Apard-hejd ndaj shqiptarëve

[Faik]

Apard-hejd ndaj shqiptarëve

Laura PAPRANIKU

Shkup, 10 gusht - Sjelljet fashizoide të rojeve nëpër pishina dhe qendra të ngjashme rekreative-sportive, që gravitojnë në pjesën maqedonase të kryeqytetit, janë bërë thuajse të padurueshme. Vetëm sepse dëgjojnë të flitet shqip, rojet dhe ata që duhet të mbajnë rendin, shkaktojnë tollovi dhe incidente me klientët shqiptarë, të cilët i përzënë me forcë dhe arrogancë, pasi te kenë kuptuar se janë shqiptarë. "Apard-hejd i vërtetë", kështu e cilëson dukurinë e sjelljeve fashizoide të pishinave maqedonase, Mevlan Tahiri, politikan shqiptar, që ditë më parë ishte protagonist i radhës në skenarët e përzënies së shqiptarëve nga pishina "Biseri". Kjo qendër rekreative, në lagjen Aerodrom të Shkupit, e cila është në pronësi të Ministrisë së Mbrojtjes, vazhdon të mban famën e keqtrajtimit të shqiptarëve, të cilët në mungesë të qendrave të këtilla, në pjesën shqiptare të Shkupit, detyrohet të frekuentojnë pishinat të cilat gjenden në pjesën e populluar me maqedonas.

Identifikimi vetëm për shqiptarët

Tahiri tregon për "Koha", se një javë më parë në "Biseri" ishte ndaluar të futet i biri me disa shokë. "Eh, punë të rinjsh - mendova me vete. Dyshova se kanë bërë ndonjë problem, prandaj mora shoqen dhe djalin dhe vendosa të shkojmë bashkërisht atje", rrëfen ai, pa e ditur se te dera e pishinës do ta prisnin "badigardët" për t'i kërkuar dokument identifikimi. Ish-këshilltar në Qytetin e Shkupit, aktualisht këshilltar në Ndërmarrjen publike për qarkullim rrugor, Tahiri, kishte refuzuar të tregojë letërnjoftimin, pasi para tij, maqedonasit lëshoheshin të hyjnë pa u identifikuar dhe pa treguar fletë hyrjen e akredituar. "Atje mund të kuptohet fare qartë se leje të akredituar dhe dokumente identifikimi u kërkohet vetëm shqiptarëve, prandaj i bëj thirrje Ministrisë së Mbrojtjes që të ndërpresin kontratën me firmën, të cilës i është dhënë në shfrytëzim pishina, dhe me këtë të ndërpresin një politikë jashtëzakonisht të dëmshme edhe për vetë shtetin", thotë Tahiri. Ai është i vendosur që rastin "Biseri" të mos e përfundon me kaq. "Do të parashtroj ankesë të Ministria e Mbrojtjes, kurse do të ankohem edhe të Avokati i Popullit dhe Komiteti i Helsinkit", deklaron Tahiri, kurse u apelon bashkëkombësve të tij shqiptarë, që edhe ata ta shfrytëzojnë të drejtën qytetare për të denoncuar diskriminimin e paskrupullt që u bëhet në këtë pishinë dhe në të gjitha objektet e tjera rekreative-sportive në qytetin e Shkupit.

Pas asaj që i ndodhi, të hënën e javës së kaluar, ai thotë se ka humbur vullnetin për të vizituar ndonjëherë tjetër atë pishinë. "Në fund, kur dikush si duket më kishte njohur, mu afruan për të më kërkuar falje dhe për të më bindur të futem brenda, me arsyetimin se është bërë gabim. Mirëpo, unë nuk kam nevojë të hy aty dhe askund tjetër si figurë publike nëse këtë ma ndalojnë si shqiptarë dhe si qytetar", shprehet Tahiri. Skena të këtilla, kur shqiptarët refuzohen vetëm për shkak të përkatësisë së tyre kombëtare, i gjen gati se çdo ditë nëpër qendrat rekreative-sportive të Qytetit të Shkupit.

