Ukshin Hoti: Filozofia e ceshtjes shqiptare

[Llapi]

ME URDHER TE KUJT U ARRESTUA MR.UKSHIN HOTI NE MAJ TE VITIT 1994?!



Tashme,dihet mirfilli se ne cfare rrethanash eshte arrestuar Baci Uke me 17 maj 1994, nuk ka nevoj te perseritet nje gje e tille.
Me 30 maj 1994 Prokuroria publike e gjyqit te qarkut ne Prizren leshon nje AKTPADI kunder Mr.Ukshin Hotit.

Lexoni ne vijim kete Aktpadi:

----------

REPUBLIKA E SERBISË
APKM
PROKURORIA PUBLIKE E QARKUT
Kt. nr. 107/94
Prizren, 30.05.1994

GJYQIT TË QARKUT - PRIZREN

Në bazë të nenit 45, al.2, pika 3 të Ligjit mbi procedurën penale, ngre këtë

A K T P A D I

Kundër:
Ukshin Hotit, nga i ati Nazyf dhe e ëma Fatima, e lindur Thaqi, i lindur më 17.VI.1943 në fshatin Krushë e Madhe të KK të Rahovecit, me banim në Rr. Ulpiana Nr. 29-5-7 në Prishtinë, shqiptar, shtetas i RFJ, i shkolluar, magjistër i shkencave politike, politolog, famlijar, baba i tre fëmijëve, me shërbim ushtarak të rregulluar, evidentohet në VE SNO Rahovec, me gjendje të varfër ekonomike, i gjykuar tashmë për shkak të veprës penale nga neni 133 të LPJ me dënim burgimi prej 3.5 vjetësh, në paraburgim prej 17.05.1994.

Për shkak se:
Në gjysmën e parë të vitit 1994, si anëtar dhe si kandidat për kryetar i organizatës UNIKOMB ka përgaditur dhe ka ndërmarrë veprime që me përdorimin e dhunës shkëputej një pjesë e territorit të RFJ –territori i Kosovë e Metohisë, i banuar me pjesëtarë të pakicës kombëtare shqiptare, ndërkaq me qëllim të formimit të shtetit të mëvetësishëm, si kandidat për kryetar i kësaj organizate, në një takim të fshehtë të kryesisë së zgjeruar të UNIKOMB-it, që u mbajt në Prishtinë, në të cilën ai mori pjesë, i përvishet detyrës që ta përpilojë programin dhe statutin e kësaj organizate, dhe pas pranimit të propozimit për kryetar të UNIKOMB-it, e formulon deklaratën politike në të cilën proklamon krijimin e shtetit nacional të të gjithë shqiptarëve – opcioni i dhunës, përkatësisht, marrja e dhunshme e pushtetit në Kosovë e Metohi. Dhe shkëputja e këtij territori nga Republika e Serbisë; veç kësaj angazhohet për inicimin e këtij qëllimi të proklamuar nëpër faza që do të çonin drejt krijimit të një shteti kombëtar dhe që si anëtar i organizatës armiqësore ilegale “LPRK” (Lëvizja popullore për Republikën e Kosovës) nga ana e qendrës së saj që nga viti 1990 e këndej ka qenë i obliguar që ta botojë revistën “DeA”, nga e cila edhe ka marrë udhëzime për detyre konkrete dhe instruksione për veprimtari armiqësore me qëllim të krijimit të “Kosovës Republikë” dhe të shkëpujes së kësaj pjese të territorit të RFJ, ndërsa veprimtaria e tij ka qenë më e theksuar në territorin e qarkut të Prizrenit,

-gjë me të cilën ka kryer veprën penale të rrezikimit të tërësisë territoriale nga neni 116 al. 1 të LPJ. E dënueshme sipas neni 138 të LPJ.

Prandaj:
PROPOZOJ

Që para këtij gjyqi të caktohet dhe të mbahet shqyrtimi kryesor i hapur, në të cilin të thirren:
- Prokurori publik i qarkut në Prizren,
- I pandehuri Ukshin Hoti, i cili të sillet nga paraburgimi.

Që në shqyrtimin kryesor të nxirren dëshmitë:
- të lexohet vërtetimi mbi marrjen e përkohshme të sendeve ...12/94 me datën 17.V.1994

Arsyetim:
Më dëshmitë e siguruara në hetime provohet gjendja faktike e theksuar në dispozitivin e kësaj aktpadie.

&

Pas hetimeve te mundimshme ne hetuesi nga udbashet serb te ardhur nga Beogradi, ne shtator 1994 Baci Uke del para gjyqit te pushtuesit ne Prizren.

Dhe ne vijim ju ftoje te lexoni nje pjese te fjales mbrojtese te Bacit Uke, te bere me 29 shtator 1994.

Vini re se cfare deklaron Baci UKe, lidhur me arrestimin e tij.



Pjesë nga mbrojtja e Mr.Ukshin Hotit,më 29 shtator 1994 para gjyqit të regjimit pushtues serb në Prizren:


"Më ka arrestuar policia e Republikës së Sërbisë, ndoshta me kërkesën e një pjese të alternativës shqiptare të Republikës së Kosovës(LDK-së).
Shkaku i drejtëpërdrejtë i këtij arrestimi sigurisht ka qenë frika iracionale e kësaj pjese të alternativës shqiptare( LDK-së) se me shkuarjen time në Prishtinë në krye të UNIKOMB-it pas 9 vitesh të ostracizmit dhe të izolimit, do të çrregullohej baraspesha e forcave politke dhe do të krijohej një gjendje e paparashikueshme dhe e pakontrollueshme.
Ky edhe është shkaku i vërtet i mbajtjes së këtij gjykimi, për të cilin personalisht kam besuar se nuk do të ndodhte. Besoj gjithashtu se gjykimi po mbahet me pajtimin e ndërsjellë të dy republikave ose të organeve të tyre përgjegjëse kompetente,..."




