Topi: Pronat po vidhen

[Korcar-L1]

Topi: Pronat po vidhen
Rozeta Rapushi
E Merkure, 05 Dhjetor 2007

Presidenti Bamir Topi vuri dje alarmin se prona ne Shqiperi po vidhet cdo dite dhe shteti duhet te ndaloje urgjentisht nje fenomen te tille. Si kurre ndonjehere, nje President me tone te ashpra pranoi ate qe pronaret e permendin cdo dite, se babezia e prones ka arritur kulmin, sidomos ne Tirane, Durres, duke mos kursyer se fundmi edhe bregdetin. I pranishem ne tryezen me teme “E drejta e pronesise dhe statusi i kthimit te pronave”, kreu i shtetit jo vetem se pranoi abuzimet e medha te bera me tokat, por akuzoi direkt se, pas vjedhjeve e pazareve me pronat, ndodhen zyrtare te veshur me pushtet, si dhe te zgjedhur vendore. “Abuzime te medha jane bere pikerisht ne zbatimin e ligjit 7501. Dhe se pari kane bere abuzime pikerisht pushtetaret vendore”, etiketoi Topi. Presidenti tha me bindje te plote dhe se gjate kohes kur po diskutohet per kete ceshtje, diku prona po vidhet. “Ju siguroj qe diku nje nepunes i administrates e ka filluar diten e punes me mendimin qe dicka do te pervetesoje, diku do te hyje ne nje pazar”, theksoi Topi. Alarmi i Presidentit arriti kulmin kur ai u shpreh se babezia per vjedhjen e prones po avancon me ritme jashtezakonisht intensive. E tashme eshte shperqendruar ne bregdet, duke kufizuar e kthyer mbrapsht te gjithe investitoret e huaj, qe duan te hedhin leke ne Shqiperi. Nga ana tjeter, forcat politike manifestojne se reforma e tokes po kryhet, madje dhe se ka hyre ne udhe te drejte. Por, Topi kundershtoi dje bindshem dhe menyren e zgjedhur nga qeveria per kompensimin financiar te pronareve. Duke dale hapur kunder ekzekutivit, kreu i shtetit tha se ceshtja e pronave nuk mund te zgjidhet me nje shume prej 5 milione dollare kompensim ne vit. “Ceshtja e pronave, te jemi te ndergjegjshem, nuk zgjidhet me pese milione dollare ne vit. Ka nje deshire per te bere kompensim, nuk eshte kjo rruga e zgjidhjes. Kaq kushton nje toke ne qender te kryeqytetit”, evidentoi Topi. Sipas tij, rruga e zgjidhjes do te ishte kontrolli i plote qe u duhet bere tokave ku jane e ku s’jane. Sipas Presidentit, ekspertet jane ata qe duhet te merren seriozisht me kete ceshtje dhe jo politika. “Zeri i kesaj tryeze duhet te shkoje ne radhe te pare te politika shqiptare, te Parlamenti shqiptar, te qeveria, te strukturat qe merren ne menyre specifike me ceshtjen e pronave, per te bere nje transparence te plote te te gjitha akteve te dhenies se pronesise, pikerisht aty ku gjerat konsiderohen preferenciale dhe te behet gradualisht nje koncentrim te problemi”, vijoi kreu i shtetit. Topi theksoi se me keto menyra qe po ecet, nuk do te mund te zgjidhet ceshtja e pronave, pasi kompensimi arrin shifra marramendese, qe shteti nuk mund t’i perballoje. Ndaj, ekspertet duhet te gjejne format e zgjidhjes per problemin e pronesise dhe t’ua japin ate strukturave te shtetit per ta zbatuar. “Problemi kerkon nje metodike te qarte dhe kete metodike nuk mund ta jape asnje politikan. Metodiken e japin profesionistet, te cilet realisht jane ne gjendje qe te zgjidhin kete “nyje gordiane”, sic eshte ceshtja e pronave”, permbylli Presidenti qendrimin e tij per ceshtjen e pronave, qendrimi me i ashper i mbajtur ndonjehere nga nje kryetar shteti.

Vjedhjet

Njerez te veshur me pushtet, te zgjedhur vendore apo nepunes se administrates, jane ata qe “vjedhin” pronat ne Shqiperi. Etiketimi u be dje nga Presidenti i Republikes, Bamir Topi. Sipas kreut te shtetit, tokat ne kryeqytet Tirane dhe Durres jane me te preferuarat. Nderkohe qe pas tyre vijne tokat ne zonat bregdetare, dhe se duhet bere nje inventar i plote.

