"Të krihem në sytë e tu"

[riza2008]

[QUOTE=riza2008;2378317]Ç'far kërkon?.........


Ç'mu kujtove sonte që s'ka Hënë,
Si fantazmë më çfaqesh nëpër sy.
Më kërkon atë që s'ta kam thënë,
Si kusar më paske zënë pusi.

E vë dorën përmbi kokën time
Dhe rrëshqet si ngjala nëpër gjol,
Këndon këngë e mua më thur himne
Dhe më porosit: As gjë mos bëj me zor!...

Ç'far kërkon nga mua zemërmira?
Ç'i mungon këtij qielli kaltërosh?!
Unë gjithmonë jam ndeshur me stuhira
Dhe stuhitë s'më kanë hequr osh.

Unë në vargje gjithmonë të kam dashur,
Të kam thënë thëllëzë e ç'far do ti.
Po kjo verë e nxehtë e cipë plasur,
S'u kujtua kurrë për ne të dy..[/QUOTE]

[riza2008]

Ç'far je?!.....


S'të kuptoj ç'far je, or qyqar!
Në zemër farmakun e mbledh.
Tipiku i tipikut beqar.
Dashnoren s'e do e s'e njef.

Në prag të dritares përgjon.
Spiun i regjur i vetmisë,
S'mësove kurrë të dashurosh,
S'mësove kurrë ti falesh Perëndisë.

Si brymë e Dhjetorit në luginë,
Si ëndërr e verbët pas mesnate.
Harron se ku e kam shtëpinë,
Qyqar,o qyqar kaq e pate.

Me lotët e nepërkës të josh,
Me tingujt e kitares gjezdis.
Ke frikë dashurinë ta zbulosh,
Ke frikë buzëqeshjen ta qëndis.

[riza2008]

Fjala e fundit ishte mirkuptimi......

Akullnajë ndjeja në shpirtin e lodhur.
Këmbët lëviznin ashtu pa kuptim.
E dashur,si gjithmonë e kudo ndodhur
Dhe as njëherë s'pranove sqarim.

Bjeshkë e lartë mu duk ajo pamje.
Balli i gjerë si fushë pa mbarim.
Dy syçkat vajtonin në skamje
Dhe zemra e tur për kthim.

Vdis me mua, gumzhinte honi,
Ky qe një fat i keq për ne.
Besomni a shamni po të doni,
Psherëtimat po më rrëzojnë përdhe.

Fjala e fundit ishte mirkuptimi..
Sytë soditën skutat e pa fjala.
Nga harresa lindi vezullimi
Dhe kujtesa humbi në andralla.

[riza2008]

S'më qesh buza.......


Si jetim prap po largohem,
Në rrugicën pus të zi.
Dhe në shpirt zë e shtërngohem,
Si kuçedër sillesh ti.

S'më qesh buza,s'më do fati,
Anormal në dashuri.
Një kllapi zemrën ma kapi,
Si në hon ngelur njeri.

Me guriçkat zë e luaj,
Me guriçkat zë e flas.
I burgosur ,për ty vuaj,
Nga marazi po pëlcas.

Dhe në pyje këndoj vetëm,
Si kaçak rri në një shpellë.
Prap të dy vetëm ne mbetëm,
Si jetim ngela përherë.

[riza2008]

Kur mëngjezet zgjohen në ballkone....


Nëpër bahçe më nuk do shëtitësh,
Erën tënde s'do ta ndjej dot më.
Shpurpuritur flokët i gjesdisje
Dhe më vjen në ëndërr pa thën' gjë.

Të mbaj mënd që ishe simpatike,
Me aromë të mollës trupin larë.
Nëpër bjeshkë veten tënde rrite,
Bardhësinë e borës kishje marrë.

Qerpikshkruar me rrezen e Hënës,
Emri si një tingull më kumbon.
Shum tipare ke marrë nga të nënës
Ca të tjera vjeshta ti lexon.

Kur mëngjezet zgjohen në ballkone
Dhe kujtimin prek me fllad të lehtë.
Ata sy shkëndie të asaj zonje
I kuptoja unë dhe Zoti vetë.

