Shkupi pas katër viteve, i rikthehet fqinjit verior

[Beqari002]

Shkupi pas katër viteve, i rikthehet fqinjit verior

Pavarësia e Kosovës ka “shqetësuar” Beogradin dhe Shkupin.

Ylber Lili

Pavarësia e Kosovës ka “shqetësuar” në masë të madhe Beogradin dhe Shkupin. Qëndrimi i kryeminisrit të ri maqedonas Branko Cërvenkovski në Beograd shwndwrrua me konstatime të përbshkëta nga zyrtarët e atjeshëm se “Kosova edhe më tej është qendër që rirpodhon terrorizëm dhe jostabilitet për shtetet e rajonit të Ballkanit” Vizita e kryeministrit të ri maqedonas në Beograd, të premten, në radhe të parë shënoi kthesën që Shkupi pas katër viteve, i rikthehet fqinjit verior. Nën vellon e nënshkrimit të marrëveshjes për shkatërrimin e kriminalitetit të organizuar dhe ngritjes të vullnetit politik për përforcimin e bashkëpunimit ekonomik dhe të sigurisë, Branko Cërvenkovski me Zoran Gjingjiqin, Nebojsha Çoviqin, Goran Svilanoviqn dhe Voislav Koshtunicën, ripërtëritën marrëdhëniet e ngrira, duke pikuar në shënjestër një armik të përbashkët – Kosovën. Cërvenkovski dhe Gjingjiq edhe njëherë kanë shfrytëzuar rastin të shfaqin “brengosjen” e tyre për rrezikun që do të kishte Maqedonia nga pavarësia e Kosovës. “Në qoftë se eventualisht lejohet referendum në Kosovë, në të cilin populli shqiptar i Kosovës të vetëpërcaktohet për statusin e Kosovës, atëherë nuk do të ketë pengesa e as garanci që e njëjta gjë të mos ndodhë edhe në Maqedoni dhe nuk duhet të mbyllim sytë para realitetit se një koncept i atillë ekstremist për krijim të një shteti etnik vërtet ekziston”, ka thënë kryeministri serb pas takimit me Cërvenkovskin. Sipas Gjingjiqit, ky koncept paraqet rrezik potencial për tërë rajonin e Ballkanit dhe duhet të pengohet nëpërmjet bisedimeve të cilat duhet të zhvillohen me prani të konsiderueshme të BE-së. Ai ka qenë "i brengosur”, për siç ka thënë, “fakti se përkrahja në qendrat botërore për një deklarim të atillë është më i madh se sa përkrahja për të drejtat e shteteve". “Kosova edhe më tej është qendër që rirpodhon terrorizëm dhe jostabilitet për shtetet e rajonit të Ballkanit”, ka thënë Gjingjiq.
---------------------------------------------------
------------------------------------------------------

