Purgatori

[Gregu]

Cfare mund te na thuhet rreth Purgatorit?
A ekziston?
Sa i rendesishem eshte ne doktrinen e kishes katolike?
A flet bibla per te?

Do te doja pak informacion rreth Purgatorit.

Per vete nuk besoj se ekziston, por lete debatojm per te.

Gregu

[toni77_toni]

Cfare mund te na thuhet rreth Purgatorit?
A ekziston?
Sa i rendesishem eshte ne doktrinen e kishes katolike?
A flet bibla per te?

Do te doja pak informacion rreth Purgatorit.

Per vete nuk besoj se ekziston, por lete debatojm per te.

Gregu

Çështja e “Purgatorit”

Para së gjithash duhet të them se nuk na takon ne njerëzve të gjykojmë apo ta dimë se ku shkojnë shpirtërat e njerëzve pasi të vdesin. Shpirti i përket Hyjit dhe vetëm AI e din shortin dhe gjendjen e tij.

KATEKIZMI I KISHES KATOLIKE

III. Purgatori

1030 - Ata qe vdesin ne hir ose ne miqesi me Hyjin, por qe nuk jane plotesisht te pastruar ne shpirtin e tyre, pas vdekjes i nenshtrohen nje pastrimi te lehte, deri sa te fitojne shenjterine e duhur per tu bere pjesetar te gezimit te amshuar ne qiell.

a) Domethënja e fjalës “Purgator”

Fjala “Purgator” vjen nga folja latine “purgare” që do të thotë “për të pastruar”, ndërsa “purgatori” është vendi ku ky kryhet ky “pastrim”. Mësimi i Kishës, me fjalën “purgator”, nënkupton vendin e pastrimit të mëkateve të lehta që ka në shpirt njeriu në momentin kur kalon nga kjo jetë në jetën e pasosur. Sipas mësimit të Kishës Purgatori është vendi i arritjes së asaj përsosmërie të cilën i krishteri nuk e ka arritur mbi tokë. Si rrjedhojë, në momentin kur kjo përsosmëri arrihet, shpirti hyn në Parajsë, aty ku jo vetëm e shikon, por edhe e përjeton për amshim Hyjin dhe lavdinë e tij.


b) Bazat biblike, historike dhe dogmatike të mësimit të Kishës mbi Purgatorin

«Këndej të gjithë zunë t’i japin lavdi Zotit, Gjykatësit të drejtë, i cili qet në dritë edhe atë çka është më e fshehur dhe filluan të luten që mëkati i bërë të falej krejtësisht. Atëherë trimi kreshnik Juda i qortoi njerëzit të ruhen të pastër nga mëkati, pasi kishin parasysh çfarë i kishte gjetur për shkak të mëkatit ata që ishin vrarë. E si i mblodgi nga secili burrë dy mijë drahma të argjendta, i dërgoi në Jeruzalem të kushtohet flia për mëkat duke vepruar kështu shumë mirë e bujarisht, i shtyrë nga mendimi i ringjalljes. E, njëmend, po të mos kishte shpresuar se do të ringjallen ata që u vranë, do të kishte qenë e tepërt dhe e kotë të luteshin për të vdekur. Mandej ai e kishte parasysh se një shpërblim tepër i bukur i priste ata që vdesin në hirin e Zotit: mendim ky i shenjtë e i përshpirtshëm. Ja, pra, pse dha të kushtohen fli shpërblimi, që të çlirohen nga mëkati».

Kjo pjesë biblike, të cilën e gjerjmë në Besëlidhjen e Vjetër, saktësisht në Librin e dytë të Makabenjëve, kapitulli 12, rreshtat 42-46, tregon se ndërmjetësimi me lutje tek Hyji për shpirtërat e të vdekurve ishte i pranishëm ndë popullin e Hyjit, por që bëhet ende më i qartë dhe stabil në rastin e Makabenjëve. Ndërsa sa për besimin në Ringjallje, ky nuk ka munguar kurrë, sidomos në rymën e farisenjëve, besimi i të cilëve bazohet pikërisht në shpresën e ringjalljes. Në konceptimin e Besëlidhjes së Vjetër, gjejmë kryesisht fjalën “Sheol” (Nëntoka, gjiri i tokës), që nuk ka vetëm kuptim negativ, por tregon kryesisht vendin se ku shkojnë të vdekurit. “Sheol”, më shumë se “vend” në kuptimin gjeografik, tregon një gjendje. Në këtë mënyrë ka kuptim edhe ajo që gjejmë në Librin e Siracidit, kapitulli 7, rreshti 37: "Ji dorëdhënë me të gjithë të gjallët, por as të vdekurit mos ia moho hirin"[/, ftesë kjo për t’u lutur dhe për të sakrifikuar për shpirtërat e të vdekurve, në kuptimin e nevojës për t’u pastruar nga mëkati (purgare – purgator). Kjo tregon se idea e shoqërimit me lutje dhe sakrifica të të vdekurve, është e pranishmë që në Besëlidhjen e Vjetër.

