Poezi nga Diabolis

[Diabolis]

Bluz

Dhe hyj në një bar
Nën dritat e vakura
Nën një zë ledhatar
Një gotë ve në buzë
Dhe përhumbem në bluz.

Dhe dehen gotat
Dhe ngjiren trompat
Dhe ndalen orët
Dhe qeshin drit’hijet
Mendoj për atë.

Dhe krisen gotat
Mbrapsh shkojnë orët
Nën ritmin bluz
Me gotën në buzë
Unë isha me të.

Dhe qesh dhe qaj
Për timin thesar
Nën ritmin bluz
Me gotën në buzë
Stampuar në bluzë.

[Diabolis]

Të bëhet

Gjithçka mund të bësh me një fjalë,
Të shuash një jetë,
Të shëmbësh një mal,
Të ringjallësh të vdekurit,
Ta ringresh atë mal,
Por vetëm një gjë nuk bën dot me një fjalë
Ta rifutësh atje ku ka dalë.

[Diabolis]

Karnavalet Politike

Ka kohë
Që kanë dalë,
Karnavalet e Korçës
Kanë rivalë.
Ka ko ka, ka ko ka,
Më ler bakshish një bashki
Të jap hua tre komuna,
Jeta është aritmetikë,
Në Karnavalet Politike.
Eh ta dije Spiro Çomarra
Ç’heq populli nga ca morra.

[shigjeta]

Të bëhet

Gjithçka mund të bësh me një fjalë,
Të shuash një jetë,
Të shëmbësh një mal,
Të ringjallësh të vdekurit,
Ta ringresh atë mal,
Por vetëm një gjë nuk bën dot me një fjalë
Ta rifutësh atje ku ka dalë.

"Gjuha kocka s'ka, por kocka bluan".... nje poezi ku 'fjala' flet shume per 'fjalen'....urime

[Diabolis]

ujqrit dhe cakejte

u mblodhen njehere e njekohe
ujqerit dhe cakejte tok,
se s'kishin vene mish nder dhembe
e mezi qendronin ne kembe.
diten - thane - ta bejme nate
se keshtu s'jetohet me gjate
te shuajme c'drita ka ne bote
qe pastaj te kemi gjah plot.

ende i ulerijne henes cakej e ujq'
akoma nuk pranojne se plani ju shkoi huq.

[Brari]

Urime DD !

Usta je ..

[Dita]

Këtej nuk ka dallëndyshe
Nëna ime,
Të filloja të shkruaja një letër të gjatë sa dimri
Që të të mbrinte në pranverë
Në kutitë e baltta postare nën dritare.
Këtej nëna ime
S'fluturojnë as lejlekë
Ti lidhja me shami vajzat e vogla
Ti bëja boçe
Që mbi ballkonin plot e përplot me lule
Të të mbrinin për drekë.
Këtej nuk ka dallëndyshe
Nëna ime,
Këtej nuk ka as lejlekë.

Pyes veten se c'forme do te kish Zoti nese Djalli do te fliste keshtu?
Kjo poezi eshte per lote D D.

[Diabolis]

po perplaseshin njehere dy desh
i pa ujku i murme dhe nis qesh
njerin - tha - ta kem per mish
tjetrit ti mjel qumesht per pershesh.
mirpo ja qe Zoti ashtu desh,
deshinjte i beri edhe me vesh,
tju kthyen me maja briresh
e rrezuan tutje rrepires.

ujku i murme me deshinjte me nuk qesh
se e di, nga ata mjel vec ... lesh.

[Diabolis]

te ndiej ne cdo hap
si i burgosuri gardianin
si veshi nje tingull kur kap.

ti deren kurre se hap
une zerin kurre se kap
jemi aq prane sa larg

[Diabolis]

Natë dimri,
Kërcet zjarri,
Si delet e vathës tek arra e moçme
Janë rreth babagjyshit kolopuçët.
Me veshë ngrehur dëgjojnë përralla
Për trimosha e shtojzavalla,
...
Derisa mustaqet e zverdhura në ëndërr
Ju urojnë gjumë të ëmbël.
Gjumë të ëmbël mori çika
Rrituni të bukura për petrita,
Gjumë të ëmbël e ju djelmoshë
Të zini nimfa në ujra të njelmta gjelbëroshe.
...
Shtrënguar rreth këmbëve të gjyshit
Si gurët mbas lisit,
Loçkat e zemrës fillojnë dremisin
Nga gojët e vogla fjalë ëndrrash natën grisin,
Gjysh, ... dhe një tjetër, dhe një tjetër,
Si lepurushi u bë ketër.
Gjysh, ...
S’përgjigjet kush.
Gjysh, dhe një tjetër...,
Por ka fjetur gjyshi i vjetër.
Dhe fjolla e fundit ngrihet prej çibukut
Përshëndet çamarokët e largohet oxhakut.