Ed-veri inë..

[limbo]

a meno ti muho, se te ndihmo ka ana psikologjike fakti qe e shef gjith kohes veten si viktim dhe qe gjith kohes del bllof? apo nuk te nihmo dhe ka nai pasoj (vec faktit qe je komunist nga trute dmth, se kjo ska sherim)

[drity]

Po a e nigjo Nexhin ti ca thotë apo jo.

Po pra, po mo ç´a do ti t´boj un, t´lexoj veprat e xhaxhit, ene t´lej nom duke alucinu neper forume?

[Der_Kaiser5]

Eshte fatkeqesi e madhe qe akoma edhe sot e kesaj dite shkruhet/lexohet/degjohet per nje shtrige e cila nuk iu ngop shpirti se pushkatuari dhe internuari shqiptaret. Ne nje kohe kur keto monstra duhej te ishin denuar me burgim te perjetshem ose ti behej nje gjyq tip Nuremburgu sic u bo per nazistet, keto dalin e japin opinione te lira. TURP PER SHQIPERINE DHE SHQIPTARET!!!!

[Guri i Kuq]

Rama nis puçin enverist në PS
Bota Sot,22.7.2009

Partia Socialiste ka rikthyer diktaturën dhe tezat revolucionare staliniste në Shqipëri, nëpërmjet dhunës dhe eliminimit të zërave kundër dhe kritikë brenda vetes.
Rikthehet diktatura partiake në PS. Ish-kryetari i PS ka nisur përdorimin e plenumeve dhe të mbledhjeve ku zbuloheshin grupet armiqësore, kundër atyre degëve që po kërkojnë zbatimin e statutin dhe largimin e Edvinit nga selia. Në Lushnje një këshilltar i Ramës mblodhi një asamble të paligjshme dhe shkarkoi kryetarin që kishte kërkuar largimin e tij, ndërkohë që edhe në Shkodër është ushtruar dhunë që kundërshtarët e Edvinit të tërhiqnin kritikat që kishin thënë publikisht.

Partia Socialiste ka rikthyer diktaturën dhe tezat revolucionare staliniste në Shqipëri, nëpërmjet dhunës dhe eliminimit të zërave kundër dhe kritikë brenda vetes. Edi Rama, i ndodhur në pozitat e politikanit të vendosur në karantinë, para shporrjes finale nga politika, që pas humbjes së zgjedhjeve të 28 qershorit, filloi aktivizimin e tezave të vjetëruara komuniste, për të shuar zërat kundër tij në PS, nëpërmjet kërcënimeve të egra, dhunës verbale madje duke paralajmëruar edhe dhunë fizike, ndaj kujtdo, edhe socialistit më të thjeshtë, që do të kërkojë dorëheqjen e tij. I mjegullt në çdo qëndrim të tij, i verbër para medieve me disa pseudodeklarata, me të cilat përpiqet të fshehë dështimin e rëndë në këto zgjedhje, Edi Rama ndodhet pranë një kolapsi total, pranë një kostoje politike, pranë asgjësimit përfundimtar nga skena politike dhe, për ta shmangur me çdo kusht këtë, i shkoi në mendje të implementojë ato që i ka mësuar ati i tij shpirtëror, diktatori më i egër i të gjitha kohërave, Enver Hoxha, duke cenuar çdo standard të demokracisë.

Kësisoj, në Partinë Socialiste nuk mundet kush më që të shprehë qëndrim kritik apo të kërkojë dorëheqjen e kryetarit. Ai i është drejtuar edhe përvojës së dikaturës puniste, teksa ka imituar plenumet dhe mbledhjet antiparti, me të ashtuquajturën Asamble e Lushnjes.

Kështu ndodhi dje në degën e Partisë Socialiste Lushnje, ku kreu i saj Leonard Gogum, është shkarkuar nga Asambleja e jashtëzakonshme e thirrur nga Ergys Hoxha, një njeri i afërt i Edvinit, këshilltar i tij personal në bashkinë e kryeqytetit.

