Ministria e Arsimit nuk njeh masterat evropianë

[INFINITY©]

Ministria e Arsimit nuk njeh masterat evropianë

Të rinjve, që kanë studiuar jashtë vendit, nuk u lejohet të kryejnë doktoraturat


Kanë shpenzuar një mal me para për të studiuar në universitetet më prestigjioze të Evropës Perëndimore. Kanë harxhuar kohë dhe energji në studime për të fituar me mund diplomat e nivelit master disavjeçar me 180 kredite në këto universitete. Por në Shqipëri përballen me një mur të pathyeshëm që refuzon t‘ua njohë këto diploma masteri.

Rreth 50 të rinj që kanë kryer studimet master në universitetet perëndimore dhe dëshirojnë që të kryejnë doktoraturat në vend nuk mund ta bëjnë një gjë të tillë. Kjo për faktin se, siç pohojnë edhe vetë përfaqësuesit e komisionit të konvertimit të diplomave dhe certifikatave në Ministrinë e Arsimit i thonë se duhet t‘u nënshtrohen studimeve të masterit të nivelit të dytë në Shqipëri dhe pastaj të vazhdojnë studimet e doktoraturës. Në këtë mënyrë, ata nuk u njohin këtyre të rinjve studimet në nivel masteri të kryera në Evropë, por sipas Kornizës Shqiptare të Kualifikimeve ato vlerësohen thjesht si studime të nivelit të dytë (DND).

Deri më 20 qershor është edhe afati i fundit që këta të rinj kanë për të aplikuar për doktoraturat, të cilat rrezikojnë t‘u digjen vetëm për shkak të skemës së konvertimit të diplomave, që ka miratuar Ministria e Arsimit. Kjo skemë "kapërcen" standardet evropiane, duke i konsideruar studimet në universitetet shqiptare më cilësore sesa ato të kryera në emrat më të njohur të universiteteve evropiane.

Ankesa

Dhjetëra persona që kanë mbrojtur masterin në universitete të ndryshme të Parisit, Nju Jorkut, Romës, Milanos, Berlinit, Amsterdamit, Londrës a Brukselit, nuk u njihet ky nivel studimi nga Komisioni i Njohjes së Diplomave në Ministrinë e Arsimit. Sipas vetë të rinjve, ka edhe raste që ky komision bën njohje selektive të këtyre diplomave.

Në një tabelë të përgatitur nga MASH janë gjithsej tri cikle studimi universitar si për Kornizën Evropiane të Kualifikimeve (KEK), ashtu edhe për atë shqiptare. Por e "veçanta" e kësaj tabele qëndron në shënimin e së drejtës për të vazhduar studimet për doktoraturë, të një kandidati, i cili ka marrë titullin master, sipas Kornizës Evropiane të Kualifikimeve.

Kështu, një kandidat që ka kryer master sipas KEK, mund të vazhdojë studimet për doktoraturë pa asnjë kërkesë tjetër në të gjitha vendet e zhvilluara evropiane, që aplikojnë Kornizën Evropiane të Kualifikimeve. Por e kundërta ndodh në Shqipëri. Kandidati që ka marrë master sipas standardeve evropiane (KEK), që të vazhdojë studimet për doktoraturë, sipas Kornizës Shqiptare të Kualifikimeve në Shqipëri, detyrohet që të ndjekë më parë edhe studime master të nivelit të dytë (MND) shqiptare.

Ajo që konsiderohet si krejtësisht e palogjikshme prej këtyre të rinjve është fakti që masteri sipas KEK, me 180 kredite, të paraqitet në tabelën e konvertimit jo në nivelin master, siç titullohet në tërë vendet evropiane, por diplomë e nivelit të dytë, (DND). Për këta të rinj, është absurde të barazosh masterin sipas kornizës evropiane me DND sipas kornizës shqiptare. Dhe kjo, si nga ana formale, nga master në DND, ashtu edhe nga përmbajtja, duke krahasuar programet e studimeve me kreditet e marra. Ata ngrenë gjithashtu pyetjen: vërtet nuk i është njohur askujt masteri i kryer në universitetet evropiane?

