Thaci: Mospranimi i Marreveshjes se PDSH-se rrezikon Maqedonine

[Ares_Ares]

Nëse nuk pranohet Marrëveshja e re mes maqedonasve dhe shqiptarëve, të cilën e propozoi PDSH, nuk do të ketë Maqedoni dhe as komb maqedonas. Këtë mesazh e dërgoi mbrëmë lideri PDSH-së opozitare, Menduh Thaçi, në një intervistë për Televizionin ALSAT në Tiranë.


Sipas tij, problemet midis maqedonasve dhe shqiptarëve në të ardhmen mund të zgjidhen edhe nëpërmjet konfliktit pas të cilit do të qëndronin shqiptarët e rinj të pakënaqur, nëse, sic thotë ai, vazhdon diskriminimi i shqiptarëve dhe nuk pranohet Marrëveshja e re politike të cilën e propozon partia e tij. Në të, ndër të tjera kërkohet që Parlamenti të ketë numër të barabartë të deputetëve nga të dy komunitetet më të mëdha, kurse Maqedonia të jetë shtet i popullit maqedonas dhe shqiptar. Lidhur me mosmarrëveshjet për emrin mes Maqedonisë dhe Greqisë, kreu i PDSH-së konsideron se Gruevski duhet të japë garanci të fuqishme për disa çështje.
Thaçi në intervistë thotë se edhe politikat aktuale që deri më tani i kanë ndjekur politikanët e bllokut shqiptar nuk kanë dhënë efekt. Midis tyre e përfshinë edhe vetveten. (alsat)