Qeveria e Rilindjes i merr kompetencat kushtetuese Prokurorisë, ngre "FBI" te varur nga Policia

[mesuesi_1]

Nje FBI per Shqiperine

Fabian Zhilla
E Premte, 14 Gusht 2009


Koeficienti i larte i humbjeve ne radhet e policise shqiptare ne luften kunder krimit, ngre pikepyetje te rendesishme ne lidhje me te gjithe strukturen, organizimin dhe politikat e luftes kunder krimit te organizuar dhe jo vetem ne Shqiperi. Megjithe perpjekjet e shumta te forcave te rendit, krimi i organizuar serish arrin te jete i suksesshem ne neutralizimin e tyre. Pikerisht per kete, lufta kunder krimit te organizuar kerkon jo vetem nje perballje frontale, por shterim te te gjitha mjeteve dhe menyrave qe e forcojne ate. Vendi yne fatkeqesisht ofron shume mundesi oportune qe krimi i organizuar te zhvillohet, sic jane niveli i larte i korrupsionit, evazioni shqetesues fiskal (mbi 30% e veprimeve financiare kryen jashte institucioneve te autorizuara) dhe pozicioni mjaft i volitshem gjeografik. Nga ana tjeter, nje faktor tjeter po aq i rendesishem eshte edhe struktura shume e shperndare ne vend e luftes kunder krimit te organizuar apo dhe veprave penale qe lidhen direkt ose indirekt me te, si korrupsioni pasiv apo aktiv, pastrimi i parave, cilesi dokumentesh shteterore lehtesisht te manipulueshem, si dhe niveli mjaft i ulet i perditshmerise te strukturave policore ne pergjithesi, me njohurite bashkekohore per teknikat e perdorura nga krimi i organizuar sot. Per kete arsye, mbase eshte koha qe shteti shqiptar te hedh hapa konkrete, per ngritjen e FBI-s shqiptare, nje shembull qe me shume sukses po e ndjek dhe Britania e Madhe, koheve te fundit me Agjencine kunder Krimeve te Renda (SOCA). Por perpara se te shkojme ne argumentimin se pse ngritja e nje strukture te tille eshte emergjente ne Shqiperi, do te ishte me interes te shtjellonim disa detaje, te cilat nuk jane evidentuar dukshem ne analizat e fundit te ngjarjes ne Durres.

Se pari, ata qe humben jeten ne kete krim nuk ishin police te thjeshte, por nder efektivet me me eksperience ne vend. Ky perben nje shqetesim mjaft serioz, pasi tregon se prej kohesh sofistikimi i krimit ne Shqiperi po i kalon permasat e krimit ordiner dhe po konturohet ne nje krimi mjaft profesional dhe te tipit mafioz. Ne kete drejtim analiza per kete ngjarje duhet te jete thelbesore dhe jo te mjaftohet vetem ne gjetjen e autoreve, pergjegjes direkt te ketij deshtimi. Se dyti, rasti Dajti konfirmon dhe nje here se struktura dhe format e operimit te krimineleve shqiptare nuk kane pesuar ndonje ndryshim te dukshem gjate periudhes se tranzicionit, gje qe tregon se metodologjite e luftes kunder krimit te organizuar ne Shqiperi, nuk kane dhene rezultatin e duhur. Karakteristikat e pershkruara nga shume studiues serioze te krimit te organizuar ne Shqiperi, si francezi Reufer konfirmohen dhe nga tipologjia e grupit te Dritan Dajtit. Edhe ketu struktura e grupit, ndertohet ne nje njesi te vogel (zakonisht nuk e kalon nr. 5), kryesisht me nje anetaresi qe bazohet ne lidhje gjaku, jane shume inteligjent, te dhunshem dhe ambientohen shume shpejt me teknologjite e kohes. Se treti, ajo qe bie ne sy eshte gjithashtu dhe arsimimi deri diku superior, i autorit te krimit me shumicen e njesise speciale, gje qe nxjerr ne pah se kontingjenti i krimit tashme eshte shume me cilesor se me pare. Se katerti, sipas medias se fundi, numrat e telefonit qe posedonte Dritan Dajti tregojne shtrirjen dhe forcen e krimit te organizuar, i cili jo vetem qe ka lidhje me kapjen e strukturave shteterore por dhe me fushen e biznesit. Lidhja e krimit me biznesin eshte nje tjeter faktor shqetesues, pasi jo vetem qe veshtireson investigimin e krimit por kriminalizon dhe biznesin, duke deformuar keshtu zhvillimin ekonomik nga nje ekonomi e rregulluar nga forcat e tregut te lire, ne nje ekonomi te influencuar nga krimi i organizuar. Me pak fjale, krimi i organizuar ne Shqiperi eshte mjaft aktiv. Ai nuk eshte minimizuar por perkundrazi, gradualisht po shnderrohet ne forma shume me te sofistikuara, sjellje po aq te dhunshme sa me pare. Kjo situate e ben imperative ngritjen e nje agjencie speciale, e denje per t'u perballur me keto sfida te kohes.

Pra per t'iu kthyer analizes sone ne lidhje me ngritjen e nje strukture speciale, sic do te ishte nje FBI e mundshme shqiptare, rasti i Dritan Dajtit tregon se pervec ndryshimeve ligjore parciale, sic jane dhe ndermarrjet e fundit te kryeministrit ne lidhje me rishikimin e ligjit perkates per statusin e policeve te vrare ne krye te detyres, ky i fundit duhet te beje pikerisht ate qe Presidenti amerikan Rusvelt, beri ne vitin 1908. Shume faktore te Amerikes se atehershme, qe shtyne presidentin e asaj kohe per kete nisem, nuk ndryshojne me situaten aktuale ne Shqiperi. Nje shoqeri ku dhuna eshte mjaft prezent, zhvillimet e shpejta teknologjike, korrupsioni galopant ne politike dhe strukturat lokale, levizje masive demografike ne qytetet kryesore, monopolet e reja te bisnesit, ndryshimet e shpejta ideologjike, si dhe lufterat ne rajon e bejne te domosdoshme ngritjen e kesaj agjencie.

Ky institucion duhet te jete teresisht i pavarur politikisht dhe juridiksioni i tij, duhet te perfshije si sektorin shteteror dhe ate privat. Ashtu sikurse FBI kjo agjenci duhet te hetoje kryesisht krimin e organizuar, korrupsionin, terrorizmin dhe vjedhjet, mashtrimet e permasave serioze.