Sipas Cërvenkovskit

- Kosova vrimë e destabilizimit të rajonit

Ndërsa edhe kryeministri maqedonas, po ashtu ka shfaqur brengat e homologut të tij serb lidhur me paralajmërimet e Gjingjiqit se pavarësia e Kosovës e rrezikon edhe Maqedoninë, “Qëndrimi i Qeverisë së Maqedonisë është respektimi dhe përkrahja e plotë e Rezolutës 1244 të Këshillit të Sigurimit të Kombeve të Bashkuara”, ka thënë Cërvenkovski, duke qenë i brengosur se “një çështje e rëndësishme lihet anash – nëse Kosova do të jetë hapësirë ku do të funksionojnë dispozitat ligjore, ose do të jetë territor pa rregull juridik që do të thotë vrimë e cila do të shkaktojë destabilizim më të gjerë në rajon”. Cërvenkovski, duke përmendur se shteti i tij respekton parimin për mosndryshim me forcë të kufijve, ka potencuar se rregullimi kushtetues i Maqedonisë është çështje e mbyllur pas konfliktit të vitit të kaluar dhe nënshkrimit të Marrëveshjes së Ohrit.. Nga ana tjetër iniciativën e paraqitur në Kongresin amerikan për pavarësim të Kosovës, Gjingjiq e ka vlerësuar si “përjashtim” që tejkalon “vijën e kuqe që duhet të respektohet gjatë zgjidhjes së problemeve në Ballkan”. I pyetur për përshkrimin e vijës kufitare midis Maqedonisëdhe Serbisë, Cërvenkovksi ka thënë se dinamika e përshkrimit është ngadalësuar për shkak të kushteve klimatike. Po ashtu Shkupi dhe Beogradi kanë shfaqur shpresë se me marrjen e Greqisë të rolit udhëheqës me Bashkimin Evropian gjatë gjashtë muajve të këtij viti, do të kenë shanse më të mëdha për “integri të përbashkët evropian”. "Konsiderojmë se në këtë plan doemos duhet të bashkëpunojmë, veçmas gjatë këtyre gjashtë muajve, kur Greqia është kryesuese me BE-në, me qëllim që ta shfrytëzojmë këtë shansë për aderimin tonë më të shpejt drejt BE-së dhe NATO-s", ka thënë Cërvenkovski. Kryeministri maqedonas në Beograd ka thënë se Qeveria e tij ka dhënë pëlqim të plotë për ardhjen e trupave evropiane në vend, duke shfaqur shpresë se “deri në fund të vitit 2003 autoritetet maqedonase do të jenë në gjendje të kumtojnë se janë plotësar të gjitha kushtet dhe supozimet se Maqedonia nuk ka më nevojë për prani të huaj ushtarake. Ripërtëritja e biznesit dhe spiunazhit Por, vizita e Cërvenkovskit të Beograd pati edhe dimensionit e kthimit të bizneseve të vjetra dhe rrjetit të kundërzbulimit që deri në vitin 1998 ka qenë mëse transparent. Gjatë tetë viteve, Cërvenkovski, si lider i Lidhjes Social Demokrate të Maqedonisë dhe kryeministër, në kohën e embargos ndaj “RFJ”-së, ka pasur biznes lidhje të drejtpërdrejta me pushtetin e Sllobodan Millosheviqit. Atëbotë ai do të lejojë që shumë kompani serbe të sistemohen në Shkup prej nga kanë bërë transaksione të ndryshme finaciare dhe tregtare. I freskët është depërtimi i kapitalit serb në Maqedoni – biznesi më cigaret, me benzinën, me blerjen e Hekuranës së Shkupit nga ana e nipit të Aleksandër Rankoviqit dhe shumë lidhje të tjera të biznesit gri, që bëhej në kohën e embargos, e që mundësuan që Cërvenkovski të jetë njeriu më i pasur në Maqedoni. Kryeministrin maqedonas e ka shoqëruar edhe ministri i Ekonomisë Ilia Filipovski, i cili në kohën e qeverisjes së Cërvenkovskit ka qenë kryesori në kontrollimin e biznesit të çfarëdo natyre. Ndërkohë, vizita bë Beograd shënoi edhe kthesë në rrjetin e këmbimit të informacioneve kunërzbuluese, që u ndërprenë gjatë periudhës së qeverisjes së VMRO-DPMNE-së dhe PDSH-së. Cërvenkovski me vete kishte marrë ministrin e Brendshëm Hari Kosov, bankari i dikurshëm numër një në Maqedoni, i cili me homologun e tij serb formalisht kanë nënshkruar një marrëveshje të përbashkët për bashkëpunim më të ngushtë të policisë serbe dhe maqedonase në luftën kundër kriminalitetit të organizuar në rajon. Por në esencë, në prapavijë është përforcimi i bashkëpunimit në sferën e këmbimit të informacioneve kundërzbuluese të të dy shteteve. Dyshimi se janë ripërtëritë marrëdhëniet e kësaj natyre vijnë edhe më thyerjen e protokollit, ngase nuk është paraparë të nënshkruhet një marrëveshje e tillë. Zatën edhe insistimi për nënshkrimin e kësaj marrëveshje nga ana e Cërvenkovskit ka habitur edhe shërbimet kompetente në Qeverinë e Beogradit, të cilat paraprakisht nuk kishin qenë të njoftuara për një gjë të tillë.

Shekulli -20-01-2003
------------------------------
--------------------------------
Oj sharki e lehete si era , a ka ardhur ne Shqiperi pranvera?