Zgjidhja

Si shpresen e vetme per zgjidhjen e problemit te prones, kreu i shtetit, Topi, tha se eshte angazhimi i eksperteve ne kontrollin e plote te tokave, ku jane e ku nuk jane. Per te, ekspertet te bejne nje transparence te plote te te gjitha akteve te dhenies se pronesise, pikerisht aty ku gjerat konsiderohen preferenciale dhe te behet nje metodike e t’u jepet strukturave shteterore.

Fatura

Pronaret e ligjshem te tokes pretendojne se ne total fatura e kompensimit financiar te tyre kap vleren prej 10 miliarde eurosh. Shifra u be publike dje, gjate tryezes me teme “E drejta e pronesise dhe statusi i kthimit te pronave”, nga sekretari i shoqates “Pronesi me Drejtesi”, Agim Toro. Sipas tij, me 5 milione dollare ne vit, eshte i pamundur kompensimi nga shteti.

Akuzat e Presidentit Topi

Edhe ne kete moment, kur ne jemi mbledhur per te diskutuar, ju siguroj qe diku prona po vidhet, ju siguroj qe diku nje nepunes i administrates e ka filluar diten e punes me mendimin qe dicka do te pervetesoje, diku do te hyje ne nje pazar.

Abuzime te medha jane bere pikerisht ne zbatimin e ligjit 7501. Dhe se pari, kane bere abuzime pikerisht pushtetaret vendore.

Mbasi kane marre nen kontroll ne nje pjese te konsiderueshme te rasteve ne menyre abuzive ne zonen qe konsiderohet metropol, kane kaluar ne bregdet.

Babezia po avancon me ritme jashtezakonisht intensive. Nje grup interesi ka luftuar politikisht per ceshtjet e ndryshimit te ligjit, perkrahur edhe nga subjekte politike.

Ceshtja e pronave, te jemi te ndergjegjshem, nuk zgjidhet me pese milione dollare ne vit.

Vijne investitore te huaj me kapitale, sigurisht qe ka edhe kapitaliste shqiptare, qe me te drejte kerkojne te investojne dhe pengesen e kane ne baze, e kane te ceshtja e pronesise.

Nuk duhet te futem ne tentativat e zyrtareve te vegjel, mesatare… po e nderpres ketu, e per ta vazhduar historine e pervetesimit te pronave.

Njerezit qe jane te prekur drejtperdrejt nga abuzimi i pushtetit me te drejten per pronen, ende jane te pasigurt nese drejtesia do te veproje drejte mbi abuzuesit.

Ka njerez qe nder vite jane te veshur shik, te veshur me kostumet e modes, te cilet kane operuar si kasape te vertete te pronat e qytetareve, nje semundje, e cila, per fat te keq, eshte futur ne nje shtrat kronik.

Kam pare njerez, te cilet, qe kane filluar interesimin e tyre me letra dhe dokumente te vyera, e kane filluar si qytetare civile te nje shoqerie te re demokratike, kane filluar te ndjekin ceshtjen e pronave, kane hyre me floke te zeza, dhe kane dale me floke te bardha. Minimalisht te kishin dale me pronat e tyre do te ishte shume mire, por kane dale me floke te bardhe e vetem me letra ne duar, s’kishin c’benin.

kohajone

[Xhuxhumaku]

Cudi,

tani e mori vesh Bamiri kete gje?

epo po kapen ca viktima, katundare, keta e kane vjedhur token.

[JestersWorld]

ceshtja me e rendesishme per ekonomine shqiptare krahas asaj energjitike. Bravo Topit.

[Korcar-L1]

Me kujtohet njehere, kur isha ne kadastren e Korces, per nje prone timen, dhe atje ne radhe duke pritur, nje fshatar po me qante hallin.... kushuriri i tij, kishte nxjerre certifikata fallco vdekjeje per pjestaret e familjes dhe kishte mare ne pronesi ate cope toke te cilen e kishte shitur per disa miliona lek te vjetra e me pas ishte zhdukur.
Nuk di si tja bej dermanin me tha fshatari, nuk kam nga e gjej, ne 3 gjyqe kam qene, dhe akoma nuk me kane bere te "gjalle"!!??

Ky eshte realiteti i hidhur, do njeriu te investoje, te bleje nje cop toke , dhe nuk eshte i sigurt se dalin nga 3-4 pronare, te gjithe me tapi per token.