Në Besëlidhjen e Re gjejmë një pjesë interesante së pari në Letrën e parë të shën Palit drejtuar Korintasve, kapitulli 3, rreshtat 12-15, pjesë kjo në të cilën Apostulli i referohet Gjyqit të mbramë: "Si kush të ndërtojë mbi këtë themel me ar, me argjend, me gur të paçmueshëm, me dru, me sanë, me kashtë – vepra e secilit do të dalë në dritë. Ajo Ditë do ta tregojë sepse do të vijë me zjarr, e zjarri do ta provojë cilësinë e veprës së secilit. Ai, vepra e të cilit do të qëndrojë, do të marrë shpërblimin".

“Zjarri” vlen njëkohësisht edhe si simbol biblik për të shprehur dashurinë e Hyjit. Në fakt, ajo që pastron është vetëm dashuria e kjo dashuri është e zjarrtë, pra asgjëson atë që është e ligshta dhe e paqëndrueshmja duke i bërë vend të pastrës dhe të amshueshmes. Periudha e purgatorit është periudha e pritjes derisa ky proces pastrimi të plotësohet, për të kaluar në amshimin e Hyjit.

Patristika e vontë, kryesisht Origene, në veprën e tij Contra Celsius, kapitulli 5, rreshti 15, e vën “zjarrin” në marrëdhënje me “ndriçimin”, pra me Shpëtimin e amshuar. “Ndriçimi” është termi patristiko-biblik që tregon Lavdinë e Hyjit, pjesëmarrjen në kë Lavdi nga ana e njeriut dhe, si rrjedhojë, Shpëtimin e amshuar të njeriut.

Ky mësimi kristalizohet përfundimisht në Kishë në shekullin XI. duke ppohuar qartazi para së gjithash dallimin mes mëkateve vdekjeprurëse (në gjuhën e popullit: mëkatet e rënda) dhe mëkatet e zakonta (në gjuhën e popullit: mëkatet e lehta). Ky dallim është i domosdoshëm për faktin se mësimi mbi Purgatorin i referohet vetëm rastit të dytë, pra rastit kur njeriu vdes me mëkatet e lehta dhe Purgatori nuk është gjendje definitive, por përgatitje definitive, mbas së cilës kalohet në gjendjen e lavdishme, pra në amshimin e Hyjit. Ndërsa, në rastin e parë, ku fjala është për mëkate vdekjeprurëse (= të rënda), aty nuk bëhet fjalë për Purgator sepse liria personale e njeriut ka vendosur vetë të jetoj larg dhe pa Hyjin, pra të mos i bë vend Hyjit në jetën e tij, gjë kjo që ka si pasojë mungesën e amshueshme të Hyjit. Duhet këtu edhe të kujtojmë, se mëkat i rëndë është atëherë kur bëhet një vepër e keqe, kundër Zotit, me vendosje personale të lirë dhe vetëdije të plotë dhe kur me vetëdashje nuk pranohet pendimi, kthimi, por lejohet që të vdiset në këtë gjendje.

Në pikëpamjen dogmatike, pra të mësimit kishtar, gjë kjo që është konfirmuar në Koncilin e Trentos, rolin kryesor në aspektin biblik e luan idea e Besëlidhjes së Vjetër mbi Sheolin, ndërsa në aspektin e Traditës e luan Patristika e vontë.

[Gregu]

Pershndetje toni77_toni,

Falemnderit per materialin e sjellur.

I nderuar, ke sjellur ca vargje qe nuk kan lidhje me Purgatorin (te pakten ato nga 1 Korintasve).
Tek 1 Korintasve 3:12-13, Pali po na perheqe verejtjen se si duhet te jete jeta jone. Cfardo qe te ndertojm ne jete (ar, argjend, kashte, sane) nje dite do te kaloj neper nje gjyq qe i jepet kuptimi i zjarrit. Dhe ky gjyq tashme eshte i fituar per ata qe besojn se Jezusi eshte Zot, sepse vet Jezusi eshte "avokati" yne.

Sa u perket atyre Makabejve, me vjen keq por nuk mund te komentoj mbi to sepse nuk jane biblike. Pra nuk i perkasin Bibles-Fjales se Zotit.

Fjala Purgator nuk gjendet askund ne bibel.
Po te ishte aq e rendesishme, do te permendej diku.
Ne asnje nga predikimet e Krishtit e as te apostujve kjo qeshtje nuk eshte permendur, dhe as qe eshte lene per tu kuptuar.

Neper ter Ungjijt shohim se si Krishti u drejtohet njerezve: "Besimi yt te sheroj", "Besimi yt të shpëtoi", etj. Per Krishtin te besuarit tek Ai-tek Zoti ishte gjeja kryesore.
Ne kryq Ai iu drejtua hajdutit: Atëherë Jezusi i tha: ``Në të vërtetë po të them: sot do të jesh me mua në parajsë``. Luka 23:43
Jezusi nuk i tha se sot do te kalosh ne Purgator, e pastaj te shohim.