Te nderuar lexues,
nga mbrojtja e Mr.Ukshin Hotit rezulton se ai eshte arrestuar dhe burgosur edhe me izen te kreut te LDK-se Ibrahim Rugova, i cili ka qene maja e "pushtetit" nen pushtetin e regjimit pushtues serb.

Ky argument flet shume.



Sheradin Berisha
ABE-a

[Llapi]

Keshtu e ka kjo bote disa e burgosen dhe pasiqe e kreu burgun e zhduken (jugo-titistat (LDK-ja) e sodit) Disa mundohen edhe perse vdekuri ta nderoin Patriotin e madhe Shqiptar Ukshin Hotin
---------------------------------------


Adem Demaçi

Adem Demaçi I shkruan letër anëtarëve të Parlamentit Evropian për të përkrahur kandidaturën e Ukshin Hotit për Çmimin Saharov



30 Shtator 1998

Të nderuar anëtar të Parlamentit Evropian,

Të dashur zonja e zotërinj,

Me rastin e nominimit të z. Ukshin Hoti për çmimin Saharov, unë u ndjeva I lirë që të ju paraqitem me përkrahjen time për këtë nominim. Unë jam I bindur se jo vetëm që çmimi do të shkoj në duart e duhura, por gjithashtu dhënia e Çmimit Saharov një të burgosuri politik I cili është ende duke e mbajtur dënimin Ju do të ngitni domethënien e këtij çmimi nga pozita e njohjes së thjeshtë në atë të angazhimit politik.

Ky angazhim është sot është shumë I domosdoshëm për krijimin e një fotografie të plotë për Evropën, duke e theksuar kontrastin e madh që ekziston, duke ju shpjeguar atyre dhe duke ju dhënë një vizion të qartë se çfarë do të duhej të ishte Evropa.

Në anën tjetër, z. Ukshin Hoti është avokat I devotshëm I demokracisë, të drejtave të njeriut dhe paqes. Ai e shfrytëzoi mendjen e tij brilante dhe dijen për të shpjeguar se çfarë do të thotë paqja-dhe gjeti rrënjët e saj në drejtësi. Ai e kaloi jetën e tij duke luftuar për paqen e drejtë që tani I nevojitet Kosovës më shumë se kurrë. Çmimi Saharov është merituar nga z. Hoti dhe e meriton atë.

Me respektin tim më të thellë,

Adem Demaçi

Fitues I Çmimit Saharov 1991



SAKHAROV PRIZE: ADEM DEMACI WRITES A LETTER TO THE MEMBERS OF THE EUROPEAN PARLIAMENT TO SUPPORT THE CANDIDACY OF UKSHIN HOTI.

September 30, 1998

Honorable members of European Parliament,
Dear Ladies and Gentlemen,

On the occasion of Mr. Ukshin Hoti's nomination for the Sakharov Prize, I feel free in addressing you with my support for his nomination. I am convinced not only that the prize is going in the right hands, but also that with giving the Sakharov Prize to a political prisoner still serving his sentence You will enhance the meaning of the prize itself from the position of mere acknowledgement into political engagement.

This engagement is today so much needed in creation of the whole picture about Europe, in stressing the big contrasts that exist, in explaining them and in giving a clear vision about what Europe should be like.

On the other hand, Mr. Hoti is a devoted advocate of democracy, human rights and peace. He used his brilliant mind and knowledge to explain what peace means and found its roots in justice. He spent his lifetime fighting for the just peace that Kosova now needs more than ever. Sakharov Prize is deserved by Mr. Hoti and deserves him.

With my deepest regards,
Adem DEMACI
Sakharov Prize Winner 1991

[Llapi]

LEXONE KËTË PYETJE TË KADARESË TË BËRË PËR UKSHIN HOTIN...Konkludimet nxirreni vet.....



Pyetja e pestë e Ismail kadaresë

janë së paku tre mbledhje botërore ku fati i Shqiperisë dhe i shqiptarëve është vënë në balancë:
Kongresi i berlinit më 1878, mbledhja e ambasadorëve në londër më 1913 dhe Dejtoni më 1995. Nuk po përmend të tjerat si ajoe jaltës, sepse shqiptarët s'kanë ditur asgjë, për një kohë të gjatë, për vendimet e saj..

Në vitin 1995, në kushte njëqind herë më të favorshme, kur Shqiperia shtetërore ishte shtet i pavarur, për më tepër shtet i pavarur jo-komunist, mik i Evropës dhe i SHBA-së, kur çështja e Kosovës ishte bërë e njohur mirë a keq në botë, kur Jugosllavia komuniste ishte shpërbërë, kur sistemi informativ botëror kishte arrituar shkallën më të lartë, shqiptarët, e këtu e kam parasysh në radhë të parë shqiptarët e Kosovës, të KËSHILLUAR NGA LIDERËT E TYRE MBAJTËN NJË HESHTJE TËPLOTË... Nuk u bë asnjë kërkesë, asnjë demonstratë, me fjalë të tjera nuk pipëtiu asgjë... Demonstratat nuk u bënë jo vetëm në Prishtinë e në qytete të tjera të Kosovës, por u dhanë udhëzime të prera që të mos bëhen as në New -Jork e në Evropë.

