Te perndjekurit politike dhe hakmarrja e tyre

[Redi]

Enip

(1/10/02 8:58:14 am)

Te perndjekurit politike dhe "hakmarrja e tyre"

Tek rubrika ÇESHTJA KOMBETARE kam postuar nje shkrim te nje ish te perndjekuri politike Luan Myftiu : Nen terrorin komunist". Shkrimi vertete eshte ca i gjate dhe prandja e kam ndare me pjese,per te qene me i lehte leximi i tij.Por nga ai shkrim disa gjera me ngelen ne mendje:
- llojet e torturave dhe diskriminimi i shqiptareve nga diktatura.
- dhuna e ushtruar ne to fare mire mund te barazihet me ate te nazisteve gjate LIIB.
- fenomeni i spiunimit.
- manipulimi i drejtesise (nqs pretendohet se ne kohen e enverit kishte drejtesi) ku te denuareve u deklarohej me te madhe se kishin te drejtat e tyre dhe askush nuk duhet t'i prekte gjate hetimit.
-urrejtja e te denuareve ndaj satrapit dhe komunizmit e veglave te tij.
- HAKMARRJA E TE DENUAREVE POLITIKE cila eshte dhe a kane te drejet ish te denuarit te kerkojne drejtesi.

Keto jane pikat kryesore rreth te cilave kam menduar,sidomos gjate pjeses se fundit te shkrimit,ku po citoj pak fragmente:

Ne s'ishim vetëm spektator, përkundrazi, ne ishim aktorët e dramës sonë që duhej ta luanim atë deri në fund. Ne duhej të dilnim gjallë për hir të atyre që na prisnin jashtë duke sakrifikuar. Ne duhej t'i tregonim botës se qemë viktima dhe t'i përshkruanim jetën e përtej varrit; ne duhej të mbijetonim. Por ne duhej të ruanim e të shpëtonim në radhë të parë nderin tonë dhe dinjitetin tonë. Ne duhej t'u shpinim të afërmeve kufomën tonë të gjallë dhe një emër të nderuar. Ne duhej ta meritonim një lot. E keqja s'kish fund dhe dhuna që mund të përdorej ndaj nesh nuk kishte asnië kufi. Asnjë dorë nuk mund ta ndalte furinë e saj shkatërruese. Ne ishim pre e saj, objekti me të cilën ajo realizonte qëllimet e mbrapshta. Ajo qe vazhdimisht në pritë dhe godiste befasisht kur ne s'e prisnim. Ajo luante kukaçefas me jetën tonë dhe sidomos lakmonte nderin tonë. Dhe kjo frikë qe më e rëndë se varrosja nën shëmbjet e galerive.

------

Ne e merrnim jetën si një detyrë që duhej shpurë deri në fund dhe ngrinim përsëri kulare shpresash dhe nga rrënojat e mendimeve tona të zymta. Ne ishim fatkeqër stoikë dhe ëndërrimtarë të palodhur. Ne ishim banorët e ferrit komunist që dënoheshim po të tregonim edhe ëndërat tona. Ne na lejohej t'i merrnim këto ëndrra në varrezat pa emër të burgut dhe t'i mbulonim ato në shishet që ruanin identitetin tonë në arkivolet e thjeshta prej dërrase të pastruar ahu.

------

Jeta për ne qe një "mollë e ndaluar".

------

Dhe ja ku erdhi më në fund vala e proçeseve demokratike edhe tek perdia e hekurt që ndante Shqipërinë nga bota e qytetëruar. Utopia çnjerëzore komuniste po mbyllte aktin e saj të fundit. Gjithë Lindja po shembej. Çaushesku u tronditi seriozisht sigurinë zotërinjve shqiptarë. Muri i Berlinit po ua vinte shpresat e fundit nën rrënojat e veta. Fantazma e komunizmit po futej e turpëruar në varrin e Marksit.

------

Era e lirisë që po frynte nga Lindja dhe shpirti i zjarrtë demokratik i një populli që i kish vajtur thika në kockë, e detyruan partinë e komunistëve, tashmë të alarmuar, të zinte pozicione të reja. Ajo nisi të gjente forma për të zbutur zemërimin e njerëzve, e nisur si gjithmonë me sllogane vëllazërore, patriotike, humanitare. Të gjithë duhej të pranonin frytet e demokracisë së re të imponuar si dhurata të shpirtit të saj novator.

------

Në Shqipëri kish ndodhur mrekullia : gjithë djajte ne mengjes u bënë ëngjëj ! Kriminelët rrëmbyen nga një degë ulliri dhe, duke fshehur thikat na klithën ne, viktimave të tyre – "Tolerancë" ! Dhe jo si të penduar, jo si mëkatarë, por si baballarë që u dhimbsej kombi dhe donin të shmangnin luflën civile. Ata mbollën urrejtjen, na diktonin tani dashurinë.Ata që dje na shpallën Judë tani kërkonin të bëbeshin Krishtër. Që zotërinjtë të mos shqetësoheshin në këto kohëra të turbullta, ne duhej të tradhëtonim të drejtën tonë për t'i urryer. Të falnim ata që s'na falën as pafajsinë; të donim ata që na vranë, të çmonim ata që na tallën (!). Dhe duhet t 'i falnim medoemos, ne s'donim gjakderdhje, në të cilën do ta pësonim të parët: ne s'donim kthim prapa, ku s'do të kishim asnjë të drejtë; ne s'donim të damkoseshim si forca të errëta, destruktive. Ne duhej t'i falnim, sepse tani zotëriojtë tanë komunistë do të dënjonin të mendonin edhe për ne, skllevërit e "dënuar nga historia". Logjika komuniste nuk del dot nga shpërngejtë e dhunës. Meqënëse ka në dorë pushtetin, të drejtën që ti ta falësh, ta ofron si një dhuratë. Ne duhej të kishim vetëm të drejtën e
mirënjohjes. Dhe kjo qe fyjerje. Mbi shpinat tona ndërtuan skllavërinë, mbi to tani kërkonin të ndërtonin urën që të kapërcenin lumin pa lagur. Ne, të martirizuarit prej tyre duhej të ishim edhe shpëtimtarët e tyre. Neve që na u imponua roli i viktimës për të trembur një popull të uritur, duke falur tani, të bëheshim apostuj të tolerancës për të zbutur zemërimin e këtij populli të mashtruar 50 yjet prej tyre. Po përse i vlen keqbërësit të papenduar falja prej viktimës së tij, kur ajo s'e ndihmon kështu të kuptojë ligësinë e veprës së tij ? Jo! Falja jonë s'kërkohej si vlerë morale, por për konsum politik. (Duke parë faljen tonë, populli nuk do të kërkonte llogari për mjerimin që i kishin shkaktuar) Edhe tek kjo falje, tek kjo tolerancë shtqaqej përmbajtja mashtruese e taktikës së "zbutjes" së komunistëve ndaj nesh.

Atehere pas gjithe ketyre fjaleve s'ka se si te mos mendosh se si eshte e mundur qe akoma ne Shqiperi krimineli mbetet ne fuqi e ben çt'i teket me viktimen,si eshte e mundur qe pas gjithe atyre vjeteve tortura,diskriminime,vrasje kriminelet jane ne krye te ekonomise shqiptare dhe akoma diktojne dhe kane marshet ne dore.si eshte e mundur qe lejuam perseri qe ata te tallen me ne,me vuajtjet tona,PSE???
Pse nuk u denuan kriminelet?
Pse akoma ne polici,drejtesi ka figura te ish regjimit te Enverit,pse torturuesit e mijra shqiptareve qendrojne akoma ne keto poste a pune?
A eshte e nevojshme qe ne Shqiperi te kemi nje lloj "Gjyqi Nurembergu"??? ku te denohen kriminelet (nga me te medhenjte si ish-anetarete e Byrose Politike deri dhe tek ai polici i vogel i Spaçit qe godiste me kamzhik dhe me kepuce te drunjta ne brinjet e te denuareve)

Mendoj se Hakmarrja me keto qe kam shkruar nuk duzhet kuptuar ne sensin negativ,por perkundrazi per mua Hakmarrje=Drejtesi dhe kete na e kerkojne
ata qe sot ndodhen ne varr (thjesht se ishin te guximshem e i thane JO komunizmit ne Shqiperi).

Drejtesi per ata mijra sakate burgjesh qe sot akoma jane pa shtepi,pa pune,pa te ardhme.

Drejtesi per te gjithe ne shqiptaret qe duam Shqiperine.
__________________________________________________

harmonies

(1/10/02 3:09:22 pm)

Re: Te perndjekurit politike dhe "hakmarrja e tyre"

Enip

A eshte e nevojshme qe ne Shqiperi te kemi nje lloj "Gjyqi Nurembergu"??? ku te denohen kriminelet (nga me te medhenjte si ish-anetarete e Byrose Politike deri dhe tek ai polici i vogel i Spaçit qe godiste me kamzhik dhe me kepuce te drunjta ne brinjet e te denuareve)

Kjo do te qe nje lloj lufte klasash ne anen tjeter. Mendoj se nje trysni e forte ne zbatimin e ligjit dhe denimi i tradhetareve te interesave kombetare ne kohen e tanishme do te qe shume me dobiprures se referimi gjithmone ne te shkuaren per te krijuar erresire ne te tashmen.

Mendoj se Hakmarrja me keto qe kam shkruar nuk duhet kuptuar ne sensin negativ,por perkundrazi per mua Hakmarrje=Drejtesi dhe kete na e kerkojne
ata qe sot ndodhen ne varr (thjesht se ishin te guximshem e i thane JO komunizmit ne Shqiperi).Drejtesi per ata mijra sakate burgjesh qe sot akoma jane pa shtepi,pa pune,pa te ardhme.

Drejtesia e vertete eshte nje Shqiperi e begatuar, nese te syrgjynosurit luftuan jo per karriget e dikurshme por per kete ideal. Ky eshte shperblimi me i mire per ta (nese gjalle) dhe pasardhesit e tyre.

Drejtesi per te gjithe ne shqiptaret qe duam Shqiperine.

