Marketi “Viva” sulmohet për të pestën herë

[Val9]

Nga B. Frangu më 28.07.2009 në ora 13:33
Një detonim i tmerrshëm ka dridhur qytetin e Ferizajt mesnatën mes të hënës dhe të martës. Tanimë ferizajasit duket se janë mësuar që pas çdo shpërthimi, sytë t’i drejtojnë nga qendra tregtare “Viva Fresh”.

Ky është shpërthimi i pestë me radhë që ndodh mbi këtë qendër tregtare, brenda disa vitesh. Shpërthimi i katërt mbi këtë objekt kishte ndodhur më 15 prill të këtij viti, ndërsa fill pas tij, më 25 prill, kishte pasuar një telefonatë anonime, e cila alarmoi policinë se në “Viva Fresh” ishte vendosur një objekt shpërthyes. Telefonata doli të ishte e rreme.

Përkundër që Komanda Regjionale e Policisë në Ferizaj ndodhet krejt afër kësaj qendre tregtare, zëdhënësi regjional i policisë, rreshter Behxhet Krasniqi, ka thënë se policia për këtë rast është njoftuar shtatë minuta pas mesnate. Ai thotë se policia ka dalë në vend të ngjarjes dhe pasi ka siguruar hapësirën përreth, ka bërë edhe shikimin e vendit të ngjarjes.

Mjeti eksplodues është hedhur në tarracën përskaj objektit tregtar, i cili gjendet në rrugën “Ahmet Kaçiku”.

Sipas zëdhënësit Krasniqi dëmet materiale janë të konsiderueshme, ndërsa janë thyer shumë xhama në objekt. Zëdhënësi nuk ka thënë se për çfarë mjeti shpërthyes bëhet fjalë. Zëdhënësi ka thënë se policia ende nuk ka ndonjë të dyshuar për këtë rast. Ai nuk ka mundur të thotë gjë as për motivet e mundshme të këtij sulmi.

Qendra tregtare “Viva Fresh” është nga qendrat më të vizituara nga konsumatorët. Përkundër gjitha këtyre shpërthimeve të njëpasnjëshme organet komunale në Ferizaj asnjëherë nuk kanë bërë as edhe një reagim të thjeshtë.

[Gordon Freeman]

ahahahahaha gimi moderatori i forumit eshte drejtor i viva fresh ja paska thy ghghg lol