Berisha shpall qeverine e re, Ilir Meta minister i jashtem

[gesti_7]

Mediu nuk eshte cam, por LAB. Ja ke fut kot plako

Per temen, me mire do ishte per camet te kishin pranuar kombesine greke ne ate kohe kur ishte rremuje Ballkani dhe nuk ngeleshin ne dore te Saliut & CO per te marre pronat e tyre dhe gjithe te drejtat qe u takojne. Ca fituan camet qe mbajten kombesine shqiptare nje ZOT e di?!

Nga Fieri ai njihej si cam, se aty ka ndenjur, gjithsesi ndoshta eshte dhe lab, por nga mbiemri sme duket i tille.

[[Perla]]

I është dashur të përzgjedhë mes 50 kandidaturave pretendentë për anëtarë të qeverisë së re. Madje, për 15 emrat me të cilët do të qeverisë 4 vitet e ardhshme, Kryeministri Sali Berisha ka shfrytëzuar edhe minutën e fundit para se ato t’i bëjë publike. Dhe vetëm mbrëmë në orën 19:30 ka vendosur t’i japë formë dhe përmbajtje kabinetit të ri qeveritar.

Për dy muaj me radhë konsultime të vazhdueshme, me kryesinë e vogël dhe bashkëpunëtorët e tij, z. Berisha, tashmë i rimandatuar për të qeverisur vendin, zbardhi surprizat e stafit të ri të Këshillit të Ministrave. I ndërgjegjshëm se nuk bëhet fjalë për përsosmëri, ai vuri në dukje se ka bërë të gjitha përpjekjet për përzgjedhjen më të mirë. “Jam përpjekur të bëj përzgjedhjen më të mirë, por kur e ke të vështirë për shkak të personaliteteve të shumta që kanë hyrë këtë vit në Parlament, nuk mund të them se kam gjetur qeverinë e përsosur, por ajo do të japë kontributin e saj për një Shqipëri evropiane”, - shpreh z. Berisha.

Gjatë prezantimit të emrave, spikatën emrat e qeverisë së kaluar, por në dikastere të tjera, si dhe prurje të reja në “Berisha 2”. Emrin e parë në listën e kabinetit të ri, Berisha ka publikuar z. Ilir Meta, si zv.kryeministër dhe ministër i Jashtëm. Më pas, Berisha ka komunikuar me radhë emrat e ministrave të rinj të qeverisë, që do të drejtojë vendin në katër vitet e ardhshme. Sipas Berishës, Bujari Nishani do të jetë në krye të Ministrisë së Drejtësisë, Lulzim Basha në krye të Ministrisë së Brendshme, Arben Imami në krye të Ministrisë së Mbrojtjes, Ridvan Bode në krye të Financave, Dritan Prifti në krye të Ministrisë së Energjetikës etj.

Për herë të parë në kabinetin e tij, Berisha ka shtuar dhe një portofol ministri, i quajtur ministër i Shtetit, në të cilin ka emëruar ish zv.kryeministrin Genc Pollo. Berisha nuk ka harruar të falënderojë ministrat që largohen, por dhe ka folur me superlativa për bashkëpunëtorët e vjetër që do të vazhdojnë të qeverisin me të, duke inkurajuar dhe ministrat e rinj. Kryeministri bëri të qartë se për emrat e ministrave është konsultuar me bashkëpunëtorët e tij dhe aleatët, dhe krijimi i kabinetit është fryt i një pune dymujore intensive me negociata dhe diskutime. Bujar Nishani, ish-ministër i Brendshëm, emërohet ministër i Drejtësisë, duke i zënë vendin kështu Enkelejd Alibeajt. Ridvan Bode mbetet edhe për këtë mandat katërvjeçar ministër i Financave. Lulzim Basha, nga ministër i Jashtëm vjen në qeverinë e re si ministër i Brendshëm.

Në gjysmën e mandatit të mëparshëm, Basha ishte ministër i Transporteve dhe më tej, titullari i Ministrisë së Jashtme. Kryeministri i vendit theksoi se “Basha së bashku me z. Meta do të jenë lojtarët kryesorë të procesit të heqjes së vizave për shqiptarët”. Në qeveri ka hyrë dhe Arben Imami si ministër i Mbrojtjes. Një ndër themeluesit e PD-së, Imami, u largua nga kjo parti në mesin e viteve ’90, duke hyrë në Aleancën Demokratike të Neritan Cekës, por disa vite më vonë u rifut në PD, duke marrë post kyç në kabinetin e Berishës gjatë mandatit të mëparshëm. Ministër i Bujqësisë u emërua Genc Ruli, i cili në kabinetin e mëparshëm ishte ministër i Ekonomisë. Ruli mori kështu postin e Jemin Gjanës. Berisha shprehu falënderim për Gjanën, duke theksuar se “pres me padurim të vazhdojmë bashkëpunimin në fushën parlamentare”. Sokol Olldashi mbetet sërish ministër i Transporteve, pasi e drejtoi këtë dikaster në dy vitet e fundit të qeverisë së parë të Berishës.