Justice will be served kur une personalisht te mos trajtohem si qen neper aeroportet e botes (pa asnje arsye), dhe kur ta kem per nder te them qe jam Shqiptar.
__________________________________________________

freedom end

(1/10/02 10:48:29 pm)
Re: Te perndjekurit politike dhe "hakmarrja e tyre"

Ti qe na fton te harrojme 50 vite krimesh ke ndonje njeri te vrare ne familje nga bandat e kuqe z.harmonies?

Look at the past to understand the present and improve the future..ti kete e di.
__________________________________________________
anton1as

(1/11/02 3:20:45 am)
Re: Te perndjekurit politike dhe "hakmarrja e tyre"

Bo ca na ka gjet ! lufte klasash thote.

Ore shqiptare jeni te cmendur perfundimisht.

Si more qeka lufte klasash kur kerkohet te denohen turturuesit e vrasesit?

Ore shqiptar te varish prej kembesh ate qe ka pi gjak njeriu( e jo ne kuptimin simbolik por real) eshte thjesht drejtesi.

Shnet Anton!
__________________________________________________
Enip

(1/11/02 3:35:13 am)
Re: Te perndjekurit politike dhe "hakmarrja e tyre"

Harmonies,

nga kjo qe ke shlruar :>> Kjo do te qe nje lloj lufte klasash ne anen tjeter. Mendoj se nje trysni e forte ne zbatimin e ligjit dhe denimi i tradhetareve te interesave kombetare ne kohen e tanishme do te qe shume me dobiprures se referimi gjithmone ne te shkuaren per te krijuar erresire ne te tashmen.

dakord jam qe te denohen tradhetaret e kombit,por e shkuara nuk harrohet,perndryshe do te perseritet.Dhe ata "te se shkuares" ishin kriminele dhe kriminelet duhet te dalin para drejtesise,per te dhene llogari per krimet qe
kane bere (kur do qofte koa e tyre).

Mos harro se akoma sot e kesaj dite Mosadi apo ku di une,kerkojne dhe jane ne gjurmim te ish-nazisteve,ish krimineleve qe sot ndodhen kush e di se ku neper bote dhe te maskuar nen emra dhe identitete te tjera.
Pra nga LIIB. kane kaluar mese 50 vjet dhe akoma ne Izrael behen gjyqe per nazistet.

Pra them se para drejtesise duhet te dalin te gjithe ata kriminele qe kane kryer krime ndaj te pafajshmeve shqiptare,kjo duhet bere patjeter mendoj une dhe jo te maskohemi pas gjasme "nevojes per qetesi ne Shqiperi" se na duhet stabiliteti tani dhe jo gjyqe apo denime.

Drejtesia eshte drejtesi dhe duhet zbatuar ne cdo kohe.

Ah dhe dicka,Papa i Romes kerkoi mbas shume shekujsh falje per krimet e fese ndaj njerezimit,kurse keta kriminelet shqiptare as nuk u shkon ne mendje nje gje e tille,falje,kete koncept komunistet nuk e njohin dhe kurre s'kane per te kerkuar mimimumi falje per ato qe kane bere.
__________________________________________________
harmonies
Anetar i ri
Posts: 23
(1/11/02 9:56:44 am)
Re: Te perndjekurit politike dhe "hakmarrja e tyre"

Anton

Bo ca na ka gjet !

Asgje nuk te gjen nga shprehja e mendimeve Anton, qofshin ato te ngjashme me te tuajat ose perafersisht te ngjashme me te tuajat.

lufte klasash thote. Ore shqiptare jeni te cmendur perfundimisht. Si more qeka lufte klasash kur kerkohet te denohen turturuesit e vrasesit?

Po si mendon ti, te presesh kemben ku ke nje te care? Mos u polarizo kaq shpejt bre Anton, se pastaj luajne te tjeret me ty.

Ore shqiptar te varish prej kembesh ate qe ka pi gjak njeriu( e jo ne kuptimin simbolik por real) eshte thjesht drejtesi.

Cdo gje ne kohen e vet apo jo. Se si i thone: drejtesia vonon por nuk harron. Pastaj nuk me pelqen qe shpreh perbuzje per fjalen Shqiptar (sikurse e perdor) une kam vene nje handle aty dhe nuk eshte qe ta vret veshin besoj.
__________________________________________________
harmonies
Anetar i ri
Posts: 24
(1/11/02 10:24:51 am)

Re: Te perndjekurit politike dhe "hakmarrja e tyre"

Enip

Ti qe na fton te harrojme 50 vite krimesh ke ndonje njeri te vrare ne familje nga bandat e kuqe z.harmonies?

Jo, fatmiresisht nuk kam Enip. Po kjo nuk eshte premisa nga ku klasifikohesh si atdhetar besoj. Pastaj une nuk ftova njeri te harroje,perkundrazi. Mgjate shperthimi i pakontrolluar i energjive krijon vecse kaos. Ti nuk je per kaos-in besoj.

Look at the past to understand the present and improve the future..ti kete e di.

Kjo eshte mjaft llogjike, po ti e kupton njerez te ndryshem mendje te ndryshme. Cka i bashkon eshte interesi. Kjo nuk duhet harruar apo jo?

dakord jam qe te denohen tradhetaret e kombit,por e shkuara nukharrohet,perndryshe do te perseritet.Dhe ata "te se shkuares" ishin kriminele dhe kriminelet duhet te dalin para drejtesise,per te dhene llogari per krimet qe kane bere (kur do qofte koa e tyre).

Ne asnje vend une nuk thashe qe te harrojme te shkuaren. Sidomos vjedhjen dhe shtremberimin e vazhdueshem (50 vjet jane pak) te historise shqiptare. Po nje e keqe persistente nuk e thyen dot me nje outburst, si psh i Antonit, po me nje te perballim persistent.

Mos harro se akoma sot e kesaj dite Mosadi apo ku di une,kerkojne dhe jane ne gjurmim te ish-nazisteve,ish krimineleve qe sot ndodhen kush e di se ku neper bote dhe te maskuar nen emra dhe identitete te tjera. Pra nga LIIB. kane kaluar mese 50 vjet dhe akoma ne Izrael behen gjyqe per
nazistet.

Good point, shtet i forte, ekonomi e forte.

Pra them se para drejtesise duhet te dalin te gjithe ata kriminele qe kane kryer krime ndaj te pafajshmeve shqiptare,kjo duhet bere patjeter mendoj une dhe jo te maskohemi pas gjasme "nevojes per qetesi ne Shqiperi" se na duhet stabiliteti tani dhe jo gjyqe apo denime.

Une nuk permenda qetesi, se nuk ka qetesi me hajdutin brenda ne shtepi, porse nje gjuhe me te shtruar me te vertete qe do ta cmoja.

Drejtesia eshte drejtesi dhe duhet zbatuar ne cdo kohe.

Psh si "Ne emer te popullit"? Atehere me thuaj cili eshte mesimi qe ke nxjerre ti nga te shikuarit at the past?

Ah dhe dicka,Papa i Romes kerkoi mbas shume shekujsh falje per krimet e fese ndaj njerezimit,kurse keta kriminelet shqiptare as nuk u shkon ne mendje nje gje e tille,falje,kete koncept komunistet nuk e njohin dhe kurre s'kane per te kerkuar mimimumi falje per ato qe kane bere.

As edhe nuk ka nevoje qe ata te kerkojne falje. Sepse nuk eshte prifti ai qe te fal mekatet. Porse tu tregosh nje Shqiperi te begate per te themi 10 vjet, si do te mburren me "sukseset" e 60 vjeteve? Mos ia hiqni kenaqesine shqiptareve qe t'i shikoje me perbuzje mjeshtrit komuniste.
__________________________________________________
anton1as
i Djathte
Posts: 969
(1/11/02 11:07:16 am)

Me gjith mend ca na ka gjet

E cfare se na ka gjet se.

Une kerkoj drejtesi i ti me thua jo se eshte lufte klasash.
Me vjen keq per kohen time e te enipit qe po harxhojme me ty.

Anton!

PS "Po si mendon ti, te presesh kemben ku ke nje te care? Mos u polarizo kaq shpejt bre Anton, se pastaj luajne te tjeret me ty."
Te falenderoj per keshillen!
Shqiptaret jane si enveri nga politika marrin vesh nga matematika nga psikologjia nga astronomia nga bujqesia etj, etj...
__________________________________________________ harmonies
Anetar i ri
Posts: 25
(1/11/02 11:52:55 am)

Re: Me gjith mend ca na ka gjet

Anton

Te falenderoj per keshillen!

Je i mirepritur!

Shqiptaret jane si enveri nga politika marrin vesh nga matematika nga psikologjia nga astronomia nga bujqesia etj, etj...

Une nuk mund te flas per te tere Shqiptaret sepse perfaqesoj vetem veten time dhe, tani, njohuri te pergjithshme kam per keto qe ti rreshtove me siper, por Profesionist nuk jam ne asnjeren dhe as qe e shpreha nje gje te tille. Pastaj, ti kur thua shqiptaret, ku e fut veten tende, nese me lejon qe te te pyes?
__________________________________________________
ReEdD
Moderator
Posts: 753
(1/11/02 12:00:53 pm)

Re: Me gjith mend ca na ka gjet

Menjehere sapo u hapen burgjet dhe te burgosurit politike u liruan, u pa nje tendence, apo nje rryme disi e cuditshme. Ne vend qe te kerkohej qe te vihej ne vend padrejtesia qe i ishte bere ketyre, u perfol shume fakti qe keta nuk duhej te kerkonin hakmarrje.
Pra u perdor fjala "hakmarrje"dhe jo ajo "drejtesi". Ketu qendroi i gjithe gabimi, ku rane vete brenda edhe te persekutuarit politike.
Une nuk kam qene nje i tille, por veshtire se atehere mund ta pranoja nje llogjike te tille, kur mundohesha ta vija veten time ne vendin e atyre te mjereve.

"Une hakmarrjen nuk e njoh / eshte Zoti qe te ndeshkon", kendonte Francesk Radi.

Edhe tani nuk mund ta pranoj nje llogjike te tille. Nese une do te isha i persekutuar me pa te drejte, duhej me doemos te kerkoja gjykimin e persekutoreve te mi. Denimi i tyre ne rradhe te pare do te thote Drejtesi dhe ne rradhe te dyte, do te bente qe mos te ndodhin me ne te ardhmen te tilla fenomene.

