Durrës, 2500 ndërtime te paligjshme në pritje të legalizimit.

[oliver55]

I zaptuar nga ndërtimet pa leje,
bregdeti Durrsak qëndron në
pritje të fatit të tij. Pronarët e
ndërtimeve, ndonëse kanë
hedhur miliona lekë në
ndërtimin dhe mobilimin e ndërtimeve
të ndryshme, nuk e dinë
se cili do të jetë fundi i objekteve
të tyre, legalizimi apo prishja për
t'ia kthyer tokën pronarëve legalë.
Para pak kohësh, kreu i
ekzekutivit shqiptar, Sali Berisha,
deklaroi se nuk do të ketë legalizime
në bregdet pa pronësi të truallit.
Janë rreth 2500 ndërtime të
paligjshme në zonën e plazhit të
Durrësit, ndërtime këto të shprehura
në forma të ndryshme. Shifra
deklarohet për "Shqip" nga
kreu i ALUIZNI-t në Durrës,
agjencia që e njeh më së miri realitetin
e objekteve pa leje në
bregdet. Moria e ndërtimeve është
deklaruar nga pronarët për të
përfituar nga procesi i legalizimit,
por gjithçka mori një tjetër kthesë,
që ende nuk dihet prej tyre nëse
do të jetë ndëshkuese për ta. Mes
2500 ndërtimeve pa leje ka edhe
nga ato që janë ndërtuar nga pronarët
në tokën e tyre, por që procesi
do t'i përballë me tarifat e larta
të tregut për tokat e kategorisë
së parë. Ndërkohë, në plazhin
nga Përroi i Agait deri te Shkëmbi
i Kavajës të ofrohet një tjetër realitet.
Nga pronarët e objekteve
nuk janë respektuar lejet e
ndërtimit për katet. Këtu, pjesa
më e madhe e ndërtimeve janë të
legalizuara, por abuzimet janë
bërë në shtesa katesh. Kjo formë
abuzimi kap një sipërfaqe prej më
shumë se 10 mijë metra katrorë,
të cilat janë në proces legalizimi.
Deklarata e Kryeministrit Berisha
në mbledhjen e fundit të KRRTRSH-
së i ka çelur rrugën procesit për
rishikimin e ligjit për legalizimet e
ndërtimeve në bregdet, por dhe
disiplinimin e situatës në fshatrat
turistike. Kështu, zona turistike
do të legalizohet sipas një ligji të
veçantë, i cili pritet të mbërrijë në
Parlament gjatë muajit dhjetor.
Pritet që nga ky ligj t'u jepen më
shumë kompetenca agjencive të
legalizimit dhe t'i minimizohen
pushtetit vendor. Ndër vite strukturat
vendore dhe policitë ndërtimore
kanë dështuar në kontrollimin
e situatës dhe disiplinimin
e saj. Ligji do të marrë parasysh
një sërë standardesh që duhen
vlerësuar për t'i rikthyer dinjitetin
bregdetit dhe pronarëve legjitimë
të cenuar nga abuziviteti
masiv. Bregdeti i Durrësit,
veçanërisht plazhi më i madh i
vendit, është dhe zona ku abuzimi
me sipërfaqet shfaqet në përmasat
më të frikshme. Ndërtimet
janë bërë në babëzinë e të
gjithëve, të ardhur, vendas e
pushtetarë, për të pasur një shtëpi
apo aktivitet në bregdet, pa
menduar se pasojat një ditë do ta
kthejnë investimin e tyre në të
pavlerë. Abuzimet janë pranuar
dhe nga Kryeministri Berisha,
drejtues i vendit në fillim të viteve
'90, atëherë kur nisën fort abuzimet
me trojet në bregdet për të
vijuar më pas me tetë vitet e
qeverisjes socialiste dhe për t'iu
rikthyer kohës së demokratëve
në tre vitet e fundit. Ndërkaq, në
Gjirin e Lalëzit, një nga pjesët më
të bukura të bregdetit shqiptar,
ende i virgjër, situata paraqitet
ndryshe. Pronarët e tokës kanë
ndërtuar pa leje dhe pa iu nënshtruar
një rregulli urbanistik, të
munguar në fakt, që prish të ardhmen
e kësaj zone të piketuar për
zhvillimin e turizmit elitar në
vend. Një tjetër situatë është krijuar
me fshatrat turistike të ndërtuara
në këtë pjesë të bregdetit në
fillim të viteve 2000. Ato kanë një
leje për ndërtimet e kryera, por
zotëruesit e fshatrave turistike që
e kanë marrë tokën në përdorim
për një periudhë 99-vjeçare kanë
ndryshuar natyrën e kontratës,
duke bërë shitje vilash. Problemi i
fshatrave turistikë, për vetë kompleksitetin
e natyrës që paraqet,
do të trajtohet më vete dhe nuk
Vlerësimi