Pas qëndrimeve të shprehura kundër Edvinit, duke e akuzuar atë si shkaktarin kryesor të humbjes së PS në zgjedhje dhe se duhet të japë dorëheqjen e njëherësh të mos rikandidojë më, Leonard Gogut iu komunikua dje shkarkimi nga drejtimi i PS-së së Lushnjes. Krejt në shkelje statutore, por me një strategji të mirëmenduar për të shkatërruar që në pelena çfarëdolloj disidence, që duket se tashmë do t’i marrë udhë nga qendra (kujtojmë reagimet e Blushit, Malajt, Pëllumbit, Haxhiymerit...).

Gjithashtu edhe Partia Socialiste e Shkodrës është detyruar të dalë publikisht me dy qëndrime të paqarta dhe nën përjetimin e dhunës verbale, lidhur me dorëheqjen e Edi Ramës, nga posti i kreut të Partisë Socialiste. Dy ditë më parë, kreu i PS-së Shkodër, u shpreh se Edi Rama duhet të japë llogari para socialistëve dhe të japë dorëheqjen pa kushte, pasi është përgjegjësi kryesor, për humbjen në zgjedhjet e 28 qershorit. Pas kësaj deklarate të kryetarit të degës së PS së qytetit verior, dje u mblodh Asambleja drejtuese për të diskutuar lidhur me situatën e fundit në partinë opozitare dhe për zërat ‘pro’ dhe ‘kundër’ qëndrimit të Edi Ramës në postin e kryetarit të partisë. Por, atëherë kur dukej se anëtarët socialistë do të kishin mundësi të shprehnin kritikat e tyre ndaj fushatës elektorale të PS dhe drejtimin e PS nga Edi Rama, i cili ka mohuar zërin demokratik në këtë parti, dhunohet asambleja nga njerëz të afërt të Edvinit si Ilir Beqja e ndonjë tjetër, të cilët përdorën kërcënime nga më të ndryshmet, psikologjike dhe fizike ndaj përfaqësuesve të asamblesë. E ndodhur përballë kësaj dhune psikologjike, Asambleja Socialiste detyrohet të kërkojë qëndrimin e Edi Ramës në krye të PS dhe të bëjë thirrje për shuarjen e zërave “kundër”, ashtu siç ndodhte në monizëm, se “ashtu e kërkon kryetari”!

Kësisoj, Edvin Rama, i cili erdhi në krye të PS, gjoja sikur përfaqësonte një rrymë të re demokratike dhe se liria e shprehjes është e garantuar në Partinë Socialiste, tashmë ai po faktohet si një diktator i kohëve moderne. Ai po eliminon zërat kritikë, zërat kundër tij, nëpërmjet dhunës dhe kryqëzimit të atyre që kritikojnë dhe kërkojnë dorëheqjen e diktatorit të ri, Edi Rama. Është një garë kundër kohës në fakt, se cila do të ketë efektivitet më të madh, grushti i shtetit që po ushtron Edvini në strukturat e PS-së, apo karantina politike e opinionit publik dhe statuti i partisë, që e shpallin Ramën de jure si një ish-kryetar partie...

[DeuS]