Por u pa qarte, qe mos zbatimi i Drejtesise ne 92-in, i beri komunistet qe te mos kishin frike ne 97-en kur ndezen Shqiperine.

Ne rast se PD rimerr pushtetin dhe revolucionaret e 97-es nuk do te vihen perpara Drejtesise, atehere me siguri do te kemi ndonje vit tjeter, ndofta 2010, ku ne rastin me te pare te favorshem, shqipfolesit komuniste do te rrembejne armet per te perbysur pushtetin me dhune.
Mos ju duket cudi, por eshte ne ideologjine e tyre marrja e pushtetit me dhune dhe revolucion te armatosur.
__________________________________________________
freedom end
Anetar i ri
Posts: 22
(1/12/02 12:57:07 am)

Te perndjekurit politike dhe "hakmarrja e tyre"

Harmonies

Pyetjen nese ke njeri te vrare ne familje nag komunistat ta kam bere une jo enipi.
Meqe mu pergjigje se jo mendoj se nuk ke te drejte morale te flasesh.Ti nuk ke se si ti falesh ata nese ty ste kane bere asgje?
Te na thone te pakten ku i kemi varret e baballareve se as ato nuk i dime.
__________________________________________________

vlora67
Diskutant i rregjistruar
Posts: 8
(1/12/02 1:45:22 am)

Drejtesia e rreme

Dua t'ju kujtoj dicka.

Secili individ mund te fale ke te doje. Kjo eshte nje e drejte legjitime e njerezve. Eshte qeveria dhe sistemi ligjor i nje vendi ato qe nuk duhet te falin kurre. Perndryshe kurre nuk do te kete besim tek ligji e drejtesia.

ReEDd sygjeron se shkaktuesit e 97s duhet te vihet perpara gjyqit. Une do te thosha te fillohej nga 1945. Ne kete menyre Nexhmija e Ramizi nuk do te kishin mundesi te mbanin me leksione per "ditet e bukura" te komunizmit.

Per mendimin tim gabimi kryesor qe beri PD-ja eshte se nuk kerkoi te vinte ne vend drejtesine. Per kete arsye shumica e krahut te djathte u larguan dhe vazhdojne te jene te larguar.

Endrra ime eshte te formojme nje kooperative bujqesore ku te riedukojme gjithe komunistet e kelyshet e tyre. Te ngreme trekembeshat per ata qe pine gjak shqiptari. Per ata qe vrane te pafajshmit e tmerruan cilimite. Per ata qe zhduken mijra intelektuale per te sunduar ne injorance. Per ata qe e katandisen Shqiperine ne gjendjen qe eshte sot.

Cdo gje tjeter eshte DREJTESI E RREME.
__________________________________________________
ReEdD
Moderator
Posts: 755
(1/12/02 5:39:34 am)

Re: Te perndjekurit politike dhe "hakmarrja e tyre"

Vlora67, une kam thene pikerisht ate qe ke thene edhe ti.

Kam shkruar: Por u pa qarte, qe mos zbatimi i Drejtesise ne 92-in, i beri komunistet qe te mos kishin frike ne 97-en kur ndezen Shqiperine.

Pra ne 92-in nuk u denuan ata qe duke filluar nga tradhtia qe i bene Mukjes dhe me vone hapen vetem varre shqiptaresh.
Dhe derisa te rrine te padenuar, shqiptaret jane te destinuar te vuajn
__________________________________________________

[Redi]

Torollaku

(1/13/02 3:56:26 am)

Re: Te perndjekurit politike dhe "hakmarrja e tyre"

Teme interesante.Dhe per njerez me nerva te forta.E kam fjalen per ata qe jane persekutuar nga diktatura dhe tani kerkojne...drejtesi.
Tim vellai ia vune prinderit e mi emrin Edmond,te frymezyar nga vepra e famshme "Konti i Monte Kristos" me shprese se ai do te merrte hakun e tyre dhe te do te vinte drejtesine ne vend, ashtu si heroi i famshem i librit.Por kjo ngeli vetem nje enderr e parealizueshme, sepse im vella ketu ku eshte as qe do tia di se ku bie Shqiperia.Jeton jeten e vete, pa harxhuar as kohen , as energjine e tij me hakmarrjen aq te deshiruar te prindreve te tij.Ndofta ka te drejte...
Drejtesia eshte nje term qe ekziston vetem i shkruar ne nje cope leter, por kurre nuk eshte real.Cfare drejtesie mund te ekzistoje ndaj plehrave qe morren ne qafe nje komb te tere?
Nenen time e internuan per here te pare kur ajo ishte 6 vjec.Heren e trete dhe te fundit e internuan kur ishte 18 vjec, sepse nuk pranoi te mohonte babane e saj!!!Cfare denimi mund te ekzistoje per shtaze te tilla qe arrijne deri aty sa te vene femijet para nje dileme te tille?Vdekja?Per ata vdekja eshte shpetim.Ofruan nje jete te tere vuajtjesh familjeve te tera dhe si shpagim do te kene nje vuajtje 2 minuteshe para skuadres se pushkatimit apo para litarit.Por perseri femijet e tyre nuk do te vuajne ashtu sic vuajtem ne.Burgu?Do punojne perseri "kafshet"-ashtu sic na quanin keta zoterinj,qe keta shtaze me fytyre njeriu te kene kovaleshence per 10 -15 vjet, sepse keshtu jane burgjet e sotme shqiptare ne krahasim me burgjet e komunisteve.Sinqerisht nuk mund te imagjinoj asnje menyre qe ata qe moren ne qafe nje popull te tere, qe bene genocid ndaj nje pjese te kombit shqiptar te kene te njejtin fund me viktimat e tyre.Ndryshe nuk kemi si flasim per drejtesi.
Kur vjen puna per denimin e tyre, me hipokrizi kujtohen se nuk duhet derdhur me gjak shqiptari.Thua se gjithe ai gjak qe u derdh per 50 vjet rrjesht nuk ishte gjak shqiptari, por uje cezme.Filozofojne per hakmarrjen,duke harruar se ata u hakmorren 10 fish pa asnje arsye ndaj mijera e mijera veteve,urryen dhe vazhdojne te urrejne viktimat e tyre.A mund te kete denim qe permban mendja njerezore per keta kriminele?Se kush jane e treguan veten ne 1997 kur masakruan te gjithe ish-te persekutuarit qe punonin ne SHIK.Pse?Sepse benin detyren.Harruan qe ne 1992 thonin:"Ne benim detyren", qe ti shpetonin drejtesise se viktimave te tyre!
Personalisht nuk dua te harxhoj me jeten time, kohen time,energjine dhe nervat dhe te merrem me ata plehra.Kam 11 vjet qe kam ikur nga Shqiperia
dhe jam betuar te mos shkel me ne ate vend.Nuk e di se si do te veproja, ne rast se do te ndodhesha atje.Do merrja nje AK-47 dhe do masakroja te gjithe ata dhe familjet e tyre, duke u shnderruar dhe une nje kriminel si ata apo do te kthehesha dhe une nje burracak si te gjithe te ish - te persekuatuarit, te cileve megjithese iu kane shkaterruar jeten tani kane perpara syve xhelatet e tyre te lire dhe ne pushtet.Ndofta denimi me i madh per ta eshte te vegjetojne(se mos kujtoni se jetojne, jo!)ne ate vend qe e katandisen si mos me keq.
Toro.

__________________________________________________
Vlora67
(1/13/02 8:22:55 pm)

ReEd,

komenti juaj ishte nga me te saktet dhe pikerisht per kete une e permenda. Ndoshta nuk jam shprehuar qarte ne qofte se kam krijuar pershtypjen se nuk jam dakord me mendimin tuaj.

Toro,

shumica nga ne qe shkruajme ne kete forum jemi te persekutuar ne nje menyre apo ne nje tjeter nga komunizmi. Mua me vjen keq per familjen tuaj, familja ime ka kaluar gjera te ngjashme.

Megjithate, fitorja me e madhe e komunizmit do te jete ne qofte se ne (djemte e bijat e atyre qe vuajten) do te humbasim mergimit. Komunistet ne Shqiperi kane fituar disa beteja, por nuk kane fituar luften.

Edhe une kam 11 vjet qe kam ikuar nga Shqiperia. Shkoj pothuajse 2 here ne vit. Thjesht qe ata t'a marrin vesh se jam gjalle.

Jeta na ka lodhur te gjitheve, por une nuk do t'u jap kurre kenaqesine atyre bishave te shohin lot e deshperim tek mua.
Ne te kundert ata vertet do te kishin fituar.

Vlora
__________________________________________________
Enip

Harmonies te kerkosh venien e drejtesise ne vend nuk eshte shperthimi i pakontrolluar i energjive=kaos,po une nuk jamper kaos ne Shqiperi,por per drejtesi dhe me drejtesi kuptoj daljen para gjyqit te atyre qe per afro 50 vjet u tallen,vrane & prene me duart e tyre.
Kerkoj drejtesi ne emer te atyre qe nuk ndodhen me mes nesh,kerkoj drejtesi per ata qe pas 1990 dolen nga burgjet e Enverit,por qe nuk jane me ata qe kane qene dhe akoma kujtojne me ankth dhe naten kane makthe ne gjum.
Kerkoj qe ai 50 vjet komunizem te denohet,te publikohen libra etj per te nxjerre ne pah fytyren e vertete te regjimit komunist,dhe jo te tallemi me femijet e nxenesit,studentet shqiptare duke u rekomanduar akoma si literatura leximi librat e kuq te Enverit apo te sakoatohet akoma me shume historia e Shqiperise.
Mund te me thuasha si mund ta thyesh nje te keqe???,pasi une menyre tjeter pervecse denimit te krimineleve nuk shikoj.
Ne asnje vend nuk kam permendur qe drejtesia duhet bere ne "emer te popullit" (ketu nenkuptoj dhenien e drejtesise dhe thenien e gjyqtarit ne gjyq),por ne emer te drjetesise se pari,pasi krimineli duhet denuar ne menyre qe te kemi drejtesi per ata qe u vrane,syrgjynosen neper kampe internimi.
Harmonies e solla shembullin e Papes se Romes,jo per te te thene se duhet te kerkojne falje prifterinjte,por per te kerkuar se pari falje ata qe sot na shesin mend duke dhene intervista neper kanale televizive apo gazetave,duhet te kerkojne falje ata baballaret e ketyre qe kemi sot ne krye ne Shqiperi.Por e di fare mire qe kjo qe po kerkoj une eshte dicka qe atyre "morrave te kuq" as nuk u shkon ndermend e jo me te perpiqen ta realizojne.