Po pse Purgatori?
A do te thote se mund te mos pastrohet dikush aty dhe do hidhet ne ferr?
Cili eshte qellimi i Purgatorit?

Nese nje person eshte destinuar per ne parajse, pra ne pranin e Perendise, pse pas vdekjes se tij nuk shkon direkt ne parajse?

Kush na pastron nga mekatet?
Eshte Zoti. Vdekja e Krishtit eshte paga per shlyerjen, e nese nje person pas vdekjes u dashka ti nenshtrohet nje procedure tjeter per pastrim, atehere vdekja dhe gjaku i Krishtit nuk qenka i mjaftueshem!

Une mendoj se Pugatori eshte shpikje e kishes katolike, per tu pasuruar.
Dikur jane shitur letrat e blerjes se shpirtit nga purgatori. Shpikja e purgatorit; komercializmi i finesave shpirterore (nese jep para do te dalesh nga purgatori) ishte qeshtje baze e kishes se atehershme. Po si mund te blehet shpetimi, si mund te blehet parajsa?
Pse sot nuk zbatohet me kjo blerje e shpirtrave nga Purgatori?

Me falni qe isha ca i ashper, por e verteta duhet thene.

Per ju,
Gregu

[GjergjPresheva]

Cfare mund te na thuhet rreth Purgatorit?
A ekziston?
Sa i rendesishem eshte ne doktrinen e kishes katolike?
A flet bibla per te?

Do te doja pak informacion rreth Purgatorit.

Per vete nuk besoj se ekziston, por lete debatojm per te.

Gregu

----------------------------------------------------------------------------
I nderuari Gregu,
do te mundohem qe ti jap disa mendime te thjeshta, por edhe jo aq, prandaj mendoj se do te nevojitet pak kohe per ta lexuar dhe ri lexuar mire kete tekst, qe eshte dhe jo i lehte per pa koncentrim dhe pa qetesi shpirterore.
Por jam i bindur qe gjithqka do te jete me kjarte pase qe te kuptohet koncepti, qe eshte edhe MISTERIK (MISTER po mendoj ne nje realiteti aq te madh sa qe syte tane jane teper te vegjel per ta kapluar te terin).

prandaj, deshiroj ti them edhe Tonit77_toni, qe ka bere nje punim te hatashem per kete teme.
te lumte o Toni, te lumte.

ju pershendes...


Disa shprehje teologjike mbi Purgatorin – Realitet Eskatologjik

Në një moment të parë, me anë të përkujtimit për të vdekurit tanë, Kisha e shprehë që nga origjina e vet besimin në Purgator. Mandej, me një lehtësi të bindur ajo (Kisha) e definon doktrinën mbi të gjitha në Koncilin e Lionit të II (me 1274), në Koncilin e Firences (me 1438), dhe në fund në Koncilin e Trentos (në Seksionin e 25-të me 3 dhjetor 1563). Ja pra pikëqëndrimet e mëdha të kësaj Doktrine:

 në Purgator, shpirtërat e të drejtëve e paguajnë borxhin ndaj të Drejtës Hyjnore duke i pranuar pra, denimet pastruese edhe të dhimbshme. Është mirë të nënvizohen menjëherë që pastrami në Purgator nuk përqëndrohen mbi fajësinë, por mbi denimin. Në qoftë se falja e Zotit i ipet shpirtit të penduar me këtë e fshinë fajin, nuk e bënë të zhduket faji, dhe kështu nëpërmjet përkushtisë njeriu e riparon ngatrueshmërinë që e ka shkaktuar me fajet dhe mëkatet e veta. Këtu poshtë, shpirti pëson denimin ndër forma të një pendese vullnetare dhe të merituar; në botën tjetër, në një formë të pastrimit të obliguar.