[Daja-GONI]

Po cfar hamam legalizimi more.Te gjitha duhet te rrenohen.Durresi ta perkujton Bombein ose ndonje qytet tjeter aziatik.I ndertuar pa asnje logjike dhe asnje plan.Shpresoj se te gjitha objektet e ndertuara ne breg te detit te rrezohen dhe ti leshohet pamja qytetit.

[oliver55]

Po cfar hamam legalizimi more.Te gjitha duhet te rrenohen.Durresi ta perkujton Bombein ose ndonje qytet tjeter aziatik.I ndertuar pa asnje logjike dhe asnje plan.Shpresoj se te gjitha objektet e ndertuara ne breg te detit te rrezohen dhe ti leshohet pamja qytetit.

Kur do te jete ajo dite se na u mor fryma.

[loni-loni]

Kjo tregon se shteti (qeveria) Shqiptare asht e paafte ti paraprije zhvillimit vendit

Ne RSH mungon planimetria e cila hartohet ne baze te relievit tokes

[oliver55]

DURRËS- Inspektorati ndërtimor i Durrësit ka nisur dje një aksion masiv kundër ndërtimeve të paligjshme.
Në planin e prishjes së ndërtimorëve durrsakë ndodhen 120 objekte si garazhe, dyqane apo shtesa pallatesh. Për të gjitha këto pallate ka një vendim prishjeje nga KRRT- ja e bashkisë. Aksioni i djeshëm nisi në zonën rezidenciale të Durrësit, ose e njohur ndryshe si lagjja nr.1.


Kreu i ndërtimorëve të Durrësit, Afrim Bakaj, pohoi dje se ekzistojnë me qindra objekte të tjera abuzive, të cilat do të jenë në shënjestër e aksioneve të radhës. Në lidhje me inertet e krijuara nga prishja e ndërtimeve pa leje, Bakaj ka shpjeguar se do të hiqen nga inspektorati në një fazë të dytë.


Prishja e ndërtimeve pa leje ka liruar një hapësirë publike të konsiderueshme por është shoqëruar edhe me protestat e pronarëve të ndërtimeve.


Për të gjithë personat që kanë kundërshtuar me forcë aksionin janë vendosur gjoba deri në një milion lekë të reja por ka pasur edhe raste që janë dërguar për procedim penal. Sipas planit, pasi të përfundojë në shëtitoren bregdetare, aksioni për shembjen e objekteve të jashtëligjshme do të transferohet në lagjen numër 17 të Durrësit.


