Ruçi: Barrikadë që të mos lejojmë Bashën në Bashki

[BOKE]

Nisin zhvendosjet në Bashkinë e Tiranës. Largohen drejtorët

Boshatiset zyra e Ramës nga biblioteka dhe pikturat e shumta


Rotacioni i parë i rëndësishëm në Bashkinë e Tiranën po nis të japë edhe efektet e para në stafin e institucionit më të rëndësishëm vendor në Shqipëri. Kështu, burimet nga Bashkia bënë dje të ditur për gazetën “Shqip”, se me dhjetëra anëtarë kabineti dhe drejtorë të drejtorive kanë depozituar dorëheqjet e tyre në pritje të firmës se Edi Ramës. Po kështu, burimet bëjnë të ditur se motivacioni për këto dorëheqje lidhet me arsye politike, nisur nga fakti se brenda javëve të ardhshme bashkia më e madhe në vend do t’i dorëzohet kandidatit të mazhorancës, Lulzim Bashës. Por ndonëse këtyre largimeve, një pjesë e rëndësishme e stafit të përbërë nga 431 punonjës do të qëndrojë në bashki, e mbrojtur nga statusi i nëpunësit civil, i cili mbulon edhe rreth 2/3-ën e punonjësve të kësaj njësie vendore. Nga ana tjetër, burimet bëjnë të ditur se dy ditë më parë, kryetari në ikje, Edi Rama është paraqitur në Bashkinë e Tiranës për të ndjekur nga afër edhe procesin e transferimit të zyrës së tij, të cilën e ka mbajtur për 10 vitet e fundit. Punonjësit të cilët kanë kontaktuar me Ramën, bëjnë të ditur se kryetari i PS-së u ka kërkuar që gjatë procesit të zbrazjes së zyrës që do të mbajë një tjetër kryetar, të kenë kujdes me librat dhe pikturat. Ata, madje e kanë përshkruar këtë vizitë si emocionale dhe jo formale, e cila është përqendruar tek një përshëndetje e shpejtë e stafit dhe një vështrim horizontal i zyrës ku mbizotëron ngjyra e kuqe. Fakti që Rama dekadën e fundit e ka pasur zyrën në Bashkinë e Tiranës të palëvizur, solli aty edhe krijimin e një biblioteke të madhe me libra, dhe po kështu një mini-galerie me piktura të ndryshme. Procesit të zhvendosjes nuk i kanë shpëtuar edhe dy breshkat e famshme të ujit, të cilat prej vitesh kanë qëndruar në një akuarium në zyrën e tij. Të gjitha materialet personale të zyrës së Ramës prej ditësh janë mbledhur në katin e parë të godinës së bashkisë, në pritje të transportit drejt shtëpisë së Edi Ramës. Por me një tjetër gjendje emocionale, kryetari i ardhshëm i Bashkisë së Tiranës, Lulzim Basha mësohet se po bën negociata për të zgjedhur edhe pjesën e parë dhe të rëndësishme të bashkëpunëtorëve që do ta shoqërojnë gjatë hyrjes së tij në njësinë më të madhe vendore në vend. Pas konstituimit si kryetar, ligjet në fuqi i japin të drejtën kryetarit të ri të bashkisë që të rekrutojë një staf të ngushtë për të krijuar edhe kabinetin e tij, staf ky i cili nuk pritet t’i kalojë 30 vetët. Brenda këtij grupi të ngushtë të zgjedhurish pritet të spikasin emrat e nënkryetarëve të rinj të Bashkisë së Tiranës. Burimet bëjnë të ditur se Lulzim Basha do të preferojë të mbajë tre nënkryetarë, për të kënaqur kështu edhe aleatët e tij, të cilët kanë pasur një kontribut të rëndësishëm për marrjen e fitores së tij në Tiranë. Kështu, mësohet se të paktën dy nga tre nënkryetarët e ardhshëm pritet t’i lihen aleatëve të PD-së, të cilët në garën për kryeqytetin patën një kontribut të madh. Por nga ana tjetër, ende nuk dihet se cili do të jetë qëndrimi i Lulzim Bashës me atë pjesë të stafit të Ramës, i cili nën mbrojtjen e ligjit për nëpunësin civil, ka preferuar të qëndrojë për të vazhduar punën në bashkinë më të madhe në vend. Por më e rëndësishme nga të gjitha këto elemente pritet të jetë edhe plani i ri që do të zbatojë Basha për të mbajtur edhe premtimet e tij elektorale për ndryshimin e Tiranës. Në lidhje me nismën e parë që do të ndërmarrë, Basha ka deklaruar se ajo do të jetë ndërtimi i një inspektorati për mbrojtjen e konsumatorëve të Tiranës, për të vazhduar pastaj me projekte të mëdha infrastrukturore.