 Simbas Doktrinës së Kishës, janë dy tipe të denimit në Purgator. Primarja, është ajo e cila në mënyrë të përkohshme e ndalon shiqimin e Zotit. Kjo ndales është e bashkuar me një mundim të pabesueshëm. Pra, koha e bashkimint po afrohet: pra, shpirti dixhet për ta parë Zotin, por nuk mund ta arrijë këtë dëshirë, sepse nuk ka vuajtur sa duhet, para vdekjes, mëkatet e tija. Vuajtaja, pra, përbushet në në Purgator dhe kompletohet me formën e vuajtjes ku asgjë, këtu poshtë, mund të na japë idenë.
Në Purgator ekzistojnë edhe mundime të tjera të njohura porsi mundime të ndjenjave. Kisha, prandaj, kurrë nuk është pronucuar mbi natyrën e tyre të kjartë; pra, qëllimi i tyre është të riparojnë të mvarurit dhe ngatrueshmërinë e krijesave.
 Pra, mundimet e Purgatorit nuk janë të njejta për të gjitha shpirtërat. Ato ndryshojnë, për sa i përket kohëzgjatësisë dhe intenzitetit të tyre, mvaren nga mëkatësia e secilit. Shpirtërat e Purgatorit pranojnë me lehtësi mundimet e ofertës që Zoti ua jep atyre; ato nuk kërkojnë, në efekt, që lavdia e Zotit dhe kështu dëshirojnë me zell të bashkpunojnë dhe të adhurojnë Atë që tani më është e tërë shpresa e tyre. Në Purgator mbizotron një paqe e thellë, por edhe një lumturi sepse shpirtërat kanë një siguri për shëlbimin dhe shohin mundimin e vet porsi një mjet për ta lavdëruar Shenjtërinë e Zotit dhe kështu të arrijnë në vizionin e Lumturisë. Vuajtja në Purgator, me qenë se nuk është merituese, nuk e zmadhojnë më dashurinë e shpirtit, por e kompletojnë.
 Kisha tokësore mund të ndihmojë, me kujtimin e vet, me lutjet e veta, sepse një dashuri e bashkon: Krishti. Ky unitet (ky bashkim) krijon mundësi për një bashkim të meritave. Shpirtërat e Purgatorit, të paaftë të përkujdesen për vete por mirëpo më një ngritje minimale, mund të gëzohen sadopak nga veprat e mira që të gjallët i bëjnë në njet të tyre me përkujtim në lutje që të riparohen borxhet e tyre. Këto vepra të mira, janë ofertë për lehtësimin e denimit të shpirtërave të Purgatorit porsi kompenzim për ta; Zoti i regulon simbas mëshirës së vet dhe simbas kujtesës për të ndjerët. Pra, lëmosha, lutja, kështu edhe të gjitha format e sakrificës janë porsi mjet për ndihmë të shpirtërave e të vuajturit.
 Purgatori ka për të patur fund në Gjykimn final, kështu që të gjitha shpirtërat janë të destinuar për Lavdi kanë për ta ndjerë kënaqësinë, në një mënyrë apo në të tjetrën, Drejtësinë e Zotit.

Kjo ëhstë në mënyrë esenciale mësimet e Kishës mbi misterin e Purgatorit. Kisha ia len teologëve detyrën që të na japë një dritëz mbi disa diskutime sekondare. Mund ti përmendim disa: në cilin vend gjindet Purgatori? Pra, mëkati i rrjedhshëm (apo i origjinës) hiqet në momentin e vdekjes apo në vendin e pastrimit? Shpirtërat e Purgatorit luten për ne?

- Ekzistenca e Purgatorit është një e vërtetë e fesë: Shën Toma i Akuinit thotë që nuk duhet munguar të neglizhohet Purgatori, sepse kjo don të thotë që të neglizhohet Drejtësia e Zotit pra, është një koment kundër fesë. Kjo e vërtetë e fesë është e themeluar mbi mësimin e kjartë të Shkrimit Shenjtë për sa i përket drejtësisë dhe nevoja e një pastërtie perfekte për të hyrë në Qiellë.
- Prandaj, nga Katekizmi i Kishës Katolike “Çdo njeri që nga momenti i vdekjës së tijë e pranon në shpirtin e vet të pavdekshëm kthimin kah e amshuara, me nje gjykim të veqantë që e venë jetën e tijë në raport me Krishtin, për këtë ose do të kalojë mbi një pastrim të thellë ose do të hyjë menjëherë në lumturinë e qiellit, ose do të auto denohet përgjithmonë.
Nga Shrimet e Shenjta Biblike
Doktrina e Kishës mbi Purgatorin e gjenë themelin në Bibël, kur kjo din të interpretohet me korrektësi dhe vëmendje, me përqëndrim dhe vetëdisim:

Teksti i librit të II të Makabenjëve 12, 40-46, që jepë të kuptohet që lutja është porsi e domosdoshme për mëkatet e atyre të cilët bijnë në gjumë të përjetshëm në Zotin. Është e kjartë pra, besimi në ringjallje. Të ofrohet pra sakrifica për të vdekurit; që të jenë të falur nga mëkatet e tyre.

Një tekst tjetër i përdoruar është Mateu 5, 26; në të përmendet në vuajtjet e përkohshme e kërkimit është identifikuar një situatë e ofrimit të përkoshëm në jetën e ardhme.

Të njejta janë edhe fjalët e Krishtit: E nëse ndokush thotë ndonjë fjalë kundër Birit të njeriut, mund t’i falet faji, por nëse ndokush thotë ndonjë gjësend kundër Shpirtit Shenjt, nuk do t’i falet as në këtë botë as në botën e ardhshme.” (Mateu, 12, 32).

58 Kështu, kur shkon bashkë me kundërshtarin tënd tek ushtruesi i drejtësisë, përpiqu udhës të biesh në ujdi me të që të mos nxjerrë para gjykatësit, gjykatësi të të dorëzojë shërbëtorit e shërbëtori të të hedhë në burg. 59 Unë po të them se s’do të dalësh prej andej pa e paguar edhe më të fundit qindarkë.” (Luka 12, 58).

Në këto qortime Krishti flet për një denim të përkohshëm i cili nuk mund të jetë ferri dhe as Qielli.

