Raiffeisen Superliga e Kosoves 2009/10

**Beni-usa** · 23-05-2010, 16:59

Halla KEK-u dhe Bylbyl Sokolit, KEK-e e ka dominu Trepqen ne te gjitha aspektet e lojes, nuk di se qysh pshtoj trepqa me vetem nje gol, kishte me te vertet fat se perndryshe me koke ulur do te dilte prej Kastrioti, me lojen qe u tregua sot me te vertet KEK-u ka meritu me kane kampion, duke pasur parasysh qe Trepqa i ka fitu 6 pike ne tavoline, kurse Keku te gjitha piket e fituara i ka me djerse ne fushen e gjelbert, une jam tifoz i Prishtines dhe nese rastesisht Besa bon befasi ne Mitovice atehere me gjithe qef i kisha thane prishtines leshoja KEK-ut e lere te behet kampion se e meriton me gjithe ata lojtare te ri dhe me gjithe punen qe ka bere Bylbyl Sokoli atje.

**gimche** · 23-05-2010, 18:25

Në javën 33-të (e fundit), me 30 Maj takohen:

Ferizaj - Gjilani
Vllaznimi - Flamurtari
Kosova - Liria
Drenica - Hysi
Prishtina - KEK-u
Trepça - Besa

**SUPERLIGA** · 23-05-2010, 20:35

KEK-u – Trepca 1-0
Hysi – Prishtina 1-2
Gjilani – Vllaznimi 0-1
Flamurtari – Kosova (V) 4-2
Besa – Ferizaj 3-0
Liria – Drenica 0-1

**Torcida_Trepca** · 24-05-2010, 19:59

**ebu_abdulaziz** · 25-05-2010, 16:17

futbolli kosoves as qe shikohet bile as qe ja vlen mu marr se ne 10 ndeshjet e fundit eshte dfite kush fiton e kush humb sidomos kur ka lujt drenica hec e guxo mposhte drenicen ne skenderaj

**Torcida_Trepca** · 27-05-2010, 11:11

ndeshja Trepça - Besa hyrja osht GRATIS per te gjith, ju mir presim ne super spektaklin qe organizon Torcida dhe Trepç

**Torcida_Trepca** · 28-05-2010, 08:03

Trepça, gati festa e titullit

Qytetarët e Mitrovicës të dielën pritet të harrojnë për pak çaste brengat e tyre, për të festuar titullin e parë të kampionit në futbollin kosovar pas plotë 17 vjetësh. Ndonëse teorikisht Trepça ende nuk e ka siguruar titullin, mitrovicasit janë të bindur se këtë do ta bëjnë në ndeshjen e fundit ndaj Besës. Tash e disa ditë ‘ethet” e futbollit kanë përshkruar pothuajse të gjithë qytetarët e Mitrovicës dhe secili interesohet për skenarin që do të realizohet gjatë dhe pas ndeshjes Trepça - Besa, ku “xehetarët” duhet të luajnë baras apo të triumfojnë nëse duan të kurorëzohen me titullin kampion. Epërsia trepikëshe ndaj KEK-ut iu jep mundësi mitrovicasve që edhe me barazim të fitojnë titullin kampion ose në rastin më të keq edhe me humbje, në rast se KEK-u nuk arrin fitore ndaj Prishtinës, mirëpo vendosmëria e stafit drejtues, atij teknik dhe mbi të gjitha e futbollistëve është të përfundohet ky edicion me fitore si shpërblim për të gjithë qytetin, për “Torcidën” dhe për futbollistin e lënduar Kushtrim Nebihu. Mobilizimi vërehet në të gjitha strukturat organizative dhe të gjithë janë të bindur se nuk duhet lëshuar rasti për titullin kampion të pritur aq gjatë. “Kemi punuar shumë për të arritur në këtë situatë. Mobilizimi, angazhimi dhe mbështetja ishte e gjithanshme. Po shpërblehet puna e madhe e drejtuesve të skuadrës, mundi dhe djersa e futbollistëve dhe përkrahja e shikuesve”, ka thënë shkurt njëri ndër më meritorët për sukseset e Trepçës, Nexhmedin Haxhiu. Trajneri Gani Sejdiu është i bindur se kësaj radhe janë të gjitha parakushtet për një rezultat të favorshëm ndaj skuadrës shumë të respektueshme të Besës, e cila tradicionalisht ka paraqitje të mira në Mitrovicë. “Do kemi një përballje jo të lehtë, kemi përballë njërën ndër skuadrat më të forta ndër vite, mirëpo me gjithë respektin për Besën, ne jemi të mobilizuar dhe nuk duhet të lëshojmë rastin për titullin kampion”, ka thënë Sejdiu. Edhe futbollistët pajtohen se do jetë një përballje e vështirë, mirëpo janë të bindur në fitore. “Ne ishim shumë afër barazimit në ndeshjen me KEK-un. Epilogu real i asaj përballjeje do të duhej të ishte baras, pasi e kemi merituar me lojën e treguar, por ky është futbolli. Na pret punë jo e lehtë përballë Besës që ka skuadër të mirë, por edhe ne jemi të vendosur dhe të bindur për rezultat pozitiv dhe kurorëzimin me titullin kampion”, është shprehur kapiteni i skuadrës Elvis Osmani.