Toro,
nga ato qe lexova nga shkrimi yt,m'u kujtua nje pjese nga historia e familjes sime,por dhe nga histori te tjera te degjuara,por e di fare mire qe ne zemren tende eshte thyer dicka qe te ka bere te vendosesh te mos kthehesh me ne Shqiperi,por Toro nuk mendon se opikerisht ky vendimi yt per te mos shkelur me ne ate toke,i ben komunistet dhe kriminelet e kuq shqiptare te krenohen duke u mburrur qe "ja dhe ne demokraci po triumfojme ne dhe ata "kafshet" i kemi perzene ne nje menyre a tjeter nga vendi dhe sot cdo gje ne Shqiperi eshte ne duart tona"
Une mendoj se pikerisht per te mos ndodhur kjo gje ne duhet te kthehemi nje dite ne vendin ku kemi lindur e te japim te pamunduren per te patur nje Shqiperi pa komuniste.
__________________________________________________
Reflektim10

Kam njohur nje njeri qe ishte burgosur per shume vite dhe gjate torturave e kishin demtuar perfundimisht si mashkull. Pas ndryshimit te sistemit isha me te ne Hotel Tirana duke pire kafe. ne hollin e hotelit ai papritmas dalloi ish-torturuesin e tij dhe iu afrua duke e pyetur nese e mbante mend. Egersira qe e kishte torturuar e njohu dhe u zverdh ne fytyre(ai kishte qene kryetar i deges se brendshme per shume vite ne qytetin ku une banoja). I njohuri im i tha tekstualisht "Mos ki frike se nuk kam revole si ty dhe nuk behem xhelat si ty dhe e la me nder si te dh.... ne mes te hollit. Pastaj ne dolem. Une nuk i thashe asgje, vetem me vete mendova se me e pakta qe mund ti bente ne ate moment ishte ta peshtynte ne fytyre

ata qe pane ferrin ne burgjet shqipatere u treguan aq fisnike sa une nuk kam degjuar per asnje vrasje xhelatesh te sigurimit per hakmarrje. kam degjuar se ne ish-Gjermanine Lindore menjehere pas shembjes se murit dhe bashkimit me pjesen tjeter te Gjermanise pati raste kur u gjeten kufoma funksionaresh partie te hedhur neper kanale (dhe te mendosh Gjermanine ne krahasim me ne)

Gjithashtu ne Hungari ne 1956 te paret u vrane njerezit e policise sekrete dhe u terhoqen zvarre rrugeve

Ndersa te ne ka ngelur ende plaga e madhe e hapur. Askush nuk doli te kerkoje publikisht falje,askush nga kasapet kryesore nuk shfaqi as shenjen me te vogel te pendeses. me e keqja se pas 97 jane ricikluar dhe rikthyer atje ku ishin. Ne kurriz i patem per 50 vjet, ne kurriz i kemi prape vecse ne forma me te sterholluara.

Ne Shqiperi qarkullonte nje thenie e cila eshte pak banale po mendoj se i shkon tamam asaj qe ndodhi ne Shqiperi.

Komunistet ne fillim u tmerruan aq shume sa i hoqen te mbathurat dhe prisnin qe tua benim. Kur e pane qe nuk e kishim ndermend ate pune i veshen prape. Pastaj me kohe u trimeruam dhe i hoqen prape kesaj radhe per te na e mballosur sic edhe na e bene ne 1997.
__________________________________________________

Anton1as

Jam i deshperuar ne kulm.


O "Toro" te falenderoj per sinqeritetin.

Kisha vetem nje pyetje:

Pranoj qe nuk do te shkelish me ne ate vend, por a je i gatshem qe te ndihmosh ata deshirojne te bejne dicka?

Shnet Anton!

anton1as@yahoo.de
__________________________________________________

Tirana

Nuk ish detyre e te perndjekurve politike te hakmerreshin.Nuk nevojitej hakmarrje pasi ata te perndjekur(te cilet ne pergjithesi ishin fisnikeria e Shqiperise)nuk mund te binin ne te njejtin nivel me llumin qe i persekutoi duke u hakmarre.

Lypsej qe qeverija te hapte dosjet e te ndeshkonte legalisht kriminelet.Po te ish bere nje gje e tille,nuk do te kish patur 1997!!
__________________________________________________

Anton1as

Ajo qe ke shkruar "toro" me ka vene shume ne mendime.

Une sic duket jam me i pavuajturi nga ju dhe keshtu qe me takon qe mendimin tim ta jap i fundit.

Do te kisha deshire qe mendimin tim te ta thoja sy me sy o "toro",por ku i dihet shpresoj qe te takohemi ndonje here.

Me duket se e ke tepruar kur i karakterizon ashtu ata qe kane mbetur ne Shqiperi, jane me fisnike sesa ne qe kemi ikur.
Sikur te marresh automatikun e te qerosh ata qe te kane torturuar nenen nuk je kriminel por hero dhe kete mos e harro.

Gjithsesi dhe une jam kunder hakmarrjes personale sepse ajo sjell drejtesi por jo te ardhme.

Por ama drejtesi nuk duhet ta presim prej kurkujt pervec se prej perpjekjeve tona.
Jemi ne qe duhet te tregojme krimet qe jane bere kunder nesh.
E verteta duhet te dale ne drite.
Psh ai qe kishte torturuar ate mikun tend o reflektim kush ishte ?

Per nje gje jam i sigurte.

Turtura me e madhe per komunistat do te ishte nje organizate e persosur e jona.

Mendo per nje cast sikur te gjithe ne te ishim te organizuar te njifnim -njeri tjetrin te ndihmonim njeri-tjetrin.

Une per vete nuk di shume psh per ate Leke Qokun pervec se artikujt qe kam lexuar ne revista.
A nuk do te ishte fisnike dhe nje torture per komunistat sikur ne nje here ne vit te shkonim 10 000 vete tek familja e tij per ngushllim?

A nuk do te ishte torture per komunistat sikur te kishim nje fondacion tonin dhe te pakten financiarisht tia hiqnim hallet familjes se tij?

Po sikur te ndihmonim ate familjen e atij kryetarit te shikut te Vlores ( sa turp dhe emrin ia harrova) qe e vrane ne greqi me thike?

A nuk eshte turp per ne qe ai ishte i detyruar te shkonte emigrant ne greqine e urryer e nuk kishte asnje mundesi qe ta ndihmohej te shkonte ne nje vend te sigurt!!!!!!

Tirana ti mendon se ishte detyre e qeverise, cfare gabimi, cila qeveri ajo e sali berishes dhe gramoz pashkos?
Nuk mund ta bente Berisha ate gje sepse me ate marreveshje ia dhane pushtetin , per kete nuk e quaj fajtor sepse kushdo qe te ishte ishte i detyruar te bente kompromis mbas rezultatit te 1991.

Per drejtesi nuk eshte vone kurre.

POR DRETESIA ESHTE SI LIRIA NUK TA DHURON KUSH

Ju pershendes dhe shpresoj qe te bashkohemi nje dite

Anton Ashta!

__________________________________________________

"Për këtë të vërtetë, po sjell një fakt mjaft interesant.

Në vitin 1991, isha mysafir në shtëpinë e një miku tim në Tiranë, ku pritej për darkë një mysafir i largët i cili vinte nga SH.B.A, shqiptaro-amerikani kosovar (.........)i dërguar prej vëllait të të zotit të shtëpisë, i "arratisur" nga Shqipëria, rreth tridhjetë vjet të
shkuara (në të vërtetë ai ishte dërguar aty prej Sigurimit të Shtetit dhe prej asaj kohe ai banonte në Çikago).

Nuk kaloi shumë dhe mysafiri i largët erdhi shëndoshë e mirë. Të gjithë sa ishimaty e pritëm vëllazërisht me nderime të mëdha. Në fund të bisedave që u bënë atë mbrëmje aty, muhabeti u përmblodh midis mysafirit të largët dhe mua.

Midis shumë gjërave, unë e pyeta mikun, mos vallë keni patur rastin të njihni në Çikago, në farë Rushit Plaku, por nuk i tregova se unë isha vëllai i tij. "Miku", pa më pyetur se çfarë e kam Rushitin, më tha me një nervozizëm të papërmbajtur. "e njoh mirë, po besa ai është fort burrë i poshtër". Pse çfarë bënte e pyeta unë përsëri, duke e nuhatur se si ishte puna. Ai tha:"Rushit Plaku ka pasë qënë armiku më
i madh i bac Enverit në Amerikë. Ai vinte edhe këtu në shqipëri për të përmbysur me armë qeverinë e bacës..

I zoti i shtëpisë, mikëpritësi ynë, më shikonte mua tepër i shqetësuar se mos prishja muhabet me të. Po unë e qetësova atë, duke i shkelur syrin dhe buzëqeshur lehtë.

Po Nimet dhe Xhevdet Malon mos i ke njohur, vazhdova unë dhe çfarë njërëzish ishin? Miku, si dhe për Rushitin tha: "edhe ata i kam njohur, por edhe ata burra të poshtër paskishin qenë. Ata ishin bërë shumë të pasur në Amerikë, por kanë vdekur që të dy dhe varret i kanë afër njëri-tjetrit. Sipas amanetit që kanë lenë, miqtë e tyre në Amerikë, u kanë ngritur midis dy varreve një shqiponjë të madhe krahëhapur, sa një trup njeriu të lartë. Shqiponja një këmbë e ka mbështetur mbi njërin varr dhe tjetërn në varrin tjetër. Ata kanë lënë dhe një amanet tjetër që kur të çlirohet Shqipëria, kockat e tyre tua sjellin të prehen në Shqipëri dhe nëqoftëse Shqipëria nuk çlirohet shpejt, kockat tua çojnë t'i rivarosin në tokën shqiptare të Kosovës.