Prandaj mund ta përmendim edhe letrën e Shën Palit: 11 Sepse, askush nuk mund të vërë tjetër themel, përveç atij që është vënë, e ai është Jezu Krishti. 12 Kushdo të ndërtojë mbi këtë themel me ar, me argjend, me gur të paçmueshëm, me dru, me sanë, me kashtë 13 vepra e secilit do të dalë në dritë. Ajo Ditë do ta tregojë, sepse do të vijë me zjarr, e zjarri do ta provojë cilësinë e veprës të secilit. (I Korintasëve 3, 11-13).

Në mënyrë që do të ekzistojë një flakë pas vdekjes, ku, është i ndryshëm nga ferri, është e përkohshme. Shpirti që do të kalojë nëpër të do të shëlbohet. Kjo gjendje e purgimit – pastrimit, queht pra Purgator.

29 Nëse nuk është kështu, çka fitojnë atëherë ata që pagëzohen për të vdekur? Në qoftë se të vdekurit kurrsesi nuk ngjallen, pse atëherë të pagëzohen për ta? (I Korintasëve 15,29).

Fjala “pagëzim” është e marur këtu porsi një metafo për të shprehur vuajtjën ose pendesën:

38 Jezusi u përgjigj: “Nuk dini çka lypni. A jeni të zotët ta pini gotën që unë e pi? Ose të pagëzoheni me atë pagëzim me të cilin unë pagëzohem?”
39 “Jemi të zotët!” iu përgjigjën ata.
Jezusi vijoi: “Vërtet do ta pini gotën që unë e pi dhe do të pagëzoheni me pagëzim me të cilin unë pagëzohem. 40 Por të vë ndokënd të më rrijë në të djathtën ose në të majtën time kjo nuk është në pushtetin tim ta jap kjo gjë u përket atyre për të cilët është bërë gati.” (Marku 10, 39-40);

- këndej Gjoni mori fjalën e u tha të gjithëve:
“Unë, vërtet, po ju pagëzoj me ujë, por po vjen një më i fortë se unë, të cilit unë nuk jam i denjë as t’ia zgjidh lidhëset e sandaleve të tij. Ai do t’ju pagëzojë me Shpirt Shenjt e me zjarr. (Luka 3,16).
-------------------------------------------------------------


... per kete teme mund te vazhdoj edhe nje traktat me te gjere...
... mund te hy edhe ne Histori dhe nw perkujtim te shume mendimtareve dhe njerezve te medhenje gjat historise se cka kan menduar dhe shkruar per kete teme... por mire do te jete njeher tjeter per kete teme...
uroj suksese lexuesve dhe dashamireve te Purgatorit dhe te Prajses.
rroni.

[toni77_toni]

Pershndetje toni77_toni,
Falemnderit per materialin e sjellur.
I nderuar, ke sjellur ca vargje qe nuk kan lidhje me Purgatorin (te pakten ato nga 1 Korintasve).
Gregu

Ti ashtu mendon dhe per at arsye nuk i perket kishes katolike por diçka tjeter, pra ky është edhe dallimi në mes nesh. Ndersa unë i perkas kishes katolike dhe kam mendim te tjeter. Ajo qe është e ndershme si per mua dhe ashtu per ty dhe persecilin; mendimet dhe ato qe thotë duhet arsyetue dhe argumentue. Nuk edi a ndie pergjegjsi ti per ato qe thua?

Sa u perket atyre Makabejve, me vjen keq por nuk mund te komentoj mbi to sepse nuk jane biblike. Pra nuk i perkasin Bibles-Fjales se Zotit.

Ti si zakonisht flet tëpaverteta sepse ajo eshte ne Bibel, do ta postoj perseri për hirë të vertetes. Ti ke theme se edhe urata katolike; "Te falemi (Mari) hirplote - Zoti me ty" nuk eshte biblike por ajo ishte. Ti ke thene se edhe Darka e Shenjt nuk eshte biblike por ajo ishte. Pra, ato qe nuk i perkasin grupit tende fetar ti thua se "nuk eshte biblike". Ndersa ajo qe thua eshte krejt e pa vertetë.

Shkrimi Shenjt na flet: "Per kete arsye Juda Makabe ofroi fli per te vdekur, qe tu falen mekatet" (2 Mak 12,45). Kështu shkruan në Bibel dhe nuk kemi mundesi ta fshijmë këtë. Ashtu nuk kemi mundesi ta fshijmë edhe "Te falem (Mari), o Hirplote! Zoti me ty!” “Je më e bekuar se të gjitha gratë dhe i bekuar është fryti i kraharorit tënd" Ti vet më ke thënë se ajo uratë nuk është biblike. Pra është ajo dhe është edhe kjo siç po e sheh. Ndoshta keta rreshta bien ndesh me formimin tënd por njerëz jemi, kemi mundesi per pendesë. Krishti na ka mundesuar.