Shqip

[Brari]

bllokqeneria ka shpikur dhe statusin e nepunsit civil..
dmth meqe gjishi ka qen nepunes qenbirqeni i enverit dhe i biri dhe mbesa do jene rrogetare te shtetit.. plus bizneset..
pra po nje pale rruajtes rrogash e privilegjesh nga shteti e kusuri gjithmone te pa shtet e te pa perkrahur..

krejt cfar ka rekrutuar hajduti edvin ne kto vite duhen qeruar nga bashkia sepse skan punuaR ASNJI DIT PER POPULLIN dhe jan marre me mashtrime e vjedhje e me organizime 21 janaresh..

c'kusur ka mileti ti majme keto pantera perjete..

tjater..

cdo vlere qe hyn ne zyr te bashkise mbetet pron e bashkise.. pra e shtetit..
pra edvini ska te drejte te marre asnji fije leter.. mobilje a pikture apo liber nga zyra e tij..

ato mbeten aty.

ai mund te marre vetem breket e qillotat e kollaret e veta asgje tjater..
.

[Brari]

Kursi i ri i Ramës


Bledi KASMI


Nuk është e lehtë për Ramën që të ndajë kryetarin e partisë nga ai i Bashkisë. Ishte e fundit që kishte çuar ndër mend se do të ndodhte. Një binom i pandashëm që funksiononte prej pesë vitesh, u këput në një ditë të bukur maji.

E gjithë ajo ngrehinë mbi të cilin ishin hedhur themelet e një plani shumëvjeçar të kalimit nga maja e pushtetit lokal në majën e pushtetit qendror rezultoi një flluskë sapuni. Ëndrra e tij se mund të ishte edhe kryebashkiak me korrespondencë, por edhe Kryeministër doli në zgjëndërr. Tafmaja e madhe të lë pa gjë, është një proverb i vjetër. Sot Rama nuk është as Kryeministër dhe as kryebashkiak.

I luajti të gjitha kartat e tij ose për të fituar gjithçka, ose për të humbur gjithçka. Në një lojë të tillë, një pokerist profesionit llogarit edhe fitoren edhe humbjen, edhe lavdinë e suksesit të mundshëm, por edhe disfatën dhe kostot e tij. Askush nuk ia imponoi këtë lojë. Ai i vendosi vetë rregullat dhe madje me kokëfortësi vendosi t'i bjerë murit me kokë.

Me një parti të përçarë dhe me një opozitë të sajuar e mori detin në këmbë. Një gjeneral, të cilit i mungonte ushtria nisi luftën me 200 petrita për ta marrë me dhunë atë që nuk mund ta merrte me votë. Pasi nuk e arriti me forcë e detyruan që ta provojë me votë. Por, fushatat elektorale nuk bëhen as me dëshpërim dhe as me inat. Ata që votojë nuk janë të gjithë ashtu sikurse i do. Nuk kanë të njëjtin kallëp dhe nuk mund t'i bindësh me të njëjtën mënyrë sikurse Rama bindi Maqon.

