Lexoni keto citate nga bibla dhe me skjaroni dmth e tyre.

[besnik29]

Dhe Jozefi, si u zgjua nga gjumi, veproi ashtu siç e kishte urdhëruar engjëlli i Zotit dhe e mori pranë vetës gruan e tij;

25

por ai nuk e njohu, derisa ajo lindi djalin e saj të parëlindur, të cilit ia vuri emrin Jezus.

Ai predikonte duke thënë: ``Pas meje po vjen një që është më i fortë se unë. Unë nuk jam i denjë as të ulem para tij për t`i zgjidhur lidhësat e sandaleve të tij.
----------------------------
Atëherë ata e pyetën: ``Kush je, pra? A je Elia?``. Ai tha: ``Nuk jam!``. ``Je ti profeti?``. Dhe ai përgjigjej: ``Jo!``.

23

Ai u përgjigj: ``Unë jam zëri i atij që bërtet në shkretëtirë: drejtoni udhën e Zotit, sikurse tha profeti Isaia``.

Atëherë ata i thanë: ``Kush je ti, që t`u japim përgjigje atyre që na dërguan? Ç`thua për veten tënde?``.

Ai është ai që vjen pas meje e më paraprin, të cilit unë nuk jam i denjë t`ia zgjidh lidhësen e sandaleve``.

-----------------------------------------------------

[besnik29]

Ai u përgjigj: ``Unë jam zëri i atij që bërtet në shkretëtirë: drejtoni udhën e Zotit, sikurse tha profeti Isaia``.
-------------------------------------------------------------------------------

çka kuptojme ketu?! Jezui thot se une jam zeri i atij qe bertet ne shkretetire...- jezui nuk ka jetuar ne shkretetire.
Pra, me skjaroni ju qe jeni ne gjendje ,dhe ju lutem atyre qe nuk kan haber per fe te mos perzihen sepse ky eshte dialog mes muslimaneve e te krishtereve dhe besoj se do te jete ne nje fryme paqe e mirekuptimi.Kush do te marre pjese le te sjelle argumente dhe te shohim kuptimin e ketyre fjaleve.
Me nderime Besnik29

[Shpresmiri]

besnik29, më duket se i ke ngatërruar personazhet, Gjon Pagëzuesin në njërën anë dhe Jezusin në anën tjetër (kush çka thotë).
Shihi edhe një herë citatet pastaj trego për çfarë dëshiron të diskutojmë.

[Astrit77]

Postuar me pare nga Besniku!

Dhe Jozefi, si u zgjua nga gjumi, veproi ashtu siç e kishte urdhëruar engjëlli i Zotit dhe e mori pranë vetës gruan e tij;

25

por ai nuk e njohu, derisa ajo lindi djalin e saj të parëlindur, të cilit ia vuri emrin Jezus.

Kjo pjese eshte shkeputur nga ungjilli sipas Mateut dhe s'besoj se ka ndonje gje te madhe per te sqaruar, pervecse frazes "nuk e njohu" qe do te thote nuk pati maredhenie seksuale me te derisa ajo(Marija) lindi Jezusin.

Postuar me pare nga Besniku!

Ai u përgjigj: ``Unë jam zëri i atij që bërtet në shkretëtirë: drejtoni udhën e Zotit, sikurse tha profeti Isaia``.

Keto jane fjalete e Gjon pagezorit, tek ungjilli sipas Gjonit dhe Gjon pagezori ishte profetizuar rreth 500-600 vjet para lindjes se tij dhe te Krishtit nga profeti Isaia, qe ka jetuar rreth 500-600 vjet para Krishtit. Kjo pjese nga ungjilli sipas Gjonit pra Gjoni 1:23 korrenspondon me Isaia 40:3 nga Testamenti i Vjeter, dhe eshte nje profeci qe eshte realizuar tashme.

Ndoshta ti Besnik ngaterron emrin e profetit Isaia me emrin qe myslymanet therrasin Jezusin (Isa), por aty behet fjale per profetin Isaia nga Testamenti i Vjeter.

Gjon pagezori ka jetuar ne shkretetire dhe ishte veshur me nje rrobe prej leshi te devese dhe kishte nje brez prej lekure ne brez; ai ushqehej ne karkaleca dhe mjalte te eger. (Mateu 3:4)

Shpresoj te jesh sqaruar per pyetjet tuaja.

[besnik29]

Une them se ju i keni nagterruar,ose me mire te them i kane ngaterruar ata qe e akn shkruar biblen,sepse ketu flet Jezui e jo Gjon pagezori siq e quani,dhe ketu e ka fjalen per nje te derguar tjeter qe do te jete vula e te derguarve dhe qe do te deshmoje kunder gjith atyre qe e besuan Jezuin Zot ose bir zoti.

[Astrit77]

Per sqarim edhe njehere.Cdo gje eshte mjaft e qarte nese e lexojme te gjithe pjesen pa e shkeputur dhe nga leximi i saj del qarte se keto jane fjalet e Gjon pagezorit qe u pergjigjet prifterinjve dhe leviteve qe erdhen nga Jeruzalemi ne Betabara per ta pyetur.Me poshte po e bashkangjis te tere ngjarjen, Gjoni 1:15-28:

15 Gjoni dëshmoi për të dhe thirri duke thënë: ''Ky është ai, për të cilin thashë: "Ai që vjen pas meje më ka paraprirë, sepse ishte përpara meje"''.
16 Dhe ne të gjithë morëm, prej mbushullisë së tij, hir mbi hir.
17 Sepse Ligji u dha nëpërmjet Moisiut, por hiri dhe e vërteta erdhën nëpërmjet Jezu Krishtit.
18 Askush s'e pa Perëndinë kurrë; i vetëmlinduri Bir, që është në gjirin e t'Et, është ai që e ka bërë të njohur.
19 Dhe kjo është dëshmia e Gjonit, kur Judenjtë i dërguan nga Jeruzalemi priftërinj dhe levitë për ta pyetur: ''Kush je ti?''.
20 Ai edhe e rrëfeu, edhe nuk e mohoi, dhe rrëfeu: ''Unë nuk jam Krishti''.
21 Atëherë ata e pyetën: ''Kush je, pra? A je Elia?''. Ai tha: ''Nuk jam!''. ''Je ti profeti?''. Dhe ai përgjigjej: ''Jo!''.
22 Atëherë ata i thanë: ''Kush je ti, që t'u japim përgjigje atyre që na dërguan? Ç'thua për veten tënde?''.
23 Ai u përgjigj: ''Unë jam zëri i atij që bërtet në shkretëtirë: drejtoni udhën e Zotit, sikurse tha profeti Isaia''.
24 Dhe ata që qenë dërguar, ishin nga farisenjtë;
25 ata e pyetën dhe i thanë: ''Atëherë pse ti pagëzon, kur nuk je as Krishti, as Elia, as profeti?''.
26 Gjoni iu përgjigj atyre, duke thënë: ''Unë pagëzoj me ujë, por midis jush është një që ju nuk e njihni.
27 Ai është ai që vjen pas meje e më paraprin, të cilit unë nuk jam i denjë t'ia zgjidh lidhësen e sandaleve''.
28 Këto gjëra ndodhën në Betabara, përtej Jordanit, ku Gjoni po pagëzonte.

Besoj se gjithshka eshte e qarte.