Gregu pos atyre qe i kam postuar më parë, edhe Ungjilli sipas Mateut flet diçka per ata qe duan te kuptojnë: "Rregullohu shpejt me kundështarin tënd sa të jesh ende në udhëtim me të, që kundërshtari të mos të të dorëzojë te gjykatësi e ky te rojtari i gjyqit, që të mos të ndryejnë në burg. Për të vërtetë po të them: s’do të dalësh prej andej para se ta paguash edhe paranë më të fundit.” (Mat 5; 25-26)

Pers
Fjala Purgator nuk gjendet askund ne bibel.
Po te ishte aq e rendesishme, do te permendej diku.

E kjo eshte çudia e madhe!

Pra as fjala TRINI nuk gjindet askund ne Bibel por ne tegjithë te krishterët e besojmë Trininë. Në BibelTrinia ekziston por termi Trini nuk ekziston sikurse nuk ekziston as termi purgator.

Pershndetje toni77_toni,
Neper ter Ungjijt shohim se si Krishti u drejtohet njerezve: "Besimi yt te sheroj", "Besimi yt të shpëtoi", etj. Per Krishtin te besuarit tek Ai-tek Zoti ishte gjeja kryesore.

O ti djali i mirë, freskoje pakez menden dhe kujdes me ato mendimet e tuaja "besimi me shpeto" duke ju drejtua te tjerve thua se ata nuk besojnë. Po na te gjithë besojmë ne Hyjin more mik. Çka mendon ti? Mendon se vetem ti beson? Pra, të pakten prej nga ky moment duhet kuptuar ti se katoliket besojnë, besojnë se besimi është në radhë të parë, të gjith; të mbeshtetur në besim lutemi, pra edhe lutjet tona per te tjerët nuk behen pse nuk besojmë por vetem pse besojmë. Pra unë besoj se Zoti ma pranon lutjen edhe per dikë tjeter. Ne besojmë se Zoti na pranon lutjen edhe per ata qe vdesin ne hir ose ne miqesi me Hyjin, por qe nuk jane plotesisht te pastruar ne shpirtin e tyre. Ndoshta nder kohë do te lutna edhe per ty qe ta kuptojsh ti Zotin më mirë, ta kuptojsh se Ai nuk është i kufizuar siç e imagjinon ti.

Po pse Purgatori?
A do te thote se mund te mos pastrohet dikush aty dhe do hidhet ne ferr?
Cili eshte qellimi i Purgatorit?
Nese nje person eshte destinuar per ne parajse, pra ne pranin e Perendise, pse pas vdekjes se tij nuk shkon direkt ne parajse?

Siç te kam thënë por e perseris. Ata qe vdesin ne hir ose ne miqesi me Hyjin, por qe nuk jane plotesisht te pastruar ne shpirtin e tyre, pas vdekjes i nenshtrohen nje pastrimi te lehte, deri sa te fitojne shenjterine e duhur per tu bere pjesetar te gezimit te amshuar ne qiell.

Kush na pastron nga mekatet?
Eshte Zoti. Vdekja e Krishtit eshte paga per shlyerjen, e nese nje person pas vdekjes u dashka ti nenshtrohet nje procedure tjeter per pastrim, atehere vdekja dhe gjaku i Krishtit nuk qenka i mjaftueshem!

Allahile kujt je duke iu drejtua me kete pytje?! Nese mua, no coment!!!

Gregu, unë e di se Kush dhe nga vjen pastrimi, per ata edhe u pagëzova dhe shpresoj në Të. Por mos harro se Bibla është e Madhe dhe mesimet e Bibles janë të amshuara-Fjalë qe rrjedhin nga Shpirti i Hyjit. Andaj shikoje kete rresht te letres së parë të Gjonit. Gjoni u drejtohet vellezerve. vellezer per Gjonin janë të krishterët. Ai thotë: "Nëse ndokush e sheh vëllain e vet se bën mëkat". Pra edhe te pagëzuarir bëjnë mëkat, por mëkatet janë të ndara. Mëkati qe te qon ne vdekje dhe mëkati qe nuk te qon ne vdekje. Andaj lirohu prej asajë bindjes tënde se njeriu vetem nëse beson në Krishtin është i patruar. PO, ai pastrohet nga mëkati i rrjedheshem, por gjatë jetës së vet ai prap mund te mëkatoj me mëkate të rënda dhe të lehta, mos harro se jemi njerez o Gregu. Ndoshta edhe unë ose ti gjatë këtyre shkrimeve po mëkatojmë, kush e di? Vet Zoti e din.
"Nëse ndokush e sheh vëllain e vet se bën mëkat që nuk çon në vdekje, le të lutet dhe Hyjit do t’ia japë jetën – atyre që bëjnë mëkatin që nuk çon në vdekje". (1 e Gj 5; 16)

Une mendoj se Pugatori eshte shpikje e kishes katolike, per tu pasuruar.

Edhe unë jam duke u pasuruar, por me ni pasuri qe nuk mund të ma merr askush, - dashuri dhe besim në Krishtin. Lutje per te gjallet dhe mundesisht edhe per ata qe kaluan në jeten e tjeter. Gjithçka në vullnet të Zotit. "Zot unë të lutena, por gjithsesi le të bëhet vullneti i YT". AMEN. Kjo është pasuri, - HIR.