Ne kete njesi duhet te perfshihen shume drejtori, qe sot gjenden nen 'sqetullat' e ekzekutivit, si drejtori qe lidhen me krimin ekonomik dhe luften kunder korrupsionit. Shtrirja e 'pushtetit' te saj edhe ne luften kunder korrupsionit, eshte mjaft e rendesishme sidomos ne investigimin e atyre institucioneve qe merren sot direkt apo indirekt, me luften ndaj krimit dhe korrupsionit, si gjykatat, prokuroria, Kontrolli i Larte i Shtetit, Inspektorati i Deklarimit dhe Kontrollit te Pasurive etj.

Statusi i kesaj agjencie duhet te jete prestigjioz, si ne kuptimin financiar por dhe ne imunitetin e ofruar, kjo dhe per vete specifiken e kesaj agjencie. Rekrutimi duhet bazuar jo me ne individ me "muskuj" sic ka ndodhur rendom ne strukturat tona te antikrimit, por ne njerezit me te kualifikuar dhe te profesionalizuar ne fushat perkatese, qe lidhen me vete profilin e saj.

Kjo agjenci realizon pikerisht ato, qe sistemi yne ndaj krimit te organizuar dhe korrupsionit vuan. Nje agjenci moderne dhe mjaft e specializuar ne keto drejtime. Nje institucion me fleksibilitetin dhe shpejtesine, per t'u perballur me zhvillimet teknologjike dhe financiare te kohes, qe sherbejne ne sofistikimin e krimit. Konsolidimin ne nje strukture te vetme dhe te pavarur politikisht, te shume drejtorive te shperndara sot ne institucione te ndryshme shteterore, nen kontrollin e ekzekutivit. Kjo do te rris eficencen ne goditjen ndaj shume lidhjeve te krimit, me boten e politikes dhe bisnesit. Do te ndihmoje ne nje nderlidhje me te mire midis strukturave perkatese, brenda se njejtes agjenci, shkembim me te kontrolluar te informacionit si dhe ruajtjen dhe forcimin e tradites dhe ekspertizes ne kete drejtim, gje qe 'rrjedh' shpesh ne Policine e Shtetit me ndryshimet politike. Qeveria shqiptare duhet ta shikoje me perparesi ngritjen e kesaj agjencie, si nje mjet tashme i certifikuar ne sukseset e saj ne luften ndaj krimit te organizuar dhe korrupsionit. [/QUOTE]

Koha Jone

[shigjeta]

Juristi gjerman, Johen Frovain kundër Byrosë Kombëtare të hetimit

Në një intervistë për “ABC News”, juristi i njohur gjerman Johen Frovain, e konsideron të rrezikshme për destabilizimin e shtetit ligjor nismën për ngritjen e byrosë kombëtare të hetimit, por dhe një shkrirje të mundshme të Gjykatës Kushtetuese me atë të Lartë në një gjykatë supreme.
“Kjo sigurisht nuk është e lehtë për t’u gjykuar, por unë do ta shihja si shumë të rrezikshme nëse qeveria e re do të ndryshonte ato institucione që tashmë kanë krijuar një traditë dhe që kanë bërë një rrugë të të rëndësishme për forcimin e shtetit ligjor në Shqipëri. Unë do të dyshoja që shkrirja e Gjykatës Kushtetuese me atë të Lartë, në kundrështim me traditën e krijuar, do të ishte ide e mirë në këtë moment në Shqipëri”, tha ai.
Ndërsa për byronë e hetimit Frovain thotë se nuk njeh një model të ngjashëm në europë.
“Nuk është diçka që mund ta krahasoj me ndonjë sistem për aq sa e njoh unë drejtësinë. Dhe duhet të them përsëri: shpresoj të mos destabilizohet sistemi për drejtësinë kriminale që ekziston në Shqipëri. Institucionet e reja të këtij lloji mundet që vërtetë të rrezikojnë funksionimin normal të rregullave ekzistuese”, sqaroi juristi gjerman.
E rëndësishme sipas tij është që qeveria e re që mori një mandat të qartë nga zgjedhësit shqiptarë të punojë për forcimin e shtetit ligjor, por jo duke krijuar struktura qe destabilizojnë funksionimin normal të tij
“Pas ndryshimit të qeverisë me një vendim të qartë elektoral të popullit, mendoj që duhet të evitohet çdo gjë që do të destabilizonte strukturën e institucioneve të një shteti”, deklaroi Frovain.

ABC

[DYDRINAS]

Sokol Bizhga dhe Theodhori Sollaku, dy kandidatët për drejtues të byrosë

3 Nëntor 2013 | : Aktualitet,Kryesoret | Autor: Sokol Çobo

Bizhga, oficer karriere, Sollaku ish-kryeprokuror

Një oficer karriere dhe një ish-kryeprokuror janë në garë për drejtues të Byrosë Kombëtare të Hetimit. Burime nga Ministria e Brendshme pohojnë se Sokol Bizhga, aktualisht nëndrejtor i Policisë së Shtetit për hetimin e krimeve, është kandidati kryesor për këtë post. Kandidati tjetër është një emër i njohur i drejtësisë. Ai është Theodhori Sollaku, ish-prokuror i Përgjithshëm, dhe i shkarkuar nga mazhoranca e kaluar.

Bizhga

Nëndrejtori aktual i Policisë së Shtetit, mund të jetë drejtuesi i Byrosë Kombëtare të Hetimit. Sokol Bizhga aktualisht është nëndrejtor i hetimit të krimit, dhe duke qenë se në momentin e miratimit të BKH, pozicioni i Bizhgës suprimohet, atëherë ai mund të drejtojë këtë strukturë të re, që pritet të miratohet me vendim të Këshillit të Ministrave. Ky kandidat e njeh mjaft mirë hetimin e krimeve, pasi në karrierën e tij në polici ka drejtuar një sërë komisariatesh, apo drejtorish, dhe të gjitha për hetimin e krimeve. Madje, Bizhga ka qenë edhe dëshmitar i masakrës së Qafë-Gjashtës, ku mbeti i vrarë edhe një punonjës policie. Ai ka dëshmuar në Prokurorinë dhe Gjykatën e Krimeve të Rënda, duke dhënë një ndihmesë për zbardhjen e kësaj ngjarjeje. Pas vitit 1997, Bizhga ka punuar në një sërë sektorësh, komisariatesh dhe drejtori të Policisë në qarqe, ku ka dhënë ndihmë të madhe për hetimin e ngjarjeve të rënda kriminale. Por, karriera e tij duket se u “ndërpre” për tetë vite me radhë, pasi në këtë kohë ka qenë specialist krimesh në Berat, dhe së fundmi në Policinë e Shtetit, sërish në hetimin e krimeve. Pas ardhjes të drejtuesve të rinj politikë në Ministrinë e Brendshme, Bizhga u “gradua”, duke u vendosur nëndrejtor i Policisë së Shtetit.

