Ukraine - Policia ndalon autokolonat ushtarake Ruse , shtihen tensionet.

[Glaukia88]

Policia ukrainase ndaloi sot disa autokolona të automjeteve të ushtrisë ruse në qytetin ku është dislokuar flota ruse e Detit të Zi, duke shënuar kështu incidentin e radhës që përkeqëson tensionet ndërmjet dy fqinjëve, njoftuan mediat.
Agjencitë e lajmeve njoftuan se një diplomat rus përgjegjës për flotën ruse, do të largohet nga Ukraina javën e ardhshme.
Porti i Sevastopolit në gadishullin e Krimesë në Ukrainë, që nga pala ruse shihet si një pjesë kryesore e trashëgimisë së saj ushtarake, ka qenë gjithmonë një çështje problematike në marrëdhëniet ndërmjet Kievit dhe Moskës, që prej rrëzimit të Bashkimit Sovjetik në vitin 1991.
Tensionet arritën kulmin verën e kaluar, kur Rusia dërgoi anijet e saj ushtarake nga porti i Sevastopolit drejt Gjeorgjisë gjatë luftës pesëditore ndërmjet dy vendeve, pavarësisht kundërshtimit të presidentit ukrainas Viktor Yushchenko.
Marrëdhëniet ndërmjet Rusisë dhe Gjeorgjisë vazhdojnë të jenë të tensionuara. Sot Rusia me anë të një deklarate, që përkon me vizitën e zëvendëspresidentit amerikan Joe Biden në Tbilisi, bëri thirrje që Gjeorgjia të mos e shtojë arsenalin e saj ushtarak dhe paralajmëroi vendet që do ta ndihmonin për një gjë të tillë.
Rusia ka një kontratë me Ukrainën për përdorimin e portit të Sevastopolit deri në vitin 2017 dhe Kievi ka deklaruar se kontrata nuk do të shtyhet, por Rusia ka shprehur dëshirën për të qëndruar dhe kjo mbështetet nga pjesa më e madhe e banorëve të Sevastopolit.
Policia e Sevastopolit deklaroi se oficerët e saj ndaluan një autokolonë kamionësh rusë, që transportonin raketa përmes qytetit, tre ditë përpara festimeve për përvjetorin e flotës ruse.
Media njoftoi se policia ukrainase ndaloi një autokolonë të dytë autoblindash ruse, që vendosën të kthehen sërish në bazën detare.
E njëjta situatë u krijua edhe disa ditë më parë kur policia ukrainase ndaloi dy herë disa mjete ushtarake që transportonin raketa duke kaluar përmes Sevastopolit.
Shumë analistë mendojnë se gadishulli i Krimesë, ku pjesa më e madhe e popullsisë është me origjinë ruse, pas konfliktit me Gjeorgjinë do të bëhet pika kryesore e tensionit në rajon.
Krimea ishte pjesë e Rusisë deri në vitin 1954, kur lideri i atëhershëm i Kremlinit, Nikita Hrushov ia dhuroi Ukrainës në një periudhë kur rrëzimi i Bashkimit Sovjetik dukej i pamundur.

mare nga: www.shtypidites.com

[loneeagle]

me te poshter se ruset nuk ka

[oliinter]

u shofshin te gjithe ruset ishalla hahahahahahhahahah