[riza2008]

Ika....


Ika......
S'të shikoja dot, të mërzitur në shpirt,
për planet që thurje si një vocërrake.
Ah! Sa më ka lodhur ajo ditë,
gjumi nuk më zuri as pasmesnate.

Ika....
Të mos dëgjoja ulërima tingujsh mbrapa gardhit,
Që mbytnin sinfoninë në dhomën lartë.
Me dhimbje i përcolla rrezet e beharit,
Nuk mbesoj të ndodh,që ta harroj atë datë.

[riza2008]

****************************


Ti në krevat tani dremit
Dhe endrra shef si një princeshë.
Për mbi ballë Hëna të ndrit
Dhe këngën nis si një hyjneshë.


Bashkë të dy të dashuruar,
Jetës ballë i kemi dalë.
Jemi sharë,jemi harbuar,
Rrugës ngecur,rrugës çarë.


Për mbi rrugë ndalon mendimi
Para teje ndjehem djalë.
Endërr e trishtë del nga gëzimi,
Dehja dhe sot s'më ka dalë.

[pranvera bica]

Mbulohu me dashurinë time.....


Mbulohu me hijen e Hënës kësaj nate.
Me hijen e Hënës të larë në yje.
Dhe ndonjë dëshirë të zjarrtë po pate,
Dërgoje më cicërimat e zogjve në pyje.

Atje tek pylli me lisa flë gjumë.
Mbuluar me gjethet e vjeshtës.
Në se të duhem,apo të prish punë,
Njoftomë, me degzat e mështeknës.

Mbulohu me qerpikun e syrit sonte,
Me qerpikun e zi, tek livadhi artë.
Atë që zemra ty do të të donte,
Ftoje tek kroi,tek kroi i thatë.

Mbulohu me dashurinë e zemrës sime,
S'do kesh nevojë aspak për çarçafë.
Këto dy zemra që sot janë jetime,
Nesër gdhihen si prushi në oxhakë.

Cfare mallesh nuk na zgjon me keto Rubaira Omer!Respekte!

[riza2008]

[SIZE="4"][COLOR="Red"]

Cfare mallesh nuk na zgjon me keto Rubaira Omer!Respekte!

Pranvera!Vërtet të jam shumë mirnjohës për kohën që vini në dispozicion të krijimeve të mia,kjo nuk është pak.Ju kam ndjekur në forum jeni njeri i kualifikuar dhe jepni mendime tepër të sakta kudo që ndërhyni.Temat që ju keni hapur në forum janë tepër aktuale dhe gjëjnë veten një grup moshe të diverencave të ndryshme.Falë profesionit që ke ushtruar(s'e di a vazhdon si mesuese) të ka dhënë një eksperiencë të madhe komunikimi me njerzit.Arti i komunikimit mposht çdo barrierë. Pranvera ju faleminderit për ç'do gjë ju jam mirnjohës. Respekte....

[pranvera bica]

[SIZE="4"][COLOR="Red"]

Pranvera!Vërtet të jam shumë mirnjohës për kohën që vini në dispozicion të krijimeve të mia,kjo nuk është pak.Ju kam ndjekur në forum jeni njeri i kualifikuar dhe jepni mendime tepër të sakta kudo që ndërhyni.Temat që ju keni hapur në forum janë tepër aktuale dhe gjëjnë veten një grup moshe të diverencave të ndryshme.Falë profesionit që ke ushtruar(s'e di a vazhdon si mesuese) të ka dhënë një eksperiencë të madhe komunikimi me njerzit.Arti i komunikimit mposht çdo barrierë. Pranvera ju faleminderit për ç'do gjë ju jam mirnjohës. Respekte....

Nje fshat qe duket thote populli nuk do kallauz...apo jo .Poezine kush nuk e do dhe vlereson sidomos kur eshte e nivelit tuaj...Faleminderit per vleresimin ...dua dhe tre vjet dhe e le detyren sa fisnike aq dhe te lodheshme...Ftesa qendron ,kur te kaloni nga qyteti im ju presim.