Rama gaboi në gjithçka, por Rama është edhe nga ata që kurrë nuk pranon gabimin. Ai nuk po arrin të kuptojë se problemi i tij më i madh sot nuk është e shkuara e tij, por e tashmja dhe e ardhmja. Dhe ajo nuk mund të ndërtohet duke mos njohur gabimet edhe sikur ato të kenë kosto, edhe sikur të të duhet t'i kërkosh të falur publikisht atyre bashkëpunëtorëve të tu, që po publikisht të thanë se nuk do të duhej të kandidoje për një mandat të katërt dhe që nuk i dëgjove.

Rama ka një të mirë për kundërshtarët e tij politikë. Ai është i pakorrigjueshëm dhe i pandreqshëm në thellimin e gabimit të vet dhe kjo i krijon kundërshtarëve të tij një superioritet të përhershëm. I ngjan atij bixhozxhiut inatçi, që pasi ka humbur një pjesë të mirë të parave në bixhoz kërkon para borxh për të luajtur sërish me shpresën se do të mund të nxjerrë paratë e humbura, por bashkë me to humbet edhe borxhin.

Rama ka humbur të sotmen dhe rrezikon të humbasë të ardhmen. Deklarata e tij e djeshme për të ashtuquajturin "kurs të ri politik" ishte një farsë politike dhe një vazhdim i politikës së të njëjtit kurs të ndjekur deri tani. Ai vazhdon politikën e konfrontimit me kundërshtarin politik dhe i lejon vetes t'i vendosë kushte dhe ultimatume ndërkombëtarëve.

Skema e r e propozuar nga Rama është e ngjashme me atë të ndjekur gjatë 18 muajve të fundit. Ai i vendos ultimatum ndërkombëtarëve dhe u kërkon atyre që t'i shpallin zgjedhjet e Tiranës "jashtë çdo standardi demokratik ndërkombëtar". Prej këtej ulet disi toni i deklaratës së Ramës dhe rreket të pranojë dialogun, i cili është tërësisht abstrakt, pasi përjashton mazhorancën dhe pranon si palë ndërkombëtarët.

Vetëm nëse ndodhin këto hapa ai pranon se mund të jepet konsensusi për reformat kushtetuese. Gjuha e përdorur nga Rama është njëjtë me atë të dhjetë viteve të fundit. Ai po kërkon si paradhënie në tavolinë, fitoren e zgjedhjeve të vitit 2013, pikërisht sot në korrik të vitit 2011. Dhe për këtë kërkon madje edhe garanci nga ndërkombëtarët. Vetëm në këto kushte, ai thotë se është i hapur për të dialoguar për reformat e integrimit. Është e njëjta kërkesë që Rama e ka bërë gjatë këtyre 10 viteve sa herë afroheshin zgjedhjet lokale, kur kandidonte për Bashkinë e Tiranës. Veçse tani, ndryshe nga herët e tjera që kërkesa të tilla i bënte rregullisht një vit përpara, kësaj radhe ka vendosur t'i bëjë 2 vjet përpara.

Skemat e Ramës nuk ndryshojnë shumë nga njëra-tjetra. Si pinjoll i Bllokut gjuha e tij ndaj ndërkombëtarëve nuk është e ndryshme nga ajo e etërve të tij. Ata duhet t'i binden Ramës. Dje i urdhëroi t'i shpallin zgjedhjet e Tiranës jashtë çdo "standardi demokratik ndërkombëtar". Kjo është thembra e akilit e deklaratës së djeshme të Ramës. Këtë Rama po e kërkon me forcë. Ajo i duhet më shumë se gjithshka tjetër në këto momente, madje më shumë edhe se Bashkia.

