Java e Fqinjëve

[toni karlosi]

Java e Fqinjëve
Komisioni Europian konfirmon se javën e ardhshme propozon zyrtarisht liberalizimin e vizave me Maqedoninë, Malin e Zi dhe Serbinë.


Nga Express më 09.07.2009 në ora 19:03

Komisioneri europian i Drejtësisë, Jacques Barrot, ka thënë të martën se Komisioni do të propozojë javën e ardhshme që qytetarët e Malit të Zi, Serbisë dhe Maqedonisë të mund të udhëtojnë brenda bllokut të 27 vendeve pa viza që prej fillimit të vitit 2010.

“Propozimi do të bëhet të martën në Strasbourg për të liberalizuar vizat”, u ka thënë Barrot gazetarëve në Bruksel. “Me këtë propozim, regjimi i ri hyn në fuqi më 1 Janar”.

Agjencia e lajmeve Reuters ka raportuar se propozimi do të duhet të promovohet formalisht nga ministrat e drejtësisë të 27 shteteve anëtare, edhe pse unanimitet nuk kërkohet.

Komisioneri Barrot ka thënë se shtetet e para të cilat do të inkuadrohen do të jenë Maqedonia, Serbia dhe Mali i Zi, përderisa Shqipëria dhe Bosnja duhet të pasojnë më vonë më 2010, nëse do t’i përmbushin standardet e kërkuara.
Sipas zyrtarëve europianë, Maqedonia veç ka përmbushur standardet europiane për liberalizimin e vizave - që përfshijnë monitorim adekuat të kufijve, përdorim të pasaportave biometrikë si dhe hapa kundër krimit dhe korrupsionit.

Ndërkohë, Mali i Zi dhe Serbia pritet të jenë në gjendje të përmbushin të gjitha kushtet deri në fund të vitit.

Barrot ka thënë se Holanda mbetet ngurruese për t’i ofruar Serbisë koncesione duke marrë parasysh se Beogradi vazhdon të mos dorëzojë të kërkuarit e Tribunalit të Hagës.

“Vërtet që ngurrimi i Holandës për Serbinë mbetet çështje me rëndësi, por do të ketë përkrahës të fortë në tavolinë, kështu që mendoj se do të fitojmë”, ka thënë Barrot.

“Ne nuk do të dënojmë rininë serbe për shkak të sjelljeve të Milosevicit”, është shprehur ai.

Reuters shton se një zyrtar i BE’së ka thënë se banorëve serbë në Republikën e Kosovës do t’u duhen viza dhe do të duhet të marrin pasaporta special në Beograd.

Zyrtari ka shtuar se regjimi i ri i vizave do të kërkojë që serbët të monitorojnë kufirin me Kosovën, të cilën Beogradi ende e konsideron pjesë të Serbisë dhe nuk e njeh si shtet.

Ministrat e jashtëm të BE’së muajin e kaluar inkurajuan Komisionin Europian që të propozojë liberalizimin e vizave për shtetet e Ballkanit perëndimor.

Të gjitha shteteve i është ofruar shansi i anëtarësimit eventual në BE, proces të cilin blloku e sheh si mjet për të stabilizuar rajonin.


Kam nje pyetje :
a nuk eshte turp per shtetin shqiptar qe vendet fqinje te arrijne me heret ta bejne liberalizimin per qytetaret e tyre e qeveria shqiptare te mos mund te arrij ta bej kete??????????

[skampin]

nuk te le politika e re qe jane gati ta shofin vendin ne nje zinxhir vuajtjesh vetem e vetem qe te mare pushtetin.shpresojme mos marim nje minus per shkak te tyre per zgjedhjet se kushti pashaportave biometrike plotesohet shpejt.
personalisht do te doja nje qeveri integrimi te majte e te djathte qe te beheshin gjerat me shpejte per kete popull te vuajtur si i yni

[juanito02]

Me keto zgjedhje qe beri shteti shqiptar dolem serish si njerez me bisht dhe komuniteti nderkombetar na mbylli ne kafaz.
Turp per politiken dhe turp per shqiptaret cfare plehrash nxorren me zgjedhje e me vote.

[skampin]

Shpresojme qe me protestat masive te politikes se re per 9 kutijat e Fierit dhe me mosnjohjen e pritur te rezultateve ne rrang vendi hyrja ne BE te jete e siguruar tashme.
Armiqte e Shqiperise dine ku ti gjejne miqte ne Shqiperi.