Grrrrrr...

[ashtu siç jam]

Pergjigje edhe pse me vonese!

PREKJE
Shikoj distancat se si shkurtohen
nen kembet e vetmise se vrare,
nen shina trenash qe ferkohen
as duke qeshur, as duke qare!
...dhe ndjej qe te kam prane!

Degjoj se si veniten klithmat
e ankthit strukur neper arterie!
Ty t'u rrefeva sikur te te kisha Zot
dhe ne ndergjegje nuk kam brerje!
Une jam nje zilke, ti nje kembane!

...dhe thone: Ne çdo kambane qe bie
ka nje pale krah engjejsh qe mbijne.
Une te lexoj, ne çdo varg tendin
me mijera engjej drejt meje vijne!
...u çmenda, apo jam zane?

sepse te tille komunikim
ka ne legjende dhe ne...çmendine.
Ne qofte e para, ne kete bote ç'duam?
ne qofte e dyta, pse pas na vijne?
Pse ne çdo prekje secili qan?

[Agim Doçi]

MAGJI E MADHE E POEZISË

Në asnjë Bankë të Rrozullimit
Nuk ka stërlina, Euro a dollarë
Që të blej shpirtin e frymëzimit
Që brenda teje me AR është larë.

"Ashtu siç jam" në zemër brenda
Ti ke minierë me poezi...
Por unë nuk erdha nga legjenda
as nga pavioni me çmënduri!!!

Pranë teje vij nga DASHURIJA
Nga MALLI i madh që më përflak.
Se ti je Bijë nga Shqipërija
Dhe vargun ti e ke në gjak!

Vërtetë jam plak nëpër regjistra...
Megjithse emri fillon me "A".
Po DASHURIJA nuk ka ministra(!)
Vetëm NJERZORIA dy frone ka.

Një fron ku rri si konkuistore
Një perëndeshë e lashtë sa jeta!
Në fronin tjetër zemra njerzore
Që flë mbi ndjenja të vërteta.

Unë jam tek Ti dhe ti tek mua
Sa herë që puth unë bijën time!
Ti je tek unë se shumë të Dua
Bile nuk zhytem dot në mendime

se t'a kam thënë dikur me këngën
"Nuk është jo lodër dashurija!"
Ajo plagos dhe ftoh çdo zemër
kur idhtas futet pra xhelozija!

S'më bëhet vonë se ç'thotë dikush
Në DASHURI kurrë s'jam penduar!
"I çmendur është vallë ky plakush?..."
nuk pyesin Njerzit, e DASHURUAR!

Por pyesin, flasin e rrijnë pa gjumë
Ata që s'dijnë të dashurojnë!
Ata nuk kanë me mua punë...
Ktë fron të SHENJTË s'e meritojnë!!!

(ZORRAXHIUN dua ta falënderoj me respekt që më "futi në këtë duet poetik", ndërsa ty Princesha e Dashurisë sime Poetike me NICKUN "Ashtu siç jam" të kërkoj ndjesë nëse të kam bërë sadopak të dëm!
xhan xhan xhan - Xhaxhi Gimi

[ashtu siç jam]

Apsolutisht asnje dem nuk mund te vije prej teje! Do shkruaj neser me gjate se tani nuk mundem!

[Zorraxhiu]

Neser a, uh uh, kjo e nesermja jote si ajo sekonda...

[Agim Doçi]

Më lër një çast, më lër të vuaj...
se nuk kam kohë, të ngopem fare!
e di që nesër, do vish prap vonë
dhe si çdo herë do kërkosh falje...

prita shumë gjatë, jam shumë i lodhur
më humbi sot dhe vehtja ime...
nga streh e shpirtit...po pikojn lotët
veç psherëtimat më paskan hije......

Durova shumë, pse po vjen vonë?
Mga malli dridhem, shih si rrënqethem.
më merr në krah, se s'kemi kohë
më merr të lutem se humba vehten!...

Agimi

"ashtu siç jam" ku jeeeeeeeeeeeee!?

[ashtu siç jam]

Puthe tet bije edhe per mua!
Une tim et kam kohe s'e shoh.
vargje s'ka shkruar, me shkroi mua
te me lexoje kush vertete me do!

...dje mora leter, me thoshin:
"Ktheji ne vargje lotet e tu!"
Puthe tet bije edhe per mua
se une tim et s'e kam ketu!

Oh, e degjova sikur me fliste
kur lotet deshifronin fjalet!
Enden, rropaten ne ecejake,
por dje zili i pata valet!

Puthe tet bije edhe per mua!
...une bregun tim e kam shume larg,
dhe jam vale e paralizuar
qe ecen çale-çale mbi varg!