Sollaku

Ndërkohë, kandidati tjetër, është pikërisht Theodhori Sollaku, një emër i njohur për drejtësinë. Ish-prokurori i Përgjithshëm mund të sjellë një menaxhim të mirë të kësaj strukture, duke qenë se i njeh mjaft mirë teknikat e hetimit. Madje, mund të menaxhojë mirë edhe sulme të mundshme politike. Por, nga ana tjetër, emri i Sollakut mund të kundërshtohet nga opozita, pasi mund të cilësohet politik. Ka qenë mazhoranca e kaluar ajo që e hoqi nga drejtimi i Prokurorisë së Përgjithshme.

Me krijimin e Byrosë, pozicioni i Bizhgës si nëndrejtor i Policisë së Shtetit suprimohet

Rama

“Me themelimin dhe fuqizimin e Byrosë Kombëtare të Hetimit, një strukturë e re që së shpejti do të vihet në jetë, do të kemi një standard tjetër në hetimin e veprave penale, duke forcuar gjithë zinxhirin institucional dhe duke pasur një hallkë të munguar për të koordinuar organet e rendit me organet e drejtësisë”

Tahiri

“Qytetarët kanë frikë të jetojnë për sigurinë dhe shëndetësinë, kanë ankthin për të bërë biznes. Krimi është i lirë, në të kundërt, nga shteti. Ja pse jemi angazhuar të kthejmë shtetin në vendin e vet dhe do themelojmë Byronë Kombëtare të Hetimit, do t’i japim tjetër ritëm krimit të organizuar”

Programi i PS

Në Byro do të funksionojnë të ndara zyra e ekspertëve të antidrogës dhe drejtimi i luftës kundër trafiqeve të qenieve njerëzore; do jetë zyra e ekspertizës së armëve, eksplozivëve, si dhe sektori i antiterrorit. Do të jetë dhe zyra e drejtimit të luftës kundër pastrimit të parave dhe korrupsionit



Deklarata

Naço: Byroja do të hetojë zyrtarët e lartë të administratës

Ministri i Drejtësisë, Nasip Naço, tha dje se Byroja Kombëtare e Hetimit do të jetë një strukturë që do hetojë zyrtarët e lartë të shtetit, por gjithashtu do drejtojë dhe kontrollojë zyrtarët e mesëm dhe të ulët. “Byroja Kombëtare e Hetimit do ngrihet si një nukël përgjegjës për të hetuar zyrtarët e lartë të administratës shtetërore, por sigurisht do drejtojë dhe kontrollojë për pjesën e zyrtarëve të mesëm dhe të ulët. Pra do jetë një strukturë që krahas detyrave të tjera që bën për të hetuar, do hetojë si një nukël në rastet e korrupsionit, për të cilët besoj se dhe ndërkombëtarët presin më shumë nga kjo mazhorancë”, deklaroi ministri Naço. Ai foli edhe për paketën e re për ndryshimet në sistemin e drejtësisë, duke nënvizuar se ndryshimi i kompetencës, pra hetimi i rasteve të korrupsionit që do të bëhet nga prokuroria dhe Gjykata e Krimeve të Rënda, do të japë efektet e duhura. “Pra i japim këtij institucioni mundësinë që të reagojë dhe të luftojë realisht korrupsionin”, theksoi ministri.

Naço ka folur edhe për gjykatat administrative, të cilat fillojnë punën nesër. “Ministria e Drejtësisë ka marrë të gjitha masat. Janë gjetur ambientet e përshtatshme, janë emëruar personat, kancelarët dhe pjesa e infrastrukturës së nevojshme. Emërimet e gjyqtarëve janë bërë. Ka disa vende vakante në Gjirokastër, Vlorë dhe në Korçë dhe unë jo pa qëllim i kërkova KLD-së të plotësohen këto vende vakante dhe të shikohen me prioritet në mbledhjen e ardhshme, por nuk ka asnjë pengesë që gjykata mos të fillojë punë në datën 4. Unë jam i bindur që gjykata do të fillojë që të funksionojnë që në datën 4”, përfundoi ministri.

Ministri

BKH do të hetojë zyrtarët e lartë të administratës shtetërore, por sigurisht do drejtojë dhe kontrollojë për pjesën e zyrtarëve të mesëm dhe të ulët

shqip

[DYDRINAS]

Drafti paraprak: Drejtoria, varësi nga Drejtori i Policisë së Shtetit

Sokol Çobo

shqip

Drejtimi

Ministria e Brendshme pohon se deri më tani është përjashtuar mundësia që kjo strukturë të varet nga Kryeministri apo ministri i Brendshëm, pasi në këtë mënyrë, çdo hetim, apo arrestim, mund të konsiderohej si politik

Varësia

Është propozuar që kjo agjenci të ketë kompetencë në të gjithë territorin. Madje, do të ketë struktura në çdo drejtori të policisë në qarqe, të cilat nuk do të varen nga drejtori i qarkut, por nga drejtori i Përgjithshëm i Policisë së Shtetit

Hetimet

Ndarja strukturore e kësaj drejtorie duhet të ruajë drejtimet aktuale të grupuara për luftën kundër krimit ekonomik financiar, korrupsionit, drogës, trafiqeve, terrorizmit, vepra penale që hetohen nga Prokuroria e Krimeve të Rënda

Një nga strukturat e reja në Policinë e Shtetit do të jetë Byroja Kombëtare e Hetimit (BKH), struktura e së cilës do të përmbysë sërish të gjithë hierarkinë e policisë, pasi do të ketë lëvizje të reja. Kjo strukturë është parashikuar të implementohet në polici në fillim të vitit 2014, ndërsa grupet e interesit kanë filluar prej muajsh punën për të realizuar organigramën dhe drejtuesit e tyre. Varësia e kësaj strukture ende nuk është përcaktuar, por me shumë gjasa BKH do të varet drejtpërdrejt nga drejtori i Policisë së Shtetit. Burime nga Ministria e Brendshme thanë për gazetën Shqip se deri më tani është përjashtuar mundësia që kjo strukturë të varet nga Kryeministri apo ministri i Brendshëm, pasi në këtë mënyrë, çdo hetim, apo arrestim, mund të konsiderohej si politik.

