Ramazani po afron !

[Selma*]

Përgatitja për Ramazan, pjesa e dytë

[ILMGAP]

E Nderuar : Selma

Nëse më lejon të ndërhyj ...

Po vjen muaji i Ramazanit!

Shpallja e Kur’anit të shenjtë filloi pikërisht gjatë këtij muaji...

Muaji i Ramazanit po vjen... Muaji i Kur’anit, i meditimit, vëllazërisë, dashurisë dhe paqes.

Muaji i shenjtë i Ramazanit gëzon rëndësi të veçantë në kalendarin islam. I Dërguari i Allahut, lavdërimi dhe paqja e Allahut qofshin mbi të, ka thënë: “Ky është muaji i vet Allahut.”
Muaji i Ramazanit është prijësi i të gjithë muajve dhe më i lëvduari. Siç e dimë, agjërimi është një prej kushteve të rëndësishme të Islamit dhe është muaji i Ramazanit gjatë të cilit agjërimi është bërë i obligueshëm për të gjithë të rriturit dhe të shëndoshët.
Duke agjëruar gjatë muajit të Ramazanit, muslimani lirohet nga obligimi i ngarkuar atij nga Allahu i Lartësuar dhe atij i jepet e drejtë në shpërblime të shumta në botën tjetër. Në anën tjetër, çdo gabim në këtë çështje është mëkat i madh. Agjërimi është nyjë e ibadetit dhe vetëm Allahu është Ai i cili shpërblen personin për të, në Ditën e Gjykimit.

Të mirat e muajit të Ramazanit nuk janë të kufizuara vetëm me agjërimin, sepse kryerja e të gjitha llojeve të ibadetit dhe veprave të mira gjatë këtij muaji është gjithashtu burim i shpërblimeve të mëdha hyjnore. Shpallja e Kur’anit të shenjtë filloi pikërisht gjatë këtij muaji dhe prandaj është detyrë për çdo musliman të lexojë dhe të mundohet ta kuptojë kuptimin e Kur’anit të shenjtë dhe në këtë mënyrë të arrijë të depërtojë në fshehtësitë hyjnore të ruajtura aty. Ai sjell paqe dhe dritë për mendjet dhe i jep pastërti shpirtit.

Ramazani është muaji i agjërimit, namazeve të shumta, sakrificës dhe adhurimit hyjnor. Gjatë këtij muaji muslimani i devotshëm agjëron gjatë ditës me kuptim të vërtetë të fjalës. Ai nuk abstenon thjesht vetëm nga ushqimi dhe pija, por siç është shpjeguar nga i Dërguari, lavdërimi dhe paqja e Allahut qofshin mbi të, ai mban kontroll mbi gjuhën e tij, sytë, veshët, mendimet dhe veprat e tij dhe bën çdo gjë që është e mundur për të kërkuar kënaqësinë e Allahut të Lartësuar.

Lutjet e sinqerta drejtuar Allahut të Lartësuar dhe pendimi nga ndonjë mëkat gjatë muajit të Ramazanit janë burime të bekimit dhe mëshirës hyjnore. Disa net, ndërmjet dhjetë netëve të fundit të Ramazanit, janë quajtur “Netët e Lavdisë”.
Ato janë netët tek. Muslimanët rrinë të zgjuar gjatë këtyre netëve dhe kryejnë namaze të posaçme.
Në këto dhjetë net është nata e Kadrit, e cila gëzon respekt mbi të gjitha netët e tjera pasi në të ka zbritur Kur’ani fisnik. Ajo natë është e shoqëruar nga mirësi të shumta dhe zakonisht muslimani i bën lutje Allahut të Lartësuar gjatë këtyre netëve.

Muaji i shenjtë i Ramazanit, përveç që është muaj i adhurimit dhe bekimeve hyjnore ka edhe një rëndësi historike. Siç u përmend më lart, shpallja e Kur’anit të shenjtë filloi në këtë muaj. Beteja e rëndësishme e Bedrit dhe ‘Çlirimi i Mekës’ gjithashtu ndodhën gjatë muajit të Ramazanit.

“Ramazani”, sipas disa thënieve jo të konfirmuara është njëri prej emrave të Allahut. Për këtë arsye ne s’mund të themi Ramazan pa e sqaruar se jemi duke folur për muajin, dhe për këtë gjithnjë duhet të themi muaji i Ramazanit. Udhëheqësi i besimtarëve Ali ibn Ebu Talibi, Allahu qoftë i kënaqur me të, ka thënë: ‘Mos thoni Ramazan, por thoni muaji i Ramazanit. Ju nuk e dini ç’është Ramazani.’ Kuptimi i njëjtë është transmetuar nga i Dërguari, lavdërimi dhe paqja e Allahut qofshin mbi të, në një fjalim gjatë Shabanit: “Muaji i Allahut po vjen...”