Në dyvjeçarin e parë, Olldashi ishte ministër i Brendshëm. Një hyrje e re është Myqerem Tafaj, i cili ka marrë postin e ministrit të Arsimit dhe Shkencës. Berisha tha se Tafaj, deri sot këshilltar i Kryeministrit për çështjet e arsimit, është njeriu që ka hartuar reformat arsimore. Këtu Berisha falënderoi Fatos Bejën, duke siguruar se ai do të jetë pjesë e rëndësishme e Parlamentit, pasi pritet të rikthehet si një ndër tre nënkryetarët e rinj të Kuvendit që do të ridrejtohet nga Jozefina Topalli. Berisha, në qeverinë e re, ka menduar edhe për minoritetin grek, edhe pse PBDNJ nuk pranoi të përfshihej në kabinetin e tij. Ministër i Punës, Çështjeve Sociale dhe Shanseve të Barabarta është emëruar Spiro Ksera, deputet i ri i PD-së, deri dje prefekt i Qarkut Gjirokastër.

Në qeverinë e re hyn dhe deputeti i Durrësit, Ferdinand Xhaferri, i cili merr vendin e ministrit të komanduar Ardian Turku. Ky i fundit mori vendin e Ylli Pangos, i cili u shkarkua nga Berisha pas një afere të dyshuar seksuale. Berisha ka prezantuar dhe ministrin e Mjedisit, që do të jetë për katër vitet e ardhshme, Fatmir Mediu, kryetar i Partisë Republikane. Nga qeveria ka dalë dhe vajza e Sabri Godos. Anila Godo drejtoi për afro dy vjet Ministrinë e Shëndetësisë, pas shkarkimit nga detyra të kreut të PDK-së, Nard Ndoka, i cili pati përplasje me Berishën. Berisha ka vendosur të mos e largojë nga qeveria edhe Genc Pollon, duke e emëruar ministër Shteti për marrëdhëniet e qeverisë me Parlamentin. I larguar nga PD në vitet ’90 kur krijoi dhe Partinë Demokrate të Reformuar, Pollo u rikthye pranë Berishës, duke e shkrirë partinë e tij dhe marrë postin e ministrit të Arsimit e më tej atë të zëvendëskryeministrit, që në kabinetin “Berisha 2” i përket kreut të LSI-së, Ilir Meta.



Minoriteti grek në qeveri, çamët në qeverisje

Minoritet grek në Shqipëri është pjesë e qeverisë së re “Berisha 2”, kurse çamët do të përfshihen në qeverisje, në nivelet e dyta të saj. Kryeministri Sali Berisha informoi mbrëmë gjatë publikimit të kabinetit të ri qeveritar, se "nuk do të mund të krijonte një kabinet qeveritar, pa pasur aty të përfaqësuar edhe minoritetin". "Po të mos isha i rrymës së qeverisë së vogël, kam aty 40-50 deputetë që mund t'i bëja ministra, por unë nuk e kam parë të arsyeshme të lëviz nga kuadri i qeverisë së vogël, ndaj ka prevaluar parimi mbi vlerësimet e shkëlqyera për individin", - tha

Kryeministri Berisha, duke sqaruar përzgjedhjen e emrave të rinj të kabinetit qeveritar, që do të qeverisë vendin në 4 vitet e ardhshme. Sipas tij, z. Ksera është përfaqësuesi i PD-së dhe nuk është i vendosur si përfaqësues i PBDNJ-së. "Por, unë nuk do të krijoja kabinet pa pasur dhe minoritetin të përfaqësuar nga PD, edhe pse e kuptoj se përfaqësues i gjerë është PBDNJ-ja. Me z. Ksera gjatë këtyre 4 viteve kemi bërë investimet më të mëdha në zonën e minoritetit dhe në këtë kontekst ai tani merr punën. Më vjen mirë që ai është pjesë e kabinetit, pasi është shumë i zoti, i talentuar dhe me aftësi të mëdha organizative", - vlerësoi z. Berisha.