Dikur jane shitur letrat e blerjes se shpirtit nga purgatori. Shpikja e purgatorit; komercializmi i finesave shpirterore (nese jep para do te dalesh nga purgatori) ishte qeshtje baze e kishes se atehershme.

Mund bëhet, nuk e di saktesisht, ndersa kjo qe thua nuk ekziston sot. Kjo është e vertetë se sot nuk praktikohet ajo qe thua. Nëse dikush ka vepruar ashtu dikur, ai vet do të jep llogari para Zotit e jo unë. Unë dhe secili është pergjegjes per veteveten. Në anën tjeter ti Gregu; si ai qe i beson Krishtit, ke nevojë të meditojsh më shumë Biblen sepse më duket se ke paragjykime të mëdha. Mos harro se Ai tha, "mjek sheroje veteveten" tha edhe diçka tjeter së bashku me këta rreshta qe nuk dua tash ti citoj.
Jam duke dyshuar se krejtë qellimi i hapjes së kësajë teme ishte ngusht i lidhur me keta rreshta të fundit, nëse është ashtu nuk më vjenë mirë. Nuk me vjen mirë nëse një i krishter është në këtë gjendje.

Pse sot nuk zbatohet me kjo blerje e shpirtrave nga Purgatori?

Per besë nuk e di as unë Gregu!! Mund bëhet se kriza ekenomike botërore ka sjellur probleme në treg. U pergjigja ashtu sikurse ishte edhe pytja!!

Me falni qe isha ca i ashper, por e verteta duhet thene.

Jo nuk je fajtor ti, është sistemi qe te frymëzon ai qe mbanë fajin.

kaloja mirë Gregu, edhe nëse nuk beson si unë lutu per te gjallët pra se ka mungesë lutjeje per besë. Ndersa unë po vazhdoj në lutje (pavarsisht verejtjes tende) per të gjall dhe per purgator, Zoti është i mirë dhe shpresoj se ma pranon per temirë, unë sonte nuk do të bie në gjum pa u lutur edhe per purgator, këtë e bëjë pa perfitime materiale siç e propagandoni ju, pra ne këto orë të vona. Zoti në saje te dashurisë dhe meshires që ka; pastë mëshirë dhe më pranoftë lutjen time. Beso dhe lutu.

toni77

[torrkerry]

kat 90

Lidhjet e ndërsjella dhe koherenca e dogmave mund të gjenden në kompleksin e Zbulesës së Misterit të Krishtit ,
«Ekziston një rend ose “hierarki” në të vërtetat e doktrinës katolike, meqë lidhja e tyre është e ndryshme me themelin e besimit të krishterë» .

Toni dfhe Rroni, mos biri ne kurthin e Gregu-t.
Doktrina katolike e purgatorit, si e keni shpjeguar, eshte pjesa e pandare e besimit tone, por ne kontekstin e teresise sebesimit tone, mjaft periferike.
Katekizmi i kishes katolike ka 788 faqe ne italisht, dhe vetem gjysmes i kushtohet Purgatorit.

«Ekziston një rend ose “hierarki” në të vërtetat e doktrinës katolike, meqë lidhja e tyre është e ndryshme me themelin e besimit të krishterë» .

Me nderim

Torrkerry

[GjergjPresheva]

O nderuari Torrkerry,
sigurisht ti ke te drejte qe te mos biem ne kurthe te Gregut, por eshte mire qe tia spiegojme, per sa mundet e kuptoje ai, kete teme.
Prandaj, une thashe qe eshte mire qe te gjeje koncentrim dhe qetesi shpirterore per ta kuptuar sadopak kuptimin e Purgatorit.
jame shpresemadh qe e ka kuptuar.
Prandaj, pershendetje

[GjergjPresheva]

Cfare mund te na thuhet rreth Purgatorit?
A ekziston?
Sa i rendesishem eshte ne doktrinen e kishes katolike?
A flet bibla per te?

Do te doja pak informacion rreth Purgatorit.

Per vete nuk besoj se ekziston, por lete debatojm per te.

Gregu

Gregu ti ..........mos ndikohesh nga mosbesimi juaj.
Kur nuk e beson cka tenton te indoktrinosh edhe njerez tjere.

[Gregu]

Pershendetje toni77_toni,

Falemnderit per postimet.

I nderuar, une kerkova vargje nga bibla. Ajo qe me solle nga Makabejt, nuk eshte pjese e bibles. Te pakten ne biblen time, por kontrollova edhe tek www.bibla.net (bibla katolike) dhe nuk gjeta nje liber me titullin Makabej. Nese eshte pjese e bibles, te lutem ma dergo linkun.

