Protesta kundër racizmit në Greqi

[Val9]

Nga Express më 10.07.2009 në ora 10:25
Rreth dy mijë persona dolën dje nëpër rrugët e kryeqendrës greke Athinë kundër racizmit dhe planeve të Qeverisë për t`i deportuar imigrantët e paligjshëm, lajmërojnë mediumet lokale.

Demonstrantët parakaluan drejt Parlamentit, duke mbajtur parulla me mbishkrimin "Jo racizmit, jo masave qeveritare" dhe brohoritnin "Larg duart nga imigrantët" dhe "Mos na deportoni".

Protesti u mbajt në organizim të shoqatave tregtare, Komitetit për mbrojtje të imigrantëve dhe nga organizatat me orientim majtist.

Grupe ekstreme majtiste, duke përfshirë edhe anarkistë, organizuan miting protestues në Athinë dhe u ndeshën me grupe ekstreme djathtiste dhe me policinë në kuartin e banuar kryesisht me imigrantë.

Qeveria konzervatore greke ndërmerr pozicion më të ashpër lidhur me çështjet e imigrantëve, pasi që forcat ekstreme të djathta fituan shtatë për qind në zgjedhjet për Parlamentin Evropian që u mbajtën muajin e kaluar.

Ministria e Punëve të Brendshme javën e kaluar lajmëroi se do ta rrisë deportimin e imigrantëve të paligjshëm me fluturime çartër.

Mbi 250 mijë imigrantë të paligjshëm jetojnë në Greqi, ndërsa shumica e tyre, sipas të dhënave të ekspertëve dhe organizatave joqeveritare, shpresojnë se do të mbërrijnë deri në Evropën Perëndimore

[daja shneq]

nuk varet greqia nga vetevetja,eshte urdher i europes perendimore ti ndeshkoj emigrantet,per kete mer miliarda euro per zhvillim si anetare e bashkimit europian greqia,se pos shqiptareve te shqiperis asnje emigrant nuk eshte i interesuar te qendroj ne greqi,emigrantet greqin e shfrytesojne vetem si urekaluese per europen perendimore