USAID-Projektet Per Shendetesine

[atropin]

Interviste ekskluzive per revisten "Vitrina Mjekesore" e Znj. Roberta Mahoney, drejtoreshe e USAID ne Shqiperi.

Vitrina Mjekësore: USAID operon në Shqipëri që prej 1992. Ju falenderojmë për pjesëmarrjen tuaj aktive në rritjen ekonomike dhe reduktimin e varfërisë, në përforcimin e institucioneve demokratike dhe të shoqërisë civile, në përmirësimin e sistemit ligjor dhe në zvogëlimin e korrupsionit, në rritjen e efikasitetit të sistemit të kujdesit të shëndetit parësor. A do të dëshironit të veçoni ndonjë arritje të suksesshme të USAID/Shqipëri?
Znj. Mahoney: Siç e dini, USAID ka programe në një numër të madh fushash të ndryshme dhe ka disa programe specifike në sektorin e shëndetësisë. Duke bashkëpunuar me Ministrinë e Shëndetësisë, një nga programet tona ka për qëllim të ndihmojë të kuptohet më mirë situata e kujdesit shëndetësor dhe e gjendjes shëndetësore në Shqipëri. Për të arritur këtë, kemi ndërmarrë disa anketime shumë të suksesshme me Ministrinë. Është e vështirë të vendosësh ku ke nevojë të shkosh, nëse nuk e njeh gjendjen aktuale. Gjatë viteve kemi bërë studime të shumta dhe punë paraprake në një numër anketash demografike shëndetësore. Kohët e fundit kemi lançuar anketimin e parë në mbarë vendin,
anketimi i parë i plotë demografik shëndetësor që, kur të përfundojë në fund të këtij viti, do të paraqesë një tablo shumë të mirë të kujdesit shëndetësor në vend. Ai do të japë të dhëna mbi vdekshmërinë foshnjore, vdekshmërinë neo-natale, vdekshmërinë e nënave gjatë lindjes, të dhëna mbi jetëgjatësinë, mbi problemet kryesore shëndetësore me të cilat përballen grupmosha të ndryshme, si dhe informacion në lidhje me statusin e shëndetit të përgjithshëm të shqiptarëve. Të gjitha këto të dhëna na paraqesin neve dhe Ministrisë së Shëndetësisë kontekstin në të cilin mund të zhvillohen programet. Kontributi i USAID-it në grumbullimin e informacionit është një sukses shumë i rëndësishëm. Një tjetër arritje ka qenë puna që kemi bërë në aktivitetet e planifikimit familjar, si dhe në aktivitetet e shëndetit të nënës e fëmijës. Nëpërmjet programit tonë më të madh shëndetësor, programi i ProShëndetit, USAID është përqëndruar në elemente të ndryshme të linjave të veprimit të problemeve që kanë të bëjnë me mënyrën se si ofrohen shërbimet. Ne përpiqemi për t’i ndihmuar shqiptarët në shfrytëzimin e burimeve që kanë për të trajtuar problemet e shëndetit me të cilat përballen. Qëllimi ynë nuk është të vijmë e të tregojmë se çfarë bëjnë amerikanët apo ç`kanë bërë për të arritur ku janë, as edhe për të siguruar resurset për të ofruar një sistem të veçantë, më tepër ne jemi të interesuar në atë se si të mund të punojmë së bashku për të përcaktuar më mirë popullsinë apo çështjet e shëndetit, për të shfrytëzuar burimet e duhura për të trajtuar problemet e shëndetit. USAID ka ndihmuar në krijimin e një sistemi gjithpërfshirës informativ shëndetësor; ka siguruar mbështetje për krijimin e bordeve të certifikimit për kualifikimin e mjekëve dhe infermierëve; dhe ka ndihmuar në zgjerimin e shërbimeve të planifikimit familjar mbarëkombëtar deri në nivelin e komunës. Shqipëria ka njerëz të aftë dhe disa struktura e qendra të shëndetit, por menaxhimi i disa pajisjeve të caktuara, i disa burimeve njerëzore, i disa strukturave mund të jenë një fushë ku ne mund të ndihmojmë për të siguruar që resurset janë përdorur dhe menaxhuar më mirë. Kjo ka patur një vëmendje të madhe nga ne. Jemi duke projektuar një aktivitet të ri në sektorin e shëndetësisë, sepse ProShëndetit, aktiviteti primar i kujdesit shëndetësor, është duke përfunduar këtë vit. USAID sheh mundësitë për të vazhduar punën në sektorin e shëndetësisë dhe, gjatë dy muajve të ardhshëm, ne do të jemi në projektimin e këtij aktiviteti. Ne gjithashtu jemi duke u përpjekur për të punuar me fqinjët në rajon, me Kosovën në një aktivitet të ri telemjekësor për të ndihmuar lidhjen e spitaleve në të gjithë vendin. Shqipëria është një vend i vogël, jashtëzakonisht i bukur, por nuk është gjithmonë e lehtë të shkosh nga Rrësheni në Tiranë. Pra, ne shpresojmë se kjo do të ndihmojë në përmirësimin e komunikimit dhe të kujdesit për pacientin.
Vitrina Mjekesore: Lidhur me gjendjen aktuale të Shqipërisë, a mendoni se vendi ynë ka ecur me ritmin e duhur dhe të nevojshëm?
Znj. Mahoney: Unë mendoj se....


Vazhdimin e intervistes e gjeni ne revisten "Vitrina Mjekesore", edicioni 12
www.vitrinamjekesore.com
Blv. Deshmoret e Kombit,Kullat Binjake, Holli qendror,Kati III