E dëgjova dhe e shikoja me vëmendje të madhe e neveri deri në fund, atë fytyrë agjenti të poshtër kur më fliste me aq përbuzje dhe urrejtje për amanetet e tyre me atë frymë të lartë atdhedashurie të rrallë që kishin lënë dy djemtë e tezes sime, me të cilët është për t'u krenuar. Fatmirësisht, erdhi dita që kockat e tyre prehen tani në tokën e shënjtë të nënës Shqipëri.

Si mbaroi agjenti i sigurimit së foluri dhe unë do të largohesha, i thashë, mik i të falemnderit përsa më tregove dhe ma mbushe mëndjen top se ata ishin vërtet njërëz të poshtër, pse ishin patriotë të mirë dhe jo agjentë të Enver Hoxhës, po armiq të tij.

Agjenti fanatik i sigurimit në SH.B.A injorant me brirë, u prek nga fjalët e mia të fundit, por nuk bëri zë fare. Kur unë do të ikja, i shtriva dorën, ashtu bëri edhe ai, duke më dhënë vetëm majat e gishtave.

Ja dhe një rast tjetër.

Në vitin 1994 dhe 1995 kur isha në SH.B.A, takova shumë shqiptarë të arratisur, disa prej të cilëve i kisha pasë njohur që në Shqipëri.
Midis tyre takova edhe shumë shok e miq të vëllait tim Rushitit, si dhe vëllanë e "arratisur" të mikut të Tiranës, i cili dhe më ftoi një natë
për darkë. Në atë darkë, unë pata rastin të bisedoj me të gjerë e gjatë.

Ai nuk hezitoi të më pohonte se ishte dërguar prej Sigurimit të Shtetit në SH.B.A. Unë e pyeta atë nëse e kishte bërë misionin për të cilin e kishin dërguar! Po, tha ai. Po pse e bërë i thash unë, kur ti e dije se këtu nuk ishe i kërcënuar, po të mos e kryeje detyrën për të cilën ishe dërguar? E di si është puna më tha "unë e kreva atë mision, sepse kur erdha këtu në Amerikë, nuk ishte si sot, atëhere ora e punës së punëtorit paguhej disa cent të dollarit dhe dita e punës nuk shkonte më shumë se 2-3 dollarë, kurse ne të dërguarit e Sigurimit,
merrnim pesë dollarë për orë, dyzet dollarë në ditë, të cilat na paguheshin në dorë një herë në muaj. Çdo muaj vinte nga Tirana një person i ngarkuar për atë punë, emrin e të cilit ai ma tregoi, por unë nuk e mbaj mënd veçse më kujtohej që i përkiste besimit katolik, në rast se emri i tij nuk ishte pseudonim. Siç më tregonte ky agjent i Sigurimit në Amerikë, me personin që vinte nga Tirana, rrjeti i agjentëve në SH.B.A takohej në ndonjë lokal, ose hotel shqiptari aty. Ai u jepte rrogën, si dhe udhëzime dhe porosi të qendrës në Tiranë dhe merrte prej tyre, nuskat siç u shpreh ai.

Po, çfarë kërkonte nga ju agjentët këtu. Sigurimi i Shtetit? Me siguri, vazhdova unë, sekrete të armëve bërthamore, të raketave, bazat e flotës detare dhe të aviacionit ushtarak. AI qeshi me të madhe dhe më tha: "Çdo njeri që dërgohej këtu si agjent, instruktohej dhe porositej mirë çdo të bënte aty ku do të caktohej të shkonte. Në radhë të parë, ne kishim për detyrë të njiheshim me sa më shumë shqiptarë të arratisur, por edhe të diasporës. Të mësonim prej tyre me çfarë pune merreshin ata dhe shqiptarët e tjerë, shok dhe miq të tyre. Çështja kryesore ishte, të mësonim a kishte organizata armiqësore të shqiptarëve të arratisur, kush bënte pjesë në to dhe çfarë bënin ato konkretisht. Kush shquhej për propogandë anti-pushtet në Shqipëri. Kush nga të arratisurit merrej me punë diversioniste. Nga niseshin, kur dhe për ku.

Na kishin porositur, të lidhnim miqësi me çdo shqiptar që do të takoheshim, t'i bënim për vete dhe të mundoheshim t'i bindnim se qeveria në Shqipëri, nuk i konsideron njësoj të gjithë të arratisurit. Kush sillet mirë këtu edhe mund të riatdhesohet dhe jo vetëm që nuk i bëjnë gjë, por i japin edhe punë dhe familjen ia trajtojnë ndryshe nga të tjerëve.

Po ju a i garantoni ata për ato q u thonit se po të riatdhesoheshin do të trajtoheshin mirë, e pyeta unë ? Po, po tha ai dhe shtoi: 'ne me fjalë ua bënim shesh me lule, ndonjë naivi, por sidomos kosovarëve dhe shqiptarëve të Maqedonisë, të cilët çmëndeshin për Enverin, mjaft që t'u tregoje ndonjë përrallë se bac Enveri bën namin kundër Titos dhe serbit. Tani, më fol sinqerisht i thash, po atë Rushitin tim, a e ke raportuar ndonjë herë? "Rushitin, rahmet pastë" tha ai, nuk e takova asnjëherë. Ai shoqërinë e tij e kishte me ata të Shqipërisë së veriut dhe atij nuk i afrohej dot kushdo. Ai siç tregonin, të merrte erë me hundë kush ishe dhe çfarë qëllimi kishe, e pastaj të rregullonte vet si dinte ai. Ai ishte armik i vendosur deri në vdekje ndaj rregjimit komunist dhe unë kam shkruar për të.

Po ju agjentët, a kishit njohje e lidhje midis jush, e pyeta. Jo, jo-tha ai "po kishte raste që ishim njohur, por nuk tregonim sepse po të merrte qendra vesh, kushedi se ku të transferonin.

Pas një pushimi të shkurtër, "miku" agjent më tha; "Unë me atë rrogë që merrja në Tiranë dhe punën që bëja në një restorant si guzhinier u bëra i pasur". Ai kishte një vilë ku banonte vet, ishte jashtëzakonisht e bukur dhe me një kopësht përrallor, një qen me peshë 100 kg i cili bënte një jetë të lumtur, që do t'ia kishte zili çdo shqiptar sot.

Unë vazhdoj të punoj edhe sot si guzhinier tha"dhe njëkohësisht investoj në ndërtim. Blej troje dhe bëj vila për t'i shitur" dhe ndërkohë më shfaqi një film vidiokasete, ku kishte regjistruar ndërtimin e dy vilave në proces. Ndërtimi i njërës prej tyre kostonte pesëqindmijë dollarë dhe shiteshin me fitim të madh. Pasuria e jote i thash unë, është venë me gjakun e shqiptarëve, të cilët për 50 vjet, janë rraskapitur në punë dhe nuk kanë mbushur dot kurrë barkun me bukë.

"Jo or jo" tha ai, duke qeshur. Unë km marrë vetëm hakun tim. Babai ynë i përbashkët Enver Hoxha, të ardhurat e çifligut të vet Shqipëri, ua ka ndarë me dorë në zemër popullit të tij, sipas punës dhe meritës. Për shëmbull, kooperativistit i jepte 20-30 lekë për ditë pune, aq sa ai i kishte mjaft, se po t'i jepte më shumë, tërbohej dhe nuk dilte çdo ditë në punë. Enveri, gomarit i jepte një dorë kashtë, kurse atit tagji. Punëtorit i jepte pak më shumë se fshatarit, sa të mbante shpirtin gjallë sepse ai s'kishte tjetër gjë përveç krahëve.

Atyre që i mbanin në këmbë pushtetin, u jepte edhe diçka më shumë sepse i kishte besnikët e vet që i ruanin pushtetin, u jepte edhe më shumë, që të ishin gjithmonë vigjilente. Kurse mua që më dërgoi me detyrë dhjetëmijë kilometra larg, që të mos e tradhëtoj, më dha hakun tim. Ndërsa ty dhe shokëve të tu, armiq të betuar, ua bëri vendin në shtëpinë pa qera dhe u jepte një kothere buke thatë që të
vdisnin aty pak nga pak, për të trembur me ju të tjerët që të rrinin urtë.

Ai, me të veten, llogaritë i kishte bërë shumë mirë dhe punët i kishte pasë gjithmonë në terezi, prandaj fliste ashtu kaluar. Po edhe keq nuk foli. Ishte, tamam ashtu siç e shpjegoi ai, gjëndjen tragjikomike të popullit shqiptar. Unë nuk u heq asnjë presje, atyre çfarë më the ti deri tani, i thashë bashkëfolësit tim. Populli shqiptar ashtu e ka merituar. Edhe pse me barkun bosh, duart i ka gjithë kallo, jo nga puna, por nga duartrokitjet për udhëheqësin e tij të lavdishëm që i pati premtuar parajsën dhe rubinetat me qumësht por që në fakt i ushqeu me bar."


Kjo eshte nje pjese i nje shkrimi me autor
Kavajë, më 04.10.2001 Mushir Ali Plaku

Shnet Anton!

[Redi]

Rycki2001
Moderator
Posts: 362
(1/16/02 9:09:27 am)

Re: I lumte komunistave

Te lumte edhe ty Anton per shkrimin e mesiperm. Ky shpreh tragjedine tone. Paradoksi eshte po aty. Te persekutuarit ishin dhe jane te tille. Ne qe jemi
jashte gezojme qe u kemi shpetuar komunisteve por humbem atdheun. por nuk e di nese e dini qe ketej nga jemi ne ka ende komuniste qe vazhdojne te frekuentojne boten e jashteme veç me nje qellim (Jo te spiunojne antikomunistet, jo...) Te prishin parate qe fitojne (Vjedhin) ne Tirane.
Para ca kohesh nje miku im vjen dhe me drejtohet i revoltuar : Ne rrojme kot, ne punojme kot. Dhe me tregoi se si kishte takuar nje shqipatar qe i ishte mburrur me ate mburrjen tipike shqiptare : Une kame punuar ne dogane. Une kam emigruar tashme ketu por une nuk rri kurr me nje vend, udhetoj, beje ç'te dua se me del hesapi....