Kompetenca

Burimet nga ministria pohojnë se në tryezën e punës është propozuar që kjo agjenci të ketë kompetencë në të gjithë territorin. Madje, do të ketë struktura në çdo drejtori të policisë në qarqe, të cilat nuk do të varen nga drejtori i qarkut, por nga drejtori i Përgjithshëm i Policisë së Shtetit. Pra, fillimi i hetimeve për korrupsion, apo edhe i dosjeve të vjetra të vrasjeve, për shembull në Durrës, do të ndiqet drejtpërdrejt nga drejtori i BKH në Tiranë, dhe jo nga qarku. Ndarja strukturore e kësaj drejtorie duhet të ruajë drejtimet aktuale të grupuara për luftën kundër krimit ekonomik financiar, korrupsionit, drogës, trafiqeve, terrorizmit. Pavarësisht këtij organizimi për efekt të rritjes së efektivitetit dhe eficencës në luftë kundër krimit të organizuar, policia vendore duhet të ketë për detyrë të ndjekë çdo vepër penale të përcaktuar në Kodin Penal. Ndërkohë, do të jetë në kompetencën e kësaj drejtorie dhe të Prokurorisë së Krimeve të Rënda për të vlerësuar dhe bërë veçimin e veprës penale për ndjekje të mëtejshme nga struktura vendore apo nga Drejtoria e Policisë për Krimet e Rënda. Kryerja e këtyre ndryshimeve do të bënte të mundur edhe një funksionim më të mirë të prokurorisë dhe gjykatave për Krime të Renda, me qëllim për rritjen e efektivitetit kundër krimit të organizuar dhe krimeve të renda, si dhe përmirësimin e cilësisë së hetimit e gjykimit të tyre.

Çfarë do hetohet

Në projekt-draftin që po përgatitet nga specialistë të policisë së Shtetit dhe Ministrisë së Brendshme, në bashkëpunim me Ministrinë e Drejtësisë dhe Prokurorinë e Përgjithshme, parashikohen të hetohen një sërë veprash penale, që janë kompetencë e Prokurorisë së Krimeve të Rënda. Ndryshimet e pritshme në ligjin “antimafie” dhe në Kodin e Procedurës Penale do i transferojnë veprat penale në fushën e korrupsionit te Krimet e Rënda. Dhe, në këtë mënyrë, zgjerohen kompetencat e BKH, e cila do të funksionojë në çdo qark. Sipas draftit paraprak, kjo drejtori do të hetojë edhe veprat penale krime kundër njerëzimit, gjenocidin, krimet e luftës. Madje do të hetojë vrasjen në rrethana të tjera cilësuese të deputetit, gjyqtarit, prokurorit etj., gjatë detyrës ose për shkak të saj. “Kjo drejtori do të hetojë edhe vrasje në rrethana të tjera cilësuese, të kallëzuesit, dëshmitarit të të dëmtuarit. Do të hetojë rrëmbimin ose mbajtjen peng të personit, shtrëngimit me anë të kanosjes ose dhunës për dhënien e pasurisë dhe trafikimin e personit”, pohojnë burimet nga ministria. Sipas saj, madje kompetencë do të jetë edhe për rrëmbimi i avionëve, anijeve dhe mjeteve të tjera, ashtu si edhe trafikimi i femrave, të të miturve. Burimet pohojnë se oficerët e policisë gjyqësore kanë të drejtë të hetojnë edhe atentatin, komplotin, kryengritjen, vepra me qëllime terroriste, financimi i terrorizmit apo edhe fshehja e fondeve dhe e pasurive të tjera, që financojnë terrorizmin. Mësohet se kjo drejtori do të hetojë edhe rekrutimin e personave për kryerjen e veprave me qëllim terrorizmit ose financimit të terrorizmit, stërvitja për kryerjen e veprave me qëllim terrorizmi, krijimi i turmave të armatosura, madje edhe prodhimi i armëve luftarake, organizata terroriste, banda e armatosur, trafikimi i armëve dhe municionit, trafikimi i lëndëve plasëse, djegëse, helmuese dhe radioaktive. Kompetencë do të ketë edhe për trafikimin e narkotikëve, organizimi dhe drejtimi i organizatave kriminale, pastrimi i produkteve të veprës penale, organizata kriminale, grupi i strukturuar kriminal dhe kryerja e veprave penale nga organizata kriminale dhe grupi i strukturuar kriminal.

Lëvizjet e OPGJ-ve

Pas miratimit të strukturës së BKH do të fillohet me rekrutimin e oficerëve të policisë gjyqësore. Pritet që të ketë sërish lëvizje nga radhët e Policisë, ku më të prekurit do të jenë padyshim oficerët e atashuar pranë prokurorive, apo edhe strukturat kriminale në të gjithë vendin. Këtyre oficerëve u suprimohet vendi i punës, ndërsa do të jenë drejtuesit e Byrosë ata të cilët do të vendosin nëse këta hetues do të jenë apo jo pjesë e kësaj drejtorie.



Kjo drejtori do të hetojë vrasjen në rrethana të tjera cilësuese të deputetit, gjyqtarit, prokurorit etj., gjatë detyrës ose për shkak të saj

Struktura

Drafti po përgatitet nga specialistë të Policisë së Shtetit dhe Ministrisë së Brendshme, në bashkëpunim me Ministrinë e Drejtësisë dhe Prokurorinë e Përgjithshme

Përgjimet

Byroja Kombëtare e Hetimit do të ketë akses edhe në përgjimet dhe vëzhgimet, ndërsa do t’i duhet të koordinohet me Prokurorinë e Krimeve të Rënda, apo me Prokurorinë e Përgjithshme

Ligjet

Mësohet se kjo Byro, pas përfundimit të draftit në Ministrinë e Brendshme dhe në Ministrinë e Drejtësisë, pritet të miratohet me vendim të Këshillit të Ministrave

Krimet

Me ngritjen e Byrosë, strukturat e hetimeve të krimit në Policinë e Shtetit, apo në drejtoritë e policive në qarqe pritet që të shkrihen dhe hetuesve t’u suprimohet vendi

[Albo]

Projektligji, Byroja Kombëtare e Hetimit, me “50 të paprekshëm

TIRANE - Zbardhet projekti përfundimtar për Byronë Kombëtare të Hetimit, struktura “elitë”, e kërkuar me ngulm nga Kryeministri Rama dhe e cilësuar si FBI-ja shqiptare. Kjo strukturë, që përfundimisht është vendosur të jetë brenda Policisë së Shtetit, do të ketë vetëm 50 punonjës, të cilët do të jenë OPGJ, agjentë policie dhe ekspertë nga fusha të tjera. Me rregullat e vendosura për emërimin, shkarkimin dhe detyrat e tyre, mund të thuhet pa dyshim se punonjësit e Byrosë Kombëtare të Hetimit do të jenë “50 të paprekshmit”. Për më tepër, secili prej tyre do të ketë një shtesë mbi pagën për vështirësi në vlerën 76 mijë lekë në muaj, e cila është paga referuese në polici.