[urtesia]

Myrvetes gjithmon i ka folur goja para mendjes.
Gjithmon eshte munduar qe fjalen e fundit ta thote te paren.

te permende emra qe nuk duhet te permenden.
E dij kush ishte profesori, por jemi te vetedijshem se edhe sa na duhet Ai.

- Kush e vrau Skender Hotin para shtepise se tij ?
- Pse hesht Sebastiani?
- Pse Skenderi te bente hulumtimin per fatin apo fatkeqesine e profesorit, ku ishin institucionet e Kosoves?
- Pse qeveria e Kosoves e pengonin Skenderin?
- Shume pseja lindin dhe vdesin para dhe prapa pyetjes: PSE?

[ARIANI_TB]

e shtunë, dhjetor 10, 2005
Flori - Press

Letër e hapur presidentit Tadiç dhe Qeverisë Serbosllave

Është gjallë apo i vrarë Ukshin Hoti?

Zoti president Tadiç,

Ju shkruaj dhe ju drejtojë këtë letër time të hapur juve,që të dij diç për fatin e intelektualit- martirit tonë shqiptar Mr.sc.prof.Ukshin Hoti,për të cilin nuk dihet fare që nga 16 maj 1999, kur kishte mbaruar afatin e vuajtjes së dënimit politik prej 5 vjetësh.

Të burgosurit shqiptarë dëshmojnë se në përcjellje të tre zyrtarëve të sigurimit serb atë ditë ai është nxjerrë nga burgu i Dubravës (Istog, Kosovë), ku ishin sjellë më parë të burgosurit shqiptarë nga burgu i Nishit (Serbi).

Pas bombardimeve të NATO-së më 19 maj 1999, në burgun e Dubravës ka ndodhur masakra më e përgjakshme: janë ekzekutuar e masakruar 173 të burgosur shqiptarë nga forcat serbe.

Ku është Ukshin Hoti ,biri, babai dhe vëllai ynë?- presin në ankth fëmijët dhe familja e tij. (Babanë dhe vëllanë e Ukshin Hotit i vrarë paramilitarët serbë, bashkë me 30 familjarë tjerë të tij si dhe 174 bashkëfshatarë të Krushës së Madhe të Rahovecit.)…
Ju pys juve zoti president Tadiç…

Është gjallë apo i vrarë Ukshin Hoti? - dyshojnë me plot drojë ne shqiptarë e Kosovës sot.
Shumë pyetje, shumë drojë e shumë dhembje pa përgjigje deri më sot nga e Qeverisë Tuaj,president I Serbosllavisë!

Ndërkohë z.Tadiç ,shumë të zhdukur janë gjetur të vrarë. Disa janë indentifikuar nëpër burgjet serbe, ndërsa disa janë liruar. Flitet edhe për pengje të luftës në Serbi. Marrëveshja e Kumanovës nuk përfshin çështjen e të burgosurve dhe të pengjeve të luftës.

Zoti Tadiç ,a mund të na thoni dië na thoni diç para takimeve zyrtare për Pavarësinë e Kosovës,se ç’farë u bë më trupin e prof. Ukshin Hotin ,që humbi pa nishan nga Burgu I Dubravës !!

Hesht Kryqi i Kuq Ndërkombëtar. Hesht Tribunali i Hagës. Heshtin UNMIK-u e KFOR-i. Heshtin asociacionet humanitare ndërkombëtare edhe pas 6 vjetë çlirimi të Kosovës!Heshtni edhe ju zoti president Tadiç! Pse?...

Zoti president Tadiç ,a dini se kush është Ukshin Hoti?

Profesor Ukshin Hoti ka lindur më 1943 në Krushë të Madhe të Rahovecit. Ka mbaruar studimet pasuniversitare të shkencave politike dhe ka specializuar marrëdhëniet ndërkombëtare në universitetet amerikane të Çikagos, Harvardit në Kembrixh-Boston dhe në Uashington D.C. , më 1978-1979.

Ukshin Hoti ishte profesor i Universitetit të Prishtinës dhe publicist e politikolog i shquar shqiptar. Ai ishte autor i veprave "Lufta e ftohtë dhe detanti" ,1975 dhe "Filozofia politike e çështjes shqiptare", 1995.

Ukshin Hoti ishte veprimtar politik dhe kryetar i Partisë UNIKOMB-i të Kosovës.

Profesor Ukshin Hoti ishte ndër intelektualët më të guximshëm, më të vendosur dhe më parimorë shqiptarë.

Ai ishte ndër intelektualët më të përndjekur shqiptarë nga regjimi serb. Më 1981 është burgosur, ndërsa më 1982 është dënuar me 9 vjet burg ( ka vuajtur 3,5 vjet), për shkak se ka përkrahur publikisht kërkesat studentore për Republikën e Kosovës.

Në muajt mars e prill 1993 ka vuajtur burgim, për shkak të organizimit të homazhit për martirët e rënë.

Në maj 1993 është përgjakur publikisht nga policia serbe. Më 15 maj 1994 është arrestuar, ndërsa më 28 shtator 1994 është dënuar me 5 vjet burg, për shkak të mendimit e veprimit të lirë publik.

Intelektualët shqiptarë e kanë vlerësuar lart figurën dhe personalitetin e Ukshin Hotit.

Besoj z.president Tadiç se keni dëgjuar për Akademikun tone të madh Rexhep Qosja, i cili për z.Ukshin Hoti patë thënë : "Ukshin Hoti- ky sot është smbol i vetëdijes historike, i ndërgjegjes dhe i qëndresës së pamposhtur shqiptare.

