"Të krihem në sytë e tu"

[pranvera bica]

Ejani.......


Ejani t'ja themi njëri-tjetrit,
Si e përjetuam dashurinë.
Ta kujtojmë edhe ne të vjetrit,
Si dikur kur njifnim veç rininë.

Ejani t'ja nisim kuvendimit,
Dy e nga dy e ku me shoqërinë,
Qetë e qetë, t'ja kujtojmë harrimit,
Se dhe brezi ynë e ka lavdinë.

Ju ejani,qoftë me gjysëm zëri,
Vetëm nisni fjalë për dashurinë.
Kush gaboi të bindet i tëri
Dhe të ndahet malli me rininë.

Eh mo Riza2008!Ia nisim ne po kush na beson se edhe ne kemi pasur zemer qe ka pasur vend per dashuri!Urime te vazhdueshme ,se kjo tregon qe te ndjekim hap pas hapi.

[KUJTIM CAMI]

E çuditshme........


Unë e njoh këtë jevgë simpatike,
Si puna ime atë e njohin shumë.
E larë e tëra si me rreze drite,
Zverdhuar faqia si hëna mbi lumë.

Ja kam zilinë për trupin e për synë
Dhe për një çast harroj se nga kam ardhur.
Harroj se derës ja kam varur drynë,
Harroj se para saj rri si i mardhur.

E çuditshme,por çudirat ndodhin
Dhe me zeshkanet që i dallon ngjyra.
Në thënçi ju që mëndia e atij rrodhi,
Nuk e thon sytë se i pëlqen fytyra.

Ëëëëëëëëëëëëëëëëëëëë Riza Riza jo mirë kështu.
Mos u bëj tradhëtor se pastaj do të pendohesh.
Por poezitë si gjithnjë të shkëlqyera.

[Agim Metbala]

Ku shkoi vallë?!.....


Po s'jam këtu, tek kafe Rremës,
Diku në shpellë qiellin sodis.
Në tavolinë,nëcep të zemrës,
Një bukuroshe po më cingris.

Ti prap atje do të shkosh nga hera
Dhe me habi thua:"Ku shkoi"?!
Tek cepi errët atje tek dera,
Dy sytë e tu do më gjurmojnë.

Mbi tavolinë s'do shikosh shkrepse,
As gotë raki,as taketuke.
Me gishta gërshetat i shplekse
Dhe buzët me dhëmbë mi nduke.

Ti nga mërzia do të trishtohesh
Dhe rri mendonu shkoi vallë?!
Ky qe poet dhe ligështohesh,
Mbi rima rrëshqiste si dallgë.

Tek tavolina më ke mbështetur,
Në heshtje shpirtin po mundoj.
Rri si një hije e lodhur,tretur
Kërkoj një varg që të më zgjoi.

I dashur mik Riza ÇATO, kjo poezi, është njëra nga poezitë më të bukura të këtij cikli (sigurisht për shijen time)...

Përgëzimet e mija i nderuar!

[riza2008]

Përshëndetje Pranvera,Kujtim.Agim.Ju faleminderit për pjesmarrjen dhe mendimet që jepni.Ju përshendes me poezinë e më poshtme:


Ma thuaj çfar ndjen...........


Të mori malli për mua -më shkruaj,
Ma thuaj çfar ndjen,çfar mendon?
Nëse ke ndrojtje,mos ndruaj,
Nëse ke ndjenjë-dashuron.

Të vjen ndërmënd qyteti me trëndafila?
Ajo lulishte buz' Lumit Vjosë!
Mbi një pemë këndonin kanarina
Dhe oshëtinin yjet mbi qiellin rozë.

Mbaj mënd nga ty ç'do gjë të bukur
Dhe mallin e ruaj në gji.
E mbaj mënd dhe një të puthur
Edi,që buzët e mia po e kërkojnë përsëri?!

E çfar s'mbaj mënd,as gjë s'kam harruar
Dhe pse vitet i dyfishuam të dy.
E ndjej tiktakun të zbehtë mbi duar
I shikoj trëndafilat sikur të kam Ty.

[riza2008]

Të dy........


I lodhur mbi karrike dremit,
Hap e mbyll sytë më çfaqesh Ti.
Herë errësirë,herë hënë që ndrit
Herë vetëtimë me shi e stuhi.

Para teje ndal dëshira ime,
Ashtu e ëmbël,e thartë e me dallgë.
Kemi kaluar shtigje e minime
Jemi dashuruar,qeshur edhe qarë

Drejt njëri-tjetrit kemi zgjatur duart,
Të dy u lagëm,u dogjëm u thamë.
Aty flejtëm dhe aty u zgjuam,
Aty të bashkuar u ndamë.

Të kam pasur idhull çast e orë,
Busull në tokë,det e mal.
Po të ishja vërtet një meteor,
S'do dija ç'të ndriçoja nga hiret e saj.

[riza2008]

As kush.........


As kush nuk e kuptonte shikimin tënd,
Të çiltër,shigjetë vetëtime.
As kush se kuptonte që zemra të dhëmb,
Ndaj një breng dashurie e përpive..

Njëmijë netë flejta me ëndrrën tënde,
Mbi sheshin e ballit ku hëna ndriçon.
Shikime,shikime ,me rreze më çmënde,
Një dallgë e hazdisur më djeg e më vlon.

Gjithmonë,gjithmonë ngele anonime,
Në ikje e përshkruaj kurmin tënd.
Gjaku i zemrës tënde, brënda zemrës time,
Ajo buzë e njomë që më vdes në vënd.

[riza2008]

Shpirti s'vlen.......


Ajo është e mahnitshme sigurisht
Dhe rrugës kur kalon mahnitet turma.
Kjo turmë që e shikon e buzët prish,
Gëlltit limona,pjeshkë edhe hurma.


Makinë lluksoze,florinj në gushë e gishta,
Janë ëndrra që prej saj s'largohen kurrë.
Unë me gjith shpirt ja fala ç'pata,ç'kisha,
Por shpirti s'vlen e kurrë s'u quaka burrë.

I falem paqes edhe dashurisë,
Përto kam shkruar vargje me lavdira.
Ç'e do,s'ka vlerë kjo foshnjë e ironisë,
Kjo tradhëti s'jeton dot me zinzhira.

Ajo është e mahnitshme sigurisht,
Mahnia luftë me mullinjtë e erës.
Nga diga uji mullinjtë po i prish
Dhe si gardiane drynin ja vure derës.

[eriola17]

Mesa pash kto poezi ishin te bukura .

[riza2008]

Mesa pash kto poezi ishin te bukura .

Mir se erdhe në faqen time letrare eriola17. Ju falenderoj pë pjesmarrjen dhe dëshirë që shprehni.Respekte

[antina]

As kush.........


As kush nuk e kuptonte shikimin tënd,
Të çiltër,shigjetë vetëtime.
As kush se kuptonte që zemra të dhëmb,
Ndaj një breng dashurie e përpive..

Njëmijë netë flejta me ëndrrën tënde,
Mbi sheshin e ballit ku hëna ndriçon.
Shikime,shikime ,me rreze më çmënde,
Një dallgë e hazdisur më djeg e më vlon.

Gjithmonë,gjithmonë ngele anonime,
Në ikje e përshkruaj kurmin tënd.
Gjaku i zemrës tënde, brënda zemrës time,
Ajo buzë e njomë që më vdes në vënd.

Sa e bukur...........