Sarkofagu i Gllamnikut

[Val9]

Sarkofagu që gjendet në lokalitetin antik të Vindenis, sot fshati Gllavnik, do të transferohet për pak ditë në Muzeun e Kosovës. Ai peshon rreth 3 tonë. Mungesa e fondeve për gërmime dhe vendosja e këtij lokaliteti në tokë private ka bërë që vetëm një pjesë shumë e vogël e këtij lokaliteti me rëndësi të zbulohet deri sot.

Nga Milot Hasimja më 28.08.2009 në ora 16:36
Muzeut të Kosovës për pak ditë do t’i shtohet edhe një eksponat tjetër shumë i rëndësishëm dhe ndoshta më masivi që do të ketë ky institucion.

Në këtë institucion do të sillet një sarkofag i cili daton shumë shekuj më parë.
Fshati Gllavnik i Komunës së Podujevës para shumë shekujve ka qenë një pikë ndalese shumë e rëndësishme. Lokaliteti daton nga shekulli I- IV dhe IV – VI pas Krishtit, dhe dikur është quajtur me emrin Vindenis.

Nga emri mund të dallohet se i takon periudhës së kohës romake.

Sarkofagu që është gjendur në këtë lokalitet është lokalizuar 3 metra nën tokë derisa deri në ditët e sotme ka qenë i mbuluar nga dheu. Supozohet se sarkofagu peshon mbi 3 tonë. Sarkofagu është tërësisht i punuar nga mermeri i bardhë me dimensione 2.15 i gjatë, i gjerë 0.98 dhe 0.80 metra. Sarkofagu ka një çati, dy ulëse të stilizuar me katër akroterë në akse dhe i zbukuruar me stilin e luspave të peshkut.

“Gjatë kësaj jave do të bëhet zbulimi i sarkofagut dhe më pas do të bartet në Muzeun e Kosovës me ndihmën e karabinierëve të KFOR-it”, tha Kemajl Luci.

Po pse ka nevojë që ky sarkofag të bartet në Muzeun e Kosovës?

“Sarkofagu nuk ka qenë i mundur të shihet deri më tani për vizitorë. Kjo tokë është tokë private ku punohet. Pse ekziston Muzeu? Muzeu ekziston ku duhet të prezantohen vlerat e trashëgimisë së vendit tonë. Për atë arsye e ka vendin në Muzeun e Kosovës”, tha Luci.
Sipas Lucit nëse Vindenisi zbulohet tërësisht atëherë ky lokacion do të kishte mundësi të shndërrohej në një park arkeologjik.

“Por në këto rrethana dhe këto kushte ekonomike të Kosovës nuk mund të realizohet kjo punë në 30 vitet e ardhshme”, tha Luci për Express. Ekspedita për transferimin e sarkofagut po bëhet nga Muzeu i Kosovës në krye me arkeologun Fatmir Peja dhe Kemajl Luci.

Gërmimet në Vindenis janë realizuar gjatë viteve 80 – 89 të shekullit të kaluar dhe ato sipas Lucit kishin qenë modeste ku janë gërmuar vetëm 534 metra katrorë ose 2 përqind të arealit. Por ato gërmime ndriçuan shumëçka e shumëçka tjetër që pritet të zbulohet.
“Ato ndriçuan gjurmët e antikitetit romak ku vlen të theksohen zbulime siç janë mozaiku i Orfeut, unik në Ballkan. Mozaiku i Orfeut edhe në ditët e sotme gjendet në muzeun popullor në Beograd ku akoma nuk është kthyer në Muzeun amë në Muzeun e Kosovës”, tha Luci për Express.

Vindenis ose Gllavniku i sotëm dikur ishte një ndër stacionet kryesore rrugore që gjendej në trasenë e rrugës “Via Lithus” që lidh edhe qytetin Nisus – Nishi sot. Kjo dëshmohet edhe në hartën e Ptolemeut të shekullit II.

Mendohet që Vindenis lidhte Ulpianën me Banjën e Kurshumlisë dhe Nisusin e sotëm. Sipas Arkeologut Luci, të dhënët tregojnë se ky lokacion shtrihet në 20 hektarë.

[Kreksi]

Pozita e kesaj lugine tregon se ne kete vend ka patur vendebanime te vjetra te kohes ilire dhe romake.

Sarkofagi i Glamnikut

[nikas]

oh... do terbohen serbet. do tu vije inat. Kushedi se cdo thone "Po na vjedhin shqiptaret historine".

A dihet ne qofte se eshte hapur? A ka kocka brenda. Duket sikur eshte thyer kapaku. Mos e kane demtuar gjate germimeve.
E keqja eshte sesi ne shqiperi dhe ne Kosove nuk ka fonde dhe ligje per Arkeologjine. Jam i bindur se tokat shqiptare fshehin thesare "flori e shkuar floririt o tunxh!" Po hajt ti gjesh.

[Kreksi]

Duhen ekipe arkeoogesh te specializuar nga jashte ne bashkepunim me ekipet e arkeologve shqiptar dhe shoqata te Arkeologve amator, vetun pa shoqata duhet pritur rezulltate te ngadalshme 200 vjeçare ..