Nuk është e çuditshme pse ky është emri më i kuptimshëm, më domethënës, më frymëzues në jetën tonë politike sot. Dhe, kjo tregon se populli ynë e çmon, ashtu siç duhet, njeriun e gatshëm për sakrifica.

Dua të besoj se Ukshin Hoti do të dijë ta mbajë si duhet domethënien gjithëkombëtare, që rrezaton sot emri i tij."

Ndërsa shkrimtari i madh Ismail Kadare ,tha: "Kam frikë se pikërisht ky nivel i lartë ka qenë edhe burim i fatkeqësisë, që e ka ndjekur hap pas hapi këtë martir...Është e papranueshme që një personalitet i një populli, pavarësisht se ç'partie i përket, ose nuk i përket, të mbahet në zinxhirë.

Është fyerje për krejt atë popull. Më fort se kurrë, kombi shqiptar ka nevojë për njerëz të aftë e me nivel të lartë. Njerëzit e zotë janë princat e vërtetë të një kombi. Për fat të keq, princat goditen shpesh në mënyrë të vdekshme."

Zoti president Tadiç, a dini ju se fati i Ukshin Hotit sot është një çështje morale e popullit serb?....dhe e gjithë njerëzimit…

Organizatat ndërkombëtare duhet ta kërkojnë profesor Ukshin Hotin te Qeveria e Serbisë, sepse në momentin e fundit ai ishte në duar të ushtarakëve serbosllavë. …

Unë si një qytetarë I Kosovës, kërkojë publikisht përgjigje nga ju, Qeveria e Juaj,sepse ai ishte i burgosur politik në Dubravë të Kosovës….
Dua të dijë nga ju zoti president,që, më në fund, nga goja e juajë të na tregosh : është gjallë apo i vrarë UKSHIN HOTI?!

Nëse mbahet peng i Kosovës- zoti president trego. Nëse e keni vrarë- sërish t trego se ku janë eshtrat e tij!

Ka shumë konventa ndërkombëtare që obligojnë për këtë,zoti president Tadiç!....

Mr.sc.Flori Bruqi nga Prishtina


Prishtinë,10 dhjetor 2005.

[ARIANI_TB]

Të tjerët për Ukshin Hotin

Rexhep Qosja

"Ukshin Hoti - ky sot është simbol i vetëdijes historike, i ndërgjegjes dhe i qëndresës së pamposhtur shqiptare. Nuk është e çuditshme pse ky është emri më i kuptimshëm, më domethënës, më frymëzues në jetën tonë politike sot. Dhe, kjo tregon se populli ynë e çmon, ashtu siç duhet, njeriun e gatshëm për sakrifica. Dua të besoj se Ukshin Hoti do të dijë ta mbajë si duhet domethënien gjithëkombëtare, që rrezaton sot emri i tij."


Ismail Kadare

“Kam frikë se pikërisht ky nivel i lartë ka qenë edhe burim i fatkeqësisë, që e ka ndjekur hap pas hapi këtë martir... Është e papranueshme që një personalitet i një populli, pavarësisht se ç'partie i përket, ose nuk i përket, të mbahet në zinxhirë. Është fyerje për krejt atë popull. Më fort se kurrë, kombi shqiptar ka nevojë për njerëz të aftë e me nivel të lartë. Njerëzit e zotë janë princat e vërtetë të një kombi. Për fat të keq, princat goditen shpesh në mënyrë të vdekshme."

Marrë nga "http://sq.wikipedia.org/wiki/Ukshin_Hoti"

[ARIANI_TB]

Sheradin Berisha

-„A është gjallë apo i vrarë Ukshin Hoti?“ Kjo është pyetja, që më së shumti është shtruar, në këto shtatë vitet e pas luftës në Kosovë.

-“Kërkojmë lirimin e Ukshin Hotit!“ - është thirrur qindra herë, nëpër protesta të organizuara nga shoqatat e dalura nga lufta...

***
Më 16 maj 2006 u bënë plotë shtatë vjet, që kur nuk dihet fare për fatin e Mr.Ukshin Hotit,këtij njeriu të madh të dijes politike shqiptare. Atë ditë maji 1999, atij i kishte mbaruar afati i vuajtjes së dënimit prej 5 vjetësh, që ia kishte shqiptuar gjykata serbe në Prizren. Dhe bashkëvuajtësit e tij thonë, se ishte ditë e diele (një ditë e pazakonshme për lirim nga burgu), kur Baca Ukë (kështu e thirrnin ata) në përcjellje të tre punëtorëve të sigurimit serb është nxjerrë nga ambientet e burgut të Dubravës.

Dhe, sot e atë ditë, nuk dihet asgjë..., për fatin e këtij atdhetari të shquar!

***
Për shtatë vjet rresht, mijëra familje shqiptare kanë pritur në ankth një lajm të mirë, për bijtë e tyre të zhdukur, a të marrë peng, nga forcat militare e paramilitare serbe. Dhe për fat të keq, sot dihet se shumica e të zhdukurve gjatë luftës, janë gjetur nëpër varrezat masive në Serbi, ndërsa për qindra të tjerë, që mbaheshin peng nëpër burgjet serbe, tashmë janë liruar.

Dhe, edhe pas kësaj gjëme të rëndë kombëtare, akoma nuk dihet se ku është Ukshin Hoti.