Sa per muhabetin lidhur me rruzaren, besoj se jemi sqaruar, dhe ti e din se une nuk jam dakort me ato qe me ke sjellur se gjoja zanafilla e saj eshte tek biseda e engjullit me Marien. Ajo bisede mes tyre nuk ka te bej asgje me praktikat e sotshme. Nejse, eshte teme tjeter.

Kur une thash se Fjala Purgator nuk gjendet ne bibel, e mendova se do me thuash se edhe Trinia nuk permendet. I nderuar, mos i pergjitheso gjerat. Trinia eshte permendur ne shume vende. Pra jane permenduar "personat" e Trinis. Purgatori as qe behet fjale, dhe as qe lihet te nenkuptohet diku.

toni77_toni, mos shpif fjale qe une nuk i kam thene. Askund nuk kam thene se katoliket nuk besojn. Nese don te luajm symbullas, me thuaj dhe une te le te luash me te tjeret. Ok.
Une citova fjalet e Krishtit, ku Ai ne cdo vend ku eshte sheruar dikush, ka perdorur shprehjet si " Besimi yt te sheroj", "Besimi yt te shpetoj".

Autoriteti jo biblik i papes qofte si pozite e funksion por edhe si nderhyrje ne pushtetin frymor te Zotit - ne nje teze Luteri thote se nese papa i dashur paska aq shume autoritet pse ai nuk i zbret njerezit nga purgatori por i kercenon t'i dergoje atje, ose perse kurre papa, megjithese eshte njeriu me i pasur ne bote nuk nderton nje kishe? Heshtja e fjales se Perendise neper kisha nga nderhyrja e papes dhe e sorrogateve te tij; ne vend te ceremonive te kete 100 here me shume ungjill kujtdo, dhe shton se thesari me i madh i kishes duhet te jete ungjilli dhe jo parate, sepse permes parave pasurohen te pasurit kurse permes ungjillit pasurohen te varferit. Keqperdorimi i kryqit sikurse ne rastin se kryqi i indulgjencave barazohej nga papa me kryqin e Krishtit, dhe per kete teologu dhe mjeshtri Luter thote se eshte blasfemi. Te krishteret parajsen e kane te sigurt me shume ne baze te vetmohimeve te tyre personale ne Krishtin sesa nepermjet siguriese se papes qe predikon nga kleri. Luteri thote se dashuria mund te rritet vetem me veprat e dashuriese dhe jo permes veprave te lemoshes, letrave te faljes etj.

Jezusi i tha: Unë jam udha, e vërteta dhe jeta; askush nuk vjen tek Ati përveçse nëpërmjet meje. Gjoni 14:6
Dhe dëshmia është kjo: Perëndia na dha jetën e përjetshme dhe kjo jetë është në Birin e tij.
Ai që ka Birin, ka jetën; ai që nuk ka Birin e Perëndisë, nuk ka jetën. 1 Gjoni 5:11-12

Bibla nuk na meson se njeriu pas pastrimit nga mekati permes besimit te krishti, duhet kaluar edhe neper nje proces tjeter pastrimi.

Dhe unë do të të jap çelësat e mbretërisë së qiejve; gjithçka që të kesh lidhur mbi tokë, do të jetë lidhur në qiej, dhe gjithçka që të kesh zgjidhur mbi tokë, do të jetë zgjidhur në qiej. Mateu 16:19
Ka vetem nje rruge. Ai eshte Krishti. Toke-Parajse. Nuk ka zbritje diku tjeter dhe pastaj vazhdim te fluturimit.

toni77_toni, sistemi qe me frymezon eshte Fjala e Perendise, bibla. Nuk ke nevoj te perfshish sisteme tjera.

Qellimi im eshte te hidhet pak drite mbi kete teme (Purgatorin) qe sot pak flitet, apo qe keqkuptohet. Ju vet me keni thene se mund te hapet nje teme e tille permes mesazhit privat. Je i lire ta mbyllesh apo ta fshish, ehste e drejt e jotja.

Torrkerry,
Kur isha i ri kam perdorur stirtin e kurthave ndaj kafsheve te egra. Zakonisht kam kapur, lepuj, dhelpra, ujqer, derra, por besoj se sot nuk jam duke perdorur ate sport ketu.
Mos gjykoni.

Amori,
Falemnderit per keshillen. Pse nuk besoj nuk don te thote se nuk duhet te flas per te.

Falemnderit per komentet tuaja.

Gregu

[toni77_toni]

Pershendetje toni77_toni,

Falemnderit per postimet.

I nderuar, une kerkova vargje nga bibla. Ajo qe me solle nga Makabejt, nuk eshte pjese e bibles. Te pakten ne biblen time, por kontrollova edhe tek www.bibla.net (bibla katolike) dhe nuk gjeta nje liber me titullin Makabej. Nese eshte pjese e bibles, te lutem ma dergo linkun.
Gregu

Pershendetje Gregu

Kjo është në Bibel, perkthimi i d. Simon Filipaj, saktesisht ne faqe 1348
2 Makabenjtë, kapitulli 12, rreshtat 42-46.

Uroj te jeni mirë dhe suksese per ju Gregu
në Krishtin
toni77