[Agim Doçi]

Sapo të ndjeva erdha me një frymë
dhe të lexova me dashuri!
Më ka marrë malli të të puth synë
Për "mall importi" - Etër dhe Bij! (LOLOLOL

Tani po flasim me vargun tonë
ndonse në strofë është shum vështirë
Tu themi njerzve që shpirti jonë
Ësht shpirt poetësh si zog i lirë!

Ndaj mos e shih ti vehten tënde
si "valë e çalë" që rri në breg(!)
Por fluturo me shpirt e mëndje
se çmallja ka gjithmonë një shteg.

Kur ti më shkruan: "ai mua më bëri
të më lexojnë ata që duan!"
Unë lagur jam me lot i tëri
se babi ty të ka munguar.

Por unë e ndjej do vij shpejt Dita
Kur festën do ta ndezim flakë!
Do çelet qielli në mijra drita
e përmbi tokë, të gjith Né bashkë!

Po do ta pijmë dhe ndonji gotë
Po do ta ngremë dhe një dolli.
Se vetëm malet në këtë botë
kurr nuk takohen, dhe ti e di!

tani të puth çdo çast, çdo orë
ashtu si bijën që e kam pranë
Të parën letër kur ta dërgosh
Ma puth fort babin edhe mamanë!

Mi puth vëllezërit apo dhe motrat
Mi puth kushrinjt dhe shokët e tu
Mi puth të gjithë që nuk lanë votrat!
Dhe thuaju njerzve: - DO VIJM TEK JU!

Të përqafoj fort, fort, fort
xhaxhi Agimi

[ashtu siç jam]

Nuk di ta shkruaj zhurmen e kolles...
Qerova zerin nga lotet ngjirur
dhe erdha serisht...
Me kishe thirrur?!

Shoh fare qarte
dhe ne vijezimet e fytyres
nuk kam me shenjen e kripes
nga shirat lene!
Erdha serisht...
Rrezimet e mia
tashme kane mesuar te ringrihen!
S'ua kisha thene?!

Kam lindur ne nje vend ku
njerezit kane kohe qe bien,
por fundin nuk e preken kurre!
Me fat ky komb!
S'e arrin humneren
Ne relievin e tij shkembor
ka ku te mbahet,
kacavjerrur ne gure!

Nuk di te dredh cigare si pleqte
por tym i ngrohte me del nga shpirti,
jam ende gjalle...
Jam ngjizur me gjak, mish e shpirt
ndaj me lejohet te kem edhe mall!

Nuk di ta shkruaj zhurmen e kolles.
Qerova zerin nga lotet ndryshkur!
Nuk jam pishman,
jam ende gjalle!
Mos dinim te qanim
do ishim vyshkur!

[Agim Doçi]

"Pritmë, pritmë se po vij
Lotët faqes të t'i fshij!"
Anonime

[Agim Doçi]

ashtu siç jam! Të përkryera strofat e tua!
Asnjë lidhje me atë që të shkruaj unë! Ndoshta të rrëmbeu demonstrimi i dikurshëm...sesa përgjigja adekuate!
Kam p¨rshtypje se dialogu midis nesh ishte kënaqësi për të gjithë, sepse po "ndesheshin" stilet! I yti i përkryer dhe i imi i ndërkryer...ose më mirë i hakërryer. Stili yt dhe mënçurija yte poetike përbënin FRYMËZIM për mua, ndaj mos e konsidero "ndeshje" midis dy boksierëve, sepse dhe po të ishte e tillë në fund të ndeshje do përqafoheshim! Kur na e kërkuan "dialogun poetik" unë ngazëlleva se përballë vargut tënd të hijshëm do rrinte vargu im gri! I thinjur vërtet, por që mban brenda në mënyrë fisnike mesazhe DASHURIJE për të tjerët! Për versnikët e tu! Unë nuk kam nevojë për dashuri krevatesh(!) siç mendojnë sa forumas dhe pastaj na japin edhe këshilla duke pyetur "po ti shihte vajza, mbesa apo ndonji anëtar familje a do të vinte zor apo turp p¨r moshën që ke?.." Tipave të tillë u them: - Mos na çani...kampionatin! Mos na hani...Namik Doklen!...
Pra, po vë re se ti pa dashje po i ikën duetit poetik. Mund të ikësh, mua më mbetet të të them në publik: JE FANTASTIKE SI POETESHË, JE E MREKULLUESHME SI NJERI dhe TEPËR INTELIGJENTE NË VARG!
"Ringu" ka mbetur bosh, pas kësaj brenda 49 sekondash do hedh Nockdaun cilindo që guxon të matet!
me dashuri xhahxi Gimi