Komisioni

Kjo strukturë e MASH-it ofron procedurat e konvertimit të cikleve dhe titujt e studimeve universitare, jep dhe tabelën e konvertimit të diplomave, sipas cikleve në Kornizën Evropiane të Kualifikimeve dhe sipas cikleve në Kornizën Shqiptare të Kualifikimeve. Në bazë të udhëzimit të Ministrisë së Arsimit të 3 shtatorit 2007, ky komision ka të drejtë të administrojë dhe të kryejë procedurat për të gjitha aplikimet për njohje të diplomave të ciklit të parë dhe të ciklit të dytë, të diplomave master i nivelit të dytë, si dhe të certifikatave të specializimit të fituara jashtë shtetit. Ai ka të drejtë të bëjë edhe procedura verifikuese për të shmangur ndonjë mundësi falsifikimi. Vërtetimi i vërtetësisë së dokumenteve për të gjitha rastet përfshin edhe njohjen e drejtpërdrejtë për autenticitetin e diplomës apo certifikatës së huaj, si dhe për statusin dhe legjitimitetin e institucionit që e ka lëshuar. Kjo kryhet nga SENJOD. Ky i fundit është i detyruar që të përfundojë procedurën e njohjes brenda 90 ditëve. Mirëpo, sipas vetë të rinjve, që kanë trokitur në këto zyra ka raste, kur nuk jepet përgjigje edhe pse mund të kenë kaluar 5 muaj. Ka të tjerë të interesuar që pretendojnë se i njëjti nivel masteri për dikë është njohur, kur për një tjetër nuk është marrë në konsideratë. Bazë e vlerësimit të programit dhe kursit të kryer janë lëndët, ngarkesa mësimore në kredite, vitet e studimit, plotësimi i kuadrit bazë, rezultatet e të mësuarit, formimi themelor etj. Mirëpo, ka raste kur një master i mbrojtur në vendet perëndimore edhe pse ka kohëzgjatje më të madhe se ata të mbrojtur në Shqipëri, si dhe ka më shumë kredite, përsëri nuk njihet nga ky komision.

Braktisja

Një ndër kushtet e anëtarësimit të Shqipërisë në Bashkimin Evropian është edhe standardizimi i legjislacionit shqiptar në përputhje me BE-në. Por, në këtë rast, standardet shqiptare duket se i tejkalojnë edhe nivelet e BE-së. E ndërsa bëhet propagandë se po largohet truri dhe ai duhet patjetër që të tërhiqet në Shqipëri, nga ana tjetër atyre që vendosin të kthehen iu mohohen të drejtat që ua njeh e gjithë Evropa, por jo Shqipëria. Dëmi për këta të rinj është sa moral aq edhe material për investimin e kryer dhe si alternativë duket se nuk mbetet tjetër veçse braktisja.

http://gazeta-shqip.com/artikull.php?id=66472

[INFINITY©]

Dhe thone pse iken truri i Shqiperise ne shtete te tjera?

Kjo eshte per te vene duart ne koke.

[mia@]

Nje arsye me shume qe intelektualet te mos kthehen ne Shqiperi.

[Xhuxhumaku]

Nje arsye me shume qe intelektualet te mos kthehen ne Shqiperi.

dea aman, vetem ti kthehu, se hy une mik tek Beja

ku do me dhon kontributin tend ne c'fushe?

[mia@]

dea aman, vetem ti kthehu, se hy une mik tek Beja

ku do me dhon kontributin tend ne c'fushe?

Ku te kete nevoje atdheu. Jena pa pretendime.

