të vogla,
Në vjeshtë,
E ato mbinë harlisur,
Rrokadë e madhe stinësh,
Shah mat, e dashur Natyrë.
Dhe papritur, të sfidoj vetë Zotin mendova
Të ribëj Adamin
Nxjerrë nga brinja jote vjeshta Evë,
Gambitin e Damës shpalosa qiejve.
Dikur Zoti më zgjati dorën si një shahist mjeshtër,
“Pozicion pati” më thotë,
(Nuk kam ku të lëviz,)
Më ke zënë keq me këtë vjershë.

[MI CORAZON]

Postuar më parë nga D D
Ç’farë është syri pa dritën
...........................................
........................................
.......................................
Ç’farë është goja pa fjalën

Ç'lloj fare ...apo Çfarë ?

[Fringo]

Cfare eshte Corazoni pa koment?
(lol)

[Diabolis]

Pranoj se e kam gabim. Po i shtoj një titull.

Farë e keqe

Ç’farë është syri pa dritën
Je ti pa mua.
Një natë e errët, një rrugë qorre,
Mallkim për të dy.
Ç’farë është goja pa fjalën
Jam unë pa ty.
Një hon i zi, një vrimë boshe
Kafshim për të dy.
Të lutem, nga larg mos më mallko,
Veten me dhëmbë mos e kafsho.
Pranë meje eja, të dua
T’i kafshoj gjithë mallkimet e tua.

[Diabolis]

Një kaposh,
Trim dhe kokë bosh
Zbriti shkallët nga lart përposh.

Atje lart ku qe u ngjir
Zbriti poshtë çaj për të pirë
Që të këndonte pak më mirë.

E piu çajin mbasdite më pesë,
Por zëri i erdhi vetëm në mëngjes,
Kur padashur kishte shkelur mbi vezë.

[Diabolis]

Djalli i tha lopes,
kur kjo me shqelm i ra kusise:
Une ne koke duhet te kem briret tend,
jo te dhise.
Po atehere - i thote lopa,
- do besh zhurme vetem kur te te ndukin ne sise.