FBI-ja shqiptare
Në projektligjin e policisë, të dërguar në qeveri, është lënë një kapitull i veçantë për Byronë Kombëtare të Hetimit. Kjo strukturë e veçantë do të kryejë veprimtari gjurmuese dhe hetimore në përputhje me legjislacionin penal dhe procedural penal, për veprat penale në fushën e korrupsionit dhe të veprimtarisë së organizuar kriminale dhe do të ketë varësi dyfishe mes Drejtorit të Përgjithshëm të Policisë dhe Prokurorit të Përgjithshëm. Ajo ushtron kompetencat në të gjithë territorin e vendit dhe për veprimtarinë gjurmuese do të përgjigjet para Drejtorit të Policisë së Shtetit dhe për veprimtarinë hetimore procedurale do të përgjigjet para prokurorit. Sipas draftit të dorëzuar në qeveri, organizimi dhe funksionimi i Byrosë Kombëtare do të përcaktohet me urdhër ministri, megjithëse është përcaktuar se ajo do të ketë vetëm 50 punonjës.

Kreu i byrosë
Për emërimet në këtë strukturë mësohet se do të ketë një sërë kushtesh, por më të forta do të jenë ato për shkarkimin e punonjësve të saj. Sa i përket drejtuesit të BKH-së mësohet se ai do të emërohet nga ministri, me propozimin e Drejtorit të Policisë së Shtetit për një periudhë katërvjeçare dhe në momentin e emërimit, do t’i jepet grada “Drejtues i lartë” (sipas sistemit të ri të gradave, i parashikuar në ligjin e ri të policisë). Në një nen të veçantë të projektligjit mësohet se drejtuesi i Byrosë Kombëtare të Hetimit mund të emërohet nga radhët e Policisë së Shtetit ose prokurorëve në detyrë. “Pas përfundimit të mandatit, me pëlqimin e tij, ai ka të drejtë të emërohet në funksionin e mëparshëm ose në një funksion të barasvlershëm me vendin e mëparshëm”, thuhet në draft. Por, në nenin 28 të ligjit të ri janë përcaktuar kritere të forta për të përzgjedhurin. Drejtuesi i Byrosë Kombëtare të Hetimit duhet të ketë arsim policor ose juridik, të ketë gradën policore “Drejtues i parë”, kur është punonjës policie. Ai duhet të ketë eksperiencë mbi dhjetë vjet në hetimin e veprave penale në fushën e korrupsionit, krimit të organizuar ose krimeve të rënda, të ketë aftësi të larta profesionale, të ketë cilësi të larta morale dhe të mos jetë nën efektet e një mase disiplinore.

Punonjësi i byrosë
Kurse punonjësi i Byrosë Kombëtare të Hetimit përzgjidhet nga radhët e punonjësve të policisë ose të personave me njohuri të posaçme. Përzgjedhja bëhet nëpërmjet një procesi konkurrimi transparent, sipas rregullave e procedurave të përcaktuara në rregulloren e policisë dhe emërimi i tyre bëhet nga drejtori. Për oficerët e policisë gjyqësore merret miratimi paraprak i Prokurorit të Përgjithshëm. Çdo punonjës i BKH-së duhet të ketë të paktën arsimin policor, ose juridik. Veç këtij kriteri, kandidatët duhet të kenë eksperiencë mbi pesë vjet në hetimin e veprave penale në fushën e korrupsionit, krimit të organizuar ose krimeve të rënda. Për funksione të veçanta në BKH, punonjësit duhet të kenë përfunduar arsimin e lartë përkatës dhe të kenë jo më pak se 7 vjet përvojë pune në fushën ku kërkohen njohuritë e veçanta.

Shtesa e pagës
Punonjësit, të cilët do të emërohen në këtë strukturë të veçantë të policisë, pritet të përfitojnë pagat më të larta të dhëna ndonjëherë në strukturat policore për shkak të shtesave që janë parashikuar në draft. Në nenin 33 të tij thuhet se punonjësi i Byrosë Kombëtare të Hetimit përfiton shtesë në masën 100% mbi pagën referuese. Pra veç pagës bazë për gradë që jepet në këto struktura, ata do të përfitojnë 76 mijë lekë më shumë, aq sa është paga referuese në polici. Po ashtu, këto struktura pritet të kenë të gjithë aksesin e nevojshëm për informacion. “Gjatë kryerjes së veprimtarisë hetimore, personat juridikë, entet publike dhe shtetasit janë të detyruar t’i japin oficerit të policisë gjyqësore të Byrosë Kombëtare të Hetimit akses të pakufizuar për mbledhjen e provave për t’u përdorur në një proces penal, në zbatim të dispozitave të Kodit të Procedurës Penale”, citohet në projektligj.

Neni 29
Lirimi nga detyra i Drejtuesit të Byrosë
1. Drejtuesi i Byrosë lirohet nga detyra:
a) kur përfundon afatin e qëndrimit në detyrë
b) për shkelje të Kushtetutës ose për shkelje të rënda të ligjit gjatë ushtrimit të detyrës
c) për sjellje që diskreditojnë rëndë pozitën dhe figurën e tij
d) për shkelje të rënda dhe shumë të rënda të disiplinës në ushtrimin e funksioneve të policisë gjyqësore, sipas ligjit përkatës
e) kur dënohet me vendim gjykate të formës së prerë për kryerjen e një vepre penale
f) kur jep dorëheqjen
g) kur mbush moshën e pensionit
h) kur i hiqet ose i kufizohet zotësia për të vepruar me vendim gjykate të formës së prerë.

2. Në rastet e parashikuara në pikën 1, shkronja “a” dhe “b” lirimi nga detyra bëhet me propozim të Drejtorit të Policisë së Shtetit.

Neni 32
Largimi i Punonjësit të Byrosë Kombëtare të Hetimit
1. Punonjësi i Byrosë Kombëtare të Hetimit largohet vetëm për shkelje të rënda disiplinore. Për oficerët e policisë gjyqësore merret miratimi i Prokurorit të Përgjithshëm.

