Ku janë poetët?!...

[Agim Doçi]

Nuk e di, sesi më erdhi ky varg, kjo temë, por më morri malli, më morri malli shumë për POETET. Mund te shkruaj sejcili emocionet nga vargjet e krijimet e poeteve qe sejcili adhuron, pelqen, apo e ka idol.
Respekt poeteve te FORUMIT!

Paskan firasur gjithë gjithë poetët e Shqipërisë…
Cili i përzuri nga vargjet kombëtare?!...
Heshtje…askush nuk flet…ku vanë kantinat e Poezisë?
Ku është Driteroi?...Ai Lordi i poezisë atdhetare?!

Mos e keni parë gjë Xhevahir Spahiun?!...
More po ku humbën gjithë ata poetë….
Medet! Na u bënë VIP-a "urithi" me "thiun"…
Humbi more humbi, vargu i vërtetë…

Nga bjeshkët e Namuna, asnjë zë s’bahet gjallë
Ndonse andje shkruhet bukur shqiptarisht!
Për atë Azem Shkrelin, kam shumë mallë
Mos keni parë ndonji poet Kosove, rastësisht?...

Kur të takoni rastësisht ndonjerin nga poetët
I dërgoni shumë të fala, dhe qafime nga unë!
Jepini një kafe, pastaj unë jua paguaj lekët…
Zgjojini poetët!...Mjaft fjetën gjumë…

[gjakushi]

I KENI PARË POETET ???



Të strukur qëndronin duke medituar
Duke lexuar shkrimet e censorokuqëve , zagarëve !
Të atyre që përkushtime për Titon kishin shkruar
dhe numronin shumat e honorarëve !

Ata që po t'i nxjerrim në dritën e sëvërtetës
të flasin për shërbimin që i bënin pushtuesit të zi!
S'do të ketë asnjë shije as rrethi i petës
që mblodhi në sofër ëndërrimet ardhmëri !


Ku janë poetët ? Ku janë martirët e ngujuar !
Jusufi poet, Kadriu, Rexhep Elmazi , Avniu... ?,
Sa pak për ta ky popull ka dëgjuar !
se censorokuqët i ngrinë si veriu!

Dhe mbetën nëpër burgje si Adem Demaqi !
Për ta s'pati rikthim në arenën e Letersisë !
Lexoni për Censorokuqët që robëria i kënaqi
I bëri martirët e idealit të sërbosllavisë !


Lexoni veprat e tyre të shkruara për Sinksin
Do të ndjeni shpirtin e tyre tek jeton në Dedinjë !
Ata e shanë Kosovën që mezi se e ngriste stanin
Për të ushqyer rreth sofrës një turmë fëmijë !


Ata censorokuqët, të sotmit lalashë
Që bëjnë trumbetime liridashese duke mbjell kob!
Kanë harruar se deri dje ishin të përbetuarit mashë
Si Kurvat - në Shesh , u lëvduan pse janë rob!


Ku janë poetët ? Le të pyes ardhmëria !
Përse kaq të ndarë jemi në parim ?
Po del sërish një Zë Horr ! Qorr nga largësia,
me trajta e shpifje , kërkon devijim!

Ndaloni ju shkretanë të policise letrare !
Ju që sollët krrokama dhe anatema për Atdheun!
Sërish doni të mbjellni urrejtje në zemrat mitare ?
Përse unjësohen të duan Skenderbeun!

Ju jeni karakanxhollët e letërsisë mulate !
Ju perëndoni përditë nga ky vend i robëruar !
Për ju drita e vërtetë i shëmbëllen një nate
Se poetët e vërtetë vijnë për të aguar !

[fara]

I dua poezite me rime
gjetjet e qarta poashtu,
qe godasine si vetetime
te mbetet te thuash ja ke qellu.

Lasgushi,Agolli.......
edhe ndonje i ketij lloji du'
por mua fati me solli
te jem ne nje ,,sofer ''me Ju.

Ti i madhe, mes nesh
kete une e quaj fat,
per ne te vegjel detyra te kesh
uroje,, ushqimi ''te jete jetegjate.

[angert]

poetet jan gjallë por ata perbuzen shkelen e nenqmohen nga koha shtrigë

[Dito]

Une kam pare nja dy poete te degjuar ne vlore bashke me maks velon tuj pi hashash, vdeksha ne ju genjefsha. Maksi nuk pinte.
Ca lesh poetesh ka me ky vend aman, iku koha e tyre. tani kemi llumin qe hiqet per artist.

[fara]

DITO
Vjete morra pjese ne nje konkurs.Me ftuan ne ndarjen e shperblimeve
dhe une u gezova duke menduar se ndoshta do me ndihmonin te botoja
nje liber per femi pasi kisha ndoshta 150 poezi.
Mbaroi cdo gje mua s'ma vari kush .
Por une doja s'paku nje mendim te dikujt.Keshtu qe ju afrova njerit nga komisioni .Shkrimtar i madh ,politikan poashtu i madh , ishte mesdite e ai ishte lare me alkool.Menjehere u deshprova, por prape e pyeta s'paku a kishte lexuar ato shkrimet e mia.
E ai duke buzeqeshur ma ketheu s'eshte vendi per keto biseda.Ishte koktej .Mua s'me bente per koktejin e tyre ika e deshpruar.
Kete shkrimtar e pash dite me vone ne RTK te ,,TOPI ..''
Keta them une jane artist te medhenj por njerez te vegjel.
Nese eshte i tille? - se une s'jam kompetente ta gjykoje.