***
Familja e profesor Ukshinit,(motra Myrvetja dhe vëllai i tij Afrimi), për të mësuar të vërtetën rreth fatit të Ukshinit, kanë trokitur në shumë dyer të institucioneve, të UNMIK-ut dhe ato të Kosovës, mirëpo përveç fjalëve të ëmbla e premtimeve të dhëna, duket se nuk kanë bërë asgjë në këtë drejtim.

Për prof. Ukshin Hotin akoma asnjë gjurmë, ndonëse ka shumë spekulime për fatin e tij !

***
Në këtë përvjetor asnjë tubim përkujtimor s´u mbajtë për këtë simbol të sakrificës shqiptare! Në këtë përvjetor asnjë fjalë s´u tha për vendndodhjen e tij!

Në këtë përvjetor, mbretëroj heshtja!

Heshti UNMIK-u ! Heshti KFOR-i ! Heshti policia ! Heshti gjyqësia ! Heshtën institucionet e Kosovës ! Heshti persidenca,qeveria,kuvendi i Kosovës,...por heshti edhe opozita !

Pra, për Ukshin Hotin e madh, heshtën të gjithë! Kjo është e çuditshme, shumë e çuditshme !!!

Më 25.05.2006

[Llapi]

GURRA: Cili është shpjegimi juaj lidhur me dorëheqjen tuaj nga LDK-ja?

HOTI: Do të doja që LDK-ja të jap shpjegime të duhura e jo unë. Meqenëse ata po e konsiderojnë të arsyeshme që të mos jepen shpjegime, edhe unë do të heshti deri në momentin, kur do të jetë e domosdoshme t´i sqarojmë gjërat.

E botuar në: Revistën “GURRA” - e përmuajshme kulturore - letrare dhe informative për regjionin e Vërrinit / Nr. 2 viti I, Maj 1992, faqe 7 - 9.



Faksimili i revistës „Gurra“ ku flet Mr.Ukshin Hoti.(faqja 8 e kësaj reviste)

[Nertili]

Intervistë me Mr. Ukshin Hotin *

REPUBLIKËN E KOSOVËS E KONSIDEROJ TË FORMUAR, POR DUHET AKOMA SHUMË PËR TË BËRË, QË TË JETË I PRANUAR NGA TË TJERËT


Bisedoi: Sheradin BERISHA

Krushë e Madhe, Maj 1992

----------------------

Ukshin Hoti u lind në vitin 1943 në Krushë të Madhe. Shkollën fillore e kreu në vendlindje, ndërsa atë të mesmen në Prizren dhe në Prishtinë. Fakultetin e Shkencave Politike e mbaroi në Zagreb, ndërkaq studimet posdiplomike – drejtimi i marrëdhënieve ndërkombëtare politike dhe ekonomike në Beograd. Specializoi në Universitetin e Çikagos, Harvardit, Bostonit, Uashingtonit dhe të Kembrixhit. Disa vite ka kryer detyrën e sekretarit në Sekretariatin për marrëdhënie ndërkombëtare në KE të KSA të Kosovës si dhe ishte ligjërues në Fakultetin Juridik të UP-së. Më 21.XI.1981 (pas një aktiviteti politik legal e ilegal) në Gjyqin e Qarkut në Prishtinë dënohet me 9 (nëntë) vjet burgim në grupin e intelektualëve. Aktualisht punon në Fakultetin Filozofik në Prishtinë.

***

GURRA: Nga historia e largët dhe e afërt, mësojmë se lindja e shteteve të reja kalon nëpër sprova të rënda. Duke pas parasysh rivalitetet në politikën ndërkombëtare, ku gjindet Kosova drejt synimit për shtetësi?

HOTI: Ndodhemi atje, ku pata thënë edhe në tryezën e organizuar në Billushë (në shtator të vitit 1991). Atëherë sa më kujtohet, u shfaq mendimi i tillë që të formohet Qeveria, të formohet policia, ushtria, mbrojtja territoriale, të legalizohet lëvizja…dhe gjëra të ngjashme. Qeveria është formuar, por akoma vepron në ilegalitet e do të duhej të vepronte legalisht, që të njiheshim me autorët e saj dhe ata të qëndrojnë në ballë të proceseve, por në vend, jo jashtë Kosovës. Me fjalë të tjera, Republikën e Kosovës e konsideroj të formuar, por që duhet akoma shumë punë për të bërë, që të shihet realisht nëse është e pranuar edhe prej të tjerëve. Kjo punë do të mund të rezymohej si rezistencë aktive e jo pasive. Mendoi se faktori i jashtëm nuk ka ndonjë arsye reale, të refuzojë obsekimin e Republikës dhe se faktori i brendshëm duhet të tregojë po aq gatishmëri për rrezikimin e stabilitetit sa edhe kundërshtari. Këtë gatishmëri nuk është duke e treguar, por pritet ta tregojë.

GURRA: Ndonëse jetojmë në kohë të modernizimit…, në Evropë e gjetiu luhen akoma lojëra të vjetra dhe ne shqiptarët mund të pësojmë përsëri si në të kaluarën historike. Çka mendoni, a ekziston rreziku për marrjen e vendimeve të gabuar nga BE-ja…dhe ç´duhet bërë ne për t´u evituar kjo gjë?

HOTI: Shtetet nuk vendosin në mbështetje të emocioneve, por të interesave. Interesi primar i momentit për Evropën është vënia e themeleve të reja dhe për këtë shkak ajo nuk është duke i luajtur lojërat e vjetra. Përkundrazi po përpiqet t´i evitoj konfliktet. Interesi ynë është pikërisht i njëjtë - evitimi i konflikteve të vjetra, por jo në dëm të kombit.