Ligji i ri
Forcohen rregullat për policët e politizuar
Policia duket se do të forcojë më shumë edhe çështjen e pjesëmarrjes së punonjësve të policisë në politikë. Me ligjin e ri deklarohet se punonjësi i policisë ndalohet të jetë anëtar i një partie ose organizate politike, siç ka qenë edhe më parë, por ndryshimi qëndron në faktin se ai ndalohet edhe të mbështesë fushatën e një partie, organizate politike, të një anëtari partie politike apo të një kandidati të pavarur, duke marrë pjesë ose duke kontribuar fizikisht ose financiarisht. Kufizime i janë bërë punonjësit të policisë edhe për veprimtari të dyta. Sipas draftit, punonjësi i policisë nuk mund të punësohet ose të kryejë veprimtari tjetër private me përjashtim të mësimdhënies. Me ligjin aktual, punonjësi i policisë lejohej të punonte në disa profesione, por që përcaktoheshin çdo fillimviti nga Drejtori i Përgjithshëm. Kjo e drejtë do t’i hiqet punonjësit të policisë, duke i lënë vetëm profesionin e mësimdhënies, madje edhe për këto raste, ai ka detyrimin të marrë miratimin me shkrim të drejtuesit të strukturës.

Përfitimet e reja të policisë
Në detyrë
Punonjësi i policisë gëzon të drejtën e lejes pa të drejtë page për një periudhë afatshkurtër deri në 2 muaj ose afatgjatë deri në 3 vjet.
Punonjësi i policisë përfiton shtesë për vjetërsi shërbimi në masën 1% për çdo vit deri në 25 vjet.
Trajtim me ushqim për struktura sipas përcaktimeve me Vendim të Këshillit të Ministrave.
Shpërblim në fund të vitit në masën e një page mujore.
Ndihmë të menjëhershme financiare në rast të dëmtimit të rëndë të pronës për shkak të detyrës.
Punonjësi i policisë përfiton sigurim shëndetësor të veçantë.
Punonjësi i policisë përfiton kredi për strehim me një interes në masën 3%.
Punonjësit të policisë, kur emërohet/transferohet jashtë vendbanimit të tij të përhershëm, brenda dhe jashtë vendit, i jepet kompensim për qira banese.
Punonjësi i policisë përfiton sigurim jete sipas rregullave të përcaktuara me VKM.

I liruar
Punonjësi i Policisë që ndërpret marrëdhëniet e punës me policinë përfiton pagesë kalimtare, pension të parakohshëm suplementar, pension shërbimi dhe pension suplementar pleqërie.
Për çdo vit shërbimi mbi 15 vite për meshkujt dhe 12 vite për femrat, punonjësi përfiton shtesë në masën 2% të pagës referuese të muajit të fundit. Shuma e përfitimit nuk duhet të jetë më shumë se 65% e pagës referuese të muajit të fundit.
Punonjësi i Policisë ka të drejtë të dalë në pension shërbimi kur ka plotësuar 25 vite vjetërsi shërbimi dhe moshën 50 vjeç.
Punonjësi i Policisë, që përfiton pension shërbimi, përfiton shpërblim të menjëhershëm në masën e dymbëdhjetë pagave të pagës referuese të muajit të fundit.

Humbja e jetës
Kur Punonjësi i Policisë humb jetën për shkak të detyrës, pjesëtarët e familjes përfitojnë ndihmë të menjëhershme financiare deri në 10 paga mujore referuese të muajit të fundit.
Familja përfiton pension familjar suplementar në masën 100% të pagës mujore të muajit të fundit kalendarik të shërbimit, pavarësisht nga periudha e sigurimit.
Familja përfiton rimbursim në masën 100% të bursës së studimit në institucionet e arsimit shtetëror për fëmijët e punonjësit.
Familja përfiton banesë falas për bashkëshorten/in dhe fëmijët kur janë të pastrehë.
Familja përfiton një pagë mujore referuese çdo përvjetor vdekjeje.
Ceremonia mortore organizohet nga drejtuesi i strukturës dhe shpenzimet paguhen nga buxheti i policisë.

(er.nu/Shqip/BalkanWeb)

[Albo]

Shume i zene do te jete kryeministri yne i dashur.

Ai eshte dhe Rilindas.
Ai eshte edhe Kryetar i PS.
Ai eshte edhe Kryeminister.
Ai eshte edhe Deputet.
Ai eshte edhe Komandant i Forcave te Armatosura te Shqiperise.
Ai eshte edhe Kryeprokurori tani.
Ai eshte edhe Gjykates.

Kur ka gjetur nje popull budalla, mire ua ben.

Albo

[Albo]

Byroja e re e Hetimit, përgjime pa urdhër nga Prokuroria për rastet e korrupsionit



Kryeministri Rama, ministri Tahiri dhe kreu i Policisë, Didi

Drafti i Ministrisë së Brendshme pritet të diskutohet në Parlament.

Punonjësit e Byrosë, veprimtari gjurmuese për korrupsionin.

Projektligji i ri i përgatitur nga qeveria i jep të drejtë Byrosë së Hetimit të përgjojë dhe vëzhgojë pa marrë më parë urdhrin nga prokurori.
Drafti i miratuar në Këshillin e Ministrave dhe që prej disa ditësh ndodhet në Parlament, parashikon për herë të parë ngritjen e një strukture e cila do të varet nga ministri i Brendshëm.

Projektligji
Në nenin 26 të draftit që do të shqyrtohet në javët e ardhshme edhe në Komisionin e Ligjeve, përcaktohet e drejta e punonjësve të Byrosë Kombëtare të hetimit të kryejnë veprimtari gjurmuese dhe hetimore. Kjo do të thotë se këta punonjës nuk kanë detyrimin të marrin, siç ndodh aktualisht me forcat e Policisë, urdhrin nga prokurori për të përgjuar, vëzhguar apo mbledhur të dhëna për personin që kanë nën kontroll. “Byroja Kombëtare e Hetimit është strukturë e veçantë e Policisë së Shtetit. Kjo strukturë kryen veprimtari gjurmuese dhe hetimore, në përputhje me legjislacionin penal dhe procedural penal, për veprat penale në fushën e korrupsionit dhe veprimtarinë kriminale të lidhur me të”, thuhet në nenin 26 të këtij projektligji.

(Lajmin e plote e lexoni sot ne gazeten Panorama)

ADI SHKEMBI

[Albo]

Pra shoku Rama, shoku Tahiri dhe mustaqja bashkefshatar i shokut Ruci, mund te hetojne cdo shqiptar qe duan, pa i marre leje fare prokurorise.

Edhe organin e akuzes e morem ne duar.
Edhe policine e morem ne duar.
Edhe ushtrine e morem ne duar duke e bere Edi Ramen komandat.

Keshtu po, po shkojme te sigurt drejt Enveristanit!

Albo

[Albo]

Prokuroria kundër Byrosë së Hetimit: Shkelje kushtetuese

Prokuroria del kundër projektligjit të ri të Ministrisë së Brendshme për Byronë e Hetimit.

