Alarm i Arkivit të Filmit
Shqipëria mungon në arkivat ndërkombëtare
Pagesa e një kuote prej 600 eurosh e ka penguar hyrjen e filmografisë shqiptare
në fondin e filmografisë ndërkombëtare, duke pezulluar kështu edhe prezantimin e
filmit shqiptar në arenën ndërkombëtare. Edhe pse Arkivat shqiptarë të filmit
aderojnë prej kohësh tashmë në Konfederatën Ndërkombëtare të Arkivit, pagesa e
kësaj kuote të thjeshtë, e cila nuk pengohet për shkak të mungesës së fondeve,
por thjesht për një neglizhencë nëpër dosjet e Ministrisë së Kulturës, Rinisë
dhe Sporteve, prej tre vjetësh, e ka pezulluar pjesëmarrjen e filmit shqiptar në
fondet botërore të arkivave të kinematografisë. “Ky aderim ne, si arkiva të
filmit, na intereson shumë për një integrim sa më të plotë dhe mospagesa e kësaj
kuote, na prish shumë punë. Nuk kemi as dhe si të justifikohemi kur na pyesin se
pse nuk e kemi paguar ende kuotën”, është shprehur dje me shqetësim, drejtoresha
e Arkivave të filmit, Natasha Lako. Kështu, vjet nga ky arkiv është nënshkruar
kodi etik, i cili do të lejojë kështu aksesin e kinematografisë shqiptare në
arkivat e të gjithë botës. “Ne jemi i vetmi institucion në Shqipëri që jemi
integruar më së miri brenda ligjeve të Komunitetit Europian, duke e pasur më të
lehtë se fushat e tjera të artit, prezantimin në arënën ndërkombëtare”, tregon
Lako.
Dy filma, pa “patentë” shqiptare
Ndërkaq, një ndër problemet e këtij institucioni, është dhe mungesa e
depozitimit të dy filmave të fundit, të realizuar dhe prezantuar me mjaft sukses
edhe në vende të ndryshme të botës, “Parrullat” e regjisorit Gjergj Xhuvani dhe
“Tirana viti zero” i regjisorit Fatmir Koçi. “Ata janë dy filma të mrekullueshëm
me të cilët ne krenohemi, por përderisa nuk janë dorëzuar në arkivat e filmit
kopjet origjinale të kasetave të tyre, procedurë e detyrueshme me ligj kjo, ata
nuk kanë marrë ende patetën e filmit shqiptar. Ata kanë mbetur ende pronë e vetë
regjisorëve dhe nuk janë bërë pasuri e popullit dhe shtetit shqiptar”, shpreher
Lako e cila thotë se nëse do të fillojë të ndodhë një neglizhencë e tillë,
atëherë kjo do të bëhet një rrugë, edhe për regjisorët e tjerë, si një precedent
të cilin nuk do të dimë ta përballojmë më vonë. Me ligj, filmat e realizuar në
Shqipëri, duhet të dorëzohen një vit mbas premierës në arkivën kinematografike,
në mënyrë që të ruhet kështu kujtesa e traditës kinematografike. Kjo është hera
e parë që dy filma shqiptarë, nuk arkivohen dhe kjo është njësoj si mungesa e
regjistrimit në gjendjen civile të lindjes së një fëmije…
t.m.
Përgjigju Duke Cituar
Si mund te neglizhosh dicka kaq te rendesishme, aq me teper kur kjo lloj procedure eshte pune/detyre jo bisnes privat apo qejf!
Krijoni Kontakt