Raiffeisen Superliga e Kosoves 2009/10

[SPORTI_ILIR]

Java e 24-te zhvillohet te merkuren

[gimche]

Prishtina ndal liderin

Prishtina e ka mposhtur liderin, Trepça, duke ia hapur vetes rrugën për të luftuar për titullin e kampionit. Flamurtari, me fitore ndaj Ferizajt, është ngjitur në vendin e dytë. Vëllaznimi mposhti Hysin, derisa KEK’u befasoi Kosovën, midis Vushtrrisë. Drenica ia ka shkaktuar edhe një humbje Besës, kurse Gjilani më në fund ka shijuar fitoren.

Në gjashtë ndeshjet e xhiros së 24-t të Superligës janë realizuar vetëm nëntë gola. Ndërsa përpos KEK-ut, që befasoi Kosovën në Vushtrri, asnjëra skuadër nuk arriti të shënojë gol si mysafire.

Prishtina – Trepça 1:0

Pas Besës, Prishtina e ka mposhtur edhe konkurrentin tjetër për titull të kampionit të Kosovës, Trepçën. Pas një dominimi të lehtë në pjesën e parë, por edhe në fillim të pjesës së dytë, rastet e vendësve u shpërblyen me gol në minutën e 68, kur sulmuesi Faton Zejnullahu, nga distanca, e mposhti portierin mysafir, Prtinac.

Në minutat vijuese, “Xehetarët” u munduan ta barazonin rezultatin, por më kot. Kjo fitore, bardhekaltërve ua hap rrugën për të luftuar për titull të kampionit, derisa mitrovicasve, kjo humbje ua rrezikon pozitën e parë.

Vëllaznimi – Hysi 1:0

Vëllaznimi ia doli ta mposhtë Hysin me mund të madh. Gjakovarët, të vetëdijshëm për rëndësinë që do të kishin këto tri pikë, e nisën lojën të motivuar dhe kërkonin gjithsesi fitore. Goli i fitores së tyre arriti në pjesën e dytë. Në fakt, mbrojtësi Robert Gjeraj ishte hero i kuqezinjve, pasi që në minutën e 68, me një solo aksion, kalon lojtarët kundërshtarë dhe gjuan fuqishëm, për ta mposhtur portierin Ademi. Kjo fitore i mban ende gjallë shpresat e Vëllaznimit për mbijetesë, ndërsa humbja i zbeh ato të Hysit për titull të kampionit.

Drenica – Besa 1:0

Pas një starti të mirë të sezonit vjeshtor, Besa ka nisur ta marrë tatëpjetën. Pas humbjes në shtëpi nga Prishtina, futbollistët e Genc Hoxhës e radhitën humbjen e dytë, pasi u mposhtën nga Drenica. Pikërisht ish-futbollisti i pejanëve, Dukagjin Gashi, në minutën e 26 të pjesës së dytë, me një parabolë, e mposhti portierin Bytyqi. Përkundër humbjes, pejanët mbetën 5 pikë larg kreut, ndërsa për drenicasit kjo fitore ishte domethënëse, pasi i largon sadopak nga ekipet e rrezikuara.

Kosova (V) – KEK-u 1:2

Fitorja ndaj Hysit dukej se do ta shtonte motivin e futbollistëve të Kosovës për ndeshjen në shtëpi ndaj KEK-ut. Por, në fund doli ndryshe. Vushtrriasit dështuan në shtëpi, duke pësuar një humbje që mund t’ju kushtojë. Edhe pse vushtrriasit e patën lojën nën kontroll, ishin “Elektricistët” ata që kaluan në avantazh të parët. Në minutën e 35-të, Naim Kodraliu shënoi me kokë, 0:1. Pas 8 minutash, bardhekaltrit ia dolën ta barazonin rezultatin me anë të Ilir Izmakut që shënoi nga penalltia.

Ndërsa ishin në kërkim të golit të avantazhit, vendësit u befasuan nga veterani Arsim Plepolli, që ia solli fitoren ekipit të tij, katër minuta pa përfunduar ndeshja. Ky trepikësh e afron KEK-un në tri pikë, karshi kryesuesit Trepça, ndërsa humbja në shtëpi ua prishi llogaritë bardhekaltërve.

Flamurtari – Ferizaj 1:0

Malësor Gjonbalaj ia ka dhuruar tri pikë të tjera Flamurtarit, që e ngrisin këtë skuadër në pozitën e dytë, vetëm dy pikë më pak se Trepça. Pas një aksioni të mirë të organizuar nga vendësit, në minutën e 70, sulmuesi pejan merr një top të mirë nga Mehmeti dhe shënon për 1:0. Edhe pse luajtën mjaft mirë, ferizajasit u kthyen në shtëpi duarthatë. Madje, kjo disfatë s’e lë rehat skuadrën ferizajase, edhe pse ka gjashtë pikë më shumë se skuadrat e rrezikuara.

