Vallë jetoj kot?!...

[Ali Baba Tepele]

Të dashur bashkforumas. Po hap një temë poetike ku sejcili mund të shkruaj se si po e kalon jetën? A ka kenaqësi apo nën nje stres te pandalshem mbijeton.

Kur jemi gjallë, ankojmë gjithmonë
Sa pak i japim njeri tjetrit…
Kalon një jetë asgjë s’kuptojmë
Çfar na mungon…kujtojmë të vdekurit.

Dhe ikin vitet, krejt pakuptuar
Askush s’kujton çfar ishte dje…
Në rrugë kalon krejt i hutuar
Nuk di ku shkon…nuk di kush je.

Të njejtat lajme në tezgë gazetash,
Ngado që shkon vetëm reklama…
Një jevgë që shet një grumbull teshash
Beton, pisllëk…kjo është Tirana.

Lart në një mur, një poster blu
Dhe nën një streh një poster rozë
Sa korrupsion që është këtu?!...
Policë pa larë…benza nervozë…!

Në një ekran, dy vetë që çirren
Dhe titrat poshtë: - Po bëjmë debat!
Politikanë që vetëm ngjirren
Ky tranzicion sa shumë i gjat…!?

Njerëz të trishtuar, pa dritë në sy
Dhjetra lypsarë me duart shtrirë
Më thuaj Zot, ç’të bëra ty?!...
Një lutje kam…veç një dëshirë.

Të jap gjithshka, merrmë dhe mua!
Vetëm buzëqeshjen na kthe o Zot,
Asgjë më shumë nga Ti nuk dua!
Ose më thuaj që jetoj kot….

Shum bukur Agim.Si duket ke qënë para xhamisë kur je frymëzuar,sapo ke dalë nga kafeneja?

[Ali Baba Tepele]

Ngado qe shkoj, njerëz te merzitur
Ne rruge, ne treg, ne autobuzë
portret gri, me sy të fikur...
Vajza qe ecin gjithë hundë e buzë...

me mijëra zile celularësh...
gishta nervozë mbi çdo tastierë
dhe SMS-të plot mllef shqiptarësh...
hashash...pak drogë...muzikë e çjerrë!

Asnjë buzeqeshje, klithëm gëzimi...
boshllek shpirtnor, asgje me shumë
policë të vrarë...kortezh varrimi...
dhe Ligji GAY - NJë LIGJ Më SHUMë...?!

Pa kod moral, pa pikë virtuti
Me xhepat plot MAFIA e atdheut
Mjer Shqipëtarët - i mbuloi m...ti
u dhje...në sternipat e Skenderbeut....

Kjo po.Vazhdo e nxirre mllefin,urrejtjen,inatin sepse është shuplakë për kohën,politkën,sistemin,shoqërinë.Shuplaka e poetit zgjat shumë dhe mbahet mënd sepse dhëmb shumë.
Suksese.Jeta ka të përpjetat dhe të tatëpjetat e saj.Ji realist që të mbetesh Agimi.

[Sturmgewehr]

nuk e di se cka te ka ndodhur po pa mar parasysh cka te ka ndodhur nuk duhet humbiur shpresa jeta vazhdon haro te kaluaren edhe vazhdo koha sheron cdo gje.

[Agim Doçi]

Unë nuk e di, se sa është ora
Madje nuk di kujt t'i drejtohem
mbi kokë, mbi flokë ka zbardhur bora
çdo ditë qe shkon më shumë trishtohem...

Ora e madhe ne mes të qytetit
Hesht e shurdhër prej shumë vitesh…
Në Kullen e Sahatit, po te mbështetesh
Vend ideal ku pshurrin travestitet...!

[Ali Baba Tepele]

Unë nuk e di, se sa është ora
Madje nuk di kujt t'i drejtohem
mbi kokë, mbi flokë ka zbardhur bora
çdo ditë qe shkon më shumë trishtohem...

Ora e madhe ne mes të qytetit
Hesht e shurdhër prej shumë vitesh…
Në Kullen e Sahatit, po te mbështetesh
Vend ideal ku pshurrin travestitet...!

Bukur,shum e goditur.Me të tilla krijime të dua Agim.