Allahu na i pranoftë namazet tona, agjërimin tonë, na i haptë zemrat tona dhe na ndihmoftë që të bëhemi më të mirë!

Urime muaji Ramazan!

Nga anglishtja: Fexhrie Kaçiu

[Explorer]

TË VEÇANTA TË RAMAZANIT NDAJ MUAJVE TJERË

Islami shumicën e adhurimeve e ka lidhur me vitin hënor, që përbëhet nga 355 ditë, 10 ditë më pak se viti diellor. Kalendari hënor ka 12 muaj. Muaji fillon me hënën e re e cila pasi plotësohet, gjatë gjysmës së parë, kthehet përsëri në gjendjen fillestare. Ramazani është njëri prej muajve të kalendarit hënor.
Për shkak të diferencës 10 ditore me kalendarin hënor, këto muaj gjithmonë janë në lëvizje.
Islami nuk bie ndesh me këtë Univers, ku çdo gjë është në lëvizje, duke përfshirë galaktikat dhe grimcat më të vogla, atomet, elektronet. Islami me adhurimet që e zbukurojnë atë, janë një bashkësi konform këtij ligji. Dijetari i madh Ibn Kajim me të drejtë thotë: “Dije se nuk ka gjë në këtë univers që qëndron në gjendje konstante qoftë në natyrë qoftë në fe…, çdo gjë është në lëvizjë....” Me kalendarin hënor, mundësia e përcaktimit se në ç’ditë në bazë të llogaritjes së kohës është më e lehtë, sepse cikli mujor i hënës shihet me sy të lirë nga çdokush. Gjithashtu duke u bazuar në kalendarin diellor i njëjti muaj, nuk ka klimë dhe gjatësi dite të njëjtë në vende të ndryshme të rruzullit tokësor. Kjo do të thotë se për një vend Ramazani, për shembull, do të ishte gjithmonë në dimër, e për ndonjë vend tjetër gjithmonë në verë sepse stinët janë të ndryshme për vende të ndryshme. Këtu shpaloset Drejtësia dhe Mëshira Hyjnore e cila është e shpërndarë në mënyrë të atillë që të gjithë ta ndjejnë etjen dhe urinë në të gjitha stinët. Po kështu del në pah dhe urtësia e fjalëve pejgamberike, përse ne besimtarët muslimanë obligohemi të fillojmë edhe të përfundojmë adhurimet tona fetare si, muajin e agjërimin dhe haxhin etj, në përputhje me lëvizjen e hënës e jo të diellit, për të mos i bërë padrejtësi asnjë populli. Duke folur mbi këtë fakt, Pejgamberi Muhammed alejhi selam i urdhëroi besimtarët:
“Agjëroni kur të shihni hënën e Ramazanit dhe ndërpriteni agjërimin kur të shihni hënën e muajit tjetër.” [Transmeton Buhariu dhe Muslimi]


Shtrohet pyetja: Përse u caktua Ramazani si muaj agjërimi dhe nuk e pati këtë meritë asnjë muaj tjetër?