Gjilani – Liria 2:0

Gjilani nuk ka lejuar t’i ikë treni i fundit. Ekipi i Muharrem Sahitit shënoi fitore të pastër të mërkurën ndaj Lirisë, fitore e cila ia mban ende gjallë shpresat për të mbetur në Superligë. I rikthyeri nga lëndimi, Ismet Ramushi, e kaloi ekipin vjollcë në epërsi qysh në minutën e gjashtë, pasi merr një top nga Hyseni.

Ramushi pati edhe një rast të mirë në vazhdim, kur në minutën e 26 goditi tërthorësen. Për t’i qetësuar përfundimisht gjilanasit, u përkujdes mesfushori Muhamet Dragusha në minutën e 52-të, 2:0. Ishte kjo një fitore e merituar për Gjilanasit, ndërsa Lirinë kjo humbje e zbret në pozitën e shtatë.


Tabela
1. Trepça 24 13 41
2. Flamurtari 24 5 39
3. KEK-u 24 14 38
4. Besa 24 9 36
5. Prishtina 24 0 36
6. Hysi 24 7 34
7. Liria 24 3 34
8. Drenica 24 -12 33
9. Ferizaj 24 -6 31
10. Vëllaznimi 24 -9 25
11. Kosova (V)24 -12 25
12. Gjilani 24 -15 21

/express/

[gimche]

Në javën e 25-të, më 17/18 prill, takohen:
Ferizaj – Prishtina
Trepça – Drenica
Besa – Kosova (V)
KEK-u – Vëllaznimi
Hysi – Gjilani
Liria - Flamurtari

[SPORTI_ILIR]

Rezultatet
Prishtina – Trepça 1:0
Vëllaznimi – Hysi 1:0
Drenica – Besa 1:0
Kosova (V) - KEK-u 1:2
Gjilani – Liria 2:0
Flamurtari – Ferizaj 1:0

Tabela
1.Trepça 24 11 8 5 33:20 41
2.Flamurtari 24 10 9 5 32:27 39
3.KEK-u 24 10 8 6 37:23 38
4.Besa 24 10 6 8 28:19 36
5.Prishtina 24 10 6 8 26:26 36
6.Hysi 24 10 4 10 39:31 34
7.Liria 24 9 7 8 27:24 34
8.Drenica 24 9 6 9 26:36 33
9.Ferizaj 24 9 4 11 20:26 31
10.Vëllaznimi 24 7 4 13 24:33 25
11.Kosova (V) 24 6 7 11 17:29 25
12.Gjilani 24 4 9 11 23:38 21

Orari i ndeshjeve ne fundjave raiffaisen superliga
Java e 25-te, e diel ora 15:00
Ferizaj – Prishtina
Trepça – Drenica
Besa – Kosova (V)
KEK-u – Vëllaznimi
Hysi - Gjilani
Liria – Flamurtari

[busavata]

Epo keshtu, ''Pa katundar per nje Gjakove me te mire dhe me te paster''.

V64

Forca Vellaznim !!!

mos po mbetet teper e zbrazet , pa asnje njeri te gjallë ....

[gimche]

Rezultatet e javës së 25-të
Ferizaj – Prishtina 1:1
Trepça – Drenica 2:1
Besa – Kosova (V) 2:1
KEK-u – Vëllaznimi 3:0
Hysi – Gjilani 2:0
Liria - Flamurtari 2:1

Tabela
1. Trepça 25 35:21 44
2. KEK-u 25 40:23 41
3. Besa 25 30:20 39
4. Flamurtari 25 33:29 39
5. Hysi 25 41:31 37
6. Liria 25 29:25 37
7. Prishtina 25 27:27 37
8. Drenica 25 27:38 33
9. Ferizaj 25 21:27 32
10. Vëllaznimi 25 24:36 25
11. Kosova (V) 25 18:31 25
12. Gjilani 25 23:40 21

[gimche]

Ndalet Prishtina

Pas dy fitoreve radhazi, Prishtina nuk ka arritur më shumë se një barazim përballë Ferizajt. Lideri i Superligës, Trepça i është rikthyer fitores, derisa KEK’u mposhti Vëllaznimin për të kaluar në vendin e dytë. Hysi ka shënuar fitoren e parë në stinorin pranveror.

