Aktivitete gjat Ramazanit

[Renea]

Partia e Drejtësisë organizoi iftar të përbashkët ku qenë të pranishëm një numër i madh personalitetesh nga jeta publike.

E hënë, 31 Gusht 2009 11:29


Blerim Halili, Prishtinë

Në Hotel Victory të Prishtinës, Partia e Drejtësisë organizoi iftar të përbashkët ku qenë të pranishëm një numër i madh personalitetesh nga jeta publike, politike, fetare, kulturore dhe intelektuale.

Në këtë iftar qenë prezentë personalitete dhe përfaqësues të ndryshëm, si Myftiu i Republikës së Kosovës, mr. Naim Tërnava, kryetari i Aleancës Kosova e Re, z. Behxhet Pacolli, përfaqësues nga Partia e Bashkimit të Madh nga Turqia si dhe shumë personalitete, intelektualë, profesorë, hoxhallarë dhe imamë nga vendi dhe më gjerë.

Këndimi i ezanit shënoi fillimin e iftarit, dhe përfundimin e një dite agjërim për të pranishmit.

Në fjalën përshëndetëse, kryetari i Partisë së Drejtësisë, Prof. dr. Ferid Agani falënderoi të pranishmit dhe shprehu konsideratë të veçantë për të gjithë ata që iu kishin përgjigjur ftesës. Ai gjithashtu përmendi pikat kyqe dhe të veçantat që e karakterizojnë këtë muaj, ndërhyrjen e tij në "adetet" e përditshmërisë dhe shndërrimin e tyre në adhurime të plota nga ana e besimtarit.

Më pas mysafirët i përshëndeti edhe myftiu i Kosovës, mr. Naim Tërnava, i cili përveç përshëndetjes dhe urimeve për kryetarin, partinë dhe të pranishmit si dhe për mirësitë e këtij muaji, diskutoi edhe mbi çështje tjera të natyrës politike, kulturore, fetare, etj., si identiteti ynë, të qenit e shqiptarëve pjesë e Evropës si myslimanë, domosdoshmërinë e ndryshimit pozitiv dhe këmbënguljen në të, etj.

Përfaqësuesi i partisë së Bashkimit të Madh nga Turqia, Yasin Boduroglu gjithashtu iu drejtua të pranishmëve, përmendi bashkëpunimin e mirë mes dy subjekteve, me ç'rast kryetarit Agani i dhuroi edhe një dhuratë simbolike.

Edhe përfaqësuesi i Shoqatës së të Verbërve të Kosovës, z. Mexhid Foniqi uroi të pranishmit, përshëndeti dhe falënderoi kryetarin dhe partinë për ftesën dhe për interesimin që kanë për këtë kategori qytetarësh.

Kryetari Agani diskutoi edhe mbi çështje tjera të rrafshit politik, përmendi shkurtimisht prioritetet dhe rrugën që ndjek PD në shërbim të qytetarëve, të zhvillimit të shoqërisë, për ruajtjen e vlerave kombëtare e fetare të popullit tonë, etj.

Me faljen e akshamit, u shënua edhe përfundimi i këtij tubimi-iftari që kish bashkuar personalitete të ndryshme me nam në një sofër besimtari.

[Renea]

Tribunë fetare në Kërçovë


Kërçovë, 30 gusht - Nën organizim të Sektorit të femrës pranë Forumit Rinor Islam, dega në Kërçovë, ditën e shtunë u organizua një tribunë me temën: "Vlera e agjërimi të ramazanit dhe shëndeti". Në këtë temë ligjëroi mr. Zelie Sulejmani, teologe nga Gostivari. Pasi u kënduan disa ilahi përpara të pranishmeve, ligjëruesja e kësaj tribune, mr.Zelie Sulejmani, theksoj se: "I Dërguari i Allahut xh.sh. i bënte pritje të pashembullta këtij muaji të ndershëm të Ramazanit, ishte më fisniku, më buzqeshuri, më i urti, më i buti dhe më i miri ndër të gjithë krijesat dhe njerëzit". Për vlerat e muajit të Ramazanit dhe veçoritë që ka ky muaj, ajo citoj fjalët e të dërguarit të Allahut, Muhamedi a.s.: "Kur vjen muaji i Ramazanit, hapen dyert e xhennetit, mbyllen dyert e xhehenemit dhe lidhen djajtë e mallkuar". Tribuna u mbajt në QT "Arabella" në Kërçovë. Kryetari i FRI z., Xhabir Emini, tha se: "ne vazhdojmë traditën dhe gjatë gjithë muajit do kemi aktivitete të ndryshme dhe do ligjërojnë personalitete të larta të fesë islame. (S.H.)

