Qiproja “zbulon” tragetet e orgjive
» Dërguar më: 26/07/2009 - 14:44
Seks në grup në anijet pranë brigjeve qipriote. Imazhet janë të pangatërrueshme dhe nuk lënë asnjë shteg dyshimi, aq sa gazetat norvegjeze i kanë publikuar fotot dhe i kanë pagëzuar menjëherë me togfjalëshin "Tragetet e orgjive". Por, qytetarët e Ayia Napas, dikur një lokalitet i vogël i banuar vetëm nga peshkatarët dhe familjet e tyre, e që sot është kthyer në një nga vendet turistike më të famshme të Qipros, nuk janë dakord me këtë dhe janë nevrikosur me shtypin e huaj. Sipas banorëve të lokalitetit bregdetar, gazetat e Europës Veriore kanë nisur një fushatë denigruese kundër Ayia Napas, dhe ky spot i shëmtuar do të largojë shumë turistë europianë që çdo vit mbërrijnë këtu për të shijuar plazhet e pastra dhe mjediset fantastike të ishullit në detin Mesdhe.
Imazhet
Gjithçka nisi javën e kaluar, kur shumë gazeta të Europës Veriore publikuan imazhet e anijeve në afërsi të bregdetit, ku shfaqeshin grupe të mëdha turistësh që bënin seks para syve të turistëve të tjerë. Sipas reportazhit, kjo nuk është hera e parë që flitet për orgji të organizuara në këto tragete, që ndodhen në afërsi të Ayia Napas. Tre vjet më parë, policia lokale hapi hetimet ku u përfshinë edhe turistë britanikë dhe skandinavë, që u akuzuan se bënin seks në grup gjatë një shëtitjeje nate në një traget pranë brigjeve qipriote. Në imazhet e publikuara në këto ditë, shfaqen të rinj që pinë alkool dhe bëjnë seks. Sipas medias norvegjeze, disa foto ishin shumë të qarta, dhe ndaj nuk duheshin publikuar. Megjithatë, gazetarët kanë mbledhur dëshmi dhe kanë publikuar të gjitha imazhet ku dukeshin të rinjtë duke bërë seks në grup.
Asnjë hetim
Policia ka bërë të ditur se këtë herë nuk do të hetojë për rastin. "Për shumë vjet kemi hetuar ngjarje të tilla, dhe ndaj nuk jemi aspak të habitur nga këto lajme", - deklaroi për "Cyprus Mail", George Economou, zëdhënës i policisë në Famagosta. "Nuk mund të bëjmë asgjë nëse nuk ka denoncime dhe persona që protestojnë. Anijet kontrollohen përditë në port dhe nuk është gjetur deri tani asnjë shenjë që të mund të tregonte se ndërhyrja jonë ishte e domosdoshme. Natyrisht, nuk mund t'i ndalojmë nëse janë në det të hapur dhe bëjnë seks", - shton ai. Më të indinjuar për ngjarjen janë banorët e Ayia Napas, që janë mërzitur me shtypin e huaj. "Fotografitë e botuara japin një imazh komplet të pavërtetë për turizmin tonë", - thotë për "Daily Telegraph", kryetari i bashkisë, Antonis Tsokkos. "Kjo nuk është Ayia Napa e vërtetë".
gsh.
Përgjigju Duke Cituar
Postuar më parë nga tvsh
Krijoni Kontakt