Deus,ti që mbahesh shumë parimor dhe i mirinformuar,për akuzat e para nuk na dhe asnjë provë.
E din Deus çka është fakti dhe prova,sepse kur nuk i ke ato, e gjithë akuza trajtohet si shpifje dhe dëshmi e rreme.Dhe,Deus në çdo shoqëri normale, për dëshmi të rreme e shpifje dënohesh rëndë...
Sa për ate të dyten akuzë,pjesërisht ke të drejtë spse është e dokumentuar se Enver Hoxha është emruar sek. i parë i PKSH me rekomandim të Milladin Popoviçit dhe Dushan Mugoshës.
Vetëm të kishte dyshuar Dulla dhe oborri i tij për spiun,dihet çka pasonte....
Sali Berisha ishte student,mjek dhe intelektual i jashtzakonshëm.
Për pjesen e jetes si student të Sali Berishes kam dëshminë e një kolegut të tij nga Berati,kolegë e shokë konvikti me te gjatë studimeve.Ahmet Zogu është zgjedhur kryeministër i Shqipërisë me votë të shqiptarëve,është rrëzuar nga pushteti me puç e rrëmujë,siç ishte ajo e 97-së dhe është kthyer në pushtet nga shqiptarët me ndihmen anglo-amerikane dhe qeverive të Italise dhe mbretërisë SKS.
Sali Berisha është dhe do të jetrë gjatë në pushtet me voten e shqiptarëve që e votojnë nga pjesa e Shqipërisë londineze dhe gjithë shqiptarët e botës mbarë.
Kështu Deus,

Paragrafi i nenvizuar, eshte i vetmi te cilin e mbeshtes dhe nuk egziston njeri qe ta hedhe poshte si te pa-vertete. E kam ne familje njerin qe deshmon te njejten gje dhe eshte nje prej arsyeve te cilat e shtyjne ta ri-votoje Salen edhe pse edhe ai ka filluar te dyshoje rreth vertetesise e pastertise te tij si politikan, kauzes qe perfaqeson dhe klanit te cilit i sherben.

Persa i perket shpifjeve dhe akuzave ndaj Berishes e denimit te rende qe merr kushdo qe ngren koken, rasti i Trebickes (Gerrdecit) ishte deshmi e fundit dhe e fresket, prandaj nuk eshte e nevojshme te ma rikujtosh. Ne te njejten kohe, jam kurioz te di se ne c'shoqeri jeton dhe ciles shoqerie i referohesh nderkohe qe u shprehe me lart (!) E kupton ti zoteri se vetem fushata e fundit elektorale qe u zhvillua, ne degjuam politikanet tane, publicistet, gazetaret, analistet qe ne vend se te diskutonin rreth programeve ekzekutive te cdo partie, te alternativave ndryshe dhe te kritikave konstruktive...ne degjuam vetem: Vrave kaq veta, ke vjedhur kam milione, ke abuzuar me gjithe tenderat, vazhdon te vjedhesh e te pasurosh familjen, po u ben presion njerezve etj etj. Pala kundershtare pergjigjej: Po edhe ti ke vjedhur sa ke mundur kur ke qene ne pozite, ju morret ne qafe kaq njerez, ndertuat qindra pallate, korruptuat ne maksimum etj etj. Kupto ti ku ta kam fjalen tani? Neve kemi ujqerit ne qeverisje, kemi krriminele e hajdute qe shtetin e shohin thjeshte si makineri vete-pasuruese, varja shqiptareve. Kjo eshte shoqeria te ciles ti iu referove?

Une uroj te vije ajo dite ku ndaj nje akuzuesi (me te padrejte) si une, te merren masa. Uroj qe te vije ajo dite e politikanet mes tyre, mos te debatojne rreth gares se tyre korruptive e akuzave pa fund ndaj njeri-tjetrit. Pse nuk cojne njeri-tjetrin ne prokurori per akuzat qe iu behen, e ke pyetur veten ndonjehere? Sepse jam njeri m(U)t e tjetri Sh(U)rre. Nuk degjoj une ketu ne Angli te akuzohet ndonje parlamentar, ndonje minister, ndonje politikan, per vjedhje masive multi-milioneshe, per korrupsion, per pasurim te menjehershem dhe te padeklaruar te individeve perkates qe kane nje mandat per x vjet. Hajde dil e deklaro ketu po te duash se filan minister vodhi £360milione vetem me ndertimin e nje rruge, se shkruan ne internet nga dhoma e ajrimit pastaj. Ne Shqiperi vazhdon akoma mentaliteti i azmatikut te shtypur, ku njerezit diskutojne politikanet gjithmone ne aspektin korruptiv, psh: Ky ka vjedhur, por te pakten ka bere me shume pune se tjetri, ketij ja bej hallall une. Ose, psh: Me mire te rrije ky ne pushtet edhe nje here, se te pakten ka vjedhur e eshte pasuruar tashme dhe kismet kete mandat do perpiqet te punoje pak per te rregullu gjonat. Po te vijne te tjeret, do duan te vjedhin edhe ato per ca kohe.. (ky mentalitet me shqeteson)