[Dorontina]

Vetmija e vertet asht kur ske me ke te flet
edhe kur ske asgje me then
Kur te gjitha thirrjet ikun ne rere
Ku lisat te shoqerojn me shum se njerzit

Vetmija me e keqe asht ne mes te madh
Ku njerzit e verber nuk shohin njerz
Ku njerzit e shurdher nuk degjojn njerz

Vetmija me e mir asht ajo
Qe te gjith i njof e askush sme njef
Dua ta jetoj lumturin
Pa shurmen e pa shushullim

Vetmija asht qetsi per koken
Per zemer dhe badifoken
Ata qe hargjojn energji koti
Jan njerz qe popullsojn token

Vetmi asht kur sme kupton askush
Por vetmi me e madhe une un si kuptoj hiq
Vetmia me e madhe asht per ata
Qe hargjojn diten ne kasino dhe ne letra

Vetmija asht per trurin
Qka asht dieta per barkun
Te veshtira te jan te dyja
Por shum te domosdoshme


Ne vetmi ndertohem
Ne vetmi endrroj
Ne vetmi udhetoj
Ne vetmi pushoj


Vetmis zduhet hap deren
Ajo ska meshir
Ajo te varet ne qaf
Ajo zdi te bej llaf

Vetmija asht natyrale
Lindim vetun
Vdesim vetun
Martohem me shoqeri
Vorrohem me kojshi
Sa hipokrizi

Kur vetmija te shoqeron
Ajo shum te forcon
Ajo edhe te meson
Por kot e per kond ?
Askush ste beson…

A duhet me u njoft per te jetu
A asht mendim apo endrrim
Krejt varet nga kendi
Krejt varet nga vendi

Kur e dua veten
Me do gjithkush
Se du vetmin
Po ajo me do mu

Vetmija e sotit
50 miq ne face book
Askush ste pyet si je
Vetem nji viz a ma qon

Vetmija asht e bukur
Kur duam te rrim vetun
E ta duash veten me shum se tjeret…

Vetmia asht armik
Nga ai duhet ik
Izolimi asht armik
Ate ta dergojn
"Disa miq"

[kezi]

Unë nuk e di, se sa është ora
Madje nuk di kujt t'i drejtohem
mbi kokë, mbi flokë ka zbardhur bora
çdo ditë qe shkon më shumë trishtohem...

Ora e madhe ne mes të qytetit
Hesht e shurdhër prej shumë vitesh…
Në Kullen e Sahatit, po te mbështetesh
Vend ideal ku pshurrin travestitet...!

vertet poezi e mrekullueshme, nese e analizoni me kujdes do e vereni kritiken qe ben z.Agim Doci, sidomos tek strofa e dyte

[Agim Doçi]

( Nga biseda me nje emigrant qe kishte ardhur per pushime ne Atdhe)

Sa ditë të merzitshme qe po kalojmë.
gazetat plot me lajme të mbushura me sherr...!
Stacionet e TV-së, prej hallit i degjojmë
Rrugica e shpisë time...pa drita, vetëm terr!

Një sallë me deputetë, që bëjnë vetëm hartime
Kur lënda e HARTIMIT është hequr nga programi
Kalojmë pa pershendetur, pronarë në psherëtime
O Zot po ku po vemi...përse lëngon vatani?

Më duket se ky popull, nuk do kenaqet kurrë.
S'u lodhën duke sharë, e shpifur socialistët.
kaloj prapa Bashkisë...ku qelbet era shurrë
Lakrori edhe Rama gënjejnë aktivistët...(!)

Ahere çfar të bëj!?...Të nisem nga kam ardhur?
Të futem në traget...apo të qaj me lot?
Përpiqem të buzqesh...dhe ec me hap te zvargur
me thoni kot merzitem...apo une rroj me kot?!

[Agim Doçi]

Më eja yll
në terr të natës
unë jam qorruar e s’të shoh dot
thatësirë e shpirtit
si e Saharës
nuk njomet kurr me vaj dhe lot!

Por eja ti
tregomë Veriun!
Se kjo vetmi që çmend njeriun...
Ka veç një shteg
Aspak më shumë:
Pak dashuri! Ju lutem unë.

Dhe dal i vetëm të gjej lëmoshë
Në udhët e fatit
Si një lypsar...
Më rrinë të gjithë me kokë mënjanë
Dhe unë zvarritem
Mbi gjethe tharë.
Kjo vjeshtë e moshës që më trishton
Unë jam krejt vetëm
Askush s’dëgjon!

Shkurt 2009

[Brari]

flmn agim qe i sjell ketu poezite e tua brilante..
i madh je ..