Kriza e teologjisë Muslimane Shqiptare

[Sabriu]

Paraqet, Sabri Selmani


Së shpejti në shitje do të del libri "Kriza e teologjisë Muslimane Shqiptare" i autorit Dr. Ismail Bardhi.

27.08.09

E tashmja është skenë e përgjegjësisë së të gjallëve. Ata nga ajo mund të ikin duke i kthyer shikimet nga ajo që paraqitet si prani e së keqes dhe me kërkim të strehimit në të kaluarën, si diçka pasive e vdekur, apo me paramendimin e fotografive të dëshiruara të së ardhmes. Edhe njëra edhe ikja tjetër janë të mundshme, por asnjëra nga ato nuk e zgjidh çështjen e përgjegjësisë së të gjallëve. Kjo "e tashme" është siguri, për të cilën nuk ka kurrfarë dyshimi.

Njeriu konkret gjithnjë e më tepër e tërheq vëmendjen e njerëzimit të qytetëruar. Nëse është kështu, njeriu i kësaj kohe më tepër se në çfarëdo gjë tjetër gjendet në pasiguri. Çdo gjë që i arrin në mendim dhe e përfshin atë, përveç sigurisë së qartë, nuk mund të jetë burim i asgjëje pos frikës. Ndërsa frika është shprehje e mosdijes. Kështu, njeriu si individ, përballë shumësisë së pakufishme të dukurive në botë, nuk ngel kurrë pa frikë nga ato.

Edhe politika edhe kultura religjioze kanë përgjegjësi të madhe në atë se si do ta prezantojnë njeriun, ato nuk guxojnë ta prezantojnë atë larg kulturës dhe qytetërimit, e sidomos duke e lënë të jetë i nënçmuar si në vend ashtu edhe jashtë. Vërehet se nocionet kulturë dhe qytetërim, të paktën në mesin tonë, kanë nevojë për rikonceptualizim, i cili do të mundësonte pranimin/refuzimin apo plotësimin e asaj që sot ndodh në botën "moderne".

Fesë duhet t'i kthehet vendi i duhur me përkrahjen dhe dashurinë e lirë, duke mundësuar krijimin dhe funksionimin e institucioneve kulturore fetare.

Kemi nevojë që njeriun tonë ta bëjmë sa më të dashur, si për vetveten ashtu edhe për të tjerët, dhe atë në rend të parë duke ia ngritur kulturën e bisedës dhe të dëgjimit.

Kiel-Gjermani