International Youth Forum

[Explorer]

Janë shpallur rezultatet e Konferencës së International Youth Forum

Sot u bë shpallja e rezultateve të Konferencës Ndërkombëtare mbi Kooperimin Kulturor midis të Rinjve Muslimanë.
E shtunë, 18 Korrik 2009 11:09


Në ditën e tretë dhe të fundit të konferencës, pas një prezantimi të shkurtër të vendeve pjesëmarrëse u bë shpallja e rezultateve. Dje në konferencë fjalën e mori Prof. Dr. Nexhmedin Erbakani, kryetar i Milli Gorushit, i cili u përqendrua mbi domosdoshmërinë e aspirimit të lumturisë mbi Botën Muslimane dhe mbarë njerëzimit duke u orvatur për ndërtim të një bote të re.



Rinia e pranishme prej 71 shteteve i duartrokiti Erbakanit për disa minuta. Më pas secili përfaqësues i raportoi aktivitetet e vendit të tyre.
Prej fjalimeve më prekëse ishte ai i Prof. Dr. Hajri Kirbashoullu, i cili tha: "Nuk kanë vend namazet e Xhumasë derisa Bota Muslimane është nën okupim, derisa të mos i largojmë trupat Amerikane nga Iraku dhe Afganistani, si dhe Izraelin nga Palestina."



Muhamed Gijazi, pjesëmarrës nga Pakistani, në fjalimin e tij theksoi se bota ka nevojë për Erbakanin. Ai tha se "Erbakani" i zgjoi muslimanët nga gjumi. Botës i nevojitet Erbakani."

Përfaqësuesi i Jemenit Navi el-Jahja e përmendi nevojën urgjente për një treg të përbashkët Musliman, ku tha: "Ekzistojnë fuqi të këqija të cilët nuk duan që Bota Muslimane të jetë e fuqishme dhe e bashkuar. Sidoqoftë, bashkimi i Muslimanëve dhe tregu i tyre i përbashkët duhet të themelohet sa më shpejtë që është e mundur."

Jasir Bajraktari, që përfaqëson Shoqatën e Prejardhësve të Sulltan Muhamet Fatihut nga Iraku, e falënderoi Milli Gorushin dhe tregoi për aktivitet e tyre. Bajraktari e theksoi nevojën e edukimit në vendin e tyre dhe tha se po bënin përpjekje për sigurimin e kësaj çështje dhe tha se bëjnë çmos për edukimin e rinisë si muslimanë të devotshëm.



Përfaqësuesit e 71 vendeve i paraqitën aktivitet e tyre në vendet e tyre.
Kryeredaktori i Ajans5.com, Selim Akduman, njoftoi themelimin e një Agjencie ndërkombëtare të Lajmeve Muslimane. Ai tha: "Duhet të bëjmë një reportazh të shpejtë dhe të saktë jo prej burimeve të fuqive të liga, por prej burimeve të agjencive tona. Burimet tona nuk do të shpërbejnë për përmbysje (turbullim) por për përmirësim. Prandaj, agjencia e lajmeve që u themelua nën udhëheqjen e Ajans5.com është aktive me agjentë nga 17 vende.

Shpallja e rezultateve:

Me 15-17 Korrik, përfaqësuesit e studentëve dhe organizatave rinore të 71 vendeve u tubuan në "Konferencën e 4 ndërkombëtare të bashkëpunimit kulturor midis të rinjve muslimanë" për të diskutuar studimet mbi themelimin e një BOTE të RE të bazuar në drejtësi dhe fakte, me temën, "Drejt një synimi të përbashkët për një botë të re."



Konferenca u mbajt në 5 seanca kryesore si Edukimi dhe Kultura në Botën e Re, Media dhe Komunikimi në Botën e Re, Shkenca dhe teknologjia në Botën e Re, Politika dhe Ekonomia në Botën e Re, Të drejtat njerëzore dhe Solidariteti në Botën e Re. Vendimet më poshtë janë marrë si shpallje përfundimtare mbi themelimin e një bote të drejtë ne vend të botës ekzistuese të shkatërrimit (armiqësore).