Ferizaj – Prishtina 1:1

Ndeshja derbi e xhiros së 25-të e Superligës, e zhvilluar të dielën ndërmjet Ferizajt dhe Prishtinës, ka përfunduar me rezultat të barabartë, 1:1. Bardhekaltrit nga kryeqyteti kanë kaluar në epërsi prej 0:1 në minutën e 25-të të takimit me golin që e ka shënuar Taulant Dajaku.

Këtë epërsi Prishtina nuk ka mundur ta mbajë deri në fund të takimit, sepse Ferizaj ia ka dalë që në minutën e 70 t’i barazojë shifrat në 1:1, me golin që e realizoi Arlind Hoxha. Ky ishte edhe rezultati përfundimtar i këtij takimi. Në këtë mënyrë, Ferizaj ia doli t’ia ndalë hovin Prishtinës në top formë, dhe njëherësh ndërpreu serinë e humbjeve, të cilat i pati pësuar në tri ballafaqimet e saj të fundit.

KEK-u – Vëllaznimi 3:0

KEK-u ka kaluar në pozitën e dytë, pasi e ka mposhtur Vëllaznimin me rezultat të thellë, 3:0. Kjo humbje e ka vënë ekipin gjakovar edhe më tej në telashe, pasi po lufton për mbijetesë. KEK-u ka kaluar në epërsi prej 1:0 në minutën e 60 me golin që e ka shënuar Berat Grabovci.

Epërsinë e elektricistëve në 2:0 e vuri Naim Kodraliu me golin që e realizoi në minutën e 66. I njëjti futbollist shënoi golin e dytë personal në minutën e 76, për rezultat përfundimtar 3:0. Vëllaznimi rastin më të mirë për të shënuar gol e pati në minutën e 17, kur Atdhe Gashi qëlloi shtyllën e lartë të portës së KEK-ut. Kuqezinjtë dominuan me raste gjatë pjesës së parë, të cilat nuk mundi t’i konkretizojë.

Trepça – Drenica 2:1

Trepça ia ka dalë ta ruajë pozitën e parë në tabelë, pasi e ka mposhtur Drenicën në Mitrovicë, me rezultat 2:1. Mitrovicasit kanë kaluar në avantazh prej 1:0 në minutën e 18, me golin e Emin Baliqit. Xehetarët e kanë shtuar epërsinë në 2:0 në minutën e 72-të me golin që e ka realizuar Elvis Osmani. Ndërsa, golin e vetëm për Drenicën e ka shënuar Premton Muja, në minutën e 86 për rezultat përfundimtar, 2:1. Por, epërsia e Trepçës ka mundur të jetë më e madhe, sikur të mos dështonte nga penaltia Samir Sahiti në pjesën e parë.

Hysi – Gjilani 2:0

Hysi më në fund ka shënuar fitore, pasi e mposhti Gjilanin shumë të rrezikuar për të rënë nga Superliga, me rezultat 2:0. Ekipi i udhëhequr nga Arbnor Morina ka kaluar në epërsi prej 1:0 në minutën e 15, me golin që e ka shënuar Ahmet Haliti. Kurse, rezultatin përfundimtar në 2:0 për Hysin e vuri Megzon Visoka, i cili realizoi gol në minutën e 86 të ndeshjes.

Besa – Kosova (V) 2:1

Kosova e Vushtrrisë e ka pësuar humbjen e dytë rresht, pasi është mposhtur si mysafire e Besës me rezultat 2:1. Vendasit kanë avancuar të parët me rezultat 1:0, me golin që e ka shënuar Granit Çekaj në minutën e 5-të. Vushtrriasit i barazuan shifrat në 1:1 në minutën e 35-të, me golin që e realizoi Bashkim Shala. Kurse, fitoren, Besës ia siguroi Fitim Kasapi që shënoi gol në minutën e 58 për rezultat përfundimtar, 2:1.

Liria – Flamurtari 2:1

Lira e ka shfrytëzuar terrenin e saj për ta mposhtur Flamurtarin me rezultat 2:1. Prizrenasit kanë kaluar në avantazh prej 1:0, me golin që e ka shënuar Rafet Mullallari në minutën e 8 të takimit. Kuqezinjtë nga Prishtina barazuan rezultatin në 1:1 me golin që e shënoi Labinot Jetullahu në minutën e 50. Liria i rrëmbeu të tria pikët nga kjo përballje, falë golit që e ka shënuar Roland Duraku në minutën e 60 për epilog përfundimtar, 2:1.