Shif ç'a nuk kuptoj un; po t'qe se ky (Sala me i llaf) ishte agjent i UDBes, qoftlargu nuk kishte si e fuste n'shpi, aq ma teper ka dera mrapme. I vetmi skenar qe ky t'shte agjent i UDBes e qe Enveri ta fuste n'shpi do qe sikur ene Enveri t'ishte agjent i UDBes, athere po, mund ta fuste n'shpi. Mirpo n'kte skenar Enveri nuk kishte arsye me pas frik se Sala mun ta helmote (se kte osht duke thon Nexhi). Kupto a jo? Hiç m'duket. Ja u kan bo menjen çorap, ja u kan zbardh trunin me klor, as gabimet ma t'thjeshta llogjike nuk i kapni dot.

Ta ka shpjeguar 'puthja e zgjatme' me lart disi kendveshtrimin dhe deshifrimin e asaj qe pohon plaka vampire qe i di te gjitha te zezat qe jane gatuar per gjysem shekulli. Pak rendesi ka se nga c'dere eshte futur Berishovic, rendesi ka se ajo pohon nje te vertete, ose me mire, tringellon nje zile qe thyen qetesine. I ke bere pyetjen vetes pse nuk ndodhi asgje me tere vampiret e komunizmit? Denuan Nexhmijen per kafe, abuzim me kafe! Qesh pak dhe pastaj futja nje te qare.. Po faktin se Berishovic eshte kryetari absolut prej dy dekadash i PD-se dhe pamvaresisht krimeve te pafalshme, korrupsionit pa fund, deshtimit total te meparshem, asgjesimit politik te cdo rivali te tij brenda partise, ai as qe nuk permendet te zevendesohet por e posedon tere partine dhe kthehet e mbahet ne pushtet edhe sot e kesaj dite, e shikon ndopak si te dyshimte? Valle, vertet nuk paska individe te tjere Shqiperia qe mund te zevendesonin Berishovic? Prandaj une, ne ate analizen time skeptike (ku mund te jem krejtesisht gabim) shikoj qe ne kete vend luhet nje politike e dyfishte. Eshte e tera politike or mik ku aktoret e protagonistet kryesore sado duken sikur cirren e urrejne njeri-tjetrin, prape perpara nje lapidari falen, te njejtave urdherave u pergjigjen. Rendesi ka qe ne ate deklarate te saj, ti mund te njohesh me mire ambicien e semure, egoizmin dhe delirin e madheshtise se Berishovic. Nje njeri i atille, eshte i rrezikshem per nje shoqeri, pamvaresisht akuzave ndaj tij si agjent apo ushtar i UDB-se e Serbise!

Per Zogun dihet qe erdhi ne pushtet nga Jugosllavia me mercenare nga rusia e bardhe por dihet gjithashtu se erdhi ne pushtet me paundet angleze qe financuan ardhjen e tije.

sa per perrallat se Berisha nuk qenka pranuar nga kryeagjenti serb Enver se kishte vjerren agjente te udb kjo me duket e pallogjikshme,pse duhet te kishte frike prej tije kur vete ishte me serb se serbet???