Majlinda Bregu, e vetmja ministre femre

Ishin dy ministre në “Berisha 1”, por mbeti vetëm njëra dhe ajo është Majlinda Bregu. Ajo ka mundur ti rezistojë konkurrencës së fortë brenda llojit duke siguruar kështu mbështetjen e kryeministrit Sali Berisha për vijimësinë e saj në krye të ministrisë së integrimit. Znj.Bregu, është ministrja që do të firmosë për “Shqipërin në BE” pasi ajo tashmë është pjesë e pandarë e suksesit te reformave integruese të qeverisë “Berisha. Kështuqë qeveria e re që prezantoi Kryeministri mbrëmë ka në përbërje vetëm një femër, por parashikohet që gjatë mandatit katërvjeçar të ketë ndryshime, që do të shtojnë numrin e “seksit të dobët” në qeveri. Berisha tha se “ky është vetëm fillimi”, kur u pyet se pse ka një prurje kaq të dobët të femrave në qeveri.



Qeveria e re, sot mbërrin tek Presidenti

Qeveria e re sot mbërrin për dekretim tek Presidenti Bamir Topi. Kryeministri Sali Berisha njoftoi mbrëmë se emërimet e qeverisë së re do t’i shkojnë sot për dekretim Presidentit të Republikës, Bamir Topi. Kurse për votimin në Parlament, ai bëri të ditur se kjo varet nga koha kur emrat do të dekretohen nga kryetari i shtetit. Gjatë konferencës për shtyp, z. Berisha falënderoi bashkëpunëtorët e tij që nuk janë më në qeveri, si Lufter Xhuvelin, Jemin Gjanën, Gazmend Oketën etj. Në lidhje me kërkesën e disa gazetarëve për heqjen e emrit të Fatmir Mediut nga lista e kabinetit të ri, Kryeministri Sali Berisha deklaroi mbrëmë në konferencë se me PR ka një bashkëpunim disavjeçar. Berisha tha se për Mediun ka një akuzë për korrupsion dhe ai është i hapur ndaj çdo vendimi të drejtësisë. Sipas Berishës, asnjë nga ministrat e tij nuk ka mandat, që do të thotë do të jenë të njëjtë para ligjit, por paragjykimi nuk i shërben askujt. “Një akuzë e madhe që nisi dhe ra vetë nga ata që e ngritën. Z. Mediu është i hapur dhe s’do ketë asnjë pengesë t’i përgjigjet ligjit”, - tha Berisha.



Ministrat e kabinetit “Berisha 2”

Kabineti i ri qeveritar

* Ministria e Jashtme

Ilir Meta

* Ministria e Brendshme

Lulzim Basha

* Ministria e Mbrojtjes

Arben Imami

* Ministria e Financës

Ritvan Bode

* Ministria e Ekonomisë, Tregtisë dhe Energjetikës

Dritan Prifti

* Ministria e Drejtësisë

Bujar Nishani

* Ministria e Integrimit

Majlinda Bregu

* Ministria e Punëve Publike, Transportit dhe Telekomunikacionit

Sokol Olldashi

* Ministria e Arsimit dhe e Shkencës

Myqerem Tafaj

* Ministria e Punës, Çështjeve Sociale dhe Shanseve të Barabarta

Spiro Ksera

* Ministria e Shëndetësisë

Petrit Vasili

* Ministria e Bujqësisë, Ushqimit dhe Mbrojtjes së Konsumatorit

Genc Ruli

* Ministria e Turizmit, Kulturës, Rinisë dhe Sporteve

Ferdinand Xhaferri

* Ministria e Mjedisit, Pyjeve dhe Administrimit të Ujërave

Fatmir Mediu

* Ministër shteti

Genc Pollo


Ministrat e ikur

Jemin Gjana

Lufter Xhuveli

Anila Godo

Gazmend Oketa

Fatos Beja

Ardian Turku

Enkelejd Alibeaj

Majlinda Bregu

Viktor Gumi


Kush hyn në qeveri

Arben Imami

Dritan Prifti

Myqerem Tafaj

Petrit Vasili


10/09/2009
Gazeta Standard

[oliinter]

nuk ka ikur nga qeveria majlinda bregu, dhe ne qeveri ka hyre edhe Meta korigjim i vogel

[juanito02]

Ce pyet cfare qeverie !
Nje tufe me prostituta politike qe po i shtohen perdite Partise Demokratike komuniste qe kalojne ylberin politik sa here qe ju jepet nje cope nga torta e pushtetit.
Qeveri qe ka si moral pabesine e mashtrimin, fitimin e paligjshem, vjedhjen e prones, mafjezimin e ekonomise, shkaterrimin e resurseve kombetare, dhe denimin e kombit shqiptar per tu zvarritur pa fund ne rrugen e prosperitetit te tij.
Ja kjo eshte qerrevia e re e shqipove.
Shyqyr o zot qe jemi larg asaj mocalishte, politike, ekonomike, sociale, shteterore qe ka vendi jone sot.