Afrim Bakaj tha "tashmë që sezoni turistik ka përfunduar do të ndërmarrim aksione masive për të rifituar hapësirat publike. Gjatë sezonit veror, zhurmat e fadromave mund të largonin turistët". Por gjatë kësaj kohe, inspektorati ka kryer inventarizimin e objekteve të jashtëligjshme, për të nisur gjatë shtatorit ekzekutimin e vendimeve për prishje. M. B

[oliver55]

AKSION/ Inspektoriati Ndërtimor i Bashkisë prish 10 ndërtime nga 120-të që janë pa leje

Pas një sërë abuzimesh me trojet publike të bëra në shëtitoren bregdetare “Taulantia” në Durrës vitet e fundit, duket se Bashkia e qytetit ka nisur të “arnojë” ato pak hapësira që kanë mbetur. Në një aksion të nisur këtë fillim jave nga Inspektoriati Ndërtimor i Bashkisë në këtë zonë turistik të shumta janë problemet që u vërejtën, madje pranohen edhe nga drejtuesit lokalë. Nga hapësirat e zëna pa kriter deri tek lejet e ndërtimit që mbajnë firmën e kreut të Bashkisë së Durrësit, Vangjush Dako, zona turistike dhe arkeologjike e Durrësit e cila njihet me numrin 1, është tjetërsuar, nga pallatet shumëkatëshe, pronarët e të cilave janë njerëzit besnikë të kreut të Bashkisë apo edhe klientët e tij të betonit. Përballë shqetësimit të ngritur nga opinioni publik, por edhe strukturat e tjera të Shtetit Bashkia ka vendosur të kthejë në “identitet” shëtitoren “Taulantia”.

“Goditen” personat pa mik në Bashki
Aksioni i ndërtimores së Bashkisë së Durrësit rezultoi vetëm një “fiasko” këtë fillim jave sepse vetëm një numër shumë i vogël ndërtimesh kryesisht rrethime apo garazhe u bënë objekt i fadromave. Ndërtimorët “goditën” vetëm ata persona të cilët nuk kishin një mik të fortë në Bashki dhe aq më pak tek disa ndërtesa të tjera pronarët e të cilëve njihen si njerëzit e afërt të kryetarit të Bashkisë së Durrësit. Por ç`është më e rëndë, nuk është marrë asnjë masë ndaj atyre personave që kanë filluar të mbushin detin me inerte për të përfituar tokë në kurriz të detit. Kjo situatë bëri që ky plazh të abandonohej nga pushuesit për shkak të ndotjes së madhe të rërës dhe detit. Uji i detit është ndotur disa herë më shumë se normat e lejuara, dhe alarmi është vënë nga mjekët higjenistë, për shkak të ndërtimeve pa kriter, që janë bërë në këtë zone, vetëm, se pronarët e tyre janë edhe mbështetësit e kreut të bashkisë së Durrësit Vangjush Dako. Shëtirorja Taulantia ka qenë e fundit rrugë, e pabetonizuar, e ruajtur me fanatizëm, në vite.

[oliver55]

Shembja e shtëpive, banorët përplasen me policin.
DURRËS- Vendimi për shembjen e 20 shtëpive të banimit me qëllim lirimin e truallit pronarit të saj, ka përplasur sot 200 banorë me policinë. Ngjarja ndodhi në Durrës, në lagjen nr.15, ku banorët e shtëpive kanë kundërshtuar ekzekutimin e vendimit. Ata kanë deklaruar se kanë paguar tre herë me radhë për tokën ku kanë ngritur shtëpitë, por kurrë nuk e kanë parë pronarin e vërtetë, madje as në gjykatë. Ata akuzojnë shtetin si nëpërkëmbës të të drejtave. Sipas banoreve shtëpitë janë ndërtuar pas vitit 1991 dhe të gjitha i janë nënshtruar procesit të legalizimit dhe së shpejti presin pajisjen me tapi, por mbi të gjitha pas një ankimimi që këta banorë kanë bërë në Gjykatën e Apelit kundrejt personit që pretendon se është pronar, çështja ndodhet ende në proces gjyqësor. Në Gjykatën e Apelit mësojmë se po shqyrtohen një nga një të gjitha rastet dhe deri tani kanë fituar pesë familje.
Banorët deklarojnë se kanë paguar 1% e legalizimit në bazë të të gjitha procedurave dhe për sipërfaqen ku kanë ndërtuar shtëpitë ata kanë paguar me 3 mijë lekë për një metër katror.

MARK BRUNGA | 30/09/2009 | Lajm i fundit