Faksimili i revistës „Gurra“ ku flet Mr.Ukshin Hoti.(faqja 8 e kësaj reviste)

----------------------------------------------

GURRA: z. Hoti, dihet mirëfilli se Këshilli Koordinues i Partive Politike të Kosovës ka hartuar tri opsione për zgjidhjen e statusit të Kosovës dhe këtë projekt e kanë paraqitur në Hagë. A janë formuluar drejtë këto opsione, dhe cili është mendimi juaj për këtë çështje?

HOTI: Nuk janë formuluar në mënyrë të drejtë, për shkak se detyrë e forcave politike ka qenë të përcaktuarit preciz të opsioneve të mundshme, e jo kalkulime me to. Megjithatë, tani mbeten vetëm dy opsione: ai i Republikës dhe i Bashkimit Kombëtar. Dhe, përsëri faktori i brendshëm do të duhej të vlerësonte, se cili opsion është i mundshëm për momentin. Në situatën e krijuar rreth problemit të ish-Jugosllavisë, na duket prioritare dhe i pashtyeshëm konstituimi i menjëhershëm i Republikës së Kosovës dhe pastaj ajo le të merret me çështjet tjera.

GURRA: Tashmë LDK-ja ka paralajmëruar se deri në fund të majit do të organizohen zgjedhjet e lira në Kosovë. A do të jenë të suksesshme këto zgjedhje?

HOTI: Varet nga përmbajtja e tyre, rezultati dhe nga ajo se çka dëshirohet të arrihet me to. Në qoftë se synohet rregullimi i çështjeve të brendshme ende të parregulluara në favor të Republikës, në mënyrë të sinqertë, atëherë mund të kenë sukses. Por, nëse synohet avancimi i interesave partikulare të grupeve brenda partive apo partive në llogari të partive tjera, atëherë s´do të arrihet asgjë.

GURRA: Në revistën“Zëri“ Jonathan Eyal deklaroi, se:“…atë që duhet evituar populli shqiptar është situata e kurdëve“. A ekziston një rrezik i tillë?

HOTI: Ndryshimi me kurdët është, se ne ndodhemi në Evropë dhe nuk mendoj se z.. J. Eyal i merr parasysh konsekuencat, që do të dilnin nga një imponim i tillë i situatës së kurdëve.

GURRA: Pas fitores së Partisë Demokratike në Shqipëri, fitohet përshtypja sikur më parë (në të kaluarën) në Shqipëri është ndjekur një kurs i gabuar politik, që për pasojë pati varfërinë e theksuar dhe eksodin e shqiptarëve jashtë vendit. A ka mundur udhëheqja e atëhershme të ndryshojë gjendjen e krijuar?

HOTI: S´ka dashur, për hir të interesit të ndryshimeve të brendshme në favor të demokracisë.

GURRA: Pse BE-ja heziton ta pranojë Maqedoninë si shtet të pavarur?

HOTI: Kjo lidhet me faktorin e jashtëm dhe me reagimin eventual të Serbisë ndaj një akti të tillë. Hezitohet nga komplikimi i mëtejmë i situatës në Ballkan. Megjithatë kjo do të tejkalohet. E shqiptarët doemos do të jenë në nivelin e situatës, përndryshe nuk shoh se ka ndonjë rrugë tjetër.

GURRA: z. Hoti, janë hedhur hapat për mbajtjen e Kuvendit për Pajtim dhe Bashkim Kombëtar. Për këtë qëllim janë organizuar edhe disa takime të intelektualëve shqiptarë, në të cilat keni marrë pjesë edhe ju. Ta zëmë çfarë pikëpamjesh keni paraqitur në simpoziumin e mbajtur në Shkup?

HOTI: Në fund të vitit të kaluar (1991) në Shkup u mbajt një simpozium mbi shqiptarët në Maqedoni, dhe në punimin tim „Republika dhe lufta“, kam thënë se janë krijuar kushtet për krijimin e një filozofie politike, e cila do të punonte në shërbim të pajtimit dhe bashkimit kombëtar. Mendoj se kuvendi i tillë, do të duhej të ishte ndër instrumentet e qenësishme për realizimin e këtij qëllimi, po nuk mund të paraqitet (ky kuvend) në ndonjë funksion, kompetencat e së cilës – pastaj (për shkak të kësaj paraqitjeje) do të tejkaloheshin. Çështjet e këtilla janë çështje të shtetit, dhe, prandaj kuvendet e tilla janë instrument i shtetit, por jo vet shteti.

GURRA: Cili është shpjegimi juaj lidhur me dorëheqjen tuaj nga LDK-ja?

HOTI: Do të doja që LDK-ja të jap shpjegime të duhura e jo unë. Meqenëse ata po e konsiderojnë të arsyeshme që të mos jepen shpjegime, edhe unë do të heshti deri në momentin, kur do të jetë e domosdoshme t´i sqarojmë gjërat.

GURRA: Në zgjedhjet e fundit në Shqipëri fitoi PD-ja, a besoni se kjo parti është e aftë ta nxjerrë vendin nga kriza e përgjithshme?

HOTI: Stabiliteti i Shqipërisë është i lidhur me stabilitetin e raporteve në Ballkan, e ato raporte nuk mund të stabilizohen pa Republikën e Kosovës. Andaj, edhe suksesi i demokracisë në Shqipëri varet nga shkalla e konsensusit të arritur rreth zgjidhjes së problemit shqiptarë. PD-së mund t´i urojmë sukses në përpjekjet e duhura.