Në një letër që kryeprokurori Adriatik Llalla i ka dërguar ministrit Tahiri dhe kreut të Komisionit të Ligjeve, Fatmir Xhafaj, ka renditur disa vërejtje të institucionit që ai drejton për draftin që po diskutohet në Parlament. Sipas Llallës, parashikimi në ligj që Byroja e Hetimit përgjigjet edhe para prokurorit për veprimtarinë hetimore procedurale, bie ndesh me Kodin e Procedurës Penale, sipas të cilit Policia Gjyqësore (Byroja) i ushtron funksionet nën varësinë e prokurorit, përgjigjet para tij, drejtohet dhe kontrollohet prej tij. “…formulimi i mësipërm në këtë projektligj krijon përplasje me kuadrin ligjor në fuqi dhe paqartësi që mund të keqinterpretohen në shkelje të parashikimeve të cilësuara të Kodit të Procedurës Penale dhe ligjin për Policinë Gjyqësore”, thuhet në letrën e Prokurorisë. Sipas këtij institucioni, në projektligjin e propozuar Policia varet nga ministri përgjegjës, ndërkohë që ligji që është ende në fuqi e parashikon Policinë si pjesë e strukturës së Ministrisë. “Në nenin 123 të projektit, ‘Mbledhja dhe përpunimi i të dhënave personale’, në pikën 2 është parashikuar se Policia, për të realizuar mbledhjen e të dhënave, mund të përdorë regjistrimin me kamera në mjedise… private, normim i cili bie ndesh me nenin 37 të Kushtetutës dhe nenin 221 e vijues të K. Pr. Penale, pasi regjistrimi me kamera në ambiente private nuk mund të kryhet pa autorizim/vendim gjyqësor apo në rastet e flagrancës pa autorizim të prokurorit. Për këto arsye, sugjerojmë që në pikën 2 të këtij neni të hiqet fjala ‘private’”, vijon më tej letra e Prokurorisë.

(Artikullin e plotë e lexoni në numrin e sotëm të gazetës Panorama)

ADI SHKEMBI

Panorama

[Albo]

Deputetët e PS-së dhe LSI-së kundër Byrosë së Hetimit, Braho: U mbars mali e polli një mi

Dje gjate mbledhjes se komisionit te sigurise

Stërkaj: Jo të gjitha në një dorë. Çuko: Garda, 90 % pa punë.

Braho: Byroja e Hetimit, u mbars mali e polli një mi.

Deputetët e maxhorancës kanë kundërshtuar dje projektligjin e qeverisë për Policinë e Shtetit, që në nene të caktuara të tij parashikon edhe ngritjen e Byrosë Kombëtare të Hetimit dhe shkrirjen e Gardës së Republikës.

Pikërisht këto dy çështje ishin kundërshtia kryesore, që deputetët e maxhorancës bënë rolin e opozitarëve karshi draftit të qeverisë “Rama”. Projektligji u prezantua nga ministri i Brendshëm Saimir Tahiri, por për shkak të axhendës ai është larguar pa filluar debati në parim i deputetëve. Deputetët e PS-së Paulin Sterkaj e Arben Çuko dhe deputetët e LSI-së Luan Rama dhe Sparak Braho kundërshtuan nenet për shkrirjen e Gardës së Republikës dhe shndërrimin e saj në një drejtori në varësi të drejtorit të Përgjithshëm të Policisë. Sipas zv.ministrit të Brendshëm Ilirjan Mustafaraj, objekti i punës së Gardës dhe i Policisë është i njëjtë, ndaj dhe duhet të shkrihen në një të vetme. Por, kjo çështje ka ngjallur reagimin e socialistëve. Paulin Sterkaj tha se ky argument nuk qëndron dhe se Garda duhet të jetë autonome dhe jo të kapet me një projektligj. “Garda ka tjetër përgjegjësi, Policia ka tjetër përgjegjësi. Rastet e fundit na kanë treguar që Policia nuk ka radio. Policia nuk ka informacion. Humbi ai zotëria që u vra në mes të Tiranës. Nuk mund të shkojë edhe Byroja Hetimore, edhe Policia e Shtetit dhe Garda e Republikës me një dorë nën kontroll. Duhet të kenë drejtime të tjera. Ndryshoni ligjin dhe çojeni Gardën te Ministria e Mbrojtjes. Unë votën po jua deklaroj që jam kundër që të shkojë Garda nën urdhrin e drejtorit të Përgjithshëm të Policisë, unë jam që Garda të jetë autonome”, tha Sterkaj. Ndërkohë që gjatë debatit, edhe kryetari i Komisionit të Sigurisë, Spartak Braho, tha se projektligji nuk kishte asgjë konkrete për Byronë e Hetimit dhe nuk është bindës. Ai tha se ministria duhet të tregojë respekt për ekspertizën që kanë deputetët e Komisionit të Sigurisë, pasi sipas Brahos ata kanë qenë drejtues para se Saimir Tahiri të bëhej jurist. “Ju e kuptoni që këtu ka një opozitë me formulimet e ligjit, për dy pjesë, për pjesën e Byrosë Kombëtare të Hetimit, që është një ide shumë e madhe e lançuar nga Kryeministri, por që mendimi i përgjithshëm edhe në Komisionin e Ligjeve, edhe këtu, është që është mbarsur mali ka pjellë një mi atje. Ka një oponencë se pjesa më e madhe këtu kanë qenë kuadro, kanë drejtuar me dhjetëra vjet Gardën e Shtetit, përpara se të bëhej Saimiri jurist dhe ministër. Unë nuk bindem”, tha Braho. Edhe sipas socialistit Arben Çuko, me këtë ligj, rreth 90% e efektivëve të Gardës do të dalin pa punë, pasi nuk plotësojnë kriteret e formimit, pasi kanë arsimim ushtarak.

