Kuzhina vegjetariane

[Edvin83]

Kuzhina vegjetariane eshte nje kuzhine shume e perhapur ne vendet e tjera te botes, por ne Shqiperi nuk kam hasur persona qe jane vegjetariane apo vegan. Jam i interesuar per receta te ndryshme vegjetariane shqiptare dhe dua te di nese ka vegjetarien/vegans ne Shqiperi.

[Erlebnisse]

Une kam gocen e halles vegjetariane, por eshte si rrek fiku... S'me duken plotesisht njerez ato qe s'hane mish e pastaj ushqimi vegjetarian ngjan tamam si ushqim lopesh.

[Edvin83]

Vegjetarianet qe kam pare une nuk jane aspak te dobet, bile jane pak mbi mesataren nga shendeti. Une kam disa muaj qe po ha gati ne menyre vegjetariane dhe nuk ndjej ndonje dobesi. Dhe vura re qe kuzhina vegjetariane eshte shume shume e pasur, thjesht ne ne Shqiperi nuk kemi informacione mbi te.

[Edvin83]

Ne kete faqe interneti mund te gjeni receta vegan per ata qe dine anglisht:

http://veganyumyum.com/

[Edvin83]

http://www.freewebs.com/atmarama/recetat.htm

BURGERI VEGJETARIAN

patate (3)

kripë (1/3 lv)

piper i zi (1/4 lv)

arrë moskate (1/8 lv)

kurkuma (1/4 lv)

asafetida (1/4 lv)

spec djegës (1/4 lv)

gjethe majdanozi (2 lm)

lëng limoni (1 lm)

kikirika të bluar (100 g)

Në një tenxhere ziejnë patatet bashkë me lëvoren. Pasi që zihen, shtypen dhe përzihen me përbërësit e tjerë. Formohen pogaçe të rrumbullakta me trashësi 1 cm dhe gjerësi 6 cm. Piqen në tavë të lyer me gjalpë ose me vaj rreth 10 minuta derisa të fitojnë ngjyrë ari.

Pogaçet vihen mes dy copëve të bukës me sallatë të gjelbër, domate, speca dhe tranguj.

------------------------------------------------------------------------------------------------------------

QOFTET VEGJETARIANE NË DOMATE OSE JOGURT

djathë (1/2 kg)

spinaq i pastruar dhe i zier (1/4 kg)

miell nga qiqra ose miell i bardhë (1 lm)

pluhur për fryerje (1/4 lv)

asafetida (1/2 lv)

piper i bluar (1/2 lv)

kripë (1/3 lv)

Spinaqi lahet, kullohet, prehet në copa të mëdha dhe zihet. Djathi shtypet dhe formohet përzierje e butë. Përzihet me përbërësit e tjerë dhe formohen toptha me madhësi 2-3 cm. Në një tenxhere nxehet vaji dhe qoftet shtihen një nga një në distancë prej 10 sekonda. Nëse thërmohen, duhet të fërgohen në zjarr më të fortë. Fërgohen deri sa të marrin ngjyrë të kuqërremtë-kafe. Nxirren dhe kullohen në kullore ca minuta. Pasi që të ftohen shtihen në salcë domatesh ose në jogurt me gjeth majdanozi.

------------------------------------------------------------------------------------------------------------

DAL - SUPË NGA BIZELET OSE THJERRËZAT

Në 2 litra ujë duhen 200 g bizele ose thjerrëza dhe dy lugë kripë.

bizele (150 g)

ujë (1.5 l)

kurkuma (3/1 lv)

vaj (1 lugë e madhe)

domate (4-5)

qimnon romak (1 lv)

spec djegës (2)

asafetida (1/3 lv)

majdanoz (1)

Në ujin që vlon shtihen bizelet, kurkuma, xhenshefili dhe gjalpa. Në tenxhere të mbuluar zihet një orë. Pasi që të zihen bizelet shtohen domatet. Erëzat fërgohen dhe i shtohen masës pak më parë të përgatitur dhe në fund shtohet kripa.

------------------------------------------------------------------------------------------------------------

ORIZ

oriz (1/2 kg)

ujë (1 l)

kripë (2 lv)

Orizi lahet derisa uji të bëhet i kthjellët. Gjalpa shkrihet në zjarr të dobët që të mos nxihet. Pasi që të shkrihet gjalpa zmadhohet zjarri dhe shtohet orizi. Vazhdimisht duhet të përzihet derisa të bëhet i tejdukshëm. Më pas shtohen uji dhe kripa. Mbulohet uji dhe vihet në zjarr më të fortë. Menjëherë pasi që të vlojë zvogëlohet zjarri dhe lihet që të ziejë dalëngadalë edhe 20 min.