[Renea]

Nga aktivitetet e Kryesisë së BI në terren me rastin e muaji të madhëruar të Ramazanit

Me rastin e muajit të shenjt të Ramazanit, Kryesia e BI të Kosovës me kohë ka bërë përgatitjet e duhura që sa më e përgatitur ta pres këtë muaj dhe gjatë tij të jetë sa më afër besimtarëve.
Për këtë qëllim Kryesia, respektivisht kryeimami Sabri ef. Bajgora, në bashkëpunim edhe me këshillat vendorë ka përpiluar një elaborat të detaizuar për aktivitetet gjatë muajit të Ramazanit ku është përfshirë tërë territori i Kosovës.
Madje për këtë qëllim kryeimami ka përzgjedhur një grup prej 25 teologësh më të shquar që përbëjnë Ekipin e Ramazanit, ku janë përfshirë kuadro nga Kryesia e BI të Kosovës, pastaj nga Fakulteti i Studimeve Islame dhe nga Medreseja e mesme “Alaudin”.
Ekipi i Ramazanit do të jetë në terren nëpër xhamitë e Kosovës ku do të mbajë ligjërata e derse, do të marrë pjesë në tribuna e tryeza që do organizohen nga këshillat e BI-së.
Gjithashtu, anëtarët e ekipit do të marrin pjesë edhe nëpër iftare e do të falin namazin e teravive nëpër xhami të ndryshme të Kosovës, ku përpos që do të ligjërojnë, edhe do të bashkëbisedojnë me xhamatlinjët dhe besimtarët tanë.
Ndërsa në bashkëpunim me sektorin për veprimtari botuese dhe informim anëtarët e Ekipit të Ramazanit do të koordinohen edhe për paraqitje në mediat elektronike dhe radiodifusizve.
Kështu aktivitetin e Ramazanit, anëtarët e ekipit e filluan që në teravinë e parë, ku të enjten Myftiu i Kosovës, Naim Tërnava i shoqëruar nga bashkëpunëtorët e falën në xhaminë e re në Kodrën e Trimeve (Xhamia afër shkollës fillore Zenel Hajdini). Myftiu, përpos që besimtarëve u uroj muajin e shenjt të Ramazanit, ua uroj edhe xhaminë e re dhe u mbajti një ders kushtuar rëndësisë dhe vlerës që ka agjërimi në fenë islame.
Këtë të premte 21 gusht 2009, që ishte edhe dita parë e muaji të madhërishëm të Ramazanit, përfaqësuesit e Kryesisë dhe të institucioneve të saja qëndruan në 3 këshilla: Prishtinë, Lipjan dhe Malishevë me ç’rast u mbajtën hytbe tematike kushtuar muajit të madhëruar të Ramazanit
Në Prishtinë, ishte vetë Myftiu Naim efendi Tërnava, i cili mbajti Hytben në Xhaminë “Sulltan Murat” (Xhamia e Çarshisë) (Hytben e myftiu Tërnava të xhiruar mund ta shikoni lart).
Ndërsa kryeimami, Sabri Bajgora mbajti hytben në Xhaminë e Re në Kodrën e Trimave, sekretari i Kryesisë Resul ef. Rexhepi mbajti hytben në xhaminë e Bledit, ndërsa Ahmet Sadriu në xhaminë e Matit.
Në xhamitë e tjera të Prishtinës mbajtën hytben edhe Bahri Siminca (Xhamia e Muhaxhirëve), Dr. Xhabir Hamiti (Xhamia në Emshir), Mr. Ekrem Simnica ((Xhamia Jusuf Qelebi), Kasim Gërguari (Xhamia në Sofali), Mr. Jakup Çunaku (Xhamia te Tregu) e Muharrem Tërnava (Xhamia Hatunije).
Ndërsa, Mr. Samir Ahmeti i shoqëruar nga Mr. Rrahim Aliu, Fitim Flugaj, Besim Mehmeti e Sali Jashari qëndruan në këshillin e Malishevës, kurse në Këshillin e BI-së së Lipjanit ishin Dr. Fahrush Rexhepi, Mr. Qemajl Morina, Ahmet Rama, Mr. Rexhep Suma e Rexhep Luma.