E pra miku im pati fatin te njeohi nje nga "ata". Por ata jane shume, shume.Dhe kane vjedhur aq shume sa nuk dine ku ti çojne. Ne Shqiperi nuk kane ç'bejne me ato pare...
Ndersa ne... edhe ne kemi plot...na kane ngelur fjalet.Te pakten ato te mos na i marrin...
Rycki.
__________________________________________________
Enip
Moderator
Posts: 686
(1/17/02 3:31:59 am)

Re: I lumte komunistave

komunisteve i lumte derisa nuk eshte zbatuar drejtesia kundrejt tyre.
__________________________________________________
anton1as
i Djathte
Posts: 977
(1/17/02 4:25:20 am)

Re: I lumte komunistave

Enip Drejtesia eshte me te vertete nje koncept abstrakt ,por ne kete rast eshte dicka konkrete e cila nuk dhurohet, por perkundrazi duhet shume
mund e sakrifica per tia arritur.

Prandaj kete pyetje duhet tia bejme ne vetes:

Je te gatshem te sakrifikojme per te arritur DREJTESINE SIC ISHIM TE GATSHEMTE SAKRIFIKOJME PER TE ARRITUR LIRINE?

Shnet Anton!
__________________________________________________

Enip
Moderator
Posts: 687
(1/17/02 6:03:36 am)

Re: I lumte komunistave

ne ckuptim e ke kete shprhje Anton,mund te shpjegohesh pak me qarte.
__________________________________________________

tirana
Ekonomist
Posts: 997
(1/17/02 7:00:20 am)

Re: I lumte komunistave

E ka fjalen qe lirine shqiptaret e fituan me sakrifica ndoshta e njesoj duhet vepruar dhe per te fituar drejtesine.(liria dhe drejtesia nuk jane e njejta gje.)

Ndersa une mendoj qe lirine shqiptari nuk e fitoi vete(ne 1990 flas)por ia dhuroi momenti dhe zhvillimet nderkombetare(Gorbaçovi,muri i Berlinit,Causescu etj).E njejta gje mendoj qe do te ndodhe dhe me drejtesine.....
__________________________________________________
Enip
Moderator
Posts: 695
(1/17/02 9:03:10 am)

Re: I lumte komunistave

dakord,por dhe mllefi,uria,varferia,ishin faktore qer bene shqiptaret te kujtoheshin se qene ne roberi-tiraneri,dhe prandaj u ngriten ne revolte dhe rezuan bustin e Enverit ne Tirane.Por fatkeqesisht une akoma nuk shoh shenja te lirise derisa shumica e shqiptareve e kane mbyllur "sqepin" dhe nuk degjohen me ankesa si ne kohen e Sales.
Me ngjan se cdo gje po vlon nga brenda dhe po pres momentin kur shperthimi do te dali ne siperfaqe.
__________________________________________________

tirana
Ekonomist
Posts: 1004
(1/17/02 9:45:43 am)

Re: I lumte komunistave

Nuk ankohen pasi u mesuan per 60 vjet parazite.Ne sistemin e berishes u konfrontuan me punen dhe lodhjen.E si pasoje,kur sistemi i Berishes u zevendesua nga ai enverist,rigjeten vetvehten,rigjeten parazitizmin dhe sarhosherine karakteristike 60 vjeçare,letargjine.....
__________________________________________________

anton1as
i Djathte
Posts: 978
(1/17/02 10:49:40 am)

Re: I lumte komunistave

Ashtu eshte qe lirine shqiptaret nuk e fituan vete ,por te mos harrojme se po te mos ishin cuar shqiptaret te pakten studentat e gjithato revolta zor se dhe ata 5 vjet do ti kishim hequr komunistat prej pushtetit.

Po liria dhe drejtesia nuk jane e njejta gje, por drejtesine mos prisni se do ta sjelli ndonje here shteti shqiptar, por vetem shteti shqiptar kur perfaqesuesit e tij te jemi ne e jo ilir meta apo ilir gjoni kjo eshte e para.

E dyta eshte per te pasur drejtesi duhet te pakten te njihen krimet me fakte dhe prova.

Dhe per kete ne duhet te kishin ngritur me kohe strukturat per te mbledhur keto.
Nga dueht te kishte nje grup qe vetem me kete te merrej qe nga 1990 ,por ce do ne presim se drejtesine do te na e japi shteti.

Keshtu te vuajturit dhe deshmitaret vdesin, ne ikim, shteti shqiptar i mbetet mafiozeve komuniste qe tani ata jane bere milioner ne dollar dhe ne
enderrojme se nje dite do te kete drejtesi.

Dhe per te arritur kete: mbledhjen e deshmime dhe provave duehn marre parasysh dhe sakrifica duke ditur se kush jane komunistat, shembuj kemi plot, per kete duhet qe te kishim nje organizate te fuqishme tonen.

Shnet Anton!
__________________________________________________

vlora67
Diskutant i rregjistruar
Posts: 10
(1/17/02 12:28:31 pm)

Ju bej ftese


Me duket se ne keto forumet tona ka plot njerez te djathte e te persekutuar
nga komunizmi. Deshira ime eshte te formojme nje group ku t'a njohim njeri tjetrin. Te jete nje group i mbyllur per publikun e jashtem (komunistet e ish-sigurimsat) ku jo vetem te diskutojme temat tona por edhe t'a perdorim si network per te ndihmuar njeri tjetrin.

Une kam biseduar pak me Antonin per kete. Kush ka deshire te jete pjestar i nje grupi te tille le te me dergoje adresen elektronike mua ose Antonit.

Tani per tani do te jete thjesht nje group shokesh qe jane dashamires te njeri tjetrit dhe i lidhin bindjet e djathta dhe urrejtja per komunizmin.

Me vone ndoshta mund te bejme dicka me shume.

Juaji, Vlora
__________________________________________________


anton1as
i Djathte
Posts: 991
(1/18/02 6:14:34 am)

Re: Ju bej ftese

Eshtë thënë se në burgun e Tiranës asokohe kane qenë dhe disa kosovarë të cilët më pas u ekstraduan për në Jugosllavi. Si qëndron e vërteta rreth kësaj? " Po,kjo gjë është më se e vërtetë. Mbaj mënd se asokohe në burgun e Tiranës ishin të arrestuar dhe disa persona të cilët gjatë kohës së pushtimit kishin shërbyer në poste të larta në administratën vendore të Kosovës.

Një mbrëmje drejtori i burgut erdhi dhe me zë të lartë lexoi një listë emrash të cilët i porositi që të bëheshin gati, pasi të nesërmen do të udhëtonin për në Jugosllavi.Me sa më kujtohet në atë listë emrash mbaj mënd se ishin Bedri Pejani ish kryetari i Lidhjes së Dytë të Prizërenit, Profesor Selman Riza, Qazim Bllaca, Muharrem Mitrovica dhe ushtarakët e lartë Qazim Komani, Fuat Dibra Xhaferri), Sitki Shkupi, Xhelal Preveza e disa të tjerë që nuk më kujtohen. Të nesërmen e asaj nate ndodhi një ngjarje tepër e dhimbëshme. Ndërsa kamioni me rimorikio që do ti transportonte ata për në Jugosllavi kishte ardhur, urdhëri për ti nxjerrë ata në oborr po vononte. Mbas pak në oborrin e burgut u duk një ambulancë dhe nga pjesa e burgut Nr 2, dolën katër veta të cilët mbanin një trup njeriu të mbështjellë me një batanije dhe e ngarkuan atë në ambulancë. Ndërsa të tjerët të lidhur me pranga dy e nga dy i hypën në kamionin me rimorikio dhe i nisën për në Jugosllavi, nga ku siç kam mësuar më vonë shumë prej tyre nuk u kthyen më të gjallë. Të nesërmen e daljes tonë në ajrim, mësuam se ngjarjen që kishte ndodhur në burg. Njëri nga ata që ishte caktuar për të shkuar në Jugosllavi, quhej Riza Ferri dhe ishte nipi i patriotit të madh kosovar Jakup Ferrit. Rizai kishte helmuar veten dhe ishte ai që e nxorrën me batanie për në ambulancë. Dua të tregoj dialogun e Rizait në çastet e fundit të jetës me Komandantin e Brigadës së Mbrojtjes së Popullit majorin Zija Kambo. Kur e
lajmëruan në telefon major Kambon, ai erdhi dhe e gjeti Rizanë akoma të gjallë. Rizai që ishte helmuar duke pirë një grusht të madh ilaçesh, ju drejtua atij duke i thënë: A mor të poshtër, pse nuk na vrisni ju, por na dërgoni që të na vrasi Tito".


Pjese nga nje interviste me Xhemal Alimehmetin.
__________________________________________________
anton1as
i Djathte
Posts: 992
(1/18/02 6:20:02 am)

Vazhdimi

Nga të burgosurit që ishin shtetas të huaj, kë ke
pasur rastin të njohësh?
" Siç thashë dhe më lart në atë burg asokohe kishte shumë shtetas të huaj dhe me disa prej tyre ne shiheshim shpesh sepse atëhere dyert e brendëshme të burgut nuk mbylleshin dhe ne komunikonim sa herë me ta. Nga këta mbaj mënd tre
vajza gjermane të cilat i sollën në burg aty nga fundi i dhjetorit të vitit 1944. Siç thashë dhe më lart ato quheshin Elsa, Amri dhe Erna dhe ishin kapur rob nga partizënt teksa udhëtonin me një autokollonë gjermane në rrugën Kukës-Prizëren Njëra prej tyre ishte sekretarja e Gjeneralit Fizztung kryekomandantit të forcave gjermane në
Shqipëri. Ndërsa dy të tjerat kishin punuar më duket në shoqërinë gjermane të nxjerrjes së naftës në Kuçovë. Neishim në kontakt të përditshëm me to, sepse dhoma e graveishte ngjitur me dhomën tonë. Historinë e tyre e mësuan të gjithë të burgosurit sepse kishte lidhje me masakrën e ekzekutimit të 104 shqiptarëve që ishin të internuar në kampin e Prishtinës. Mbasi ato u kapën rob, shtabi gjerman
nëpërmjet përkthyesit të tyre kapitenit Petraq
Pekmezi,ndërhyri pranë shtabit partizan që asokohe ishte i vendosur në fshatin Priskë të Tiranës, që ti lironin duke i shkëmbyer me disa robër që ishin në kampin e Prishtinës.
Marëveshja u bë dhe gjermanët sipas kërkesës së
shtabit tëEnver Hoxhës i liruan dhjetë të internuar që ishin komunistë jugosllavë, por Enveri kërkoi që të liroheshin të gjithë shqiptarët që ishin atje. Pas kësaj gjermanët të
indinjuar për prishjen e marveshjes, pushkatuan 104 shqiptarët e kampit të Prishtinës. Ato tre vajza qëndruan në burgjet e kampet e internimit në Shqipëri, deri nga viti 1956 kur u bë e mundur riatdhesimi i tyre mbas marveshjes Hrushov-Adenhauer. Këtë ngjarje ma ka treguar hollësisht profesori im i muzikës Luigj Filaj i cili kishte punuar si përkthyes pranë gjermanëve bashkë me kapiten PetraqPekmezin të cilin me urdhër të Enver Hoxhës, tre ditë para çlirimit të Tiranës një grup partizanësh shkuan dhe e ekzekutuan në oborrin e shtëpisë tij aty në bregun e Lanës".