GURRA: Si e shikoni të ardhmen e Evropës së Bashkuar?

HOTI: Evropën e Bashkuar nuk e shoh si mbështetje të diktatit të një apo dy fuqive, por në mbështetje të popujve të saj. Evropa do të duhej të ishte në funksion të vetvetes, e jo në funksion të dominimit të jashtëm.

GURRA: Si ekspert i politikës, çfarë do t´i këshillonit politikanët e rinj?

HOTI: Të jenë të vetëdijshëm për interaksionin, ose lidhjen midis faktorit të brendshëm dhe të jashtëm. Dhe kur këtë ta kenë të qartë, atëherë nuk do të ketë frikë për interesat e Kosovës dhe të shqiptarëve…

GURRA: Po çfarë do t´i këshillonit drejtuesit e revistës ”Gurra”?

HOTI: Bashkimin e të gjitha revistave lokale, për të nxjerrë një revistë të nivelit republikan, përndryshe do e feudalizoni Kosovën (qeshet) dhe feudalizimi i Kosovës gjithmonë ka qenë rrezik dhe pengesë reale për evropianizimin e saj. Puna është që të luftohet feudalizimi e jo të avancohet.

Poenta e evropizimit është që Kosova të ngritet në nivelin e Evropës, e nuk mund të jetë e tillë shpërngulja prej saj e as imitmi i Evropës. Kosova ka resurse të mjaftueshme dhe rini të mrekullueshme, e cila do të duhej të martohej me Kosovën në Evropë, e jo me Evropën në Kosovë.

GURRA: Ju faleminderit për këtë bisedë!

...

E botuar në: Revistën “GURRA” - e përmuajshme kulturore - letrare dhe informative për regjionin e Vërrinit / Nr. 2 viti I, Maj 1992, faqe 7 - 9.

*Intevista me Mr.Ukshin Hoti është zhvilluar në Krushë të Madhe, në shtëpinë e tij tashmë të djegur e të shkrumuar nga njësitë barbare serbe (në fund të marsit 1999).

E huazuar te siti www.pashtriku.org

[Nertili]

Në përkujtim të kolosit të madh të lëvizjes sonë kombëtare Mr.Ukshin Hotit

KU ËSHTË UKSHIN HOTI? - AI NUK I PËRKET HARRESËS!

Në këtë përvjetor 100% mbretëroi heshtja! Heshti UNMIK-u! Heshti KFOR-i! Heshti policia! Heshti gjyqësia! Heshtën lidershipi politik e institucional i Kosovës: Fatmir Sejdiu, Agim Çeku, Kolë Berisha, Hashim Thaçi, Veton Surroi...!



Shkruan: Sheradin BERISHA

(www.pashtriku.org - 19.05.2007)

“Kur mungon tigri, majmuni bëhet mbret”. Proverb kineze

***

Më 16 maj 2007 u mbushën plot tetë vjet që kur nuk dihej asgjë për fatin e Mr. Ukshin Hotit, të këtij burri të madh të mendimit politikë shqiptar. Në këtë datë të vitit 1999, Mr. Ukshin Hoti, sipas vendimit nr. 24 – 2241– 05 të nënshkruar nga drejtori i burgut të Dubravës, Aleksandar Rakoçeviq, lëshohet me kusht (në origjinal theksohet me shkronja çirilicë “UCLOBNI OTPUST” (shih më poshtë dokumentin *), pas mbajtjes së dënimit prej pesë vjetësh, që ia kishte shqiptuar gjykata serbe në Prizren.



Burgu i Dubravës (Maj 1999)

Pas përfundimit të luftës, disa të burgosur që ishin ndarë për herë të fundit me Mr. Ukshin Hotin, kanë thënë se ishte ditë e diele (një ditë e pazakonshme për lirim nga burgu) kur baca Ukë (kështu e thërrisnin ata) ndërmjet orës 10 – 11 të paradites, i shoqëruar nga tre punëtorë të sigurimit serb, është nxjerrë nga ambientet e brendshme të burgut të Dubravës. Dhe pas këtij momenti, sot e atë ditë, nuk dihet asgjë për vendndodhjen e këtij intelektuali, politologu e atdhetari të shquar.

***

“Ku është Ukshin Hoti?" - është thirrur qindra herë nëpër protesta të organizuara pas përfundimit të luftës.

“A është gjallë apo i vrarë Ukshin Hoti?” - ishte njëra nga pyetjet më të shpeshta që është bërë në këto tetë vite të pasluftës në Kosovë.

Por, për fat të keq, deri më tani askush s’ka dhënë përgjigje të plotë në këto pyetje.



Ku është Ukshin Hoti?

***

Dihet mirëfilli se gjatë luftës në Kosovë (1998-1999), forcat militare dhe paramilitare serbe kanë vrarë, ekzekutuar apo masakruar në forma më mizore, mbi 15 mijë shqiptarë, ku 90% prej tyre qenë civilë të pa armatosur. Në këtë periudhë kohore mësohet se janë rrëmbyer me dhunë mbi 3 mijë shqiptarë, ndërsa janë përdhunuar afër 20 mijë femra shqiptare. Për tetë vjet rresht, mijëra familje shqiptare kanë pritur dhe po presin akoma në ankth një lajm të mirë për bijtë e tyre të zhdukur (të pagjetur), a të marrë pengë nga forcat militare e paramilitare serbe. Dhe për fat të keq, sot e kësaj dite shumica e të zhdukurve gjatë luftës, janë gjetur nëpër varrezat masive në Batajnicë e në vende tjera të Serbisë, ndërsa akoma nuk dihet për fatin 2087 shqiptarëve të tjerë.