[oliver55]

ne qoftese dum te verifikojme cfardolloj dokumentacioni.duhet te drejtohemi ne zyrat perkatese te shtetit.dhe jo ne klube apo kafenio.dhe pastaj kemi probleme nga me te ndryshme.me nje numer pashaporte, nuk mund te dalin 2 pashaporta te rregullta.dhe te them dicka tjeter,kam veve re se shumica e atyre qe kan zene toka pa leje,kur vjen dita qe ballafaqohen me pronerin e vertete, i kerkojne pronarit dokumentacionin qe disponon.
per te ditur a eshte ai pronari apo jo.kete gje nuk e ben qe ne fillim se nuk i leverdis.dhe ne qoftese ty te dalin 3.4 apo 5 pronare kete gje duhet ija marresh me shkrim dhe me vullat e noterit dhe avokati ose nga policia. flas gjithmon ne qoftese ti i ke te tuat ne rregull. per me shume sqarime ke faqe ne internet.

[Baptist]

Me kujtohet njehere, kur isha ne kadastren e Korces, per nje prone timen, dhe atje ne radhe duke pritur, nje fshatar po me qante hallin.... kushuriri i tij, kishte nxjerre certifikata fallco vdekjeje per pjestaret e familjes dhe kishte mare ne pronesi ate cope toke te cilen e kishte shitur per disa miliona lek te vjetra e me pas ishte zhdukur.
Nuk di si tja bej dermanin me tha fshatari, nuk kam nga e gjej, ne 3 gjyqe kam qene, dhe akoma nuk me kane bere te "gjalle"!!??

Ky eshte realiteti i hidhur, do njeriu te investoje, te bleje nje cop toke , dhe nuk eshte i sigurt se dalin nga 3-4 pronare, te gjithe me tapi per token.

Zgjidhja eshte e thjeshte per ate qe do zgjidhje.

Meqenese per kete pronarin e shkrete qenka e pamundur ta gjeje ate qe i ka bere dokumentat falso dhe i ka shitur token e tij tjterkujte dhe eshte zhdukur.

Masa qe mund te merret me kete rast eshte praktike e vjeter. Bleresit i konfiskohet prona e blere me dokumenta falso. Nderkohe qe nese pronari i vertete arrine ta deshmoje pronesine mbi te e merr ate toke peng. Nderkohe qe bleresi legal i tokes ne pronesi ilegale, od ta padise shitesin e rreme te tokes qe ka blere pa problem sepse ky do te dije ta gjeje shitesin mashtrues me lehtesi.

Pas kesaj
Ne seancen tripaleshe te gjyqesise do te vendoset demshperblimi sipas marreveshtjes se paleve te fundit.
Pranari i vertete i tokes, ose do te marre token, ose parate. - Nese pelqen parate toka do t'i mbetet bleresit, prona e te cilit do t'i kethehet nen zotim te plote legal. -Nese jo, ai do te marre token e vet, ndersa bleresit te mashtruar do t'i kthehen parate dhe investimi. -Mashtruesi do te denohet per veper mashtruese, kurse shperdoruesi qe ia beri te mundshme kete mashtrim duhet te denohet sipas parashikimeve ligjore te vendit.

[Korcar-L1]

Zgjidhja teorike eshte gjithmone e tjeshte, sepse vertet ligjet jane shume te specifikuara, por problemi eshte se , cili eshte blersi? Cfare lidhjesh ka ai me gjykaten etj? Kush eshte i demtuari (cfare statusi social)? etj si keto.... Nejse une nuk isha/jam ne brendesi te problemit te atij fshatarit te shkrete, por ajo qe dua te them eshte se tek ne praktikohet metoda e "ligjit te Maliqit". Po te njohesh, mbaron pune, po te mos njohesh do te sjellin verdalle derisa te te "plase" shpirti.

Ligje ka, por varet se si zbatohen dhe kur zbatohen.


oliver55: flm, por per pronen time , duke qene se eshte ndertuar nje objekt shteteror, kam vetem nje mundesi, ate te kompesimit (qe akoma nuk eshte mare vendimi se ku do te jepet dhe ne cfare forme do te jepet), nejse..... per ato tokat me shume pronare, e thashe ne pergjithesi (me sa degjova nga ata qe rinin ne radhe, ne kadastrat) .... Ne rastin tim, eshte vetem shteti, pronar aktual, keshtu qe nuk kam problem me ndonje pronar te dyte apo te trete.