Krahas aktivitetit që zhvillon Kryesia në nivel qendror, këtë muaj një aktivitet të dendur në terren e kanë edhe këshillat vendor, ku organizojnë tribuna tematike, pastaj derse nëpër xhami dhe vizita të ndryshme nëpër xhemate.

[Renea]

AKEA shtroi iftarë bamirësie


Asociacioni për kulturë edukim dhe arsim – AKEA, shtroi iftarë për gratë kryefamiljare të fshatit Lubeniq të Pejës.

E mërkurë, 02 Shtator 2009 11:58
Asociacioni për kulturë edukim dhe arsim – AKEA, shtroi iftarë për gratë kryefamiljare të fshatit Lubeniq të Pejës.

Takimi i realizua në xhaminë e fshatit në të cilin prezantuan rreth 150 gra dhe fëmijë të familjeve të dëshmorëve.

Përveç iftarit për këto familje AKEA ndau edhe pako me artikuj ushqimorë të cilat i dhuroi organizata "Islamic Relief", si dhe u shpërnda një sasi e konsiderueshme e veshmbathjeve te cilat në këtë muaj të mëshirës sado pak do të zbusin nevojat e këtyre familjeve.

Ky organizim u shoqëruar edhe me një ligjëratë rasti lidhur me vlerën e muajit të ramazanit gjë që këtë takim e bëri shumë interesant për pjesëmarrëset të cilat edhe nuk kursyen uratat dhe fjalët miradije për organizatorët.

Ky lloj takimi tanimë ka marrë karakter tradicional të cilin AKEA synon ta realizoj edhe në të ardhmen, të paktën në muaj të ramazanit.

mesazhi

[Renea]

Ramazani në xhaminë e Londrës


Kurdo që përmalloheni për atmosferën e muajit të shenjtë të agjërimit në Meke, ku muslimanët nga e tërë bota tubohen në një vend, Ebu Burhanedin thotë se e din se është një vend ku mund ta gjeni atë atmosferë; Në xhaminë qendrore në Londër.



E mërkurë, 02 Shtator 2009 05:29
"Kënaqëm në namazet në këtë xhami ku ndjehem si të jem në Meke apo Medine," thotë për IOL Irakiani 63 vjeçar i cili jeton në Londër.

Gjatë muajit të Ramazanit kjo xhami e njohur edhe si xhamia në Regent Park bëhet qendër tërheqëse për muslimanët e vendeve të ndryshme që jetojnë në Britani.

Të gjithë ata grumbullohen në xhaminë në qendër të Londrës lindore për të shijuar spiritualitetin dhe atmosferën e ngjashme me atë në vendet e shenjta në Arabinë Saudite.

Në çdo namaz me mijëra musliman tubohen nën kupolën e artë shkëlqyese.

"Kjo xhami tërheq kombe të ndryshme gjatë Ramazanit," thotë Burhan i cili fal namazin këtu që 18 vite me rradhë.

Ajman Muhamed Ali 23 vjeçar thotë se tubimet në këtë xhami janë më tërheqëset për të rinjtë e të gjitha kombësive.