------------------------------------------------------------------------------------------------------------

ËMBËLSIRA

NARIAL (kokos toptha)

miell kokosi (100 g)

sheqer (30 g)

qumësht pluhur (50 g)

ujë i ngrohtë

Sheqeri përzihet me pak ujë deri sa të fitohet shurup i trashë. Në një enë tjetër përzihen qumështi pluhur dhe kokosi dhe shtohet shurupi. Pastaj shtohet uji i ngrohtë derisa brumi bëhet i përshtatshëm për formimin e topthave. (Nëse brumi është tepër i butë duhet shtier qumësht në pluhur, nëse është tepër i ftohtë duhet shtier ujë të ngrohtë.)

------------------------------------------------------------------------------------------------------------

HALLVA

ermik gruri (275 g0

gjalpë 9250 g)

ujë (0.7 l)

sheqer (300 g)

Sipas dëshirës mund të shtohen: banane, kivi, manaferra, mjedra, kumbulla, lëvore limoni, arra, lajthia, kokos dhe sheqer-vanilje.

Në një tenxhere shkrihet gjalpa, shtohet ermiku dhe në zjarr të dobët fërgohet duke e përzier vazhdimisht derisa të marrë ngjyrë ari. Në një tenxhere tjetër vlohet uji me sheqer. Kur të fërgohet ermiku me kujdes i shtohet uji dhe përbërësit e tjerë sipas dëshirës.

Mirë përzihet, mbulohet dhe zihet deri sa të mos trashet. Hallva shërbehet e ngrohtë.

------------------------------------------------------------------------------------------------------------

TORTË PA VEZË

3 shtresa

miell i bardhë (3 gota nga 0.2 l)

sheqer (1.5 gota)

pluhur për fryerje (1 lv)

jogurt ose qumësht (2 gota)

(piqet në 180 C)

Kremi nga bananet ose limoni:

qumësht (1 l)

miell (0.3 l)

sheqer (0.25 l)

sheqer vanillje (2 pako)

gjalpë (125 g)

banane (2)

Në një tenxhere zihet qumështi, shtohen sheqeri dhe gjalpa. Në një enë tjetër 0.5 l qumësht të ftohtë përzihen me miellin. Më pas kjo masë shtohet me qumështin e zier vazhdimisht duke e përzier. Kremi duhet të jetë i trashë: nëse nuk është i shtihet pak miell. Zihet 5-10 minuta. Pastaj nxirret në enë tjetër dhe ftohet.

Pasi që të ftohet, masa ndahet në dy pjesë. Njëri krem mund të jetë më i madh meqë në të shtihen bananet, ndërsa në tjetrin lëvorja e limonit.

Krem arrash

arra të bluara (300 g)

qumësht aq sa të mbulohen arrat

sheqer (50 g)

sheqer vanilje (1 pako)

Arrat bluhen mirë, shtohen sheqeri dhe qumështi dhe në zjarr të dobët zihen disa minuta. Kremi duhet të jetë si pastë që të mynd të lyhet.

Shtresa e parë së pari stërpiket me pak lëng portokalli dhe pasi që ta pijë lyhet me kremin nga arrat.

Shtresa e dytë – krem bananesh

Shtresa e tretë – krem limoni

Torta lyhet me kremin nga limoni e pastaj me krem të tundur dhe stoliset sipas dëshirës.

[[Perla]]

Përbërësit :

* 8 domate
* 150 gr djath i forte
* 200 ml kos
* 2 luge ( te gjelles) vaj ulliri
* 1 thelb hudhre
* 1 luge magdanoz
* 1 luge koper
* 100 gr. miser i embel
* 200 gr oriz i zier
* krip,piper

Pergatitja:

Domatet lahen dhe ju heqet brendia duke pasur kujdes mos te demtohen. Pastaj marrim djathin, jogurtin, vajin, hudhren e shtypur , misrin dhe orizin i perziejm te gjitha dhe i mbushim domatet. I fusim ne frigorifer per 10 min dhe pastaj mund t'i sherbejme.

[Edvin83]

Ka vegjetariane ne Shqiperi? Di njeri nese ka ndonje restorant vegjetarian?