[Guri i Kuq]

Berisha: Motoja e qeverisë, Shqipëria evropiane

Bota sot, Tiranë
Parlamenti shqiptar voton qeverinë. Nën moton ‘Shqipëria evropiane’, kryeministri tha se rruga drejt integrimit në BE nuk është një bulevard i shtruar, por projekti i kësaj qeverie është bazimi në performancën e demokracisë shqiptare dhe ekonomisë së tregut të vendit. Edhe në këtë seancë mungoi opozita socialiste.
-------
Trianë, Kuvendi i Shqipërisë ka votuar qeverinë e re të Shqipërisë me kryeministër Sali Berishën. Ky është mandati i dytë i kryeministrit Sali Berisha dhe i Partisë Demokratike të Shqipërisë. Pas fjalës së shkurtër hyrëse të cilën e mbajti Jozefina Topali, deputetëve ua paraqiti programin qeveritar kryeministri Sali Berisha. Në fillim të fjalës së tij kreu i qeverise ftoi sërish opozitën të rikthehet në Parlament, duke i siguruar asaj se do të ketë rol kryesor reformën zgjedhore dhe reformat e integrimit të vendit. “Le t’i trajtojmë së bashku këtu në Parlament të gjitha rekomandimet e OSBE për të përsosur me tej procesin tonë zgjedhor”, tha ai. Nën moton “Shqipëria evropiane”, kryeministri tha se rruga drejt integrimit në BE nuk është një bulevard i shtruar, por projekti i kësaj qeverie është bazimi në performancën e demokracisë shqiptare dhe ekonomisë së tregut të vendit.

Askush nuk ka imunitet ndaj kërkesave të gjykatës

“Qeveri e vogël dhe efiçentë”, ky është premtimi që ka dhënë Berisha në programin e ri qeveritar, duke shpalosur kështu edhe prioritetet kryesore të kësaj qeverie. “Qeveri e vogël edhe eficentë në dietë, do jetë zvogëlim me 10 për qind për administratën publike dhe të instalojmë e-goverment brenda 2010. Statusi i nëpunësit civil do të konsolidohet dhe zgjerohet, do të krijohet Universiteti i Administratës Publike brenda këtij mandati”, tha Berisha.

Kreu i qeverisë tha se heqja e imunitetit të deputetëve për çdo motiv që i kërkon institucioni i akuzës apo gjykatat e vendit është një qëndrim i pandryshuar për mazhorancën, duke prekur edhe prioritet kryesore për sa i përket drejtësisë. “Heqja e imunitetit për ministra dhe deputetë në çdo rast dhe për çdo motiv që do të kërkojë institucioni i akuzës apo gjykatat e vendit do të jetë i qëndrimit të pandryshuar të mazhorancës sonë. Amendimi i ligjit të ILDKP, krijimi i të gjitha mundësive këtij institucioni, për pasuritë e zyrtarëve është një premtim tjetër i kësaj mazhorance për të rritur luftën kundër korrupsionit”, vijoi kryeministri.

Duke iu referuar reformës institucionale, Berisha foli për respektim dhe konsolidim të ndarjes së kontrollit të pushteteve, përmirësimin e kushteve në sistemin gjyqësor, si dhe përcaktimin e kompetencave mes Ministrisë së Drejtësisë dhe KLD, organizimi i sistemit të akuzës si dhe më kryesorja, lufta kundër korrupsionit. Në kuadër të reformës në drejtësi Berisha tha se do të ketë shqyrtim të të gjitha kodeve dhe procedurave ligjore për të përshtatur ato me standardet evropianë, si dhe reformimi i sistemit të përmbarimit, shtetëror dhe privat, duke kërkuar realizimin e vendimeve të gjykatave duke arritur mesataren e vendeve anëtare të BE.

Liri e pakufizuar për media, nuk do të ketë padi penale për gazetarët!