Kë keni njohur tjetër aty në burg nga eksponentët
kryesorë të politikës shqiptare të kohës së Zogut dhe të pushtimit?
"Aty në burg siç thashë dhe më lart ishin një numër i madh prej tyre. Dua të kujtoj Ibrahim Biçakun, djalin e patriotit të madh Aqif Pashë Elbasanit që kishte kryesuar Kongresin e Lushnjes, i cili kishte qenë Kryeministër në kohën e pushtimit gjerman. Ibrahimi ishte i vetmi kryeministër nga ata që u quajtën kuisling, në të gjithë Europën Lindore që nuk u pushkatua. Kjo gjë erdhi pasi në gjygjin e tij i doli si dëshmitar Myslym Peza, që në atë kohë ishte zv / kryeministër dhe figura kryesore pas Enver Hoxhës. Myslymi deklaroi në gjygjë se gjatë kohës së luftës kur Ibrahim Biçaku ishte kryeministër, i kishte dërguaratij në Pezë dy kamionë me armatime, ushqime dhe veshmbathje, për partizanët e Pezës. Po kështu aty në burg kam pasur rastin të njoh nga afër dhe Bahri Omarin kunatin e Enver Hoxhës dhe shokun e tij të ngushtë KolTromarën të cilët që nga viti 1920-të, ishin bërë të njohur si personalitete dhe njerëz me reputacion të madh në jetën politike shqiptare. Mbaj mënd se aty nga shkurti i vitit 1945, Bahriut i erdhi në takim gruaja e tij që ishte e motra e Enver Hoxhës, së bashku me Nexhmijen që sapo ishte martuar me Enverin. Tek dhoma e takimeve, gruaja e Bariut e
prezantoi burrin e saj me Nexhmijen duke i thënë se ajo ishte nusja e Enverit dhe nga çantat që kishte me vete, nxorri disa peshqeshe të vogla të cilat çifti i porsamartuar jua kishte bërë peshqeshe sipas zakoneve gjirokastrite. Bahriu nuk deshi që t` i merrte fare ato, por ju lut shoku i tij Kolë Tromara duke i thënë se nuk ishte mirë që tua kthente mbrapsht ato. Po kështu në atëburg kam njohur dhe Osman Gazepin, një oficer i vjetër karriere që nga koha e Turqisëi cili për shumë kohë kishte shërbyer si adjutant i Mbretit Zog me gradën e Kolonelit.
Mbaj mënd aty nga gushti i vitit 1945, kur në radio po lexohej një artikull përkujtimor për dy vjetorin e Luftës së Barmashit kundër forcave gjermane, Osmani mu lut t`ja lexoja artikullin sepse vetë nuk lexonte dot. Mbasi ja mbarova artikullin ai më tha: Sa gënjejnë. Më pas ai më
shpjegoi se në Luftën e Barmashit, në javën e parë të gushtit 1943, nuk kishin luftuar vetëm partizanët, të cilët e braktisën frontin, por aty kishin bërë një luftë të madhe forcat e Ballit Kombëtar. Kjo gjë kishte ndodhur pas një mbledhje në Vithkuq të Korçës ku kishin marrë pjesë eksponentët e Ballit Kombëtar, Kolë Tromara, avokat Xhevdet Kapshtica dhe Faslli Frashëri. Për këtë gjë kishte dijeni dhe kryetari i Misionit anglez majori Maklin i cili kishte ndjekur nga afër luftimet e forcave të Ballit Kombëtar që komandoheshin nga Maliq Dushari, Safet Butka, Qemal Burimi dhe komandanti i operacionit kapitenit me akademi Jani Dilo, i biri i patriotit Ilia Dilo Sheperi".
Po nga klerikët a keni pasur në atë burg?
Nga klerikët në atë kohë ka pasur shumë në atë burg, por unë do të kujtoj disa prej tyre. I pari klerik që u përplas në burgun politik të Tiranës, ishte Hafiz Sherif Langu i cili kishte qenë Kryetar i Komunitetit Myslyman në Shqipëri, detyrë të cilën e kishte ushtruar dhe gjatë okupacionit. Ai rridhte nga një familje e nderuar dibrane dhe kishte qenë për një kohë të gjatë Myfti në Shkup ku kishte marrë pjesë në shumë kuvende shqiptarësh i njohur si antisllav, gjë e cila kishte çuar dhe në arrestimin e tij.
Ai vuante shumë dhe mbas bëri pesë vjetë burg aty, e liruan pak para se të vdiste. Nuk do të më harrohet kurrë një natë e ftohtë dimri, kur u dëgjua hapja e derës kryesore të burgut. Mbas pak pamë se në korridor kishin hedhur dy qenije të gjalla të mbuluar me një batanije. Njeri nga ata
ishte i veshur me kostum Kombëtar dhe në kokë mbante një fesë tonuz, kurse tjetrin e kishin futur në një thes dhe vetëm koka i dukej jashtë. I pari ishte Sulçe beg Bushati, një burrë i vjetër afër të 90-ve, të cilin e njohën nipërit e tij që ishin të burgosur aty, Shefkiu, Shyqëriu dhe Myfiti, kurse tjetri ishte shkrimtari dhe prifti
katolik Dom Lazër Shantoja. Nga torturat barbare që ju kishin bërë atyre, i kishin kthyer në kufoma të gjalla. Herë mbas here Dom Lazër Shantoja me një zë që të ngjallte keqardhje, ju lutej rojeve të burgut duke ju thënë: A mani bre burra, për hir të zotit më pushkatoni. Nga klerikët e tjerë kam
njohurdhe Padër Mëshkallën. Kujtoj se një ditë ai po shëtiste në ajrim me dy djem të rinj. Nga penxherja e katit të dytë ata i pa kapiten Muço,
oficer i Ministrisë së Punëve të Brendëshme që shërbente dhe si hetues në burg. Mbasi mbaroi ajrosja, kapiten Muço së bashku me dy policë të tjerë që mbanin nga një kërbaç në dorë erdhi, brenda në qelinë e dy të rinjëve që ishin shoqëruar me Padër Mëshkallën. Ai ju kërkoi atyre se çfarë ju kishte thënë prifti dhe urdhëroi që ti rrihnin me kërbaç. Pas pak thirri dhe Padër Mëshkallën duke i kërkuar dhe atij se çfarë po ju thoshte të rinjëve në oborr.Mbas përgjigjies së tij, kapiten Muçua urdhëroi dy policët që ta rrihnin dhe Padren e shkretë. Ndërsa ata e godisnin atë,Mëshkalla i thoshte kapiten Muços: Si do të më kuptosh ti mor zotni që ke 13 muaj që më torturon, unë do të vdisja i lumtur si Jezu Krishti, po të më kryqëzoje si atë.
Asokohe në atë burg, klerikët nuk torturoheshin dhe vriteshin vetëm fizikisht, por ata poshtëroheshin dhe moralisht., Mbaj mënd se aty nga viti 1947, sollën të arrestuar dhe dy klerikët e mirënjohur që shërbenin në Tiranë, Kryepeshkopin Irene Banushi dhe patriotin e poetin Ibrahim Hafiz Dalliu. Kapiten Muçua që thashë më lart, donte të argëtohej me ta dhe çallmën e Hafiz Dalliut ja vuri në kokë Kryepeshkopit Banushi dhe pastaj mblodhi të burgosurit duke i pyetur se a` i shkonte ajo. Nuk e harroj përgjigjien e Banushit
që tha: Nuk e di mor zoti kapiten, a e meritoj unë që të vë në kokën time çallmën e këtij patrioti të madh. Pas kësaj, tërbimi i kapitenit ishte i madh dhe mjafton të them se Hafizit ja theu të gjithë dhëmbët".

Gjatë asaj periudhe që ju keni qenë në atë burg, a
është pushkatuar ndonjë i burgosur?
" Po, vetëm gjatë vitit 1945 ishte e pamundur që çdo ditë të mos pushkatoheshin pesë a gjashtë burra në ditë dhe shpesh herë edhe gra. Kështu në qershorin e atij viti janë pushkatuar në një ditë 13 veta. Ata i lidhën dy e nga dy në korridor dhe i trembëdhjeti prej tyre ishte një djalë i ri që nuk i kishte mbushur akoma të 20-at, i cili quhej
Mustafa Vrapi. Qëlloi që atë ditë Mustafait i kishte ardhur nëna dhe e priste për takim tek porta e jashtëme. Ajo e pa djalin e saj të vetëm teksa skuadra e pushkatimit po e çonte në Bregun e Lumit për ta ekzekutuar. Ajo u vu mbrapa makinës dhe qante e bërtiste, por rojet e burgut e zbrapsën me forcë. Të gjitha këto skena, ne të burgosurit e tjerë i shikonim nga frengjitë e burgut. Në atë grup që po i çonin për ti pushkatuar ishin Major Murat Basha, Sure Ajazi,
Hajredin Zogolli, Osman Taraku, Mersin Hasa, Xhelal Peza, Besim Pazari, Ibrahim Bodinaku, Avdulla Kusi etj. Mbasi i vunë në rresht dy e nga dy sikur të ishin ushtarë, ata i nisën për ti pushkatuar në Breg të Lumit. Atë çast ndodhi ajo që unë nuk do ta harroj kurrë. Ata të trembëdhjetë
u mblodhën kokë më kokë dhe filluan të këndonin në kor Himnin e Flamurit dhe zërat e tyre u dëgjuan deri sa humbën nga sytë tanë, në drejtim të vëndit të ekzekutimit, i cili nuk ishte më larg se 20 minuta që aty dhe krismat e armëve dëgjoheshin fare qartë nga ne në burg".