Inspektorët financiarë të bëjnë punën

Arroganca në "Biseri" nuk njeh as "bonton" dhe as respekt, të paktën për njerëzit e politikës. Një javë më parë, nga kjo pishinë u nxor jashtë edhe një ish-këshilltar tjetër shqiptarë i Qytetit të Shkupit, Islam Ibrahimi, i vëllai i deputetes Zymrete Jakupit.
I njohur me emri Islam Muça, ai pohon se shkak i largimin kishte qenë gjuha shqipe, ndërsa tregon se bashkë me të kishte qene edhe djali i deputetes Jakupi.

"Mua me kishin lëshuar të kaloj bashke me fëmijët, kur dëgjoj nga pas rojën, i cili u kërcënohet nipërve dhe mbesave të mia dhe i urdhëron të dalin jashtë. Gjithçka ndodhi kur ata filluan të komunikojnë shqip njëri me tjetrin", pohon Muça, i cili në dëshmi të deklaratave posedon edhe xhirime me kamerën e telefonit të tij celular. Në pishinën "Biseri" refuzojnë të komentojnë rastet në fjalë, me arsyetimin se "hyrja është e lejuar vetëm me leje të akredituara". As në Ministrinë e Mbrojtjes nuk kanë dashur të komentojnë albanofobinë e koncesionerëve të pishinës. Muça, krahas fenomenit të albanofobisë, nxjerrën në dukje edhe parregullsi të tjera. "Ku janë inspektorët të cilët lejojë që në pishinën "Biseri" të jepen bileta pa kasë fiskale", thotë ai, ndërsa u apelon ministrive të Ekonomisë dhe Financave që të shkojnë në vend ngjarje dhe të vërtetohen për mosrespektimin dhe shkeljen e Ligjit të fiskalizimit.

Mevlan Tahiri, nga ana tjetër, vëren mungesën e pishinave dhe qendrave rekreative-sportive në pjesën e majtë të lumit Vardar, ku janë të koncentruar shqiptarët. "Jo se është ndonjë pishinë kushedi se çfarë "Biseri", por është një prej të pakta që funksionon", thotë ai, ndërsa kujton Ministrinë e Mbrojtjes dhe firmën që ka marrë në shfrytëzim atë pishinë se diskriminimi është i ndaluar dhe i dënueshëm me Ligjet dhe Kushtetutën. Prandaj, kërkon nga organet përgjegjëse të shtetit që të ndërpresin apard-heidin për shqiptarët dhe të vendosin ligjin në veprim, nëse dëshirojnë të tregojnë se Maqedonia është shtet ligjor dhe demokratik për të gjithë qytetarët e saj.

[OROSHI]

Ne pjesen e majte te Vardarit bashkepatriotet tane jane te preokupuar vetem si e si te ngrejne xhamija,,,,kjo gja u konverton ma se miri sllavo-maqedonasve.

[TetovaMas]

Ne pjesen e majte te Vardarit bashkepatriotet tane jane te preokupuar vetem si e si te ngrejne xhamija,,,,kjo gja u konverton ma se miri sllavo-maqedonasve.

Pajtohem me ju Oroshi plotesishte.

Te shqipetaret e maqedonise nga xhelozia ndaj njeri tjetrit per fate te keqe nuk ju ka mbetur"" nje grame "" edukate nacionaliste. Apard hejd nuk ekziston ne maqedoni ,pore apard hejdin shqipetaret e kane krijuar ndermjet vete.

Aktualishte shqipetaret e Maqedonise ,udheheqen nga dy ryma : Ryma politike e dilinxhijve dhe ryma fetare e terllikave (kapucave prej tentenje)

Ryma politike e"" dilinxhijve"" ,popullates ju tregon vetem se si te pasurohet pa djerse, pa moral , pa edukate ekonomike etj.etj. Ne anen tjeter ryma fetare e"" terllikave"" ju tregon vetem xhehnem dhe azab ne kete bote dhe boten tjeter .