Lidhur me reformat ekonomike, kryeministri Sali Berisha foli për tregun e lirë dhe rritjen e shpejtë ekonomike, si përcaktuese shumë e qartë e integrimit të Shqipërisë. Reduktimi i barrës fiskale, heqjen e TVSH në arsim dhe shëndetësi, stimulim fiskal për punësimin, modernizimin e tatimeve dhe taksave. Ai foli edhe për riaktivizimin e sistemit të minierave, uljen e borxhit publik deri në 50 për qind. Infrastruktura gjithashtu ishte në fokusin e veçantë të kryeministrit.

Ndërsa reformat sociale ishin fokusuar tek arsimi dhe shëndetësia, që për kryeministrin janë më prioritare. Lufta ndaj varfërisë, do të jetë prioriteti kryesor i qeverisë së re, tha Berisha. “Luftën e pamëshirshme kundër varfërisë, do përsosim më tej sistemin e mbrojtjes sociale, do realizojmë një shpërndarje me të ndershme të të ardhurave. I shpallim luftë varfërisë. Çdo qytetar të ketë ndihmë mbi 2 dollarë dhe pensionet e fshatit të barazohen me të qytetit brenda 3 vitesh”, tha ai. Reforma e shëndetësisë është reforma e të gjitha reformave, vijoi ai, duke u shprehur se do vendoset sistemi me modern shëndetësor në baza të sigurta.

Kryeministri i Shqipërisë Sali Berisha foli edhe për turizmin, minoritetin, rininë dhe median. Duke u ndalur tek minoriteti, kryeministri tha se liritë dhe të drejtat e tyre do të kenë respektin dhe zgjerimin më të madh, duke u ndalur tek integrimi i komunitetit rom dhe egjyptian. Ndërkaq, duke folur për lirinë e mediave në Shqipëri, kryeministri Sali Berisha tha se Shqipëria do të jetë vendi i standardeve unike ku nuk do të ekzistojnë padi penale apo civile për ata që shkruajnë çfarëdo për punonjësit dhe zyrtarët e kësaj administratë.

Meta: Me PD-në na bashkoi qëllimi i integrimit në BE

Pas prezantimit të programit nga kreu i qeverisë, fjalën e ka marrë zëvendësi i tij, Ilir Meta, njëherësh shefi i diplomacisë, i cili theksoi se qëllimi kryesor i qeverisë është integrimi i vendit në BE.

"Ashtu sikurse dihet LSI-në dhe PD-në i ka bashkuar qëllimi i integrimit në Bashkimin Europian, tha Meta në fjalën e tij, duke falënderuar kryeministrin Berisha për mirëkuptimin e treguar dhe për integrimin në programin e qeverisë të pikave kryesore që ka pasur LSI në prioritetet e saj.

Ai garantoi se LSI do përmbushë angazhimet që burojnë nga marrëveshja me PD njëherësh edhe programin që do votohet, pasi kështu kjo forcë jep kontributin e saj për integrimin e vendit.

Më tej ai theksoi si pjesë të rëndësishme të programit, reformimin e shërbimeve sociale, miratimin e ligjit të moshës së tretë. Ai i bëri ftesë socialistëve të jenë pjesë e parlamentit, duke pohuar se vendi i atyre që kërkojnë zgjedhje më të mira është në parlament. "Ftoj që opozita të marrë pjesë dhe të kontribuojë në reformën zgjedhore"- tha ai.

[INFINITY©]

Pse thuhet aty qe Majlinda Bregu eshte nje nder ministrat e ikur kur eshte perseri ne listen e re te ministrave te qeverise "Berisha 2" ne krye te po te njejtes ministri?

[mesuesi_1]

Ca fituan camet qe mbajten kombesine shqiptare nje ZOT e di?!

kane fituar dhe ruajtur ate qe gjithsecili nuk mund te beje pa te : IDENTITETIN

[derjansi]

Arben Imami minister mbrojtje lol, megjithse mori eksperience maje tankut ai ne 97 ne vlore i di mir punt e ushtris



me PD na bashkoi integrimi ne BE thot iliri lol ahahaha

qeveri dyftyrshash

[MI CORAZON]

Fatmir Mediu perseri minister ? Apo eshte Fatmir tjeter?
Si s'kane turp !
Mjere ata qe jetojne ne Shqiperi.
God bless USA !

[INFINITY©]

Fatmir Mediu perseri minister ? Apo eshte Fatmir tjeter?
Si s'kane turp !
Mjere ata qe jetojne ne Shqiperi.
God bless USA !

E degjove qe Gjykata e larte dismissed padine e Gerdecit kunder Mediut se tani eshte me imunitet? O zot ca behet.