[vlora]

Sokol,

pse s'mundohesh t'u japesh pergjigje vete atyre pyetjeve? Atehere do t'a kuptosh se nga cili kendveshtrim e sheh edhe ti kete ceshtje.

Vlora

[Anton]

Keto qe kane bere komunistat nukk besoj se eshte ne gjendje ti beje ndonje shqiptar tjeter:

"Çfarë dini rreth vdekjes së Koço Kotës?
"Në burgun e tmershëm të Burrelit, që nga koha që ishin ne e deri në fundin e viteve 80-të, kanë vdekur me dhjetra të dënuar. Por rasti i Koço Kotës dhe tre shokëve të tij, Vrionit, Bellkamenit e Goljes, them se është i veçantë për nga mënyrat shtazarake dhe çnjerzore që u përdorën për vdekjen e tyre. Duhet të ketë qenë muaji korrik i vitit 1947, kur unë ndodhesha i dënuar në birucën Nr. 17. Në atë kohë Koço Kotën dhe Qemal Vrionin, i hoqën nga biruca Nr. 6 dhe i sollën në një birucë tjetër, e cila ndodhej përballë birucës Nr. 17 ku ndodhesha unë. Në fillim ne të burgosurit nuk e kuptuam se pse i çuan aty Koçon e Vrionin dhe kujtuam se mos ata i morën për t'i pyetur rreth ngjarjeve të së kaluarës së tyre. Por brenda javës u kuptua se nuk ishte ajo arsyeja që i futën në atë birucë. Si duket regjimi komunist nuk ishte kënaqur me dënimet që u kishte dhënë në ato gjyqet e famëshme ".

Pse, çfarë ndodhi me ta?
"Ata filluan t'i torturonin në mënyrën më shtazarake që natën e parë dhe për afro dhjetë ditë rresht, nga qelia e tyre dëgjoheshin ulurima rrënqethëse. Pas dhjetë ditësh, ata bërtisnin gjithë kohën duke kërkuar bukë dhe thirrjet e tyre, bukë, bukë, dëgjoheshin për netë të tëra. Pas kësaj thirrjet e tyre ishin për ujë. Nga sa morëm vesh, atyre filluan t'u bënin torturën e urisë dhe pasi i linin ditë të tëra pa bukë, u jepnin bukë me kripë dhe nuk u jepnin fare ujë. Kjo ishte një torturë tjetër, njëlloj si ajo e urisë. Nga ulurimat e Koços dhe Qemalit, ne të burgosurit e tjerë rrënqetheshim dhe diskutonim me njëri tjetrin duke nxjerrë konkluzionin se ata donin t'i mundonin para vdekjes. Ndërsa i gjithë burgu ishte alarmuar nga gjëndja e tyre, oficerët dhe Komandanti i Burgut (V.R.) qeshnin dhe talleshin me ulurimat e tyre. Nga torturat e rrahjes, urisë dhe etjes, atyre iu bë abses në disa pjesë të trupit (iu ça mishi vënde vënde) dhe ata filluan të qelben. Pas kësaj policët jo vetëm që nuk ua mjekonin plagët, por ua lëndonin ato me shufrat e armëve dhe atëherë ulurimat e tyre arrinin në kupë të qiellit"

Sa kohë zgjati kjo lloj torture?
"Koço Kota me Qemal Vrionin vuajtën një një muaj dhe më pas ulurimat e tyre nuk u dëgjuan më. Nga kjo gjë ne kuptuam se ata të dy ishin shuar. Pasi i morën natën dhe i mbuluan me dhe tek qershiza, (në anën lindore të burgut) muarën Bellkamenin e Goljen dhe i futën në qelinë e tyre, duke iu bërë të njëjtat tortura. Pasi filluan të dëgjoheshin edhe ulurimat e Atifit dhe Bellkamenit, të gjithë ne të burgosurit e tjerë pothuaj u shokuam, duke menduar se kush do e kishte rradhën pas tyre. Ndërkohë në ajrosje diskutonim me njëri-tjetrin dhe ne më të rinjtë dëgjonim Kudret Kokoshin i cili ishte njohës i shkëlqyer i "Komedisë Hyjnore" të Dantes dhe e dinte përmëndësh atë. Kudreti na tregonte se Dantja e kishte shpënë Kardinal Ruxheron në një rrathët e tmershëm të ferrit, duke e dënuar me uri të përjetëshme, që ishte dhe dënimi më i madh për tradhëtinë e lartë që kishte bërë ai. Ruxhero ishte i dënuar aty së bashku me dy nipat që vdiqën para tij se ishin më të rinj dhe nuk duronin dot. Pas vdekjes së tyre, Ruxhero u gjet duke u lëpirë kafkat, pasi uria e kishte mposhtur. Këtë gjë Kudret Kokoshi na e tregonte ne të rinjëve, si për t'i shfajsuar miqtë e tij Kotën, Vrionin, Bellkamenin dhe Goljen të cilët ulurinin nga tortura e urisë"."




Kam qef te takoj ndonje qe thote se ish-te torturuarit jane njesoj si komunistat.

Anton!

[Berti]

Megjithse jam kunder dhunes,mendoj qe ndershkimi duhej te kish ndodhur.Sikur te ishin ndershkuar fajtoret,sot Shqiperia nuk do te ishte ne kete gjendje.Ne Rumani u vrane rreth 100.000 vete..

[Eda H]

pershendetje.
te persekutuarit, jan akoma te persekutuar edhe sot e kesaj dite can. ata jan ata qe ishin, lan qeliun, e na u dhan shumices ca na ato kotecet e pula qe na kishte dertuar "nena parti" per te jetuar. e sot e kesaj dite, pa pune, me penxione me te vogela, se edhe ish partizanet na marin 25-mije me shume si veteran, prap te pervigjiluar na dolen komunistat se na kan luftuar fashizmin e gjermanin ha ha ha kan aru me mar edhe ca mijera te tjera se kan luftuar beleret e agallaret, te:b :n . hakmarje kush te hakmeret keci i plagosur te marr hak te kupeja e cakalleve , uqerve, e dhelprave dinake, qe e ndredhin si pas kohes. :b duket lakemuese fjala hakmarje por e pa mundeshme e pa aritesheme. ajo hakmarje( ecila eshte drejtesi qe mund te beje dikush kur nuk ka shtet, ligje e regull, e kur kto te gjitha nuk zbatohen, nga keto rrejdh e lind pasoja hakmarjes, drejtesi e ven nga vete personi(ose viktima)) duhej filluar qe me Saliun po ai e mori hakun se ju numeroi kafete ish te kuqeve, e llokumet qe kishin ngren me leket e popullit, e haroje te permente, qe ju kishin pire gjakun, ati populli, ha ha ha cfare koncidese, i doli nga mendaj "ish sekretarit te partis te spitalit". kesaj i thone cohu o i vdekur nga vari. ate komunistat s'kan len gje per te persekuturar ata kan ligjin ata kan te gjitha ne vetem marim frym, e faleminderit qe na leni, o ujqer. megjithate nuk eshte mire, se ne jemi shume pak e jemi shqipetare, po te fillojem ti komunist e ti ballist e ti demokrat nuk kemi gje ne vije. megjithese gjaku lahet me gjake, po atje jan shumica.
me shume respekt
eda

[vlora]

Eda H,

e lexova disa here mesazhin tuaj dhe nuk e kuptoj se perse e keni fjalen. Ju lutem here tjeter shkruani me qarte.

Sinqerisht, Vlora

[Eda H]

[COLOR=firebrick]pershendetje. pergjigja eshte per pyetjen, qe ka bere inderuari Redi. asgje me pak e asgje me shume. pergjijga ime ishte si me larte e me poshte:
pershendetje.
te persekutuarit, jan akoma te persekutuar edhe sot e kesaj dite can. ata jan ata qe ishin, lan qeliun, e na u dhan shumices ca na ato kotecet e pula qe na kishte dertuar "nena parti" per te jetuar. e sot e kesaj dite, pa pune, me penxione me te vogela, se edhe ish partizanet na marin 25-mije me shume si veteran, prap te pervigjiluar na dolen komunistat se na kan luftuar fashizmin e gjermanin ha ha ha kan aru me mar edhe ca mijera te tjera se kan luftuar beleret e agallaret, te:b :n . hakmarje kush te hakmeret keci i plagosur te marr hak te kupeja e cakalleve , uqerve, e dhelprave dinake, qe e ndredhin si pas kohes. :b duket lakemuese fjala hakmarje por e pa mundeshme e pa aritesheme. ajo hakmarje( ecila eshte drejtesi qe mund te beje dikush kur nuk ka shtet, ligje e regull, e kur kto te gjitha nuk zbatohen, nga keto rrejdh e lind pasoja hakmarjes, drejtesi e ven nga vete personi(ose viktima)) duhej filluar qe me Saliun po ai e mori hakun se ju numeroi kafete ish te kuqeve, e llokumet qe kishin ngren me leket e popullit, e haroje te permente, qe ju kishin pire gjakun, ati populli, ha ha ha cfare koncidese, i doli nga mendaj "ish sekretarit te partis te spitalit". kesaj i thone cohu o i vdekur nga vari. ate komunistat s'kan len gje per te persekuturar ata kan ligjin ata kan te gjitha ne vetem marim frym, e faleminderit qe na leni, o ujqer. megjithate nuk eshte mire, se ne jemi shume pak e jemi shqipetare, po te fillojem ti komunist e ti ballist e ti demokrat nuk kemi gje ne vije. megjithese gjaku lahet me gjake, po atje jan shumica.
me shume respekt
eda

:a :a

[MENI]

Shumica e shkrimeve mbajn era myk...
Keshtu si tentohet ofendohen dhe vet te perndjekurit politik!
Dhe ti me nicname Vlora ...nderohe o burr..a grua ,cfar je se i bete Vlonjatet gogol.