Sulltani dhe muftiu

[Explorer]

Sulltani dhe muftiu

Si e kundërshtoi muftiu Sulltan Selimin I i cili kishte urdhëruar konvertimin e pakicave në fenë Islame?

Fragment nga libri: "Historia e shtetit Osman", Orhan Muhamed Ali


I rrëmbyer nga entuziazmi i tepruar, Sulltan Selimi I lëshoi fermanin e tij ku urdhëroheshin të gjithë pakicat fetare dhe etnike që nuk ishin muslimane të konvertoheshin në Islam. Nëse dikush do refuzonte atëherë do të ekzekutohej.

Sapo mori vesh këtë lajm Myftiu i madh i shtetit osman, Zumbeli Ali Efendiu u ngrit menjëherë nga vendi i tij i zemëruar duke thënë: Si guxon Sulltani të thyejë urdhërin e Allahut ku thotë: "Nuk ka detyrim në fe"?Askush nuk duhet të guxojë ta thyejë këtë urdhër edhe sikur të jetë vetë sulltani.

Problemi tani ishte se kush do të qëndronte para sulltanit për ta kundërshtuar. Të gjithë nuk guxonin ta kundërshtonin atë. Natyra e tij ishte shumë e ashpër dhe nuk dihej me siguri nëse kundërshtuesi i fermanit të tij mund të dilte i gjallë nga pallati.

Në fakt kishte njerëz që mund të qëndronin para tij duke e kundërshtuar urdhërin e tij. Ai ishte Myftiu i Shtetit Zumbeli Ali Efendiu. Kërkoi leje për të hyrë në pallatin e Sulltanit dhe pasi u lejua me hapa të shpejtë u drejtua nga ai duke i thënë: "Mora vesh se ke nxjerrë një ferman ku detyron pakicat fetare dhe etnike që të konvertohen në Islam".
"E vërtetë është", tha Sulltani. A nuk është kjo gjë e mirë?
Mirpo Myftiu Zumbeli nuk ishte nga ata që flisnin vec ato që eprori i tij donte të dëgjonte.
Ai i tha : O Sulltan i nderuar, kjo bie ndesh me ligjin e Islamit sepse në Kur`an Zoti ka thënë: "Nuk ka detyrim në fe" Islami i ka lënë të lirë njerëzit të zgjedhin besimin e tyre. Kështu e kanë zbatuar Pejgamberi dhe Shokët e tij e po kështu e ka zbatuar edhe gjyshi yt Sulltan Muhamed Fatihu.
Sulltani i zemëruar nga këto fjalë që po dëgjonte i`a ktheu: Shumë je duke u futur në punët e shtetit more Hoxhë. Dhe gjithë turfullimë vazhdoi: Deri kur do vazhdosh kështu të ndërhysh në punët tona?
-Unë jam duke bërë detyrën time, duke të udhëzuar për punë të mira e duke të penguar nga punët e këqija. Ky është misioni im. Derisa të më mbarojë fryma e fundit kjo nuk do të ndryshojë tek mua.
-O Hoxhë lëri këto punë në duart tona, nuk ka çfarë të hyn në punë ty. Tha Sulltani.
-Jo tha Hoxha, detyra ime është që të kujdesem edhe për përgjegjësinë tënde që do të kesh para Zotit, në Ahiret. Duhet të pengoj edhe dënimin që mund të marrësh nga Allahu ditën e llogarisë. Këtë do ta bëj edhe sikur të më duhet të ndjek ndonjë rrugë tjetër.
-Çfarë do të thuash me këtë? pyeti Sulltani.
-Do të detyrohem të nxjerr fetva (vendimin ligjor, në një shtet islam) ku do të urdhërohet populli të të shkarkojë, për shkak të abuzimeve të tua me ligjin e Allahut. Kjo nëse ti do ta ekzekutosh atë ferman.
Nga këto fjalë Sulltani u tërhoq nga vendimi i tij.


Perktheu me përshtatje: Eduart Thartori

[sajmiratn]

eeee cfar rastesie

sot diskutuam per kete rast me disa shoke

le te lexojne njerezit dhe te mesojne

[Albo]

Kjo eshte interesante per disa arsye:

1. Arsyeja kryesore eshte per ata anetare te forumit qe ende besojne qorrazi se gjate atyre 500 vjeteve te pushtimit osman shqiptaret e krishtere nuk u eshte imponuar me hir e pahir nga Sulltani feja islame. Ne rastin ne fjale (e raste te tjera te tilla ka plot ne historine osmane), fermani i Sulltanit bente thirrje per "kthimin me force ne Islam te gjithe te krishtereve".

2. Arsyeja e dyte eshte qendrimi i Ali Efendiut qe sipas tij: "Nuk ka detyrim ne fe". Perkthyesi ka harruar edhe disa fermane te tjera te Perandorise Osmane:

- Nese nje mysliman martonte nje te krishtere, kthimi i te krishteres ne fene islame ishte i detyruar.
- Nese nje i krishtere guxonte te mbronte besimin e tij perpara fese islame denohej me vdekje si bllasfemist ndaj Islamit. Ne fakt, kjo ishte nje nga metodat me efektive te konvertimeve te te krishtereve, shpifja e njerezve me pushtet te Sulltanit se sikur gjoja ata "kishin shpifur per Islamin" dhe kur i nxirrnin ne gjyq, u kerkonin: a) ose beju mysliman per te treguar qe ti e respkton fene Islame, b) ose vdekjen me prerje koke si bllasfemist ndaj fese islame.
- Nje tjeter ferman i perandorise osmane, qe sot aplikohet ende ne vende si Arabia Saudite apo nga njerez te Talibanit e Al Kaide, eshte "prerja e kokes se gjithe qafirave", ku qafirat ishin te gjithe ata myslimane qe kishin hequr dore nga besimi i tyre islamik.

Qafiri me i madh i Perandorise Osmane e kish emrin Gjergj Kastrioti - Skenderbeu. Kur turqit nuk e mposhten dot me lufte per 25 vjet, ishin te paret qe besuan se Kastrioti ishte "njeri i shenjte qe e mbronte Perendia", prandaj edhe e zhvarrosen nga varri dhe eshtrat e tij i mbanin si lipsane e hejmali te shenjta ne qafe me bindjen se "do ti mbronte Perendia e nuk do tu vinte vdekja nga shpata" ashtu sic nuk i erdhi as Gjergj Kastriotit.

Albo

[Explorer]

Me mire do te ishte te kultivojme tolerancen me shembuj tolerante ( si shembulli i kesaj teme) e jo me legjenda qe nxisin urrejtje fetare.