[Agim Doçi]

gjakush[COLOR="Red"][/COLOR]

je fantastik me kete poezi qe ke sjell ketu. Te perqafoj mik!

[ZANOR]

KU JAN Ë POETËT


O poetët janë gjithkund e gjithkah
burime të gjalla që rrjedhin ujë akull,
vërejnë shushunjat që dolen në gjah
e mbesin si klysh udhës ngrirë shakull!

Poetët janë gjihtkund e gjithkah
kudo kopshteve majave shkollave,
vështrojnë ata që drdhin vrer n'pah
e vet e pinë mu si lëngun e mollave!

Poetucat shterruan derdhin veç fjalë
si struca në zall qesin kokën jashtë -
në secilen fjalë skelet kanë një halë
përbihen qitje si për zorrë t'trashtë!

O poetët janë gjithkund e gjithkah
në etër nëntokë nënujra e mbiyje -
te gurtë e varreve e në shkreptima
rrufeshë të skuqura dhe i lidhin nyje!

S'shtërzejnë gjakush majesili poshtë
shkrepin shkëndia t'lashta mijavjeçe -
nuk janë sikur kallami zemërshoshtë
flakadaj i binë trup edhe udhës leqe!

Poetët nuk vdesin pse nuk shkruajnë
kur burimi n'shpirt çdo kohë pret gufim,
vdesin poetucët që bishtat iu kruajnë
në fjalë ecin caca e kujtojnë fluturim...!

Poetët janë gjallë gjithkund e gjithkah
n'përkundje djepi e maje krateri vullkan;
edhe maje plumbi rrinë me plumb n'krah
aty përbirohet si pika e lotit për vatan!

Nuk mund t'i gjejsh poetët aty ku ti don
me hapin e vockël që thurë veç fjalëgoje.
Ai që Drillon uragan veç me hukamë krijon
Ai që krijoi mu nga pelimi mjaltin në hoje!

Poetët janë gjallë gjithkund e gjithkah
edhe kur trupat si lëvozhga iu varrosen,
O vargjet poetike iu rrinë kurorë në krah
Bukuritë nuk vdesin as kurr nuk sosen !

Nëse t'i shohësh poetët malli të mori
Ata diellor mund t'i shohesh nga larg;
i sheh veç ai që zjarr nga zemra nxori
vetëm ai që lindet e vdes për një varg!

Gjama e Orës së Maleve jo veç oshtimë
po gjamën e kthen në melodi gitareje -
ai që shpirtin gastartë e then copegrimë
ai zemrën e ka zi pa asnjë xixë hareje!

Poetët janë gjallë gjithkund e gjithkah
aureola duken me yllësitë e tyre rreth;
trupojnë edhe ëndrra mos me pasë kah
qëndrojnë lartë e nuk binë si një gjeth!

(03.12.09)

[brunilda_it]

KU JANE POETET z. AGIM !?!?

Edhe une do te ngelesha brenda temes se poezise suaj por duke kerkuar miqte-poete e nuk do te dilja dot, sepse do te dilja pa ata , ata te cilet kemi shkembyer dikur-vargje, ata qe dikur kemi shkembyer dhe nga 1-liber....,..., dhe tani une mbetem e vetme nen pyetjen qe me dhemb me teper se vargu i hedhur ne nje copez leter , me dhemb si dhembje mali ne mes dimri !!
Ku jane poetet..., !?!
Poetet jane , dhe jane shume, jane nga do sa s'do te mjaftonte nje nate e vetme t'i numeroje , nje nate me yje ku gjithesecilit i perket 1-yll ne hapesiren qiell !

Mirenjohje e Respekt __ Bruna!

[tetovarja87]

Bisede me shpirtin

Shpirtin e kisha nxjerre jashte organizmit
Dhe me heshtjen e poetit bisedoja me shpirtin.
- Si lindi poezia?
* Poezia lindi nga shpirti i frymezuar.
Lind nga natyra e ndjenjave poetike.
- Si flet me poezine?
* Flas nepermjet ndjenjave te thella.
- Si preken ndjenjat?
* Me heshtjen e poetit.
- C'fare eshte poezia?
* Poezia eshte ndjenja me e thelle e arritur nga thellesia e shpirtit.
- Si jep koloritet poezise?
* Me ane te muzikes se vargut.
- Po heshtja e poetit?
* Stili,uni,Shprehja,Fshehtesia,Vetmia...Heshtja...
- Poet,aktor,artist...?
* SHPIRTE...


Pershendetje z.Agimi...
Ferdinand Ries thote: " Per njerezit e medhenj,mund te thuhen te gjitha,
kjo gje nuk e demton figuren e tyre"


Ndersa une per ju dhe poezit e juaja dua t'ju them fjalet me te bukura dhe me te sinqerta.

Nderimet e mia...