Leksionet e pamësuara të Putinit
• Datë: Aug 10, 2009
"Financial Times”
Ka një ndjesi të frikshme të përsëritjes të një “déjà vu”-je në momentin kur sheh Vladimir Putinin në një
“paradë” para gazetarëve gjatë pushimeve të tij në Siberi, duke nxjerrë në pah muskujt. Fotografia vjetore e kryeministrit rus “sugjeron” një lloj krenarie të dukshme, shfaqur në kraharorin e tij të fuqishëm dhe imazhin prej një atleti.
Në mënyrë të frikshme kjo përkon me fotografitë e publikuara pak para përvjetorit të luftës së vogël të Rusisë me Gjeorgjinë, të shtunën.
Konflikti dhe lufta ndaj një ish-republike sovjetike është parë në Moskë si një trimf i superfuqisë ruse dhe Putin është konsideruar si njeriu i fortë që e frymëzoi këtë.
E megjithatë ajo ishte një luftë nga e cila askush nuk doli me shumë përfitime, apo kredi politike, përfshi këtu edhe Rusinë.
Gjeorgjia e humbi luftën dhe dy provincat separatiste Abkhazia dhe Osetia e Jugut janë tashmë të pushtuara nga mijëra ushtarë rusë. Mihail Saakashvili, presidenti i Gjeorgjisë, u ka rezistuar thirrjeve që iu bënë për dorëheqje, por reputacioni i tij si një demokrat i ndjeshëm pro-perëndimor ka rënë tashmë.
Abkhazia ka ndërruar një klasë politike të urryer me një tjetër po kaq të urryer. Pavarësia e saj nuk njihet nga asnjë vend tjetër vec Rusisë dhe Daniel Ortega, presidenti i Nikaraguas. Ajo është nën varësinë ruse për 50 për qind të buxhetit të saj, pagesat e pensioneve dhe 90 për qind të investimeve në përgjithësi.
Liderët e Osetisë së Jugut nuk e vrasin dhe aq mendjen: ata duan të jenë pjesë e Rusisë. Por, populli i tyre jeton në kushte të mjerueshme dhe pjesa më e madhe e ndihmës ruse është zhdukur në vrimën e zezë të korrupsionit vendas.
Mijëra prej tyre janë pa shtëpi dhe vendi është spastruar etnikisht nga popullata e tij gjeorgjiane, gjë që e kthen në mashtrim pretendimin e Rusisë se kishte nisur një ndërhyrje humanitare.
Në Moskë lufta konsiderohet si një demostrim i suksesshëm i pushtetit rus në hapësirën e dikurshme sovjetike. Mund të jenë të vjetër e të dalë mode, por tanket ruse ende punojnë për mrekulli. Ky ishte një sinjal i qartë për çdo fqinj të Rusisë që kërkon të anëtarësohet në aleancën e NATO-s. Ky ishte një demostrim i bindjes ruse se politika ndërkombëtare është një lojë me shumnë zero: humbja jote është fitorja ime.
Putin është trajnuar nga KGB-ja: ai është një takticien i shkëlqyer në politikat afatshkurtra, por një strateg i dështuar. Ai nuk ka një vizion të qartë për kaukazin dhe as për marrëdhëniet me vendet fqinje të Rusisë. Falë Gjeorgjisë, Rusisë ia kanë frikën në rajon, por nuk e respektojnë. Ajo ka gazin dhe paratë për të korruptuar fqinjët e saj. Por, frika dhe ryshfetet nuk janë elementë të mirë për të ndërtuar marrëdhënie që zgjasin.
Presidenti Barak Obama do të shtypë butonin e marrëdhënieve të mira me Rusinë. Kjo sugjeron respect të ndërsjellë. Kjo kërkon respekt për të dobëtin, njësoj si për të fortin. Ky është një mësim që Putini muskuloz nuk e ka mësuar ende.
gsh.
Përgjigju Duke Cituar
Postuar më parë nga Mr Zeid
Krijoni Kontakt