Mr.Ukshin Hoti në mesin e popullit

Përkundër kësaj gjëme kombëtare, këto ditë në Kosovë ka nisur një iniciativë me moton: “Fillesa shqiptare për pajtim me popullin serb”, dhe çuditërisht kjo iniciativë është bërë publike më 16 maj 2007, pikërisht atë ditë kur u mbushën plot tetë vjet nga”zhdukja pa gjurmë e Mr.Ukshin Hotit”. Konsideroj se nismëtarët e kësaj “fillese për pajtim” (me ata që nuk kërkuan kurrë falje për krimet e kryera në Kosovë) pikërisht më 16 maj, është një veprim i keq dhe si i tillë skajshmërisht i papërgjegjshëm. Dora e zgjatur e z.Ibrahim Kelmendi (që ka vu firmën mbi këtë nismë) dhe të gjitha duartë e atyre që qëndrojnë prapa tij jam i bindur se, do mbeten pezull në ajër, sepse dora e përgjakur e palës tjetër, edhe pse kanë vrarë e prerë fqinjët shqiptarë, nuk do të afrohet për këtë ”pajtim historik”!!!

***

Në qershor të vitit 1999 intelektuali dhe studiuesi i njohur Moikom Zeqos, nëpërmjet një apeli për opinionin publik shqiptarë, si dhe atë ndërkombëtar “për kancelaritë diplomatike të botës”, kërkoi zbardhjen e fatit të Mr. Ukshin Hotit, që - siç thotë ai: “të mos e pësojë dhe të mos zhduket pa nam e nishan.”

M. Zeqo në këtë apel, ndër të tjera ka shkruar (po citoj): “Politikisht shqiptarët e Kosovës merren shpesh në mënyrë të paprinciptë me njëri-tjetrin, grinden, shahen dhe përçahen, në një kohë që duhet vetëm të bashkohen. Këta politikanë shëtisin nëpër botë, japin intervista dhe i japin shumë rëndësi kultit të vetvetes dhe protagonizmit vetjak. Çuditërisht, këta politikanë nuk flasin, ose harrojnë të flasin, për Ukshin Hotin. Po Ukshin Hoti nuk i përket harresës. Ai është në vetë thelbin e kujtesës së kombit. Ukshin Hoti nuk mund të vdesë dhe në të vërtetë nuk ka për të vdekur kurrë. Qenia e tij intelektuale është e pashlyeshme dhe është prezent kudo. Kosova dhe kombi shqiptar kanë nevojë urgjente për mendimin e Ukshin Hotit... Ukshin Hoti sakrifikoi gjithçka dhe askush nuk ka të drejtë të jetë mosmirënjohës, të mos ketë respekt apo të mos përkulet me nderim përpara figurës së tij.”



Motra Myrvete dhe vëllau Afrim Hoti

Që nga qershori 1999, kur z. Zeqo e bëri këtë apel, politikanët e Kosovës nuk kanë ndryshuar asgjë në mendësinë e tyre politike. Çuditërisht, edhe pas tetë vjetëve, kjo kast politikanësh skajshmërisht të papërgjegjshëm nuk folën (jo se harruan të flasin) për Ukshin Hotin.

Kjo heshtje e tarafit politik e institucional të Kosovës është më shumë se indiferentizëm. Moikom Zeqo në apelin e tij për Ukshin Hotin, zëshëm thotë (po citoj):”Indiferenca është kriminale. Indiferenca nuk është gjë tjetër veçse pajtim me torturuesit dhe ndoshta me vrasësit e tij”.

***

Pas përfundimit të luftës, familja e Mr. Ukshin Hotit, veçanërisht motra e tij Myrvetja - ka trokitur në të gjitha dyert e institucioneve ndërkombëtare dhe ato të Kosovës, ku ka kërkuar me ngulm ndriçimin e fatit të Mr. Ukshin Hotit. Dhe nga të gjitha takimet që ka pasur znj. Myrvete ka marrë premtime se kjo çështje do të zgjidhet së shpejti, mirëpo, për fat të keq, deri më sot përveç fjalëve të ëmbla dhe premtimeve boshe nga unmikasit dhe politikanët tanë të tredhur politikisht, asgjë nuk është bërë në këtë drejtim. Dhe, kështu për vendndodhjen e Mr. Ukshin Hotit ende nuk dihet asgjë, ndonëse ka shumë spekulime për fatin e tij!

***

Edhe këtë 16 maj (si çdo vit tjetër) nuk u mbajt asnjë tubim përkujtimor për Mr. Ukshin Hotin – për këtë simbol të sakrificës shqiptare. Askush, asnjë fjalë të vetme nuk e tha se ku është Baca Ukë!

Në këtë përvjetor 100% mbretëroj heshtja!

Heshti UNMIK-u! Heshti KFOR-i! Heshti policia! Heshti gjyqësia! Heshtën lidershipi politik e institucional i Kosovës: Fatmir Sejdiu, Agim Çeku, Kolë Berisha, Hashim Thaçi, Veton Surroi...!

Pra, për Ukshin Hotin e madh, heshtën të gjithë! Kjo është e çuditshme, vërtet shumë e çuditshme !!!

sheradini63@hotmail.com



* Vendimi i drejtorit të burgut të Dubravës Aleksandar Rakoçeviq