Pacolli: Republika Dominikane e njohu Kosovën

[Val9]

Nga Express më 11.07.2009 në ora 13:48
Kryetari i Aleancës Kosova e Re (AKR), Behgjet Pacolli konfirmoi të shtunën para mediave kosovare, se ka marrë notën zyrtare nga Republika Dominikane, për njohjen e Republikës së Kosovës, duke e shtuar, sipas tij, në 62 numrin e njohjeve.

Pacolli, i cili shpesh herë nuk ka qenë i saktë në prognozat e njohjes, i bëri këto komente në një video konferencë që ai e zhvilloi nga Lugano e Zvicrës, që u transmetua në selinë e AKR-së në Prishtinë.

Ai tha se notën zyrtare të njohjes së Kosovës e ka marrë mbrëmë nga diplomacia e Republikës Dominikane. Ndërkaq konfirmoi se letrën zyrtare ia ka dërguar edhe Ministrisë së Punëve të Jashtme të Qeverisë së Kosovës.

Megjithatë këta të fundit akoma nuk e kanë konfirmuar letrën e njohjes.

“Njohja nga Republika Dominikane është shumë me rëndësi pasi që vjen menjëherë pas fushatës në media të ministrit të Punëve të Jashtme të Serbisë, Vuk Jeremic, i cili shpesh e ka theksuar se do të punojë në atë aspekt që të ndalë njohjet në Amerikën Qendrore për pavarësinë e Kosovës”, tha Pacolli.

Ky është paralajmërim i dytë, brenda një kohë jo të gjatë, që Pacolli alarmon qytetarët dhe institucionet për njohje nga shtetet e botës. Ai kishte paralajmëruar njohjen në fillim të qershorit nga shteti i El Salvadorit, por kjo njohje nuk ka ndodhë deri më tani.

Afaristi kosovar i angazhuar në politikë, Pacolli këmbëngul që njohja nga El Salvadori do të ndodhë shpejt, ndërsa pa adresë, fajësoi diplomacinë kosovare se po i bënë shantazh përpjekjeve të tij për njohje.

Njohja nga El Salvadori është duke u vonuar edhe për një fakt tjetër, sepse dikush, sipas tij, i ka dërguar një letër Ministrisë së Punëve të Jashtme të këtij shteti, në të cilën ka shkruar se Behxhet Pacolli nuk është përfaqësues i shtetit të Kosovës.

Kjo letër, siç tha ai në konferencën e të shtunës, ka krijuar huti tek autoritet e jashtme të El Salvadorit. Pacolli në fund përgëzoi qytetarët e Kosovës për njohjen e 62-të të shtetit kosovar, ndërsa tha se javën tjetër do të sjellë edhe njohje të reja, por nuk e specifikoi se nga cila pjesë e botës vijnë ato.

[daja shneq]

me kujtohet nje skeq i lecit e qumilit qe bejne be somalia etiopia e kuba mi ra serbis e me njofte pastaj kosoven,o ta qi...fsha r.e zeze domenikane po me ha bot h a a na njeh a jo kjo republik