"Të rinjtë musliman po lakmojnë për të marrë pjesë në namazet në këtë xhami gjatë muajit Ramazan," thotë ai.

"Më duket si rast i veçantë për të takuar miq nga Libia dhe Arabia Saudite," shton ai.

Kjo xhami është bërë e njohur për horizontin e Londrës prej se u themelua në vitin 1944.

Kryen shërbimet kryesore për muslimanët, duke përfshirë namazet ditore dhe shumë shërbime tjerë po ashtu.

Edhe para Ramazanit, xhamia është e mbushur me adhurues.

Muhamed Husejn nga Iraku thotë fillon të vijë më shpesh në xhami një javë para Ramazanit.

"Unë nuk e lë asnjë namaz pa e falur në këtë xhami gjatë këtij muaji," thotë Husejn 56 vjeçar.

"Përveç kësaj unë bëj Hatme Kur'anin 3 herë gjatë këtij muaji."

Kjo xhami u ofron besimtarëve ushqim për iftar dhe syfyr gjatë tërë muajit të shenjtë.

Posa të thërret ezani i akshamit nga minarja e lartë e xhamisë, rinia shpërndahet nëpër xhami duke ofruar hurme dhe frute për agjëruesit.

Idrizi nga Maroko thotë se preferon të bën iftar në xhami për shkak që të gjen pastaj vend të lirë për namazin e teravive.

"Kjo është e vetmja mënyrë për të zënë ndonjë vend në xhami," thotë ai.

Dhe ai thotë se i pëlqen atmosfera jashtëzakonisht e mirë e Ramazanit që e kalon me muslimanët tjerë në këtë xhami.

"Kjo më bën që të dëshiroj që tërë viti të jetë Ramazan."

Ramazani është muaji më i shenjtë i kalendarit Islam./islamonline/

[Renea]

Duke e parë si nevojë të domosdoshme bashkëpunimin dhe afërsinë vëllazërore, Këshilli i Bashkësisë Islame në Gjakovë në krye me kryetarin Fatmir ef. Iljazi, për të shtatën herë me radhë, në restorantin e mirënjohur "PRESIDENT" organizoi iftarin tradicional - një iftar së bashku - me intelektual, profesorë, mjek, përfaqësues të shoqatave qeveritare dhe joqeveritare, udhëheqës të administratës komunale të KK-së në Gjakovë, përfaqësues të FSK-së, të PK-së, të KFOR-it, përfaqësues të tarikatit, imamë të qytetit dhe të fshatrave, nëpunësit administrativ të KBI-së dhe xhematlinj nga të gjitha xhamitë

Këtë vit iftarin e nderuan edhe kryetari Kryesisë Bashkësisë Islame të republikës së Kosovës, myftiu Mr.Naim ef.Tërnava me bashkëpunëtorët e tij, Sabri ef.Bajgora Resul ef.Rexhepi, Ahmet ef.Sadriu, Eshref ef.Daraga ....

Iftari u shënua me thirrjen e ezanit nga lexuesi i mirënjohur i Kur'anit Hakim ef.Iljazi nga Podujeva, më pastaj fjalën e mori kryetarin e KBIGJ-së Fatmir ef.Iljazi i cili pas falënderimit të Allahut xh.sh. dhe dërgimit të salavateve mbi Muhammedin s.a.v.s. përshëndeti të gjithë të pranishmit dhe iu uroi mirëseardhje në iftarin e përbashkët tashmë tradicional për muajin e Ramazanit.

Të pranishmit i përshëndetën edhe kryetari i Komunës së Gjakovës Dr.Pal Lekaj dhe Myftiu i Kosovës Naim ef.Tërnava, njëherit përgëzuan KBI të Gjakovës dhe kryetarin Fatmir ef.Iljazi për organizmin e mrekullueshëm të këtij iftari, qëllimi i të cilit, siç thanë ata, është njohja, mirëkuptimi dhe harmonia e përbashkët mes qytetarëve të komunës së Gjakovës.