[Korcar-L1]

Topi harron pronarët, dekreton fondin 5 milion USD

Presidenti Bamir Topi jo më larg se dje dekretoi ligjin që vet kontestoi dy ditë më parë, ligjin “Për Buxhetin 2008”. Në këtë kuadër presidenti Topi duket se nuk e qartë që në buxhetin e vitit që vjen është i përcaktuar ai fond që ai e konsideroi si të pamjaftueshëm, 5 milionë USD për sa i përket çështjes së kthimit dhe kompensimit të pronave. Në një njohë presidenti Topi jo vetëm e kontestoi ligjin për çështjen në fjalë por hodhi edhe akuza direkte për kreun e qeverisë Sali Berisha i cili ka caktuar fondit që do të përfshihet në këtë buxhet vitin që vjen për kthimin dhe kompensimin e pronave.Në këtë kuadër vlen të theksohet se Topi ka dekretuar dhe i ka dhënë “OK” ligjit i cili përfshin atë fond të vogël dhe të pamjaftueshëm për një çështje tejet të rëndësishme siç është ajo e pronave. Presidenti Bamir Topi ka kritikuar ashpër mënyrën se si po procedohet për zgjidhjen e çështjes së njohjes, kthimit dhe kompensimit të pronës private. Lidhur me kompensimin financiar të saj të parashikuar edhe nga qeverisja e djathtë Topi është shprehur se “Çështja e pronave, nuk zgjidhet me pesë milionë dollarë në vit. Pesë milion dollarë kushton vetëm një pronë në qendër të Tiranës”. Shifra e cituar nga Presidenti është pikërisht fondi i parashikuar në buxhetin e shtetit shkon për kompensimin financiar të ish-pronarëve. Madje Presidenti ka shtuar se “Vlera e pronave që pronarët kërkojnë të kompensohen janë me shifra marramendëse, dhe të jemi realistë, shteti ynë është ende i dobët për të mos thënë i varfër për t’i hyrë ndërmarrjeve të tilla për kompensime financiare”. Topi ka kritikuar formën e gjetur dhe të pranuar nga mazhoranca për kompensimin financiar duke u shprehur se “Ka një dëshirë për të bërë kompensim, por nuk është kjo rruga e zgjidhjes, sepse sot ekziston një rrugë tjetër, një transparencë të plotë të të gjitha pronave të bregdetit”. Pamjaftueshmëria buxhetit për kompensimin e ish-pronarëve është përforcuar edhe nga shifra e përafërt që IDR (Instituti për Demokraci dhe Reforma) ka dhënë e cila shkon pothuaj në 4 miliardë dollarë. Kjo do të thotë që politika e Berishës për kompensim financiar do të jetë e papërballueshme edhe për shumë dekada të tjera të shtetit shqiptar. Në kritikat e tij për keqadministrimin e kësaj çështjeje si dhe në caktimin e një fondi të vogël presidenti Topi dukej se ishte më se korrekt ajo çka është paradoksale është lejimi që ky ligj të hyjë në fuqi nga dora e tij.

[Edvin83]

Baza e sistemit ekonomik kapitalist ne te cilin ndodhemi eshte prona provate. Por ne Shqiperi ende kemi nje sistem kapitalist pa bazen e tij.
E gjithe kjo ka pasoja. Lexoni kete shkrim te shekullit:

Shoqata e Pronarëve Evropianë kërcënon shtetin shqiptar se do t'i bëjë thirrje investitorëve, të mos futen në Shqipëri pa u zgjidhur problemi i pronave

Pronarët Evropianë: Do pengojmë investimet private në Shqipëri

"Një nga pikat që duhet të përmbushë Shqipëria përpara se të bëhet pjesë e BE, është kthimi i pronave"