Në rast se do të dëgjohej zëri i Ramës dhe jo ai i qytetarëve të Tiranës, atëherë supozojmë se do të vendosej në raportet ndërkombëtare, se zgjedhjet në Tiranë ishin jashtë çdo standardi demokratik. Prej këtij momenti do të lindte e gjithë vijueshmëria e radikalizmit të aksionit politik të Ramës.

Nëse i jepet ajo që kërkon, atëhere prej këtej do të rishfaqej në të ardhmen Rama i 21 janarit, në kohë dhe rrethana të tjera. Prej këtej Rama do të kishte "kartabiankën" për të rinisur gjuhën e kërcënimeve dhe ultimatumeve dhe për t'i përdorur ato si mjet shantazhi ndaj mazhorancës. Do të nisnin protestat, do të riktheheshin grevat e urisë para bulevardit dhe do të tentohej të përsëritej dhe të inskenohej grushti i shtetit për marrjen e pushtetit me dhunë.

Kjo do të ishte arma e duhur për të qëlluar mbi shtetin ligjor, për të qëlluar institucionet, për t'i varrë dhe delegjitimuar dhe bashkë me to edhe zgjedhjet. Ky do të ishte skenari që Rama do t'a dëshironte të ndodhte. Anarki, destabilizim dhe kushte për t'i kthyer zgjedhjet në pazar, një ëndërr e kahershme e tij. Ndaj ai thotë se nuk e dua këtë garanci nga "Saliu", sepse e di që Saliu nuk ia jep, por i bën thirrje ndërkombëtarëve që t'ia japin ata, atë që nuk ia japin shqiptarët.

Kursi i ri i Ramës është vetëm një demagogji për të përligjur me fasada dhe forma të reja të njëjtën përmbajtje të deritanishme të qëndrimeve revolucionare të opozitës, por është edhe një propozim i fëlliqur për të nxjerrë zgjedhjet dhe votën e lirë të shqiptarëve në pazar.





rd

[martini1984]

Kur bejne moral alabaket,shpellaret si dhe degjeneratat.....
Shkruani me dialekt heren tjeter(jugor apo verior)
Ketij qelbanikut beri(sh)a ja kane dhene dy here pushtetin falas ramis alia-s kollona peste + fatosi i vogel nanos.
Gjithmone vetem palacolliqe shkruhen,dhe deri ne 2013 shqiptaret do e hane,por fatmiresisht vendosin te tjeret.
Mbase e shofin problemin ndryshe deri ne zgjedhjet(manipulimet) e ardheshme te lira.
Jo per noi gjo se atehere e mbyllim(hapim) gojen qe na bie ere!

[BlueBaron]

Ca eshte ky statusi nepunesit civil se nuk po e kuptoj ?!? Kush e ka shpik kete ?!? Ed Vrroma kur u zgjodh kryetar bashkie i fluturoi te gjithe ca ishin neper zyra, ashtu sic bene socialistet kur erdhen ne pushtet.


Gjeja e pare qe duhet te beje Lul Basha eshte "grisja" e atij statusit dhe t'i zbythe te gjithe ca jane aty neper zyra. Po te duan te dalin ne terren si lulishtare e punonjes ekologjik.

Ec Lul Basha, tregoje veten qe je Çun Tirone !!!

[martini1984]

Noellag,cfar mendoni juve?

[Noellag]

Qytetaret e Tiranes i dhane pergjigje te merituar njeriut me psikoze dhune duke i dhene mesazhin me vote : Zhduku nga bashkia . Ngjarja e 21 janarit ishte shume tragjike per Tiranen, sepse ndodhi mu ne zemer te Kryeyqytetit ne nje dite te zeze te erret ku dhuna ulerinte si e terbuar ndaj shtetit ligjor . Per kete arsye dhe per disa arsyeja te tjera qytetaret e ndeshkuan me vote.