Pas përfundimit të iftarit të pranishmit kryen faljen e namazit të akshamit dhe në fund Myftiu u nda shumë i kënaqur me punën dhe organizimin e iftarit duke na dëshiruar suksese dhe rezultate në punën e mëtejshme.

Përgatiti: Esat ef.Rexha

[unejsa]

Allahu ua shperblefte te gjith besimtarve per argjerimin qe po bejne dhe atyre qe organizojne iftare per argjeruesit Allahu u shtrofte sofra me te mira ne Xhenet Inshllah

[Renea]

Haradinaj shtroi iftar për Myftiun e Kosovës



Kryetari i AAK-së, z. Ramush Haradinaj, shtroi sonte iftar për Myftiun e Kosovës, Mr. Naim Tërnava dhe bashkëpunëtorët e tij. Në iftar z. Haradinaj shoqërohej nga bashkëpunëtorët e tij më të ngushtë. Po ashtu, në iftarin e shtuar nga z. Haradinaj ishte i pranishëm edhe ambasadori i Republikës së Turqisë në Prishtinë, z. Metin Hysrev Ynler, i shoqëruar nga zëvendësi i tij.
Myftiu Tërnava pasi ka falënderuar kryetarin e AAK-së, për iftarin e shtuar tha se është kënaqësi që në muajin e madhëruar të Ramazanit të jemi të bashkuar rreth sofrës së Zotit.
Ndërsa kryetari i AKK-së, Ramush Haradinaj tha se ndihet i nderuar që ka rastin të shtroj iftar për Myftiun e Kosovës dhe bashkëpunëtorët e tij.

[Renea]

Me rastin e shënimit të Betejës së Bedrit


Myftiu i Kosovës shtroi iftar tradicional me udhëheqësit e Këshillave vendor të BI dhe nëpunësit e institucioneve të BI

Si tradicionalisht me rastin e natës së 17 të Ramazanit respektivisht në kujtim të fitores historike në Betejën e Bedrit, Myftiu i Kosovës, Mr. Naim Tërnava të shtunën më 5 shtator 2009 shtroi iftar për udhëheqësit e Këshillave të BI dhe nëpunësit e institucioneve të Bashkësisë Islame të Kosovës.

Si tradicionalisht, Myftiu iftarin e shtroi në restorantin e Medresesë së mesme “Alaudin” të Prishtinës ku qenë të pranishëm mbi 200 pjesëmarrës.
Fillimisht, të pranishmëve mirëseardhje u shprehu drejtori i Medresesë së mesme “Alaudin” të Prishtinës, Bahri ef. Siminca, ndërsa me një fjalë rasti iu drejtua Myftiu Mr. Naim Tërnava, i cili pasi që i përshëndeti të pranishmit tha: “Më lejoni që në emër të Kryesisë së Bashkësisë Islame të Republikës së Kosovës, t’ju dëshiroi mirëseardhje në këtë iftar të përbashkët të organizuar nga Kryesia e Bashkësisë Islame dhe të lusim Allahun xh.sh. që agjërimin tonë ta ketë pranuar dhe mëshira e rahmeti i Tij të jetë mbi ne dhe mbi të gjithë ata të cilët në vazhdimësi kanë frikën ndaj Krijuesit Suprem.
Myftiu, në fjalën e tij foli edhe për nismën e BI për aplikimin e lëndës së Edukatës fetare në sistemin publik të arsimit në shkollat e Kosovës.
Myftiu tha se për këtë i është bërë kërkesë të gjitha institucioneve shtetërore të vendit, ndërsa këto ditë jemi duke takuar edhe subjektet politike, të cilat po i informojmë dhe po kërkojmë përkrahjen e tyre. Myftiu tha se BIK ka përgatit edhe një elaborat të detaizuar për këtë që shumë shpjet do t’ua dorëzoj institucioneve kompetentet dhe subjekteve politike. Myftiu i porositi të pranishmit që të ndikojnë në hapjen e debatit në masën e gjerë dhe t’u bëjnë me dije masës së edukata fetare është një e drejt e garantuar për fëmijët tanë.