Per Ahmet Zogun nuk eshte cudi qe nuk kam shkruar tek tema e sapo-hapur per te, pas inagurimit te bustit te tij nga Berishovic. Figura e vertete e Zogut eshte njollosur e erresuar shume nga propaganda e historia e shkruar prej Dulles. Personalisht nuk mund te diskutoj rreth tij (mendoj se nuk kam informimin e duhur) dhe mendoj se u takon hulumtuesve e historianeve ta pastrojne figuren e tij dhe te pasi te kene mbledhur tere hallkat e shperndara, te percaktojne qarte politiken e tij, ndikimin dhe pasojen e reformave, gabimet e arritjet etj. Zogu ka merita te medha persa i perket unifikimit e formimit te shtetit. Une jam pro monarkise, duke pare kasaphanen qe po jetojme. Por, arrdhja e Zogut ne pushtet, formimi dhe krijimi i Mbreterise, politika e tij dhe se fundmi largimi qe beri, lene goxha hapsire per te diskutuar dhe sigurisht qe ngrejne shume vetulla.
.
.
.
.
Ajo qe me ben pershtypje eshte influenca kaq e madhe e Serbise (UDB etj) ne vendin tone. Konsiderojme Serbine si armikun e madh shekullor dhe nderkohe, cuditerisht, tere liderat tane, qofshin mbreter, qofshin diktatore e perandore, qofshin kryeministra e presidente..cuditerisht, ne nje menyre apo tjeter, orientohen, keshillohen, fuqizohen dhe mbahen ne pushtet nga influenca serbe. Ore, a jam vetem une qe e ve re nje fenomen te tille, apo cfare? Ku ka ze, nuk eshte pa gje! Si ka mundesi qe ne nje menyre apo tjeter, te gjitha akuzat ndaj liderave tane, te cojne ne Serbi? .. Ky eshte problemi qe ja vlen te diskutohet!

[Guri i Kuq]

