"Buxhetimi me pjesëmarrje"- takimet e hapura me qytetarët

[Korcar-L1]

Bashkia Korçë në kuadër të programit "Bashkia për qytetarët" ka filluar procesin e përgatitjes së projektbuxhetit për investimet e vitit 2010.

Për këtë ajo ka filluar takimet e hapura me qytetarët sipas projektit "Buxhetimi me pjesëmarrje", i cili është një proces renditje prioritetesh dhe vendimmarrje përmes të cilit qytetarët dhe pushteti vendor vendosin bashkërisht për investimet publike.

Takimet kanë nisur ditën e parë me banorët e lagjeve 1,2 dhe 3. Gjatë këtij takimi banorët kanë bashkëbiseduar me Kryetarin e Bashkisë Niko Peleshi, me të cilin kanë ndarë mendime dhe kanë propozuar konkretisht për nevojat e tyre për investime publike në lagjen ku ata banojnë.

Ky model i hartimit të buxhetit konsiderohet i një rëndësie të veçantë nga Bashkia Korçë pasi nga njëra anë Bashkia bën transparencën me qytetarët dhe nga ana tjetër qytetarët thonë fjalën e vet se ku duhet të shkojnë lekët e taksapaguesve korcarë.

Përgjatë një jave, sipas një grafiku të përcaktuar, qytetarët do të thonë fjalën e tyre dhe do të votojnë për prioritetet, të cilat ata i konsiderojnë më të rëndësishme në lagjen ku banojnë.

bashkiakorce

--------------

Qytet model

[Jack Watson]

Korca se bashku me Shkodren jane nder qytetet e vetme qe e kane ruajtur karakterin e tyre arkitektonik, nuk kane dhene leje vend e pa vend, me ndonje perjashtim te vogel. Me vjen mire per kete, gjynah t'i prishte babezia keto dy qytete me histori. Ne Korce pervec rikonstruksionit te shume ndertesave karakteristeke korcare, po shtrohen edhe rruget me kalldrem (Drenove m'duket) sic kane qene dikur. Gjithashtu edhe planin urbanistik e kane te miratuar.

Me te vertet bravo. Kur do pushteti lokal punon mire e bukur.