Tabela
1. Trepça 25 14 44
2. KEK-u 25 17 41
3. Besa 25 10 39
4. Flamurtari 25 4 39
5. Hysi 25 9 37
6. Liria 25 4 37
7. Prishtina 25 0 37
8. Drenica 25 -13 33
9. Ferizaj 25 -6 32
10. Vëllaznimi 25 -12 25
11. Kosova (V)25 -13 25
12. Gjilani 25 -17 21

/express/

[gimche]

Raiffeisen Superliga – Java 25

Hysi - Gjilani 2:0 (1:0)
(Haliti 15’, Visoka 87’)
Stadiumi i Hysit në Merdarë. Shikues: 1000. Arbitra: I. Shuleta, F. Agerbashi, L. Muhadri. Kartona të verdhë: Ahmeti, E. Zabërgja, Zhdrella, Kida - Preniqi, Muji

Hysi: Ademi, Sogojeva, Haliti, Kida, Ahmeti, Zabërgja, L. Osmani (Visoka), Zhdrella, Hoxha (A. Zabërgja), Gashi (Dragusha), Musolli - Trajner: Arbnor Morina
Gjilani: Sermaxhaj, Osmani, Berisha (Murseli), Preniqi, Xhika, Hyseni, Dragusha, Talevski, Muji (Hyseni), Stojanovski (Jisieike), Ramushi - Trajner: Muharrem Sahiti

Ferizaj – Prishtina 1:1 (0:1)
(Hoxha 74’- Dajaku 25’)
Stadiumi i qytetit “Ismet Shabani”, Ferizaj. Shikues: 800. Arbitra: S. Domi, B. Këpuska, I. Veseli. Kartoni i verdhw: Rexhepi - Kozhani, Zenjullahu

Ferizaj: Ajdini, B. Shabani, Hasani (Hoxha), Çerkini, Shabani, Rexhepi, Sadriu, Lubishtani, Haliti, Haxhimusa (Shaqiri), Topalli (Syla) – Trajner: Arsim Abazi
Prishtina: Statovci, Krasniqi, Ibrahimi, Vokshi, Berisha, Kozhani, Maliqi, Ahmeti, Dajaku (Haliti), Saliagiqi, Zenjullahu (Skeraj) – Trajner: Ramiz Krasniqi

Besa – Kosova (V) 2:1 (1:1)
(Qekaj 5’, Kasapi 60’ - Zaberxha 35’)
Stadiumi :”Shahin Haxhiislami”, Pejë. Shikues: 500. Arbitra: P. Hasani, E. Baliqi, N. Ibrahimi. Kartoni i verdhw: Gacaferi, Deliu, Zaberxha

Besa: Bytyqi, Gacaferi, Cacaj (Krasniqi), Duraku, Bajraktari, Papuqi, Kasapi, Hysenlekaj (Miftaraj), Qekaj, Zeka, Morina (Gashi) – Trajner: Genc Hoxha
Kosova: Sadiku, Uka (Ibrahimi), Cakaj, Vilanci, Pantina, Kera, Shala, Mustafa (Deliu), Zuqaku, Zaberxha, Krasniqi (Kelmendi) – Trajner: Agron Selmani

Trepça - Drenica 2:1 (1:0)
(Baliqi 17’, Osmani 74' - Muja 90’+2’)
Stadiumi "Adem Jashari", Mitrovicë. Shikues: 3000. Arbitra: E. Janjevaliu, Z. Miranaj, M. Rahimi. Kartoni i verdhë: Ibrahimi, Kaqiu - Geci, Limani.

Trepça: Prtinac, Ibrahimi, Sermaxhaj, Stoev, Kaqiu, Llapashtica, Sahiti (Shkupolli), Baliqi, Aziri (Mziu), Osmani, Sejdiu (Hyseni) – Trajner: Gani Sejdiu
Drenica: Shosholli, Behrami, Musliu, Geci, L. Syla (Sadiku), Gashi, Limani, F. Bajraktari(Tahiraj), B. Bajraktari (A.Syla), Haliti – Trajner: Tahir Lushtaku

Liria - Flamurtari 2:1 (1:0)
(Mullallari 8’, Duraku 60’ - Jetullahu 50’)
Stadiumi “Përparim Thaçi” në Prizren. Shikues: mbi 1000. Arbitra: M. Ferati, A. Peshteri, J. Musolli. Kartoni i verdhë: Duraku, Cecelia, Mehmeti

Liria: Memaj, Çarkaxhija (Buqaj), Kabashi (Binishi), Duraku, Gjananoviq, Sulollari, Mullallari, Krusha, Tafili, Emra, Karahoda – Trajner: Behajdin Gjinali
Flamurtari: Fejza, Cecelia (Krasniqi), Dervishi (Govori), Humolli (Markniku), Ukzmajli, Mehmeti, Sylejmani, Bajgora, Gjonabalaj, Jetullahu, Osmani – Trajner: Jusuf Tortoshi