Ndeshja me Besën do të jetë pa bileta

Me qëllim që kremtja e titullit të jetë sa më e madhe, drejtuesit e Trepçës kanë vendosur që hyrja në stadium të jetë falas, ndërkohë që kanë ftuar të gjithë qytetarët, veçmas nxënësit e shkollave të mesme që të jenë prezent në festën e përbashkët. “Ftojmë qytetarët e qytetit buzë Ibrit të jenë prezent në këtë ndeshje vendimtare që t’u japim përkrahje djelmoshave tanë për rezultat të favorshëm në përballje me Besën dhe të gjithë së bashku të tregojmë se jemi skuadër e organizuar dhe dimë të kremtojmë si duhet”, ka thënë kryetari i këshillit organizativ i kësaj kremte, Afrim Prekazi. Më pas ai thekson se tashmë është përpiluar skenari i programit, ku do të ketë një koncert me këngë e valle dhe pika humori nga estrada mitrovicase, që parashihet të mbahet në stadium me fillim në ora 14.00 , ndërkohë që në orët e vona (21.00) po ashtu do të organizohet një koncert i madh në qendrën e qytetit, kur pritet të parakalojë nëpër qytet skuadra kampione. Mësohet se pjesëmarrjen në këtë koncert tashmë e kanë konfirmuar Mihrije Braha, Blero, Kresha, Vullnet Sefaja (Marigona), Teuta Kurti, Rona Nishliu, Lindita Hakaj e shumë këngëtarë tjerë mitrovicas. I gjithë organizimi është mbështetur nga Kuvendi Komunal në Mitrovicë, nga Kombinati “Trepça” dhe drejtori i saj Ferat Shala dhe nga drejtuesit e skuadrës “xehetare”. Po ashtu në këtë kremte janë ftuar shumë ish-futbollistë, drejtues të skuadrës, trajnerë, donatorë dhe mbështetës ndër vite. Përveç pjesës artistike një skenar festimi të mbushur me një kolorit të madh të ngjyrave dhe me fishekzjarr pritet ta realizojë “Torcida”, e cila tash e disa ditë është duke bërë përgatitjet për festën e kampionit.

**no name** · 07-06-2010, 20:45

Më në fund u bë kampion Trepça nga Mitrovica në krye me trajnerin Gani Sejdiu, ehh super. :)

Urime për ju tifozët Torcida, e pashë ndeshjen e fundit Trepça - Besa(2:1) ka qen një atmosfer fantastike, shumë kohë kisha pa parë gjithë ato njerëz në shkallët e stadiumit në futbollin e Kosovës, m'bi 20 mijë shikues. Bravo :)