Në Ditën Botërore të Pronës, pronarët evropianë kanë kërcënuar shtetin shqiptar se do të pengojnë çdo investim të huaj në Shqipëri, për sa kohë qeveria nuk do t'i japë zgjidhje problemit të pronësisë. Bashkimi i Shoqatave të Pronarëve të Pasurive të Paluajtshme të Evropës gjatë takimit dyditor që zhvilloi në Tiranë, me rastin e kësaj dite, ka evidentuar se problemi i pronësisë në Shqipëri vazhdon të mbetet një pengesë e rëndësishme për zhvillimin e vendit dhe për ecurinë e procesit integrues për në Bashkimin Evropian. Gjatë kësaj konference përfaqësues të Këshillit Ekzekutiv të kësaj shoqate kanë vënë në dukje se problemi i kthimit të pronësisë vazhdon të mbetet një nga problemet më serioze, për një pjesë të mirë vendeve ish-komuniste. Duke iu referuar rastit shqiptar ata kanë theksuar se këtu problemi është edhe më i madh, pasi në 17 vjet pluralizëm ka munguar serioziteti i shtetit në trajtimin e kësaj çështjeje. Për këtë arsye, në këtë takim është vënë theksi tek domosdoshmëria e një angazhimi më të madh dhe serioz nga ana e shtetit, për kthimin dhe kompensimin e të gjitha pronave të grabitura gjatë sistemit totalitarist. Për këtë arsye Konferenca e Pronarëve të Evropës i ka bërë thirrje shtetit shqiptar që ta konsiderojë çështjen e pronave si një prioritet, pasi, në të kundërt, çdo vonesë e mëtejshme në këtë proces do të ndikojë për keq në zhvillimin e vendit. Në përfundim të këtij takimi dyditor pronarët nga 11 vende të Evropës kanë dalë në një deklaratë të përbashkët, ku vihet në dukje se problemi i pronës është i lidhur në mënyrë të drejtpërdrejtë me investimet. "Një nga pikat kryesore që duhet të përmbushë Shqipëria përpara se të bëhet pjesë e familjes së madhe evropiane, është kthimi dhe kompensimi i plotë i pronave te ish-zotëruesit e tyre",- theksohet në deklaratën e Bashkimit të Shoqatave të Pronarëve të Pasurive të Paluajtshme. Në të kundërt, pronarët evropianë deklarojnë se do të angazhohen që t'i bëjnë thirrje të gjithë investitorëve të vendeve të tyre, që të mos investojnë në Shqipëri. "Në rast se qeveria nuk do të reagojë pozitivisht për ta zgjidhur njëherë e përgjithmonë çështjen e pronave, ne zotohemi se do t'i bëjmë thirrje biznesmenëve të vendeve tona, që të mos futen në Shqipëri për të investuar",- shprehen pronarët evropianë në deklaratën e tyre. Mosrealizimi i këtij procesi, sipas tyre, po mban peng zhvillimin e tregut të pronës, çka po pengon në mënyrë direkte zhvillimin e investimeve private. Ndërkohë, nga ana tjetër pronarët evropianë e cilësojnë si qesharake shifrën prej 5 milionë dollarësh të vënë nga qeveria shqiptare, në dispozicion të procesit të kthimit dhe kompensimit të pronave. Gjithashtu, Shoqata e Pronarëve Shqiptarë ka deklaruar se do të vazhdojë të ndjekë rrugën ligjore në institucionet ndërkombëtare, për të detyruar shtetin shqiptar që t'i japë zgjidhje problemeve të shumta që lidhen me pronat. "Ne si pronarë do t'i drejtohemi Gjykatës së Strasburgut, për të gjetur të drejtën. Nëse ky shtet nuk do të zgjidhë problemin, kjo është një mënyrë e presionit për të realizuar të drejtat tona",- u shpreh Ahmet Sulstarova, një nga drejtuesit e Shoqatës së ish-Pronarëve Shqiptarë. Ndërkohë, në Strasburg aktualisht janë ankimuar rreth 200 çështje, nga të cilat vetëm 5 prej tyre janë shqyrtuar me vendim në favor të ish-pronarëve. "Deri më tani janë pranuar dhe gjykuar 5 çështje dhe shteti shqiptar është dënuar me një shumë prej 1.5 milionë euro. Pra gati sa 20 për qind e fondit që jep shteti për pronarët, në një vit. Dhe sigurisht që deri vitin tjetër do ketë deri në 2 mijë ankesa në Gjykatën e Strasburgut",- u shpreh Sulstarova. Vetëm disa ditë më parë ishte Presidenti i Republikës, Bamir Topi, ai që denoncoi abuzimet e shumta që janë bërë me pronat në Shqipëri.

[Hyj-Njeriu]

Po shyqyr ...Kur do u jepen pronarit te ligjshem ato dreq prona se na hengren...Po s'kane per ta bere hajdutet se pastaj do dali ne shesh se jane bere te gjithe deputete e bashkiake ,pronare tokash me mashtrim e korrupsion...