[Izadora]

nga ana tjetër atyre që vendosin të kthehen iu mohohen të drejtat që ua njeh e gjithë Evropa,

Ndoshta po e ekzaxhiroj pak ,por edhe ne nuk na njihet asgje ne Europe.

[INFINITY©]

Ndoshta po e ekzaxhiroj pak ,por edhe ne nuk na njihet asgje ne Europe.

Nuk e di per ne Evrope, por ama ketu ne Amerike nuk te mohojne gje. Shoqja ime e ngushte mbaroi ekonomikun ne Tirane, dhe kur erdhi ketu thjesht beri njesim diplome dhe tani po vazhdon MBA-n. Nuk i thane keta amerikanet qe duhet te besh njehere Bachelor's ketu qe te vazhdosh masterin.

Thjesht fakti qe shteti shqiptar nuk e quan as master diplomen e tyre por arsimim ne nivelin e dyte, per mua eshte fyerja me e madhe qe mund t'i besh dikujt qe ka sakrifikuar dhe eshte rropatur aq shume qe ta mbaroj ate Master ne nje shkolle te mire.

Me mire i grris diplomat qe kam se sa te tallen "anetaret" e atij pseudo-komisioni qe e kane marre ate vend pune me mik dhe nuk e kane haberin se c'do te thote te studiosh vete per nje provim ne vend qe te japesh $100.

[Enii]

Ndoshta e kane bere kastile te ndihmojne studentat qe studjojne ne Shqiperi te ecin perpara , sme duket ide e keqe , ne te tjeret kemi me shume mundesi se ta per te gjetur pune ..
jam kurjoze ca menyre u kane dhene te ardhurve , duhet te bejne gje shkolle ne Shqiperi?lolll

[milanistja_el]

Ndoshta po e ekzaxhiroj pak ,por edhe ne nuk na njihet asgje ne Europe.

Mos ki merak se dhe ketu te ne s'eshte me pak... Me diplome te U.T ha buke, me diplome te Universitetit te Elbasanit apo Durresit e kshu me radhe duhet me prit 10 vjet te gjesh pune... e jemi vetem 1 ore e 20 min larg Ministrise LooL

[benseven11]

Ku do punojne keto masterat nga europa?Ne akademine e shkencave?
Perse duhet te njihet nje diplome europe ne ministrine e arsimit?Kesaj i thone nuk e njoh universitetin e Bolonjes,universitetin Princetonit etj,HA HA HA>Qesharake.Humbje kohe,nonsense dhe burokraci.
Nqs je me diplome dhe kompetent,nuk ke nevoje te trokasesh neper zyra ministrie.Te kerkojne dhe te gjejne ato qe kane nevoje per ate kualifikim qe ke.
Mjafton nje reklame ne gazete.
Nuk ka shume rendesi statusi "Supermaster i universit " se sa aftesite profesionale,sa mund te japesh ne nje organizate,institucion apo biznes.
Nqs je diplomuar per farmaceutike ne europe shko dhe fillo pune ne nje firme farmaceutike ne Shqiperi.E thjeshte fare.
Por pagesa nuk do jete per shkalle supermasteri pasi ajo pagese nuk perballohet nga nje biznes shqiptar.
Nje problem tjeter eshte se je shume shume i kualifikuar dhe puna nuk kerkon ate shkalle aq te larte kualifikimi,per pasoje mos shpreso ndonje rroge shume shume te larte,paga jepet per llojin e punes dhe ekzakt cfare kualifikimi kerkon ajo pune,cfare do besh ne pune.
Opsioni me i mire per keto raste eshte hapja e nje biznesi konsulence per fushen ku je kaulifikuar,ne shqiperi.
Nqs do kerkosh te punosh ne shtet,duhet te njohesh njerez qe punojne ne shtet me autoritet,me pozite dhe fuqi ekzekutive.Mund te jesh Ajnshtajni,po nuk njohe njeri,po nuk pate mik,harroje ste jep njeri pune ne shtet.