DEBATI NE KOMISION
Ilirjan Mustafaraj: Garda është totalisht brenda objektit të punës që bën Policia e Shtetit, edhe qëllimi, edhe mënyra, edhe forma e trajnimit, edhe e stërvitjes…
Paulin Sterkaj: A ka mundësi të më tregoni se si do njehsoni Gradën e punonjësit të Gardës me Gradën e punonjësit të Policisë? Nuk mendoj se do të funksionojë ky kombinim. Garda ka tjetër përgjegjësi, Policia ka tjetër përgjegjësi. Rastet e fundit na kanë treguar që Policia nuk ka radio. Policia nuk ka informacion. Humbi ai zotëria që u vra në mes të Tiranës. Nga ana ime ku kërkoj ta rishikoni, mund të ulet numri i gardistëve, mund të shikoni çështjen e pagave. T’i ndërrohet emri, por specifikën e shërbimeve nuk mund ta ndryshojmë, ky shërbim të shkojë sa të jetë jeta.
Luan Rama: Rezidencën e Kryeministrit, të Presidentit, godinën e Kryeministrit do ta ruash nesër me policë? Në cilin vend të botës ruhen me policë rezidencat. Dhe sot ka një ligj të veçantë për këtë, dhe nesër të shkohet me një strukturë që vepron me vendim qeverie… Mos na bëni kaq pa dijeni sa të na barazoni objektin dhe strukturën e shërbimit të Gardës me strukturën e Policisë së Shtetit. Praktika e Gardës na vjen që nga koha e Skënderbeut dhe është një strukturë 100-vjeçare…
Arben Çuko: Garda e Republikës është një strukturë me status të veçantë që ruan marrjen e shtetit. Duhet të dini që 90% e efektivit të Gardës së Republikës sot është me arsimim ushtarak dhe në bazë të këtij ligji që ne do të miratojmë, ata dalin të gjithë në rrugë.
Ilirjan Mustafaraj: I gjithë objekti i Gardës nuk ka asgjë më shumë se objekti i punës së Policisë së Shtetit. Edhe Policia ruan delegacionet e huaja dhe objektet e rëndësisë së veçantë dhe të njëjtën gjë bën edhe Garda e Republikës. Paulin Sterkaj: Ne kemi dhe Policinë e Shtetit, ne kemi edhe Kontrollin e Brendshëm, që kanë specifika të ndryshme. Mos u përpiqni të bëni sqarime që s’na e mbushni mendjen…
Spartak Braho: Ju e kuptoni që këtu ka një opozitë me formulimet e ligjit, për dy pjesë, për pjesën e Byrosë Kombëtare të Hetimit, që është një ide shumë e madhe e lançuar nga Kryeministri, por që mendimi i përgjithshëm, edhe në Komisionin e Ligjeve, edhe këtu, është që është mbarsur mali ka pjellë një mi atje. Ka një oponencë se pjesa më e madhe këtu kanë qenë kuadro, kanë drejtuar me dhjetëra vjet Gardën e Shtetit, përpara se të bëhej Saimiri jurist dhe ministër. Unë nuk bindem.
Paulin Sterkaj: Nuk mund të shkojë edhe Byroja Hetimore, edhe Policia e Shtetit, edhe Garda e Republikës me një dorë nën kontroll. Duhet të kenë drejtime të tjera. Ndryshoni ligjin dhe çojeni Gardën te Ministria e Mbrojtjes. Unë votën po jua deklaroj që jam kundër që të shkojë Garda nën urdhrin e drejtorit të Përgjithshëm të Policisë. Unë jam që Garda të jetë autonome. Spartak Braho: Paulin, ne të dy sado të fortë që jemi, s’e ndryshojmë dot ligjin se dy vota kemi.

Tahiri: Byroja e Hetimit do luftojë korrupsionin elitar

Ministri sqaron ligjin e ri në Parlament

“Policia do marrë të dhëna nga databazat shtetërore e private sa herë t’i duhen”

Ministri i Brendshëm, Saimir Tahiri, deklaroi dje se ngritja e Byrosë Kombëtare të Hetimit do të ketë në misionin saj luftën me tolerancë zero të korrupsionit, siç e quajti, në nivelin elitar.
Tahiri gjatë fjalës së tij para Komisionit të Sigurisë Kombëtare, tha se Byroja e Hetimit, që do të jetë një drejtori e veçantë në Policinë e Shtetit, ka nevojë dhe për bashkëpunimin e institucioneve të tjera ligjzbatuese, në mënyrë që kësaj strukture të mos i krijohen pengesa artificiale. “Ligji i Policisë së Shtetit nuk mund të adresojë të gjitha aspektet e reformimit të drejtësisë penale, por e sigurt është që krijimi i Byrosë Kombëtare të Hetimit, kështu siç e kemi parashikuar në draftin e sjellë nga Ministria e Punëve të Brendshme, hedh një hap të rëndësishëm në kapacitetin e Policisë së Shtetit për t’iu përgjigjur sfidave për të luftuar me tolerancë zero krimin e organizuar dhe korrupsionin, veçanërisht korrupsionin elitar. Askush të mos presë që automatikisht krijimi i Byrosë Kombëtare të Hetimit do të sjellë rezultatet që duam ne dhe shoqëria në luftën kundër krimit të organizuar dhe korrupsionit.

PËRGJIMET
Me projektligjin e ri të Byrosë së Hetimit, sipas ministrit të Brendshëm, Policisë së Shtetit do t’i krijohet mundësia që të ketë akses në të dhënat e institucioneve shtetërore dhe atyre private, në të cilat janë dhe operatorët celularë. Tahiri tha se Policisë së Shtetit i duhej një kohë e gjatë për të marrë përgjigje për një numër telefoni, por me ligjin e ri, sipas tij, policia do të mundë të kontrollojë informacionet sa herë që të ketë nevojë. “Për të marrë përgjigje në raste hetimesh penale, për numra telefoni apo për të dhëna të tjera që kërkohen nga agjenci të tjera, sa herë ka ngjarje që policia interesohet për hetime penale, shpenzojmë energji dhe kohë të paimagjinueshme, gjë që cenon në themel kapacitetin për të zhvilluar hetime proaktive, mbi të gjitha apo për të zhvilluar hetime eficiente, ashtu siç do të donim të gjithë, ashtu siç duan qytetarët, ashtu siç meriton për t’u luftuar krimi i organizuar dhe korrupsioni elitar. Po me këtë ligj, ne kemi parashikuar mundësinë e Policisë së Shtetit që të marrë të dhëna nga databazat shtetërore dhe private sa herë të duhen dhe janë të nevojshme për hetimet”. Ministri i Brendshëm ngriti si shqetësim faktin se deri më sot, sipas tij, policët për të marrë informacione duhet të shkonin fizikisht në dyer të institucioneve. “Në botë dhe në Europën e zhvilluar një oficer policie akseson të gjithë databazën e të dhënave shtetërore nga tavolina e punës, pa lëvizur centimetrin. Tek ne oficerët e Policisë duhet të shkojnë pas dyerve të institucioneve për të marrë të dhëna që kanë rëndësi për hetimin”, tha ai. Ministri tha se në Byronë e Hetimit do të pranohen vetëm policët më të kualifikuar dhe prokurorë, si dhe ekspertë të huaj. Po ashtu, Tahiri tha se do të punësohen dhe persona që vijnë nga shoqëria civile, si inxhinierë dhe specialistë, për t’u angazhuar në luftën ndaj krimit kibernetik, por këto punësime nuk do të kalojnë masën e 1% të strukturës së Byrosë dhe nuk do të përparojnë në grada

FATION BINJAKU

Panorama