Megjithatë,është mirë që bile për diçka pajtohemi.
Kjo që ne të dy paskemi të njejtin mendim për figuren e Sali Berishës,bile për kohën kur ishte student,në diskursin aktual është me rëndësi.
Pse do të thuash ?
Me përjashim të kohës së Rilindjes kombëtare,kohen e etërve të pavarësisë së shtetit shqiptar si; Qemali,Gurakuqi e shumë të tjerë,e që kishin një intelekt,edukate,arsimim dhe përgatitje solide për misionin e bërjes së shtetit,Shqipëria e shqipëtarët kudo që janë, kishin fatin e zi ,që të shumten e kohës së ekzistimit shtetit shqiptar dhe surrogateve të shtetit- si në Kosovë e Maqedoni, të udhëhiqen nga njerzë që marrjen e pushtetit e kanë kuptuar si qëllim në vetëvete, mjet për ambicje personale,karieriste e shpeshherë edhe tribaliste për interesa fisi,klani e më e keqja edhe për interesa të huaja, e jo si një nevojë imanente kombëtare,instrument e mekanizëm për të ndyshuar rrethanat ekonomike,politike e gjeostrategjike dhe konsolidim të kombit e të shtetit.
Me përjashtim të disa viteve, ta themi kushtimisht të “arta” të epokës së Ahmet Zogut, pushteti dhe klasa politike që drejtonte këtë shtet, të shumten e kohës për fat të keqë-nuk ishte në sherbim te interesave të kombit shqiptarë.Nuk po flas për kohën e okupimit fashist e nazist,sepse nëkuptohen rrethanat,mundësitë dhe qellimet e tij(edhe pse, edhe ne ate kohë kishte përpjekje gjeniale për ti shërbyer kombit-rasti i dërgimit të qindra mësuesve shqiptarë në viset e “çliruara” në Maqedoni e Kosovë nga Koliqi me shokë).
Koha e Luftës së dytë botërore,e mos të flasim për kohën e Luftës së Parë botërore, kur nuk ishim kërkah, është shembulli më tipik i mungesës historike dhe voneses së krijimit të një ideologjie shtetrore të mirëfiltë me atribute moderne, e cila në çdo rrethanë,edhe në kushte okupimi, do ishte mbi interesat politike të çastit, të partive,grupeve e individëve të caktuar.
Lufta për pushtet e jo për shtet, edhe në kohen e luftës kundër okupacionit nazi-fashist (kur bëhej fjalë për luftë të tipit ;të jeshë a të mos jeshë, në përmasa rajonare globale), nga grupet politike shqiptare dobësoi pozitat strategjike të Shqipërisë shtetrore, në fazën e konsolidimit e ripozicionimit strategjik të Evropës pas LDB.
Prishja e një marrëveshje për luftë të përbashkët kundër okupatorit, të lidhur me shumë mund në Mukje,(jo vetëm nga ndikimi i jashtëm- sepse ndikimin kryesor e paten emisarët slavë nga Beogradi),i dha dorë ndërhyrjeve të jashtme,shpesh arbitrare e arkaike në çështjen shqiptare,që kulmuan me një luftë vëllavrasëse dhe humbje të gjysmes së teritoreve, të cilat iu aneksuan Shqipërisë në ate kohë.
Këtë histori e tregoj për arsyen e thjeshtë, sepse deri me 1991,fatkeqësisht në një mënyre ose një tjetër,ne jemi sjellur sipas muzikës së Beogradit dhe qarqeve më antishqiptare të kohës, që për mission të vetëm kishin shthurjen dhe mundësisht zhdukjen e idesë së një shteti unik shqiptar dhe pushtimin klasik të teritoreve të saj.
Kjo periudhë aspak e lavdishme,kur shteti e kombi shqiptarë, në tërësinë e vet u vu në sherbim të qellimeve djallzore të klikave shoveniste sllavo-mëdha,e që kishin për qellim të fundit e strategjik dobësimin e Evropës Perendimore dhe perendimit në tërësi, te ne derivoi një sistem monster antikombëtar, për kah orientimet strategjike dhe rezultatet e arritura. Ky sistem tërësisht antihistorik e anti-kombtarë , në shtigje të gjata prodhoi një mentalitet skllavi e servilizmi të pa pare për karakterin shqiptar, duke përulur deri në apsurd ate shpirtë krenarie kombëtare e njerzore që prodhoi shtetin e kombin më 1912.U rrënuan vlerat bazë dhe themelet ideologjike, kombëtare e unifikuese të kombit të mbjellura e të kultivuara me aqë kujdesë nga rilindësit tanë dhe themeluesit e shtetit të parë modern shqiptarë.
Këto vlera, që mund të pëkufizohen si vlera të kohës për shtetin unik,kulturen ,tregun,pronën,ekonominë e liritë fetare në suazat më të tolerueshme për kohen,u stërkeqen deri në apsurd në kohen e sundimit komunist.
Sindromi i inferioritetit i kultivuar ndër ne ,për gjoja pamundësin e ekzistimit të Shqipërisë, pa mbikëqyerjen serbe,greke e italiane është kompleksi më makabër që ka mundur të kultivohet në një komb,i cili i vetem për mijra vjet çau rrugen e vet si komb; mëvete,i pavarur dhe unik,duke lënë gojë hapur miqët e armiqët.
Këtë kompleks,për gjoja ndikimin serbë në politikën aktuale shqiptare,droj se tashti për qellime tepër të ndyta ,janë duke e kultivuar pasardhësit e atyre ballabanëve tanë që kurr nuk na munguan…,
Deus,ia kemi borgj kohës,pasardhësve tanë e historisë që sa më shpejtë e më sa me pak dhëmbje ta qërojmë nga ndërgjrgjja jonë këtë mordje...
Rasti i Kosovës e i Maqedonisë,ku shqiptarët përkundër presioneve të hatashme,dhunës e deri në gjenocid nuk u tjetërsuanë,tregon forcen e madhshtinë e gjenit e të racës sonë...