[cool_shqype]

[QUOTE=BOKE;3158490]Nisin zhvendosjet në Bashkinë e Tiranës. Largohen drejtorët


Rotacioni i parë i rëndësishëm në Bashkinë e Tiranën po nis të japë edhe efektet e para në stafin e institucionit më të rëndësishëm vendor në Shqipëri.



nje pale u kertyl dhe tani deri sa te behen zengjina pala tjeter do te kete rralle tek xhamia.....
urime stafit te ri

[fattlumi]

Tiranë, 14 korrik - Kreu i Grupit Parlamentar socialist, Gramoz Ruçi, i ftuar në emisionin “Debat” në Vizion Plus, tha se PS do të kundërshtojë hyrjen e Lulzim Bashës në Bashkinë e Tiranës. Ruçi tha se nuk i njeh zgjedhjet në Tiranë, duke i cilësuar ato të manipuluara, por dhe me vendime gjyqësore të korruptuara. Ai i akuzoi gjyqtarët e Kolegjit se janë paguar me nga 500 mijë euro për çdo vendim të marrë.

Në pyetjen nëse mendon për vendimin e fundit të Kolegjit Zgjedhor, Ruçi u përgjigj: “Sigurisht jo vetëm për të fundin. Fillon që nga vendimi i parë i Tomës dhe deri te vendimi i fundit i Sashenkës. E shkruara e zeza mbi të bardhë është Kodi Zgjedhor dhe gjyqtari bën sikur nuk e shikon, bën sikur lexon apo e lexon së prapthi. Shifrat janë kokëforta”.

Në pyetjen se a do ta njohë PS-ja Lulzim Bashën si kryetar bashkie në Tiranë, Ruçi u përgjigj se s’do t’ia marrim çelësin e Bashkisë. “Derën e Bashkisë e ka të hapur. Sigurisht që ai është ‘legjitim’ sipas këtij vendimi të kësaj gjykate. Pra ky manipulim që Lulzim Basha dhe Sali Berisha bëri për Tiranën u ‘pastrua’ nga ky vendim i këtij kolegji të kastruar. Por kjo s’do të thotë që ne nuk do të dalim dhe të bëjmë barrikadë për të mos u futur Lulzim Basha. Ai rrugën e ka, derën e Bashkisë e di, le të vazhdojë. Por duhet të dijë që ka vjedhur një mandat dhe është shpallur fituesi-humbës në krye të Bashkisë moralisht, politikisht dhe institucionalisht si do të funksionojë kjo? Kjo është e drejtë e tij”.

Sipas tij, opozita s’ka rrugë tjetër veç rrugës së rezistencës me të gjitha mjetet që të ofron demokracia.

Ndërkaq, në pyetjen se a do të kërkojnë rrëzimin e qeverisë dhe zgjedhje të parakohshme, njeriu i dytë i PS-së tha: “Absolutisht që do të kërkojmë vendosjen e situatës demokratike në Shqipëri, që është sistemi i së drejtës dhe sistemi i së drejtës fillon nga vota, fillon nga njerëz të përkushtuar që duan të zbatojnë kërkesat e Kushtetutës dhe të ligjit. Sigurisht që kjo qeveri tregoi më shumë se një herë se jo vetëm që nuk zbaton ligjin dhe Kushtetutën, por përkundrazi, e shkel atë. Pra, ka humbur kredon e saj jo vetëm morale, por edhe politike dhe institucionale.

Drejtuesi i “Debatit”, Alfred Peza tha se anëtarë të Kryesisë të PS-së jo vetëm që nuk janë parë më në ambientet e PS-së, jo vetëm që nuk kanë marrë pjesë në mbledhjet e Kryesisë së PS-së, por, me sa dimë, një pjesë e mirë e këtyre anëtarëve kanë votuar për Lulzim Bashën në këto zgjedhje…

“Nuk mund të pohoj të njëjtën gjë. Është e drejta juaj ta predikoni, nuk do ta dëshiroja”, tha Ruçi.


Koha.net

[drague]

cfare ........................ qe duhet ta shohim akoma ket kërmën ne podium