KEK-u – Vëllaznimi 3:0 (0:0)
(Grabovci 56’, Kodraliu 66’, 76’)
Stadiumi “Agron Rama” në Kastriot. Shikues: 1.500. Arbitra: Z. Qorraj, S. Berisha, F. Jakupi. Karton i verdhë: Hasani, Simnica – Mushica, Kasapi

KEK-u: Blakqori, Hasani, Visoka, Kodraliu, Ajvazi, Simnica, Bajrami (Doshlaku), Grabovci (Rexha), Hashani, Zogiani (Krasniqi), Plepolli – Trajner – Bylbyl Sokoli
Vëllaznimi: Mushica, Dylazeka, Hashani, Efendija (Myrtaj), Kasapi, Gjeraj (Tetrica), Sermaxhaj, Gashi, Milicaj, Mustafi, Juniku (Dakaj) – Trajner: Ajet Shesholli.


Superliga - Java 25

Ferizaj – Prishtina 1:1
Trepça – Drenica 2:1
Besa – Kosova 2:1
KEK-u – Vëllaznimi 3:0
Hysi – Gjilani 2:0
Liria – Flamurtari 2:1

Tabela
1. Trepça 25 12 8 5 35:21 44
2. KEK-u 25 11 8 6 40:23 41
3. Besa 25 11 6 8 30:20 39
4. Flamurtari 25 10 9 6 33:29 39
5. Hysi 25 11 4 10 41:31 37
6. Liria 25 10 7 8 29:25 37
7. Prishtina 25 10 7 8 27:27 37
8. Drenica 25 9 6 10 27:38 33
9. Ferizaj 25 9 5 11 21:27 32
11.Vëllaznimi 25 7 4 14 24:36 25
10.Kosova 25 6 7 12 18:31 25
12.Gjilani 25 4 9 12 23:40 21

Në javën e 26-të, më 24/25 prill, takohen:
Liria – Ferizaj
Flamurtari - Hysi
Gjilani - KEK-u
Vëllaznimi – Besa
Kosova – Trepça
Drenica - Prishtina

/RTV21/

[Mitrovicali2009]

Trepca kampion!!!!!

[SPORTI_ILIR]

FEDERATA E FUTBOLLIT E KOSOVËS


Komisioni i garave të RaiffeisenSuperligës,
Kryetari, Azem Brovina,,d.v.

KOMISIONI I GARAVE të Raiffeisen SUPERLIGËS, në përbërje: Azem Brovina,Kryetar, Isuf Ajeti dhe Xhafer Halilosmani,anëtar, në mbledhjën e vet të mbajtur më datën 21.04.2010, lidhur më regjisttrimin e ndeshjeve të javës së 25-të, ka shqyrtuar Ankesën e Klubit të futbollit “Prishtina” parashtruar në rregullësinë e ndeshjës Ferizaj-Prishtina e zhvilluar në Ferizaj,shqyrtoi tërë materialin e prezentuar në mbledhjën e Komisionit të garave dhe shfletoi tërë Proçesverrbalet e ndeshjeve zyrtare në prezencën e Administratorit të Superligës, bazuar në dispozitat e nenit 56 të Propozicioneve, si dhe Rregullorës së garave (nennit 68-69) mori këtë:

MIRATOHET Ankesa e Klubit të futbollit “Prishtina”, e parashtruar në afatin e paraparë më Rregullore, e taksuar sipas Propozicioneve dhe ndeshja e kontestuar FERIZAJ-PRISHTINA,që përfundoi më rezultatin 1-1, regjistrohet më rezultatin zyrtar 0-3 në të mirë të KF “Prishtina”.


Pas keti vendimi qe morri FFK renditja duket keshtu:
Tabela
Tabela
1. Trepça 25 12 8 5 35:21 44
2. KEK-u 25 11 8 6 40:23 41
3. Besa 25 11 6 8 30:20 39
4. Flamurtari 25 10 9 6 33:29 39
5. Prishtina 25 11 6 8 29:26 39
6. Hysi 25 11 4 10 41:31 37
7. Liria 25 10 7 8 29:25 37
8. Drenica 25 9 6 10 27:38 33
9. Ferizaj 25 9 4 12 20:29 31
10.Vëllaznimi 25 7 4 14 24:36 25
11.Kosova 25 6 7 12 18:31 25
12.Gjilani 25 4 9 12 23:40 21