- Si një rini Muslimane, jemi kundër çdo shkeljeje ndaj njerëzve të të gjitha gjeografive. Do të merremi me çështjen e muslimanëve në veçanti Turkistanin Lindor, Palestinën, Irakun, Afganistanin, Kashmirin, Çeçeninë, Eritrenë, Filipinet, Moron, Uzbekistanin dhe Gjeorgjinë, vende në të cilat muslimanët janë të detyruar (shtrënguar).

- Në këtë kontekst ne ashpër i dënojmë aktet gjenocide dhe shkatërrimtare të Kinës ndaj Turkistanit Lindor dhe thërrasim për veprime ushtarake udhëheqësit e vendeve Muslimane dhe Organizatën e Konferencës Islamike.
- Shpallim se nuk e pranojmë vendimin e Gjykatës Penale Ndërkombëtare mbi kryetarin e Sudanit. Si administratorë të organizatave të të rinjve të Botës Muslimane, themi se jemi në përkrahje të kryetarit dhe popullit Sudanez.



- Ashpër e dënojmë terrorin mizor të shtetit të Izraelit mbi popullin Palestinez. Theksojmë se ONK do të veprojë me vetëdije që Izraeli të mos jetë i ndikueshëm pa sanksionim dhe përdorim të forcës.

- Muslimanët as nuk i vrasin njerëzit padrejtësisht e as nuk i përdorin armët kundër vëllezërve të tyre muslimanë. Forca e paqes ndër Muslimanët do të formohet sa më shpejtë të jetë e mundur nën udhëheqjen e ONK-së për regjionet që janë në konflikt dhe luftë.
Mes të tjerash edhe:

-Myslimanët duhet të sigurojnë konsensusin për të arritur një zgjidhje globale për problemet e botës. Për këtë do të formohet Njësia Politike për të Rinjtë që e ndërton infrastrukturën e politikanëve dhe burokratëve të së ardhmes.

- E ardhmja e rinisë formohet me anë të edukimit dhe kulturës. Qëndrueshmëria për mbrojtjen e të vërtetës dhe drejtësisë do të mund të zhvillohet vetëm me anë të këtyre. Kështu që rinia do të informohet mbi lëvizjen Islame dhe udhëheqësit tanë ideologjik.

- Mësimet e dijetarëve Musliman do të paraqiten te njerëzit me anë të krijimit të një inventari të tyre.

- Për ta inkurajuar rininë mbi studimet shkencore, ata do të shpërblehen.

-Strategjitë e përbashkëta edukative do të zhvillohen me anë të shënimeve të librave duke pasur për qëllim kryesor planin mësimor edukativ kurse bashkimi i Rinisë Muslimane do të sigurohet me ekskursione dhe seminare kulturore duke u mbështetur në programet edukativo-kulturore.

- Do të asgjësohen pengesat mbi edukimin e Muslimanëve veçanërisht në Ballkan. Për këtë qëllim do të mbështesim dhe marrim disa hapa.

- Organizatat e të rinjve dhe studentëve do të formojnë web faqe të përbashkëta që do të transmetojnë së paku katër gjuhë, dhe për ta mbështetur këtë do të mblidhen mjete financiare (fond).

- Do të themelohet Agjencia e Lajmeve të Botës së Re me qëllim të themelimit të një Bashkësie Komunikimi mes vendeve Muslimane, duke arritur bashkëpunim midis agjencive të shtypit dhe mediave të vendeve Islame, duke formuar një inventar e në veçanti arritje të lajmeve të sakta, të pakundërshtuara dhe të padirigjuara.

- Do të mbështeten studimet mbi shtypin, mediat, informimin dhe informatikën, si dhe do të formohet Njësia e Zhvillimit të Teknologjisë për ta edukuar personelin kompetent.
Do ta redefinojmë të ardhmen e organizatave të rinisë sonë me anë të ruajtjes së vlerave tona kombëtare dhe morale si dhe identitetin Musliman, duke përfituar nga prapavija dhe eksperienca jonë historike si Rinia Muslimane e cila me ndërgjegje ndaj detyrës së saj e themelon një botë të re.

Për realizimin e këtyre, kemi vendosur të punojmë me gjithë forcën tonë për ta ndihmuar themelimin e një BOTE TË RE.

Do të punojmë me udhëzimin dhe ndihmën e Allahut.
Burimi: ajan5.com / përktheu H. A. Dauti