Fillimisht themi se sekreti i plotë i kësaj urtësie ndodhet tek Allahu, Krijuesi dhe Paracaktuesi i Vetëm, i Cili nuk pyetet për atë që vepron, ndërsa ne do të na kërkohet llogari për çdo veprim qoftë i vogël apo i madh! Është vetë Allahu, Ai që e emërtoi këtë muaj Ramazan, e urdhëroi këdo që është i pranishëm në këtë muaj, t’i agjërojë plotësisht ditët e tij. Për këtë Allahu thotë: “…kush prej jush e përjeton këtë muaj, ta agjërojë .…” [Bekare, 185]
Vlerat dhe mirësitë e këtij muaji të begatë e bëjnë Ramazanin muajin më të privilegjuar ndaj muajve të tjerë. Historia dëshmon se një mori ngjarjesh të rëndësishme kanë ndodhur pikërisht në këtë muaj.
Përmendim disa prej tyre:
1
Zbritja e shumë librave hyjnorë si: Tevrati, Zeburi, Inxhili, Kur’ani si dhe fletushkat e Ibrahimit.
2
Zhvillimi i shumë betejave mes muslimanëve dhe kundërshtarëve të tyre, shumica e të cilave kanë përfunduar në fitoren e muslimanëve, siç është lufta e Bedrit, çlirimi i Mekës, i Andaluzisë etj.
3
Këtë muaj ndërroi jetë profeti i Beni Israilëve, Musai alejhi selam, e po në këtë muaj Allahu me madhërinë e Tij ngriti në qiell Isain alejhi selam.
4
Pikërisht, në këtë muaj kanë vdekur figurat më të shquara të Ummetit Islam duke filluar me nënat e besimtarëve: Hatixhjadhe Aishja. Po në këtë muaj ndërroi jetë Fatimja dhe bashkëshorti i saj Aliu, Allahu qoftë i kënaqur prej të gjithëve.
5
Ky është muaji i ibadetit dhe i përkushtimit të plotë. Në të, Allahu fal, mëshiron, shpërblen e dhuron. Mbi vlerat e tij flet edhe hadithi që Ebu Hurejre përcjell nga Pejgamberi alejhi selam, i cili ndër të tjera thotë:
“Kur vjen Ramazani, hapen dyert e Xhenetit dhe mbyllen ato të zjarrit ndërkohë që lidhen shejtanët (më agresorë).” [Transmeton Buhariu dhe Muslimi]
6
Ramazani shquhet si muaji që kultivon te besimtari durimin dhe maturinë, shpresën dhe dëshirën për të ecur përpara. Sikur ky muaj të mos i dhuronte atij vetëm sabrin dhe durimin, do t’i mjaftonte shpërblimi i pafund që Allahu ka përgatitur enkas për durimtarin:
“Bëni durim, sepse me të vërtetë Allahu është me durimtarët.” [Enfalë, 46]
Ndaj, mendohu o vëllai im musliman dhe motra ime muslimane, ta presësh këtë mik siç e meriton, duke e kënaqur atë me sinqeritetin dhe përkushtimin tënd ndaj tij. Le të jenë veprat dhe fjalët e mira ushqim për këtë mik të shumëpritur, shpresa për falje mëkatesh iftari yt dhe fitorja me Xhenet ëndrra jote në netët e këtij muaji të madhërueshëm.

[_Mersin_]

Po ramazani tani ishte. Apo kane filluar ta bejne nga dy here ne vit tani?

Ela nje kove uje per gocen, ta sjellim pak ne vete.

Ka nga ata qe e mbajne me deshire (kam njohur nje qe mbate dy ne vit...) nejse...

Tamam ajo date eshte apo sje i sigurte ti cuno?

Edhe dy kova uje per kete cunin qe ke njohur ti.

[ILMGAP]

Ela nje kove uje per gocen, ta sjellim pak ne vete.




Edhe dy kova uje per kete cunin qe ke njohur ti.

Një Skjarim për të gjithë ju që e dramatizoni qështjen ...

Ela kishte bërë pyetje në fillim ... :

Kur fillon dhe kur mbaron sivjet Ramazani?

Ndërsa unë ia kisha kthyer përgjigjen ... :

20 Gusht Fillon
20 Shtator Mbaron
...
me sa di unë, shpresoj të ndihmoj, i lus të tjerët të verifikojnë përgjigjen, sepse nuk jam i sigurtë. Ju Faleminderit.

Dhe më pas ela më kishte pyetur prap ... :

...

Tamam ajo date eshte apo sje i sigurte ti cuno?

Ndërsa unë nuk i kam kthyer ende përgjigje, po pres nga ju që jeni më të sigurtë, a fillon me 20 Gusht dhe Mbaron me 20 Shtatorë, a është data e saktë ... ?!


Besoj isha i qartë ...

[_Mersin_]

Një Skjarim për të gjithë ju që e dramatizoni qështjen ...

Ela kishte bërë pyetje në fillim ... :



Ndërsa unë ia kisha kthyer përgjigjen ... :



Dhe më pas ela më kishte pyetur prap ... :



Ndërsa unë nuk i kam kthyer ende përgjigje, po pres nga ju që jeni më të sigurtë, a fillon me 20 Gusht dhe Mbaron me 20 Shtatorë, a është data e saktë ... ?!


Besoj isha i qartë ...

teper i qarte por skisha gje me ty e kisha me eren qe tha dy ramazane qenkan?


Ramazani fillon nga data 22 Gusht ne mos gaboj.Gjithsesi do shikojme Henen e re.Selam

http://www.islamicfinder.org/prayerP...y=Tirane&lang=


Ketu keni kalendar per gjithe shtetet e botes

http://www.islamicfinder.org/

[bombona]

Une Per Vete Do Agjeroj Me Shum Deshir

[Selma*]

Selam,

Para se te fillon Ramazani- Enis Rama

http://www.zshare.net/download/63597156469f938e

[Selma*]

5 - Përmallimi për agjërimin (Kursi i të përmalluarve për Ramazan)




6 - Përmallimi për Kur'anin (Kursi i të përmalluarve për Ramazan)






p.s Mjekesia, do ngeleshim pa uje fare, sa shume kova me uje nevojiten lol

[Selma*]

7 - Përmallimi për I'tikaf




8 - Përmallimi për të Dërguarin e Allahut