Parregullsite , gjestet negative qe i kane krijuare shqipetaret ndermjet vehte nuk duhet te merren si fajtore vetem maqedonet sllave , pore fajin duhet kerkuare ne oborrin tone.

Tetova si qytet ,eshte qytet etnik shqipetyare , pore per fate te keqe ne Tetove cdo gje fillimin dhe mbarimin e ka ne krim.

Trafiku i komunikacionit ne Tetove, dhe rrethine eshte krim. Nuk jane fajtore maqedonet sllave .

Spitali ne Tetove eshte krim.

Argetimet per rinine ne Tetove jane krime .

Komuna ne Tetove eshte krim.

Institucionet shteterore ne Tetove jane krim.

Ndertimtaria, infrastruktura ne Tetove eshte krim.

Edukata shkollore ,profesionale ne Tetove eshte krim.


Ne shqipetaret nuk duhet te presim qe sllavo-maqedonet t'i pastrojne oborret tona ,pore rinia shqipetare ne maqedoni duhet t'i perveshet punes me sinqeritet


TURP , TURP , i madhe do te ishte sikur te ankohemi para institucioneve evropiane se sllavo-maqedonet ushtrojne apard hejd ndaj shqipetareve.

Bashkesia Evropiane (BE) nuk ja merr te drejtat nje etniteti dhe t'a gezoj etnitetin tjeter , pore BE, formon konkurrence ndermjet dy etniteteve. Pra shqipetaret e maqedonise ne konkurrencen evropiane duhet t'a gjejne vehten e jo te organizohen vetem si e si ta genjejne nje ri tjetrin dhe te fute ne krim si ne politik , ekonomi etj.etj.

[Faik]

Kur Antigona bëhet Droga

http://www.ina-online.net/default.as...d643a76bd&ln=3

**************************************

Për shqiptarët s`ka shkencë

Në Ministrinë e Shkencës e cila është në kuadër të Ministrisë së Arsimit është i pranishëm një diskriminim i madh i kuadrove shqiptare, por edhe anashkalimi i plotë i shkenctarëve shqiptarë. Të punësuar të kësaj ministrie kanë theksuar për agjencinë e lajmeve INA se kërkojnë trajtim më të mirë në këtë dikaster dhe përfaqësim më dinjitoz të shqiptarëve, dhe jo siç ka ndodhur, siç thonë ata “degradimi i rëndë”.

Në këtë institucion shqiptarët nuk ëprfaqësohen në piramidën udhëheqëse. Nga gjithsejt 40 të punësuar, vetëm tre veta janë nëpunës shqiptarë.

“Në këtë dikaster shqiptarët nuk janë askund. Nuk dëgjohet zëri i tyre. Edhe ata që ishim avancuar tashmë jemi degraduar nga partnerët VMRO-DPME dhe BDI. Jemi të degraduar dy apo tre shkallë më poshtë me sistematizimin e fundit të qeverisë”, kanë theksuar të punësuar në këtë dikaster. Përveç kësaj, në këtë ministri, shkenctarët shqiptarë vazhdojnë të jenë të anashkaluar, për shkak se deri tani nuk janë bërë thirrje publike dhe fushata për të nxitur shkenctarët e rinj shqiptarë që të jenë pjesë e projekteve të kësaj ministrie. “Edhe nëse i sjellin shqiptarët projektet e tyre, jemi të vetëdijshëm se ato do të hudhen në shportë, sepse kemi një komisioni 100 për qind të përbërë nga maqedonasit”, kanë theksuar të punësuarit. Të radhë janë ata shkencëtarë shqiptarë që kanë shijuar ndihmën e këtij institucioni për të realizuar dhe implementuar edhe praktikisht projektet e tyre shkencore. (INA

*********************************************
Xhepat e shkoqur multietnik të Maqedonisë -Kim Mehmeti

http://lajmpress.com/opinion/800.html